Аналогна електроника > Високонапонска техника

Корисни линкови во областа на високонапонската електроника

(1/1)

KiloVolt:
Ги чистев bookmarks пред некој ден, и случајно го најдов фолдерот со линкови од страни за високонапонска индустриска електроника, од кои што многу научив, па си реков да ги споделам како индекс, референца, за било кој што сака да ја истражи оваа област подлабоко...  ;)

1. Forum @ 4hv.org
--- Code: ---https://4hv.org/e107_plugins/forum/forum.php
--- End code ---
Ако сакате да комуницирате за било што во врска со индустриска електроника, конвертори на моќност, теслини трансформатори, електромагнетни забрзувачи на проектили (coilgun, railgun), и други луди, практични, непрактични, изведби на најчудни најлуди топологии што сте можеле да ги замислите, ова е вистинскиот форум... Има повеќе лудаци одколку на сите други електронски форуми заедно, не преувеличувам, исто така и премногу теми од инженери, магистри и доктори кои се занимаваат со RF, конвертори на моќност и слично, и неверојатна збирка на ресурси и знаење.
 
2. Steve's High Voltage
--- Code: ---https://www.stevehv.4hv.org/
--- End code ---
Steve Ward, активен на 4hv форумот е константно од зачетокот, еден од првите, ако не и прв што се осуди да дизајнира и изработи транзисторски теслин трансформатор што има резонантен примар, и го сведе работењето на сериско резонантно коло на резонантна фреквенција во пулсен режим до перфекција, го дизајнираше Universal Driver кој што понатаму беше усовршен и беа додадени сите можни опции и заштити. Вистински пионер во ова поле.

3. HVTesla
--- Code: ---http://www.hvtesla.com/terry.html
--- End code ---
Terry Fritz, уште еден од пионерите на ова хоби, кога другите мислеле дека првичниот дизајн на Никола Тесла е совршен и не му е потребно ништо повеќе, тој почна да се занимава со разни заштити, филтри, резонантно полнење, синхрони искричари, теми на кои што би елаборирал подлабоко другпат, но сега навистина го сведе класичниот дизајн со искричар до перфекција и ја зголеми ефикасноста до невидено ниво.

4. Tesla Coil Mailing List

--- Code: ---https://www.pupman.com/
--- End code ---

--- Code: ---https://www.pupman.com/safety.htm
--- End code ---
(Да не речите овој сака да се убиеме, еве и Safety sheet ;) )
pupman е архива на мејловите на најстручните членови на 4hv форумот, се прави муабет за најразлични проблеми што ги среќавале во пракса и како ги решавале, според мене едно од најдобрите нешта што го има на интернет од оваа област, немам поминато ни третина од мејловите овде, ама најчесто важи правилото: еден збор-еден алтан.

5. Kaizer Power Electronics
--- Code: ---http://kaizerpowerelectronics.dk/
--- End code ---
Mads Barnkob, само еден збор, хакериште! ;D

6. Loneoceans Laboratories
--- Code: ---http://www.loneoceans.com/labs/
--- End code ---
Gao Guangyan, еден од ретките азијци што се впуштиле во ова хоби и напреднале, Гао ги има едни од најдобро документираните проекти од било кој на листава. Го усоврши универзалниот драјвер на Steve Ward до најмодерната верзија што е навистина врвна и екстремно професионална. Ако бирате еден сајт од сите овие да го посетите, тоа би бил овој.

7. Scopeboy

--- Code: ---http://scopeboy.com/
--- End code ---

--- Code: ---https://www.youtube.com/user/scopeboyr00lz/videos
--- End code ---
Steve Conner, легенда која ги врза световите на музиката и Теслините Трансформатори, нажалост неговата страна е привремено суспендирана, ама може да се види на неговиот YouTube канал со што се занимаваше...

8. Danyk.cz
--- Code: ---http://danyk.cz/index_en.html
--- End code ---
Најголемата Чешка будала на сите времиња. Како овој човек е уште жив не знам, ама има многу интересна навика да користи што му се најде и да добие екстремно импресивни резултати.

9. Uzzors2k
--- Code: ---https://uzzors2k.4hv.org/
--- End code ---
Eirick, Норвежанец со многу проекти зад него, сите прописно документирани и достапни.

10. Deep Fried Neon
--- Code: ---http://deepfriedneon.com/tesla_frame0.html
--- End code ---
Корисно за секој што се осудил на тој чекор да изработи Теслин Трансформатор, многу кориси ресурси, формули, пресметки, водичи за бирање на компоненти. Не знам зошто ама сајтов ми предизвикува некаква носталгија за интернетот во времето во кое не сум знаел ни да зборувам...  :D

11. Richie Burnett
--- Code: ---http://www.richieburnett.co.uk/tesla.shtml
--- End code ---
Многу добар теоретичар, има да се научат многу работи на оваа страна.

12. Daniel Kramnik's Project Log
--- Code: ---https://xellers.wordpress.com/page/1/
--- End code ---
Покрај другото, го има најверојатно најдобриот дизајн за плочка за H-мостен инвертер со транзистори во TO247 куќиште, ефтин за изработка а ефикасен во елиминирање на напонски шпицови, работи перфектно и без заштити, индуктивноста на водовите што предизвикува напонски шпицови е сведена на апсолутен минимум.


Ако ми текнуваат други ќе ги додавам, сега засега овие сметам дека се најбитни, ако има некој други сугестии ќе ги додадам на овој пост.  ;D

GigaWatt:
А, дел од овие ги знам и сум разгледувал работи на нив :). Добро е што ги сподели ;).

Navigation

[0] Message Index