Дали може да се постави уште една батерија ??

[daniel spasovski]

Значи работата е следна колеги   :
Земав плеер кој прима usb за слушање музика ама батеријата ми трае 2-3 саата ... Го отворив внатре и видов дека има литиумска батерија од 3,7 волти 500mA . Дали ќе можам да поставам уште една таква батерија внатре паралелно со другата за да имам поголема енергија т.е. да слушам музика подолго време ... ?

[DX-er]

ако има место постави уште една ама пази, волтажата да ти биде 5V.
Ме чуди тоа 5V, знам дека литиумските батерии се 3,7V

[daniel spasovski]

Да да грешка сум, сега го отворив и пишува LSVB 3,7V 500mA 

[Malecko]

Даниел,ако има место и ако имаш иста таква батерија тогаш за поголем „капацитет“ да има,тогаш врзи ги паралелно.Паралелно ако ги врзеш ќе се зголеми струјата значи ќе рипне на 1 ампер,а напонот ќе остане ист.Ако ги врзеш сериски напонот ќе рипне на 7,4V а струјата ќе си остане иста,што значи ако ги врзеш сериски ќе го скуваш плеерот .Едноставно шибни уште една таква иста батерија,ама поврзи ги паралелно!

[nikola_bb]

Од оние плеерите што се со звучник и има усб влез? Ако е таков ја имам таков му имам ставено уште 2 батерии

[cekaj]

Ама гледај двете да ти се полни до максимум, оти ако не се еднакви, пополната батерија ќе ја „полни“ попразната 

[GigaWatt]

Ама гледај двете да ти се полни до максимум, оти ако не се еднакви, пополната батерија ќе ја „полни“ попразната 

Од таа причина, не е препорачливо Li-Ion-ски батерии да се поставуваат паралелно, можно е да се случи полната батерија сосема да ја испразни празната и една од батериите да биде потоа неупотреблива (доколку Li-Ion-ска батерија се испразни сосема, станува неупотреблива, веќе не може да се полни, ќе морате да ја фрлите :S). Купи една појака Li-Ion-ска батерија од 3.7V од 1500mAh или повеќе (како на пример за мобилните телефони, на пазар може да се најдат вакви батерии, за плоснативе MP3 плеери најмногу одговараат оние од Nokia, BL-5C или BL-5CA, а може и некоја слична, или извади оригинална батерија од некој стар мобилен телефон, дефинитивно повеќе ќе ти трае одколку евтините копии од пазар).

[daniel spasovski]

Да гигават и јас помислив на таа опција , да ја извадам оваа од внатре оргиналната и да ја заменам со една ама појака  Знае некој колку пари би чинела таа од 1500 mAh и колку време би репродуцирал музика со неа ??

[GigaWatt]

Знае некој колку пари би чинела таа од 1500 mAh и колку време би репродуцирал музика со неа ??

Околу 200 денари се и најверојатно ќе добиеш уште дупло повеќе време (значи некаде околу 5 или 6 часа). Со оригинална батерија од стар мобилен телефон, можеш да добиеш и до кај 9 часа (ова врз база на оценка „од око“, не знам точно колку ќе добиеш плус, зависи од многу фактори ).

[daniel spasovski]

Ти благодарам Гига за одговорот  Ке побарам таква батерија  Да можев ке ти дадев респект + 

[Malecko]

Да гигават и јас помислив на таа опција , да ја извадам оваа од внатре оргиналната и да ја заменам со една ама појака  Знае некој колку пари би чинела таа од 1500 mAh и колку време би репродуцирал музика со неа ??

Aма види,ако ставиш таква тогаш у меѓу време барај шема за по јак полнач,не верувам дека полначот од 500мА што ја полнел „старата“ батерија ќе може да ја полни оваа „новата“ од 1,5А...

[daniel spasovski]

Еее да и на тоа помислив малечко уште кај првиот пост ама не го напишав за да неоди темата во оффтопик ама еве сега пак сме тука  Знам мора да барам појак полнач зашто овој од 500 mA нема да биде доволен  . Ајде јас ке побарам сега а ако некој друг најде шема во меѓувреме нека ја постира 

[Devil]

може да ја полни, од кај најде дека нема да полни, ќе ја полни батеријата ама полнењето ќе оди поспоро

[daniel spasovski]

Ај ќе пробам сега да побарам некое трафо за такво полнење  Aма нема шанси да најдам такво трафо со волтажа од 2,55 волти ??  Решение ...

[Devil]

решение малку електроника
и зошто 2.55V?