Македонски форум за електроника
Стручна литература => Туторијали => Topic started by: LordZi on 16.11.2009, Monday, 20:17:19
-
Како што може да се заклучи од насловот, овде ќе научите step by step како да направите било кој часовник на батерии да врти наназад. Ова е нашиот пациент за денес, обичен механизам за часовник кој може за цена од околу 50-60ден. да се купи по пазарите (јас ги купувам од Бит-Пазар, за тие што се од Скопје).
(http://i226.photobucket.com/albums/dd117/lodr_zi/1.jpg)
За да се отвори маханизмот, треба внимателно и истовремено да се откачат двете јазичиња од страна
(http://i226.photobucket.com/albums/dd117/lodr_zi/2.jpg)
Вака изгледа механизмот со изваден заден поклопец, пред да го извадите поклопецот свртете го целиот маханизам со стрелките надоле за да не испопаѓаат запчаниците. Нас не интересира калемот од десно
(http://i226.photobucket.com/albums/dd117/lodr_zi/3.jpg)
Внимателно извадете ги запчаниците (запамтете го редоследот) и плочката што го држи калемот
(http://i226.photobucket.com/albums/dd117/lodr_zi/4.jpg)
Извадете го магнетчето-запчаник
(http://i226.photobucket.com/albums/dd117/lodr_zi/5.jpg)
Сега треба јадрото од калемот да се сврти обратно, како што се гледа од сликите - левата страна треба да биде сега десна и обратно, десната страна сега е лева
Вака е оригиналната положба
(http://i226.photobucket.com/albums/dd117/lodr_zi/6.jpg)
А вака е новата положба на јадрото
(http://i226.photobucket.com/albums/dd117/lodr_zi/7.jpg)
После ова се враќате на своето место, го затварате механизмот и кога ќе ставите батерија, часовникот ќе врти во спротивна насока :). Еве идеја како може да изгледа готов часовник, дизајнот се прави на компјутер, се печати на самолеплива фолија и се лепи на некоја подлога, лесонит, шпер-плоча и сл.
(http://i226.photobucket.com/albums/dd117/lodr_zi/8.jpg)
Се надевам дека ова ќе ви се најде кога ќе ви затреба идеја за подарок! :)
-
Хаха, одлично :)
-
Ха ха одлична идеја. Јас имам отварано механизам на оваков часовник и можам да ви кажам дека оној што ќе успее да го врати пак во првобитната положба е прав среќниќ. Не дека тоа е невозможно, туку е тешко да се изведе поготово поради димензиите на самите зупчаничиња.
-
Конкретниов механизам е песна за растурање, не мора да памтиш што каде оди, кога ќе завршиш можеш да го составиш по логика.
-
И јас имам неуспешен обид да отворам ваков механизам нешто утнав ама за среќа беше стар
-
А јас пак ке се прам мајстор еден од оние будилниците оние металните што звонат што се слуша на километар е еден таков (купен 2008) нејкеше да звони и фатив го отворив и после ко се разлетаја федерчиња штравчиња и што уште не и уште стои во едно кутивче од патики НЕСКЛОПЕН се разбира.
-
хахахахаха :D... топ идеја... з атие што сакаат да се подмладат... хахахахах :D :D :D
-
Хех не мораше толку да се мачиш.. запчаници, калеми.. сврти ја батеријата однопаку и обратно ќе врти ;D
Се шалам :)
Секоја чест! Многу оригинален подарок би бил овај, фала за идејата!
Имав еден метален часовник, го имам расклопено, ама повеќе од половината штрафчиња и запчаници недостигаат, така да тој нема да ми биди од корист.
-
Хех не мораше толку да се мачиш.. запчаници, калеми.. сврти ја батеријата однопаку и обратно ќе врти ;D
Кај новите моторчиња за часовници тоа не е можно зашто веќе се е направено дигитално, има еден црн чип (не знам како ги викаат во странство, ние ги викаме „пљуканици“) кој дава многу стабилен импулс на неговиот излез од 1Hz. Е сега, ако ја свртиш батеријата обратно, ќе се случат една до две работи: или ќе изгори чипот (ако нема заштита) и ќе можеш слободно да го фрлиш моторчето за часовникот, или нема да работи чипот (ако има заштита). Кај старите можеше бидејќи беа делумно изведени механички ;).