Прашање за отклонска единица кај 11AK30 околу поврзување, сериско или паралелно.

[Toma]

Прашање за отклонска единица кај 11AK30 околу поврзување, сериско или паралелно.

Темата  е поради тоа што кај оваа шасија премногу загрева TDA8174AW.
Прашањето е: Дали ако отклонската единица ја поврзам како на сликата долу под 2 ке се намали греењето на самото TDA8174AW, без никакви други преправки и додавки ! Инаку постоечкото решение е како под број 1.

[GigaWatt]

Па... по некоја логика... да, би требало. Иако можеби подобро е да се реши греењето со поголемо ладилно тело, без преправка на оригиналната шема, но ако имаш некоја Vestel шасија (колку што ми текнува 11AK беа нивна серија на шасии) со кој можеш да експериментираш, зошто да не се проба .

[Toma]

Да се работи за Вестел шасија 11AK30. Сум ставал додатен лим можеби и за 2/3 поголема површина од постоечката и греењето се намалува но сепак иако не сум ја мерел температурата сепак од некое искуство ми кажува дека е доста голема. Инаку телевизорот си работи со години ама околината почнува да поцрнува. Вентилаторот би го решил проблемот но сепак мислам ако со поврзувањето како на слика 2  би било успешно, би било многу поелегантно решение, затоа и го поставив прашањето на овој начин.

[GigaWatt]

Хммммм... ако ти е за експериментирање телевизорот, пробај . Нема што да изгубиш . Ако не ти е за експериментирање, што знам... јас барем, не би пробувал .

Или, евентуално пробај вака. Измери ја јачината на струјата која тече низ TDA8174AW (преку пинот за напојување на колото). Потоа, одлеми го пинот и стави осигурувач (брз) во серија со него кој може да издржи барем дупло поголема струја. Потоа, можеш да експериментираш . на овој начин, што и да се случи, најверојатно прво ќе изгори осигурувачот (можеби и TDA8174AW , но најверојатно ништо друго од останатите компоненти на телевизорот ). Ова не е 100% сигурен метод, но сепак, некаква заштита е .

Инаку телевизорот си работи со години ама околината почнува да поцрнува.

Ако е само потемнета, тоа не е ништо страшно . Ако околните компоненти не се потемнети, нема за што да се грижиш .

[Toma]

Во пракса сум се среќавал со ситуација во која при замена на екран комплет со отклонска единица која е поврзана како на слика 2 а телевизорот бара отклонска како на слика 1  со преместување и поврзување на жиците од отклонската (како на слика 2) во поврзување (како на слика 1) телевизорот работи коректно без некои “драстични“ зафати.
Мислам дека членови кои се занимаваат со аудио техника и имаат големо искуство со аудио засилувачи би имале некое мислење, од причина што на некој начин тој степен во телевизорот и аудио засилувачот се многу “блиски по функција“.
Јас ја следам логиката дека на 11AK30 со поврзување на отклонската како на слика 2 би добил поголем отпор а со тоа би се намалила  струјата што тече во TDA8174AW, а со тоа би требало и да се намали греењето на TDA8174AW !

[GigaWatt]

Мислам дека членови кои се занимаваат со аудио техника и имаат големо искуство со аудио засилувачи би имале некое мислење, од причина што на некој начин тој степен во телевизорот и аудио засилувачот се многу “блиски по функција“.

Ептен груб опис на вертикалниот отклонски степен би бил НФ аудио засилувач .

Јас ја следам логиката дека на 11AK30 со поврзување на отклонската како на слика 2 би добил поголем отпор а со тоа би се намалила  струјата што тече во TDA8174AW, а со тоа би требало и да се намали греењето на TDA8174AW !

Да, се ова е точно, но... секогаш постои тоа НО ... што ако не согледуваме некој факт . Затоа и пишав да се постави осигурувач во серија со напојувањето на TDA8174AW . За секој случај .