Samsung CK20P30BT S15A хоризонтално раширена слика после замена на екран

[Toma]

Samsung CK20P30BT S15A хоризонтално раширена слика после замена на екран.

Како што кажува насловот после замена со сличен екран сликата што ја добив хоризонтално е раширена околу 3-4 cm и од двете страни. Во дилема сум како да ја стеснам сликата до нормална. Имам две можности со калем (идуктивитет) и со кондензатор.
Значи дилемата е: Кое решение би било подобро?

[GigaWatt]

А да пробаш преку сервисното мени да ја стесниш .

[SaleSk]

Викаш сличен екран...Тоа е основниот проблем...Не одговара отклонскиот систем...
Прво би ти предложил да го замениш само екранот, а отклонскиот систем да го оставиш од стариот (нормално доколку тоа е изводливо, а мислам дека е).
Ако не успееш со тоа, ондак како што рече гига преку сервисно мени (мада мислам дека нема таква опција за собирање на сликата), односно со замена на блок кондензаторот за ширина на сликата...Ако е вкупно 4 сантиметри, по два од двете страни,  можно е да добиеш добра слика само со замена на вредноста...Ако е по 4 цм од двете страни, како што разбрав од кажаното,не сум сигурен дали ке успееш но вреди да пробаш.

[Toma]

Да кога напишав сличен мислев на механички сличен кој што “легна“ како да е станал од тоа место. По вертикала нема никаков проблем само што отпорот на хоризонталната намотка во однос на оригиналниот е различен и вероватно тоа е проблемот. сум прочитал некаде дека при таква ситуација се додава калем (идуктивитет) во серија со намотката (калемот) од отклонската единица. Исто така имам среќавано дека со поставување на  кондензатор со поголем капацитет во серија со со отклонската единица исто се постигнуваат резултати.
Ми се чини дека подобро решение би било со калем (идуктивитет) !

[SaleSk]

Ама може да имаш деформитети на сликата...
Пробај стави ја оригиналната отклонска намотка...
Или блокот на плочата...

[Toma]

Ја ставив старата отклонска, сликата дојде во нормала ама никако да се дотера конвергецијата. На шаховско поле не се поклопуваат боите во една. Пробав напред - назад, исто пробав и со “магнетите“ ама никако да се добие слика добра за гледање. Ќе ја вратам старата отклонска, ќе експериментирам со кодензатори ама до која вредност можам да одам, постоечкиот е 470nF !

[tanebosev]

Извади ги магнетите па пробај.

[Toma]

Не пробав со комплет извадени магнети од причина што веќе е вратена старата отклонска.

Експерементирав со кондензатори меѓутоа пак не добив задоволителни резултати во однос на ширината на сликата, од око гледано фалат до 1 cm а и некои букви од логото на ТВ станиците не се читат . Исто така и транзисторот во високиот напон се загреваше отповеќе.  Да завршам некои по итни апарати, ќе се навратам на проби со калеми(идуктивитети).

[tanebosev]

Стави некоја променлива завојница во серија и пробај.

[Toma]

Благодарам Тане !
Искористен е калемот L 702 од шасија B40 на Ei Ниш, врзан  во серија на отклонската единица. Сликата може да се коригира дури и до “стеснување“. Сите други недостатоци исчезнаа како и греењето на  транзисторот во високиот напон, кој беше во границите на нормалата.

[GigaWatt]

Ајде, со среќа да го користи муштеријата новиот екран .

[Toma]

Верувам дека ќе биде задоволен зашто сликата е одлична и со сите максимални параметри екранот се држи како нов иако истиот е од стар ТВ околу петнаесетина години!