Дизајн на 5.1 Засилувач со TDA2030 Чекор по Чекор

[nCounTr]

Внимание: Овој проект е во почетна фаза и ќе се гради подолго време поради ограниченост на финансиските средства на авторот и се надевам дека ќе биде завршен во рок помал од една година, но не е исклучена можноста да биде и повеќе од една година.


Значи вака имам 5.1 засилувач кој покренува 5x10+1x40W Звучници.
Инаку тој засилувач почна да ми прави големи проблеми со активната свртница со тоа што откажаа неколку компоненти и при обид за нивна промена се расипа плочката.
Така ми дојде идеа да направам комплетен редизајн на целиот засилувач со додавање на нови работи кои се опишани во закачениот фајл со детали околу шемата, плочката, напојувањето и деловите.

Инаку би го замолил Борче да го провери целиот фајл и да ми каже какви промени би можел да направам и дали како што е ќе работи добро.


П.С. Имам намера чекор по чекор да поставувам апдејти за текот на изработката на целиот засилувач.

[BorceBT]

Извини не користам Office 2007 (нема ни да користам и не сакам ни конвертори) ако може да го снимиш во 2003 формат па да го видам.

[nCounTr]

Извини не користам Office 2007 (нема ни да користам и не сакам ни конвертори) ако може да го снимиш во 2003 формат па да го видам.

Фајлот е поставен во 2003 формат.

[BorceBT]

Значи во Ексел фајлот ги има шемите, плочките и потребните елементи за овие засилувачи, ок се меѓутоа мислам дека најпаметно наместо повеќе трансформатори (за секој засилувач по еден) поевтино и попаметно е да ставиш 1 појак (200VA и повеќе) трансформатор да ги напојува сите засилувачи.

[nCounTr]

Значи во Ексел фајлот ги има шемите, плочките и потребните елементи за овие засилувачи, ок се меѓутоа мислам дека најпаметно наместо повеќе трансформатори (за секој засилувач по еден) поевтино и попаметно е да ставиш 1 појак (200VA и повеќе) трансформатор да ги напојува сите засилувачи.

Првично ми беше да поставам 300VA трансформатор, но го оставив како опција.
Моментално во фајлот се поставени 3 трансформатори еден за басот и центарот, еден за предните и еден за задните засилувачи.
Но вчера размислив дека добро ќе биде да поставам еден од 300VA за засилувачите и еден за останатите системи од целиот проект, а тоа се филтрите и конролерот.
Значи стариот трансформатор има некаде околу 80VA и тој ке биде искористен за системот за контрола, системот за филтрирање на сигналите и HMD ( Hafler Matrix Decoder).

Инаку имам уште едно прашање, не бев сигурен дали се исправни шемите со плочките затоа сакав некој што знае повеќе од мене да ги провери, така би те замолил ако можеш да ги провериш.

[BorceBT]

Направи ги ако евентуално нешто не работи (или недај боже изгори) после ќе разгледуваме, проблемот може да биде згрешен вод и слично и лесно ќе се реши.

[nCounTr]

Еве и блок дијаграм на целиот засилувач со сите негови компоненти на кој се прикажани предзасилувачот со селективен влез, за стерео влез имам идеа да поставам hafler matrix decoder, потоа следи контрола на гласот за секој канал посебно и баланс на предните и задните звучници, од каде сигналот влегува во филтрите и на крај во засилувачите.
Овој концепт е добар да се изработи бидејки ако пр после 2-3 години ни дојде идеа да ја зголемиме моќноста на засилувачот тоа можеме да го сториме само со промена на засилувачите и со некоја мала модификација (ако е потребно) на другите нивои од целиот засилувач.

Ажурирање 16.12.2009: Направени се мали измени во блок дијаграмот имено можно е да следуваат уште измени бидејќи сеуште се изработуваат одделните секции од дијаграмот. Досега е завршено планирањето на засилувачите и од наредната недела почнува да се гради, додека другите делови се во план фаза како што се влезовите, хафлер матрикс декодерот, контролата на глас и контролерот.

[nCounTr]

Ажурирање 02.03.2010:

Значи вака моментално се изработени шемите и плочките за следниве делови од засилувач со вграден предзасилувач и линиски незасилен излез за надворешен засилувач.

- Променет блок дијаграм на засилувачот со многу подобрувања
- Плочките и шемите за засилувачите за сите 6 канали (5.1)
- Плочката и шемата за Hafler Matrix Decoder кој прави стерео сигналот да биде распределен кон сите звучници (канали).
- Плочката и шемата за свртницата која ги пропушта високите од 310Hz нагоре и за SubWoofer-от од 310Hz надолу
- Плочката и шемата за JDM Програмерот кој ќе се користи за ICSP преку сериски порт на компјутер, за да не се вади микроконтролерот од засилувачот откога ќе биде целосно изработен.

Понатаму остануваат да се изработат следниве компоненти:

- USB програмер
- Главниот контролер на уредот
- Контролерот за глас
- Селекторите за влезови
- Селекторите за излези


П.С. Во закачениот фајл се последните измени на уредот во кој се вклучени и пресмети за колку би требало да чини изработката за секој од секторите (делови) од уредот кој се дадени според цените во Loging Electronics во Скопје и Comet од бугарија - очигледна е разликата во цени која е дупло поскапо овде кај нас. Имено во цените не се вклучени тородиалниот трансформатор (200VA 2x12v) кој во логинг е 2445 денари.

[Devil]

Предлог за JDM програматорот да го прајш тој од борче бидејќи е испитан и многупати правен и сигурно работи, а овај кој ти го насочи не е баш толку бистар

[nCounTr]

Предлог за JDM програматорот да го прајш тој од борче бидејќи е испитан и многупати правен и сигурно работи, а овај кој ти го насочи не е баш толку бистар

Истиот програматор е како и тој од борче само што се користат други транзистори, инаку го имам направено со други транзистори кој се замена за оние од шемата, инаку во петок ќе проверам дали работи и ќе пишам за тоа какво подесување треба за програмирање на PIC18F4550 микроконтролер кој имам намера да го искористам за овој проект. Замената на транзисторите кои се на шемата се BC337 со кој е изработен мојот прототип за JDM Програматор, а одкога ќе биде испрограмиран микроконтролерот еднаш тогаш ќе можам да го програмирам преку USB.

[nCounTr]

Ажурирање 06.04.2010:

Еве ги фајловите кои се потребни за реализација проектот (изостануваат селекторите за влез, селекторите за излез и главниот контролер):

- Блок Дијаграм
- Засилувач [Сателити]: Шема - Плочка - Распоред на компоненти
- Засилувач [Сабвуфер]: Шема - Плочка - Распоред на компоненти
- Свртница: Шема - Плочка Горе - Плочка Долу - Распоред на компоненти
- Хафлер Матрикс Декодер: Шема - Плочка - Распоред на компоненти
- Контрола на глас: Шема - Плочка Горе - Плочка Долу - Распоред на компоненти

[BorceBT]

За брзо очекуваме и жива слика а на крајот и звук

[nCounTr]

Ажурирање 09.04.2010:
Поради тоа што цената на еден TL074CN и TL072CN е иста и изнесува 40 денари/парче за да намалам трошоците за свртницата ќе мора да извршам промена на плочката со тоа што место TL072CN ќе ги искористам TL074CN при што цената ќе се намали за 240 денари.

[nCounTr]

Ажурирање 24.04.2010:

Еве како мислам да изгледа шасијата каде ќе биде сместен целиот уред.

Напред                               Позади
   

[DARK]

а ова кутијата сам ке си ја правиш?
на кој начинмислис да ги направиш буквите да ги пишува и тие такви работи ?