Друго што приметив исто, U105 на шемата е поделен со 5 регулатори на напон а кај мене е обичен 14 пински контролер (TL074CN).
Тоа се 4 операциски засилувачи и се спакувани во едно куќиште
![Wink ;)](https://elektronika.mk/Smileys/default/wink.gif)
. Затоа се обележани со U105-A, B, C и D
![Wink ;)](https://elektronika.mk/Smileys/default/wink.gif)
. Сите се напојуваат од истите пинови на куќиштето, тоа е во ред
![Wink ;)](https://elektronika.mk/Smileys/default/wink.gif)
.
И водот заа напонот од +5V е исто така прекинат еве слика повторно за тоа.
Е ова е веќе чудно и не би требало вакво да биде врзувањето. Подетално ја разгледав блок шемата од M62446 од datasheet-от и изгледа дека тие напони не му се потребни за напојување, но изгледа му требаат за дефинирање на симетричноста на влезниот сигнал. Една од причините поради која бруи излезот, можно е да е таа.
Како и да е, не штети да ги има тие напони. Земи +5V и -5V од од било кое коло, од U102 до U104 (кое е најблиску до M62446) и додади му ги тие напони (залеми жички за тие пинови) и потоа пушти филтерски степен до (100nF во паралела со 100pF) до GND. Значи, треба да имаш два такви филтерски степени, еден од +5V на M62446 и другиот од -5V.
Па ене гледам и пин 7 од M62446 за ништо не е врзан. Треба пин 7, 10, 12 и 14 сите да се врзани за GND.
Детално разгледај ја шемата од сервисното упатсво и види да не има уште некои недостатоци (неврзани водови) од U101 до U106.
Ко што гледам првите два пина од горе десно се тие за првиот - позитивниот напон, вториот - негативниот напон.
Ако TL074 е во SMD куќиште, пин 4 е +Vcc (+12V), а пин 11 е -Vcc (-12V).
Плочава е најверојатно правена сериски и за аналоген и за дигитален излез на сигнал. Затоа ти спомнав да го видиш лемот на џекот за дисплеј плочата. Залемен е само на пола пинови на плочата а останатите се калаисани и празни. Тука стоел некој друг тип на џек.
Можно е, но не мора да значи. Можно е и да планирале друг тип на конектор да искористат. А можно е и некој друг модел со повеќе функции (друг MCU, чипот на плочката со дисплејот) да се користел за некој сосема трет модел и само плочката за контрола да била иста... кој знае.
Кога сме кај дигиталниот излез/влез, постои ли опција да додадеме оптички вллез/џек?
Па... не ми изгледа како да може. Колку што разгледав, сите интегрирани кола се користат за дигитална контрола на аналоген сигнал... D/A конвертор не видов, така да... дури и да може, не мислам дека ќе ти се исплати.
И кажи ми после секоја додадена надградба на кој пин да ја мерам разликата во зуењето дали се намалува?
Јас би одел со тест проба (краткоспојувам влез и слушам, на звучниците, дали има разлика во зуењето). Ако има (се намалило), одам понатаму, ако не... пак одам понатаму
![Grin ;D](https://elektronika.mk/Smileys/default/grin.gif)
... трета опција немаш. Овие додатни компоненти (филтерските кондензатори) воопшто не му пречат на работата на засилувачот, баш напротив, ја прават работата постабилна и подобра
![Wink ;)](https://elektronika.mk/Smileys/default/wink.gif)
. Практично, не можеш ништо да изгубиш дури и ако не го намалат зуењето
![Wink ;)](https://elektronika.mk/Smileys/default/wink.gif)
.
Но мора да ја разгледаш и шемата детално, можно е да има уште некои недоследности меѓу практичната реализација и електричната шема. Јас би пробал прво со елиминирање на тие недоследности (напоните што фалат, пин 7 да се врзе со GND, итн.), тест проба, па ако не се подобри ситуацијата, би преминал на монтирање на филтерските кондензатори. Јас пак би ги додал, и откако ќе го елиминирам проблемот (под услов проблемот да биле баш овие Кинески глупости, фали GND, нема analog Vcc...
![Roll Eyes ::)](https://elektronika.mk/Smileys/default/rolleyes.gif)
), тие не штетат, и преправките со дебел вод за GND меѓу плочката со засилувачот и некои други измени, би ги оставил, но поентата е да се најде која е конкретно најголемата причина зошто засилувачот зуи кога ќе се врзе со контролната плочка, бидејќи сигурно има некоја причина која „доминира“
![Wink ;)](https://elektronika.mk/Smileys/default/wink.gif)
.
Зуењето трае 2 секунди и се губи скоро комплетно на период од 4 секунди.
Сакаш да кажеш дека се јавува периодично (2 секунди зуи, 4 секунди пауза и пак истото)?
Сеуште не ми е јасно што го предизвикува тој интервал со прекини на зуењето!
Ај провери да не свети дисплејот 2 секунди, па потоа да има 4 секунди пауза, па пак исто (или обратно, 4 секунди свети, 2 секунди пауза)
![Grin ;D](https://elektronika.mk/Smileys/default/grin.gif)
.
На прекинатите пинови кај U106 нема напони од +5V и -5V, не стигнав да ги најдам вистинските напони и не ставив таму филтри. Ќе го направам тоа утре.
Да да, и уште поважно, врзи го пин 7 за GND и провери и сите останати пинови дали се врзани како што треба (според шемата) и кај сите останати интегрирани кола на контролната плочка
![Wink ;)](https://elektronika.mk/Smileys/default/wink.gif)
.
EDIT: Подоцна ја видов последната слика. Не си требал да ги врзуваш масите „во серија“, туку „во ѕвезда“ (по еден пар од кондензатори 100nF/100pF со еден вод за маса до истата точка). Знам, така се собираат многу водови, но кај аудио конструкции ова е многу важно (масата да завршува во иста точка).