Гравирки и слични електрични машини

[GigaWatt]

Немам загледано макита/мактек дали имаат вакви глодалици, некако ептен сум задовилен од ними, а мактек и прилично поефтини се, а ист е квалитетот ( некој ват се послаби ).

Не, за жал, вакви алатки не прават :S. И јас барав, ама немаат такво нешто на каталог :S.

Како сакаш, ама јас пак ќе ти кажам, ако не се брзаш, земи ги копиите на Dremel од Кинезите. Не се скапи, а се навистина стабилни и немаат ексцентар. До сега три имам нарачано од три различни продавачи, ниедна немала проблем . Јас од мојата, не можам да се пожалам, еве веќе вторра или трета година година ја користам, а останатите две се нарачани за пријатели, кај нив се, немам чуено да се пожалат ни они. Еве ти линк на ebay. Значи ако бараш, ќе бараш ваква, копија на Dremel 100 MultiPro. Нема така да ја бараш, ќе пишеш само rotary tool во Search и ќе ти извади резултати . Кога ќе го видиш ова моделче, тоа е тоа што ти треба . За 1000 денари, мислам дека се исплати да пробаш . И да не е нешто како што треба, секогаш може да му пишеш на продавачот да ти ги врати парите .

Code: [Select]

http://www.ebay.com/itm/172876347836










Исто како и за сите останати нискобуџетни гравирки, multi-chuck и се останато ќе мораш посебно да си нарачаш. На Кинескиве копии се фаќаат футеру со напречен пресек од 8mm и со 0.75mm од. Имаш повеќе во следната тема .

Code: [Select]

http://elektronika-mk.net/index.php?topic=14071.0

[bicikle]

Па барем е проверена работа
Само мултичук на линкот од темата не ми излезе, ваљда се стандар нема да го грешам.

[GigaWatt]

Само мултичук на линкот од темата не ми излезе, ваљда се стандар нема да го грешам.

Е како не излезе, ај види го името на темата и зошто е ставена во „Документи“ .

Има различни, пази да не земеш каков што не треба. Кинеските копии на Dremel користат навој со напречен пресек од 8mm и од (чекор на навојот) од 0.75mm. Пишува во темата за кои гравирки какви се навоите, а има и некои други информации.

Ако продавачот нема наведено димензии на навој, не земај од него, најди некој друг кој има наведено колкави се димензиите на навојот .

[bicikle]

Code: [Select]

https://www.ebay.com/itm/152534791231ended, е тоа излага кај мене 
Али ќе разбарам чим има димензии.

[GigaWatt]

Кога било тоа пишано, го имало тој производ на продажба, сега го нема. Затоа се и ставени сликите, како водич, да знаеш што да бараш . Пиши на ebay или aliexpress "multi chuck" и први резултати што ќе ти ги извади се 100% вакви чаурчиња .

Еве едно кое сега се продава на ebay .

Code: [Select]

http://www.ebay.com/itm/122801766089
Само од листата избери "long-8x075" (8mm напречен пресек со чекор од 0.75mm) .

[bicikle]

Чим има димензии немат как да бегат

[bicikle]

Code: [Select]

http://lotuls.com/elektrina-prava-elna-brusilka-2 малу скапичка...

Code: [Select]

https://www.kliknikupi.mk/product/celna-brusilka-130w/ од кај нас, средна цена ако му се брза некому.

[GigaWatt]

Makita-та е голема, не е за прецизна работа, не е за да ја држиш во рака како пенкало... мада секогаш може да купиш сајла и да работиш со неа, така да, само цената е генерално земено проблем.

Втората е како и сите останати копии на Dremel што се продаваат кај нас. Предниот дел е како на Dremel, задниот е некој си Кинески дизајн.

[bicikle]

Ја немам во живо видено макитата, на слики ми изгледа мала или таков е размерот цената е најголем проблем, додуша ја имаше некаде и поефтино али 4999 беше, ем лотус се генерални за макита во мк. за 300 ден не се испалќа ризикот.
Да, втората е оргинал кинескА Во електро метал исто така гледав макс плус (кинеска) 1250 денара, имаше и раидер ама беше 2000 ден + што сметам дека не вреди.
Додуша оваја инеко сосе продолжетак не излага скапо, 10-тина долари е продолжетакот.

[GigaWatt]

Еве клипче колкава е Makita-та... голема е :S.

А за таа Кинеската... да, се исплати ако е заедно со сајла , мислам на таа 1250 денари што е .

[GigaWatt]

По барање на bicikle, еве кои додатоци би ви биле потребни за почеток, доколку купите гравирка . Дури и ако стига со комплет додатоци, сметам дека конкретно за употреба во електрониката, нема да ви требаат сите. Најверојатно ќе искористите 5 или 6 различни додатоци од оние коистигаат заедно со гравирката, а останатите ќе ви стојат неупотребени :S. Имам купено два такви комплети, 80% од додатоците никогаш ги немам пробано :S.

1. Multi-Chuck. Ова е приритет. Нарачајте го во исто време со гравирката. Зошто? Не стига во скоро ниеден комплет, а најважно делче е (барем според мене).

Code: [Select]

http://www.ebay.com/itm/382264030149


Скоро сите Кинески гравирки користат Multi-Chuck со навој од 8 x 0.75mm (дијаметар на навој - 8mm, од на навој 0.75mm). Во оваа група спаѓаат и евтините гравирки што ги носат кај нас (со цена до кај 2000 денари). Многу сличен дизајн имаат на Кинеските копии на Dremel MultiPro, но им се разликува контролата за брзината и должината (оние што ги носат кај нас се подолги).

Генерално земено, имам начекано две различни изработки на овој Multi-Chuck. Едниот е како на првата слика, вториот е како на втората слика.





Многу се слични, ама има разлика меѓу нив. Футерчето од горната слика има погрубо и покрупно нарежени запци за рачно стегање, а тоа од долната слика има пофини и помали запци. Барајте такво како на долната слика. Тоа од горната слика е пошироко во надворешен дијаметар, што значи дека и повеќе шантра на поголема брзина. Освен тоа, тоа футерче од горната слика има пократки запци за стегање на додатоците, што значи дека има поголеми шанси додатокот што ќе го ставите во футерот да шантра кога ќе ја пуштите гравирката. Може со попуштање и стегање на футерчето да го погодите центарот, ама повеќе ќе се гњавите. Со тоа од втората слика, од прва се исцентрирува додатокот, ретко некогаш да треба да го отстегнете футерчето и пак да го стегнете за да биде се добро и правилно исцентрирано. Исто така, футерчето од втората слика е за нијанса подолго (подолги запци за стегање на додатоците ) и има за нијанса помал надворешен дијаметар, но тоа не влијае на распонот на футерчето (и на двете футерчиња може да се ставаат додатоци од 0.5mm до 3.0mm ).

2. Мали бургиички. Исто така не стигаат со скоро ниеден комплет (барем не со од од 0.4mm), а се навистина корисни. Може да се користат и како мали глодалки. Има и вакви посебни додатоци, но во недостаток на адекватен алат (т.е. пари ), поголемите димензии од овие мали бургиички, на пример, 2.0mm или 2.4mm, бркаат работа . Одот не мора да биде баш 0.4mm или помалку од тоа, може да биде и 0.5mm, но пожелно е да имате повеќе бургиички со различни блиски димензии на располагање. Гравирките имаат многу голем број на вртежи и поради тоа, најчесто морате да ја зголемувате димензијата на бургијата за 0.5mm или некоја слична вредност (но не и со од поголем од 0.5mm).

Јас прво ги користев оригиналните бургии на Dremel, ама ѓавол и пол се да ги купиш во комплетче (мислам дека беа 600 денари или така нешто), и за среќа потоа ги најдов овие кои, за живо чудо , подобри се и од оригиналните бургии на Dremel . За разлика од оригиналните, кои веднаш се јадат при максимална брзина на гравирката, овие мука немаат , дури и при обработка на железо. Најверојатно се направени од некој многу тврд челик, но за живо чудо, до сега само една скршив од нив, но потоа ја наострив и сега пак си работи како нова .

Code: [Select]

http://www.ebay.com/itm/401156500110


Може да си нарачате и две или три вакви комплетчиња бидејќи првиот сигурно ќе го зезнете додека научите како треба да се работи .

3. Мали камчиња за шмишајбна. Ако планирате да сечете лимчиња или некои други метални делчиња, ова е незаменлива работа . Dremel имаат нивни со EzLock систем (систем за брзо и флексибилно монтирање и демонтирање), ама овие се исто така многу скапи и затоа прејдов на Кинескиве . Кинескиве не се подобри и покалитетни, баш напротив, ама затоа се мнооогу поевтини.

Code: [Select]

http://www.ebay.com/itm/122516694888


Вакви ќе ви требаат мноооогу. Затоа и ставив линк од комплет од 50 парчиња. Плус, гратис добувате 4 држачи за монтажа на камчињата (mandrel) . За скоро $4, мислам дека е добра зделка .

И не ги земајте обичните (керамида боја се) камчиња, тие не се импрегнирани со фиберглас и полесно се кршат, импрегнираните со фиберглас се поиздржливи и поотпорни на удари ... а и помалку се трошат .

4. Класични камчиња за обработка. Вакви сигурно ќе ви стигнат едно или две заедно со гравирката, но не е лошо да го имате и ова комплетче . Се наоѓа при правење на агли, фина дообработка, итн. Не се апсолутно неопходни, но пожелно да имате неколку вакви . Малите камчиња се трошат прилично брзо, така да, избргнувајте да ги користите нив ако обработувате железо (може да ги користите за алуминиум, бакар, месинг и други меки слични метали или за пластика ). Не грижете се ако се „лепи“ материјалот кој го обработувате на самото камче, ова е нормална работа, се случува при високи температури .

Code: [Select]

http://www.ebay.com/itm/142629863884


5. Дијамантски камчиња за сечење. И овој додаток е еден од незаменливите, исто како и малите камчиња за шмишајбна. Јас најчесто ги користам за сечење на пластика, но може да се сече и обработува и метал и дрво, иако најдобро е за сечење и обработка на метал да се користат малите камчиња за шмишајбна . Стигнуваат заедно со држаче за монтажа на гравирката (оска, mandrel), а дупчињата имаат двојна функција: ем металното тело на камчињата се лади преку нив, ем истите потфаќаат од материјалот кој треба да го сечат, со што помалку се лепи од материјалот кој го сечете на камчето . Искрен да бидам, за пластика и дрво се совршени, особено ако треба нешто прецизно да се исече (прават помал рез во однос на малите камчиња за шмишајбна).

Code: [Select]

http://www.ebay.com/itm/283016617700


Во комплетот стигаат 5 парчиња и една оска, не ви требаат повеќе .

6. Мали дијамантски глодалки. Многу корисни се за обработка на било каков материјал бидејќи се многу ситни и прецизни . Кога ќе размислам подобро, не е баш најдобро да ги користите за железо (ми се одра дијамантскиот слој на една кога обработував едно парче железо), но затоа одлични се за пластика, дрво, бакар, месинг и алуминиум .

Еве сет од 30 парчиња со најразлични форми. Не стигаат заедно со кутија (има и понуди кои стигаат, но се доста поскапи :S), но јас ги имам стегнато со ластиче и така ги чувам . Може да ги ставите и во стара пластична кутија од филм за фото апарат .

Code: [Select]

http://www.ebay.com/itm/181869215112


7. Мали циркуларни пилички. Овие се баш за сечење на пластика и дрво . Можете и со дијамантските камчиња и со оние од фиберглас, ама пластиката се топи и лепи на нив, а дрвото гори :S. Ако естетски не игра улога (мислам пред се на дрвото, бидејќи тоа гори), може и со нив, ама овие се баш наменети за сечење на такви материјали . Немаат видии (има и со видии, ама се прилично поскапи), но бркаат работа. Само не сечете железо со нив. Пластика и дрво, нема проблем, а еднаш сечев и алуминиум со нив (чисто да пробам) и добро се покажаа, но сечењето оди поспоро и пиличките повеќе греат :S.

Code: [Select]

http://www.ebay.com/itm/112311954256


Има и ште поевтини варијанти од овие, со фиксен дијаметар (се продаваат „на големо“, bulk), но не ги бива. Материјалот е најверојатно обично железо и веднаш се тапат (пробано). Овие со ознаки HSS на нив и што доаѓаат различни димензии во комплет, тоа е тоа што ви треба .

8. Мали метални глодалки. Овие глодалки се наменети за груба обработка и не се обложени со дијамантска прашина, туку имаат запци и се HSS. Исто така би ги ставил во едни од незаменливите алатки, бидејќи може да се користат и како бургии (за проширување на дупки), но со поголеми димензии од оние кои се нудат во комлетот со бургии (3mm е максимална дебелина). Има и посебни бургии со поголема дебелина од 3mm наменети за гравирки, но се релативно поскапи во однос на овој сет глодалки. Може да обработувате се освен железо нив .

Code: [Select]

http://www.ebay.com/itm/273364646564



Генерално земено, тоа би било тоа . Има уште мал милион додатоци, од додатоци кои се монтираат на самата гравирка, до додатоци за секаква обработка. Ако сакате да добиете генерална слика што се има за грвирки кај Кинезиве, пишете "rotary tool" во Search на eBay, подесете филтри (Price + Shipping Lowest First и Free International Shipping) и ќе видите што се има .

ПС: Не би препорачувал да купувате вакви додатоци само што ќе ви стигне плата , ќе ја е*ете за два часа .

[bicikle]

Пред некоја ден се отепав од барање вакви зезалици, а вака еве за 3 мин ги разгледав сите Да не праам муабет за глодалките, крајно се исфрустрирав барајќи ги низ мк (беа 2000+ денари, не делеа). Сполајти, Бог да те благослови. Само уште една молба, 10 парчиња 0.8 ради што најмноу се користат а бога ми и се кршат најмногу .

[GigaWatt]

Само уште една молба, 10 парчиња 0.8 ради што најмноу се користат а бога ми и се кршат најмногу .

Ако сакате да добиете генерална слика што се има за грвирки кај Кинезиве, пишете "rotary tool" во Search на eBay, подесете филтри (Price + Shipping Lowest First и Free International Shipping) и ќе видите што се има .

Генерално земено, само ова треба да направиш и да скролаш надоле и вртиш по страни, толку .

Но ајде, еве, да не испадне дека не ти помагам . Бирај си дебелина, сите пакувања се со по 10 парчиња .

Code: [Select]

http://www.ebay.com/itm/283173800954

[bicikle]

„Генерално земено, само ова треба да направиш и да скролаш надоле и вртиш по страни, толку . “
Точно, но излегуваат милиони алатки Па кинези како кинези пробуваат да те ќарат т.е. еве на пример бургииве ќе ги најдеш истите и за 3 долари. Ако ги купиш ними ништо не добиваш...
p.s.
Ете јас за истите платив 1.17 усд...

[Devil]

Јас за мојата граверка користам стари бургии од заболекар, се разбира претходно многу добро дезинфицирани XD