Македонски форум за електроника
Други технологии => Електроенергетика => Topic started by: Devil on 23.05.2012, Wednesday, 20:38:05
-
Темава намерно не ја отворив во побарување (иако би можело да се речи дека е еден вид на побарување), поради тоа што сакам да развиеме некоја мала дискусија околу начини на испитување на електрична инсталација по домови и останати објекти.
Причината поради која барам вакво нешто е следна:
Дома кај мене има 2 табли (со осигурувачи и броила) до кој стигаат истите жици од бандера со мрежен напон од 230VAC. Едното броило е монофазно второто е трофазно (иако имам трофазно броило, не ми имаат пуштено трофазна линија од бандера до куќа (п.с. на бандера стига трофазна линија)).
Веќе 5-6 пат ми се случува истиот проблем откако го сменаа броилото со ново дигитално (зборувам за трофазното). Значи проблемот е следен, во одреден период на денот (секогаш различно време) најчесто вечерните часови или утрински часови, делот од куќата што ми е поврзан на трофазното броило нема струја, делот на монофазното има струја. Што поточно се случува, делот што е на трофазното броило има струја значи фаза има и на линијата од фазата и на линијата од нулата, броилото едноставно не работи, нели има дисплеј на кој што покажува некоја вредност нешто ..., тоа е мртво, лед диодата која служи за индикација и таа е мртва.
Дојде човек од ЕВН кој ме убедуваше дека проблемот можно е да бил од комши негде или од каде било (од други луѓе што се на иста линија поврзани (на таа од бандера)), ама ако е таков проблемот истото би требало да се случува и со монофазното броило, теоретски. Но тоа не се случува (за жал), едноставно трофазното броило не работи пола куќа „нема“ струја, кога мерам со фазомер ми покажува дека има струја и на фаза и на нула, кога мерам со мултиметар помеѓу фаза и нула ми дава 0V што значи дека тие се на исти потенцијал. Осигурувачите се сите исправни и нови (не се крпени) повеќето се автоматски, ги проверив да не се загреани или слично, сите се камен ладни. Ја отворив таблата ги прегледав жиците, треба да напоменам дека овие од ЕВН се пола неписмени пошто ми ги имаа исклучено главните осигурувачи, односно ми ги поврзаа напразно, ги престегнав сите жици и слично..
Тоа техничарот на ЕВН се чудеше 10-15 мин. и заклучи дека таков проблем нема видено, рече доколку се појави пак проблемот да ги контактираме пак. Не помина ни една недела истиот проблем пак, пак пола куќа „без“ струја..
После тешки обиди да стапам во контакт со ЕВН (линиите им се зафатени нонстоп) техничарот ме убедуваше да си ја проверам инсталацијата, ако не е проблем кај мене да поднесам барање за промена на дефектно броило.
Ама пошто броилово де работи де не, како за малер кога ќе дојде тоа техничарот секогаш работи без проблем. Инаку проблемот кој го имам прилично долго трае, односно кога ќе исклучи така прилично долго стое исклучен, повеќе од пола сат, последниот пат скоро цела ноќ не се вклучи повторно.
Ми текна дека струјата која се појавува во нулата би можело да е и некој индуциран напон во кабелот, е ама незнам како наједноставно да го измерам ?
Исто помислив дека би можело да е напон кој се „враќа“ назад од некој неисправен уред, но доколку би било тоа случајот некој од осигурувачите би се исклучил, или пак уредот би изгорел во најлош случај.
Како би можел да проверам до што би можело да е проблемот, дали некој знае како работаат сатовите (броилата) на кој принцип, дали има во градбата на броилото некој прекинувачки елемент што би можел да го предизвикува проблемот или што е финтата, пошто до броилото стига и фаза и нула, од тука зема и другото броило, а после трифазното броило имам само фаза на линијата од фазата и нешто налик на фаза или што и да е на линијата од нулата.
Јас за секој случај ќе ги прегледам повторно осигурувачите пошто ги имам и за фаза и за нула (така на времето поставувале..).
Ако има некој некаква идеа, како би можел да испитам што е проблем со нулата кога ќе се случи ова повторно нека каже.
-
Но тоа не се случува (за жал), едноставно трофазното броило не работи пола куќа „нема“ струја, кога мерам со фазомер ми покажува дека има струја и на фаза и на нула, кога мерам со мултиметар помеѓу фаза и нула ми дава 0V што значи дека тие се на исти потенцијал.
Мене ова ми личи на дигитален проблем со броилото (нели, новиве броила се дигитални). Поради X причини, броилото место да префрли на жиците една фаза и една нула, префрлува две фази, потенцијалот е ист, така да, не може да се затвори колото :S. За да бидеш сигурен дека префрлува две фази на жиците, место некоја од фазите и нула, пробај со сијалица врзана на една од жиците на локацијата во која нема струја, и една жица пушти со нула од локацијата во која има. Ако сијалицата свети и е приклучена на било која од двете буксни од локацијата во која нема струја (едниот крај на сијалицата, другиот крај и е приклучен на нулата од локацијата во која има струја), значи ова е точно. Поради X причини, имаш на двете буксни иста (или различна, треба додатно да се испита ова со осцилоскоп, дали има доцнење меѓу фазите, ако нема, иста фаза е, ако има, различна фаза е) фаза. Исто така не е лошо да го измериш напонот кој го има меѓу фазата на локацијата во која нема струја и нулата во локацијата во која има струја. Би требало да биде исто околу 230V, бидејќи нулата е заедничка (струјата се носи до потрошувачите преку 3 жици, па потоа со делта-ѕвезда трансформатор се прават три фази и една нула).
После тешки обиди да стапам во контакт со ЕВН (линиите им се зафатени нонстоп) техничарот ме убедуваше да си ја проверам инсталацијата, ако не е проблем кај мене да поднесам барање за промена на дефектно броило.
Кога ќе ги вршиш мерењата, најдобро е да ги вршиш директно по броилото. Најдобар доказ е тоа и за нив и за тебе дека не е проблемот до инсталацијата, туку до броилото.
Јас навистина не знам како се преспоени жиците кај новиве броила, дали се тоа оди преку релиња или на некаков друг начин, не знам :S. Но според описов, дефинитивно мислам дека броилото е проблем. Не е можно убаво да си преспојува броилото (една жица фаза, една нула) во еден момент, а во друг момент да преспои две фази на две различни жици. Мене мова ми личи на дигитален дефект, особено ако не се јавува трепкање и сијалици или нешто слично (како да има лош контакт некаде или да се преспојува некој контакт). Ако наеднаш префрлува од една во друга состојба, па повторно наеднаш враќа, дефинитивно проблемот е дигитален.
ПС: Сега ми текна, можно е да јавува две фази на двете жици ако имаш врзано обични сијалици (со жаречко влакно) на фасонките. Сијалиците со жаречко влакно имаат прилично мала отпорност, па ако фали само нулата, фазата ќе си ја проведат без пад на напон до другата жица (нели, нема нула, нема кој да го затвори колото, нема потрошувачка на струја, па жаречкото влакно, кое во овој случај е само отпорник од неколку оми, едноставно како да не постои во колото, пад на напон нема на него, а и да има, неговата отпорност е мала, така да, може да се случи и воопшто да не се забележи). Извади ги сите сијалици во тие локации во кои нема струја и провери дали и во тој случај на двете жици има иста фаза ;). Ова што го пишав, веќе ми прави повеќе логика ;) ;D. Во секој случај, најверојатно проблемот е во броилото (не ја префрлува нулата), но треба да се установи дали префрлува две фази (некако помалку ми прави логика ова) или префрлува една фаза, а сијалиците си ја преспојуваат таа фаза до нултата (ова некако повеќе логика ми прави ;)).
Јас за секој случај ќе ги прегледам повторно осигурувачите пошто ги имам и за фаза и за нула (така на времето поставувале..).
Хммммм... ова ме наведува да мислам дека ситуацијата и не е баш таква каква што ја опишав. Можно е проблемот и да не е до броилото. Провери го осигурувачот за нулата и провери дали нулата е преспоена пред и по него. Тестот не го прави само со обичен мултиметар (beep-ер подрачје) бидејќи можно е да јави дека има врска (се е ОК), ама во таа ситуација не тече струја, кога ќе треба да протече струја, поради лош контакт (или некоја трета непозната причина, барем за мене ;D) да преспои на кратко, па потоа пак да изгуби контакт, или воопшто да не преспои. Најдобро, направи го тестот со сијалица, пред и по осигурувачот. Притоа, врзи ја фазата од сијалицата со фазите кои припаѓаат на делот од куќата во кој нема струја.
Post-ов, излезе малку кајмакар ;D, ама мислам дека ќе ме сватиш ;). Така излезе бидејќи консеквентно, како што читав, пишував, а не да го прочитам цел post, па да пишам ;D. Ако не ти е нешто јасно, пиши, ќе ти дообјаснам (ако знам ;D ;)).
-
тоа со сијалиците интересно звучи, наредниот пат ќе пробам да ги извадам сијалиците, да исклучам се од струја ( ќе ги извадам осигурачите ако е потребно) па ќе мерам што како
не е еден осигурувач за нулата, под еднакво има и за фазите и за нулите, на фазите само плус некој има, 3 главни од каде што се дели струјата за 3 дела во куќата, од трите главни оди на други (мислам дека беа по 6) автоматски од каде што секој дел од делот (:D) од куќата си има посебен осигурувач
ај ќе видам што како, вие сепак давајте пак предлози што би можел да правам и како да мерам :)
-
Проблемот ти е во грешно поврзување на твојто трифазно броило на еднофазна мрежа и грешка на врските меѓу броилото и твојта трифазна мрежа,потребно твојте три проводника за трифазна мрежа да бидат споени сите заедно(поради што немаш трифазна мрежа,кога кје приклучиш ќе ги разделиш)а неутралниот проводник(нулата)да си биде споена како што треба,а това што има напон на нулата може да биде од нееднакво оптеретени фази на самиот трансформатор(доаѓа до изместуванје на звездиштето на трансформаторот и појава на некои мал напон во нулата) или па поради индукција од фазниот проводник.
-
не е еден осигурувач за нулата, под еднакво има и за фазите и за нулите, на фазите само плус некој има, 3 главни од каде што се дели струјата за 3 дела во куќата, од трите главни оди на други (мислам дека беа по 6) автоматски од каде што секој дел од делот (:D) од куќата си има посебен осигурувач
Тоа се трите главни осигрувачи, сосем нормално е тоа за трофазна инсталација. За монофазна, има само еден, па потоа има осигурувачи за осветлување, шуко, бојлер, фрижидер, рерна, итн. (зависи како е изведена инсталацијата, некогаш има само еден, за една фаза, или евентуално поделена е на две виртуелни фази, всушност, една фаза е само премостена да оди кон два осигурувачи). Ти всушност имаш врзано за една нула (заедничка е за сите три фази), три осигурувачи, по еден за секоја од фазите, ама нема потреба од толку осигурувачи ;). Доволно е да има само на фазите ;). Нултата и онака е неутрална ;). Напон во однос на земја има многу мал или воопшто нема ;). Нема потреба од толку осигурувачи ;).
-
Проблемот ти е во грешно поврзување на твојто трифазно броило на еднофазна мрежа и грешка на врските меѓу броилото и твојта трифазна мрежа,потребно твојте три проводника за трифазна мрежа да бидат споени сите заедно(поради што немаш трифазна мрежа,кога кје приклучиш ќе ги разделиш)а неутралниот проводник(нулата)да си биде споена како што треба,а това што има напон на нулата може да биде од нееднакво оптеретени фази на самиот трансформатор(доаѓа до изместуванје на звездиштето на трансформаторот и појава на некои мал напон во нулата) или па поради индукција од фазниот проводник.
проводниците си се сите заедно споени, и само на 1 штек во куќата имам тифазна донесена низ другиот дел од куќата е монофазна така да нема што, ако е штекот проблем лесно можам да го исклучам пошто и онака не се користи.
Незнам како е поврзано броилото пошто техничката служба на ЕВН си го поставуваа, и претходно имаше трифазно броило кое беше исто поврзано (од старите механичките) и со него немав никаков проблем, новово броило работи негде 3 години, а проблемот започна сега пред 2-3 недели..
Ама види, покрај трифазното броило има монофазно, се што е на монофазното броило приклучено си работи нормално, нема никаков проблем, единствено се од трофазното не сака да работи
Незнам за осигурувачите, кога ја правеја инсталацијата, тогашните техничари на ЕВН (поранешна дистрибуција) ја поставуваа таблата и се околу инсталацијата, имам заприметено низ други куќи кај што сум работел дека на некои места уземјувањето им го имаат нуловано, ама колку што знам јас тоа е забрането да се прави :D
-
Na instalacijata fali O . Neznam od koi pricini ja nema . Probaj da zemis faza od 3faznoto broilo , a O od monofaznoto ( za da izmeris ) . Sigurno ke imas 220 V.
POZ
-
па најверојатно и така ќе мерам, GigaWatt погоре тоа го спомна, сепак фала за помошта
п.с. пишувај кирилица
-
Не ни забележав дека сум латиница :-X
-
Провери одма после трифазното броило дали имаш напон 220V,ако немаш пеоблемот е до техничарите од EVN(на мени они ми се доста сомнителни ;) ) ако има проблемот е, до твојта инсталација(ќе провериш дали са добро стегнати контактите од главните осигурувачи и дали е чиста контактната површина и дали патроните од осигурувачите остваруваат контакт меѓу лежиштата и капакот од осигурувачот).
-
после броилото има 220V, ама нема нула, или како што спомна Giga преку некој потрошувач ми враќа фаза на нулата или пак броилото ми праќа фаза на нулата, броилото во тој момент воопшто не работи.
нели тие имаат батерија за кога ќе снема струја да чува податоци, ова изгледа како мртво да е :S
-
во твојов случај немаш нула пробај да мериш со фаза од трофазното броило и заземлувањето така треба да ти даде 230v ако ти е добро заземјувањето на работа го имавме случајот и се утепавме од барање на крај испадна дека е слаба нулата
-
а од што би можело да биде тоа проблем, ете да претпоставиме дека најдовме дека нулата не чини, што би можело да доведе до таков случај, пошто исклучувањето е она секундарно нема треперење или слично него одма вклучува и одма исклучува како да сум го исклучил од прекинувач или да ми паднал автоматски осигурувач, а тоа не е случај :S
имам супер заземјување не може да е тоа проблем, пола двор ми е со лама поставен, плус прилично влажно е кај мене (природна влага) никогаш не е суво местото, длабоко поставено (мислам дека беше, не сум сигурен, на 1.5м ~2м длабочина )
-
а од што би можело да биде тоа проблем, ете да претпоставиме дека најдовме дека нулата не чини, што би можело да доведе до таков случај, пошто исклучувањето е она секундарно нема треперење или слично него одма вклучува и одма исклучува како да сум го исклучил од прекинувач или да ми паднал автоматски осигурувач, а тоа не е случај :S
Како што пишав, можно е да не префрлува нула броилото. Ова можеш да го испиташ ако земеш фаза од исправното броило (она кое убаво си префрлува фаза и нула, нели спомна дека имаш две ;D, иако не ми е јасно зошто две броила ти ставиле, и тоа на монофазна инсталација, ама ајде ;D) и земеш нула веднаш по неисправното броило. Ако не сака са свети сијалица врзана на оваа фаза и оваа нула, дефинитивно имаш проблем со броилото, бидејќи со нулата од другото броило, фазата нема проблем, а нулите се сите заедно врзани, така да, нема што друго да е ;). Притоа, направи како што ти кажав, исклучи ги сите уреди кои се поврзани на штекер или фасонка од инсталацијата на броилото што зеза, за да се осигураш дека дефинитивно проблемот е поврзан со нулата, а не со фазите или нешто трето ;).
-
а да не се откачуван нулата од кај саатот случајно, па при потрес некој пак да се прави контакт за да имаш струја...дека чим цел дел што ти е поставен на тоа броило нема струја треба при почеток негде да се губи нулата...
-
ги прегледав сите споеви ги престегнав проверив да не има лабав спој негде, нема ништо такво
-
Епа изгледа останува уште броилото :S. Пробај така како што ти пишав во претходниот post. Ако нема нула (не свети сијалицата), земи нула од пред броилото и пробај така. Ако така свети сијалицата, дефинитивно проблемот е во броилото ;).
-
ај кога ке снема струја онака шлапни го броилото убаво...тоа додека е поврзувано да не има направено некој лош спој :)
-
абе го изнашлапав броилото каков ќотек изеде, ама не било до него проблемот, проблемот беше на спојот кај што се дели нулата од таа што иде на бандера према двете други броила, на тој спојот имаше толку изолир што ако не би ставеле толку немаше никогаш да проверам, едната нула што иде према монофазното броило беше убаво навиткано, со убав контакт, а оваа нулата према трофазната беше само подзакачена како за на мајтап, ама па со изолирот малку пододелено од главната нула и немаше добар спој, сепак фала, интересни нешта научив за испитување на инсталации :)
-
Ајде, битно среди работа ;). И пробај ако можеш да ги залемиш сите нули заедно ;). Најдобар контакт би требало да има така ;). Или со некои дебели лустер клеми прбај, и така може ;). (Ова за лемењево не сум сигурен, барем на инсталации мислам дека не се практикува, а зошто, не знам, можеби поради практичност, за побрзо врзување и одврзување на жиците ако треба, така да, не ме земај за збор дека е лемење добар избор во вакви ситуации ;D, подобро да пише некој кој навистина има местено инсталации ;).)
-
До сега немам видено лемење во инсталации, ова ќе е нешто ново :),
добро не беше објаснето дека поврзувањето е “фарбалак“ позади фибер од мерниот орман, затоа се практикува посебна приклучна кутија со главни ножести осигурачи од каде ќе се поврзат броилата, а воедно и за контрола на спојот, во таа ПК на штраф ќе се стегне нулата доводна со излазните кон броило и тоа така маски стегнато и обавезно со еластична шајбнада се стегне, за спојот да остане стегнат, бидејќи со годините бакарот од потрошувачката загрева и омекнува па по 10-20 години спојот олабавува и ако има зголемување на потрошувачката од температурата ќе оксидира контактот и ете ти проблеми, и ако има калај тој одамна ќе беше стопен.
Со овакви симптоми може да биде и ако е нултиот спроводник оксидиран на бандера и како има ветер да прави проблем, ќе си пријавиш дефект на ЕВН и ќе си проверат на столбот каква е врската, за во иднина да си сигурен.
Во секој случај секој спој треба да е на видно (обезбедено - заклучено) и сигурно место за да се прават контроли на врските ;)
-
од евн ми рекоа дека нема да пратат техничка служба, требало сам да сум проверел кај мене инсталацијата, ако имало пак проблем да сме оделе лично и да поднесиме писмено барање ?!
-
од евн ми рекоа дека нема да пратат техничка служба, требало сам да сум проверел кај мене инсталацијата, ако имало пак проблем да сме оделе лично и да поднесиме писмено барање ?!
сакаат да кажат прво да се осигураш каде е дефектот: после мерниот уред или пред него, после него или внатрешна инсталација е твој проблем приватен, а пред мерењето е проблем на дистрибутерот
разграничи каде е проблемот па така и дејствувај.
ако е стар спроводникот од столб до штендер или е кабловски во земја најдобро е да се обнови и да си спокоен, како за уредите во куќата така и за нечиј живот, спремај некое иљадарче ;D
-
... и ако има калај тој одамна ќе беше стопен.
Епа затоа пишав дека не сум сигурен дали калај ќе биде добра идеја ;).
Битно е среден проблемот, без разлика дали од ЕВН дошле или не. А инаку, и јас не се потпирам многу на службите во Македонија. Писмено барање, па дур дојдат, дур видат, јас без струја ќе останам денови. Овде, само ако на ТВ излезеш со твојот проблем, само така ќе проработи системот... за жал ::).
-
Верувајте му на Диди,во елемент е , тој работи во ЕВН и мора да си ги брани боите,ама - се што кажа е во ред.( јади само помалку сончоглед! ;D)