Звучници на Bold Audio

[batka]

Нека ти е со среќа  ,ама мој совет е да набавите своја опрема,па да ја работите кутијата од почеток до крај иначе работната рака нема да биде евтина и во Мк.

[Devil]

Мислам дека нема да е наодмет да поставиш некоја слика од изработката, не мора да откриваш тајни на компанијата него онака како изгледаат кога се изработуваат и финалната верзија како изгледа

исто добро би било доколку во некоја друга тема поставиш и од некој застарени модели кој не ги користите веќе (не ги произведувате) нацрти доколку има такви па некој член можеби ке ги изработи

[Maki]

Користиме Praxis и Leap5 као водечки. Плус некои други за брзи мерења како ТруеРТА и Арта.
Мерните микрофони се Earthworks и Audix дополнително калибрирани од страна на производителите.
 
Еве во прилог еден графикон од нашиот последен модел BA215T

Фала за информациите,тоа све е топ опрема.

Графиконот е одличен,ова може да биде хи-фи!Која резна фрекфенција е скретницата?Од графиконот ми личи негде 1200Hz измеѓу горниот бас и високотонецот и 200Hz на долниот бас.У право сум?
Која е цената на европскиот пазар за моделите BA112, BA118, BA12 и BA15?

[Marjan Milosevic]

Да одговорам во еден пост на неколкуте прашања.

Батка, цнц машина е нашата следна инвестиција. Веројатно во првата половина на следната година.

Девил, стари модели нема. Работиме од Ноември 2010та. А слики од кутиите во разни фази на градба има на нашата Фејзбук страна. Страната е јавна и немора да имаш Фејзбук профил за да ги видиш сликите.

Маки, кутијата е 2 системска и резната фреквенција е 1400 херци.
Цените.

BA112F - 922 EUR
BA118 - 1550 EUR
BA12 - 1400 EUR
BA15 - 1610 EUR
Споено мислење: 20.10.2012, Saturday, 23:55:06Неколку слики за оние сто ги мрзи да одат на Фејзбук.

[batka]

Вака гледано си покушал да го ископираш или бар имитираш JBL,потоа RCF ( она со четвртаст канал од страна) . Не гледам некоја посебна конструкција која би била за мене естетски и звучно интересна. И цените се * солени* и за пазарот во USA i Canada,а за кај нас да не зборуваме. Со среќа нека ви е во пробојот на пазарот,ама веке големите * батки* полека се префрлаат на пластика.Јас очекував да видам некаоја line array конструкција,ама одите на класика повеке.Мислам дека големите брендови отидоа далеку кога се  line array конструкциите во прашање и ако сакате пробој на тој пазар тргнете од таа солуција.
Не знам за вашата рачуница( а не ме ни засега) ,ама мој совет е да се усмерите кон технологија на импрегнација,укрутување и пластифицирање на медијапанот.Технологијата на производство на медијапан не е страшно тешка и скапа,а слушам дека во Грција се продаваат неколку постројки и мали погони за негово производство и производство на шпер плоча.Изнајдете начин како да ги искористите ресурсите од Македонија и околината,а не само евтината работна рака.Еден нашинец има идеа да се прават кутии од мермер (прилепски) ,и да се монтираат директно во куќата на купувачот ( секако не во Македонија ).Идејата не му е баш лоша ,ама се повлече кога слушна дека газдите на Прилепскиот мермерен комбинат се Грци )

[Maki]

Маки, кутијата е 2 системска и резната фреквенција е 1400 херци.

Бев близу. 
Интересно,значи двата баса се у паралела и идат на исти филтер за бас до 1400Hz? Онда публиката треба да биде доволно далеку од кутијата (поради два блиски извора у ист фрекфенциски опсег),што у ствари и не е проблем пошто тоа е нормална ситуација на концерт.

Вака гледано си покушал да го ископираш или бар имитираш JBL,потоа RCF ( она со четвртаст канал од страна) .

Аман бе batka,а некој направи кутија,ти одма гледаш у тоа копирање.Како не сфаќаш дека конструирање звучни кутии се учи од книги,од истите книги учеле и JBL и RCF. И јас 
Бас рефлекс каналот или е круг или е четвртаст,или е доле или е од страна, нема тука многу варијации.RCF не го измислиле четвртастиот канал поставен од страна.

[Marjan Milosevic]

Како сто кажав и предходно, нема што повеќе да се измисли кога е во прашање бас рефлекс кутија. 90% кутии на лик изгледаат многу слично. Разликата е во квалитетот на компоненти и како тоа ќе успееш да го склопиш како целина. Резултатот на крај зависи од многу работи.
Незнам на који големи батки мислиш при префрлањето на пластика ама јас не гледам дека тоа се случува. Ако мислиш на RCF ART серија и слични производи од тој тип тогаш правиш сосема погрешна споредба. Ние се споредуваме со на пример Nexo PS кога се во прашане кутии од типот 12+хорна и 15+хорна. А за басовите незнам што да ти кажам бидејќи реално немаме конкуренција.
Тебе цениве ти изгледаат големи но ти ги споредуваш со производи кои се далеку пониска класа.
На пример BA218 го надминува по перформанси Meyer HP700. Ако земеш во предвид дека HP700 чини околу 8 000 долари тогаш цената на BA218 од 2600 ЕУР е ефтина.
До крајот на годинава ќе исфрлиме и два Line Array производи. Се надевам дека имаш барем приближно идеја колку е тешко да се направи таква конструкција. Поготово што над 50% од веќе постоечките лајн арај системи всушност и не се вистински лине арај системи туку vertical point source. Но маркетинг одделите ја користат фората да секоја кутија која е приспособена за вертикално бесење си ја наречат лајн арај.

За правењето кутии од мермер идејата е супер и веќе се прават такви кутии и  се продаваат за енормни суми. И не гледам каква врска има тоа дали сопствениците на комбинатот од Прилеп се Грци, Марсовци или Клингонци.

За звучната слика на нашите кутии и дали е добра или не е треба да се слушне. јас не можам тоа вака да го објаснам. Плус вкусовите се различни и не не секој му се допаѓа секој тип на звук.

Еве ти уште некоја слика па кажи дали и ова можеби сум го ископирал како и се останато.










Споено мислење: 21.10.2012, Sunday, 01:56:55Маки, блиску си да, меѓутоа басовите секој си има свој филтер. Скретницата има два филтра за до 1400 и еден од 1400 нагоре.
Ние сме единствената фирма на светот што има пасивна кутија со волкава сила од 2100W RMS. Токму поради тоа скретницата мора да е така поделена за да се подели силата на два дела.



Што се однесува до бас рефлекс каналот. Има причина зошто е четвртаст и зошто е токму таму и тоа не е заради тоа што РЦФ или незнам кој така го ставил па ај и ние.
Портот во овој случај е таму и со таков облик за кога ја користиш кутијата како монитор, рефлексот е блиску до подот. Со ова се добива дополнителна екстензија во ниските тонови.

[ShAdOw]

Одлична изработка Marjan Milosevic , само напред .

[Zdravkovski]

Да се сложувам дека изгледаат добро иако јас од звучни кутии ништо не се разбирам, ја следев целата дискусија од почеток и сега кога видов како изгледаат се вклучувам и само подршка и пофални зборови можам да дадам и уште нешто што од искуство го знам за секоја роба има муштерија без разлика на цената. 

[triology]

Добри кондензатори )))) Предобар бренд.

[izotop]

Топ работа .
Само напред

[Marjan Milosevic]

Се надевам дека сега полека ви станува јасно дека ова што го правиме не е споредливо со другите.
Сите компоненти се HI-END и ако станува збор за ПА кутии.
Ние не сме ниту РЦФ ниту ЈБЛ и не произведуваме милион кутии. Нити се стремиме кон тоа.
Тежнееме кон перфекција не кон масовно производство.

[GigaWatt]

Е ваква дискусија сакам да видам .

[GigaWatt]

Бев во работилницата (погонот) на Bold Audio. Тоа што го чув... приказна е сама за себе . А околу слики од самата работилница, еве . Нема премногу слики, искрено, од тестирање и пробување заборавив да сликам . Освен тоа, сликите се малку матни (ептен малку) поради лошо подесување на фото апаратот (требаше да проверам пред да сликам, ама... заборавив :S). Не се премногу матни, не е ништо страшно, тоа што треба да се види, се гледа, ама сепак, можеа да бидат и појасни .

Како и да е, ако некогаш имате шанса да ги чуете кутиите, топло ви препорачувам да го направите тоа . Особен впечаток ми оставија бас кутиите и малечките бас-високотонски кутии (поставени се лево и десно од едни поголеми кутии, ќе ги видите на сликите) кои имаат навистина одличен среднотонски спектар (што ретко може да се начека, особено од PA кутија), вокал се слуша одлично, исто како да имате пар одлични кутии за домашно слушање . Околу бас кутиите... многу се моќни за толкава големина и имаат одлична осетловост. Реално, доволен е само еден пар од прикажаните за одлично озвучување на било кој помал настан на отворено (до кај 150, 200 луѓе ). Освен тоа, ретко кои кутии може да се пофалат дека одлично репродуцираат dub и dub-step, а овие кутии без проблем се справија и со двата стила. Околу интермодулациските изобличувања, скоро и да ги нема (јас барем, не осетив), звукот е чист и при мали и при големи моќности.

Еве ги сликите, кој сака да ги симне .

Code: [Select]

https://www.asuswebstorage.com/navigate/s/C5CF1D0F1E93413295A3C0D8D2B504E4W
А еве ги и upload-ирани на image host .

[ShAdOw]

Одлично изгледаат, голем мераклија сум на аудио техниката, прва прилика и одам да ги слушнам како звучат .