Македонски форум за електроника
Аналогна електроника => Радио техника => Предаватели => Topic started by: Atanas on 24.03.2018, Saturday, 16:49:54
-
Изминатиов период направив едноставен радио предавател со помош на Raspberry Pi. Ова е едноставен проект и може да го направи речиси секој. ;D
Raspberry Pi во себе содржи еден пин преку кој што можеме да предаваме FM сигнал, тоа е пинот означен како GPIO4. Па, така кога на него ќе поврземе некоја жица ( но и не мора ), таа станува антена.
(https://i.imgur.com/k4mjhor.jpg)
Според ова, направив и јас еден едноставен FM предавател. Кодот може да го најдете тука:
https://github.com/markondej/fm_transmitter
За овој проект да биде успешен, најпрво е потребно да се инсталира компајлер за C/C++ ( бидејќи кодот е напишан во тој јазик) и да се направи извршна датотека од кодот. Тоа се прави со следните команди:
sudo apt-get install make gcc g++
sudo make
После овие чекори вие можете да го стартувате кодот:
sudo ./fm_transmitter [-f frequency] [-r] filename
Каде што фреквенцијата може да биде од 1MHz до 250MHz, но препорачливо е да се користат фреквенциите од 87.5MHz до 107.9MHz. Секогаш треба да се одбере фреквенција која што не е во употреба, бидејќи може да си направиме проблеми, нели. ;D И, исто така името на фајлот ( музиката ). Тој мора да биде во WAVE ( .wav ) формат, бидејќи во спротивно нема да работи.
(https://i.imgur.com/BnPymdv.png)
За да се стартува кодот, мора да бидеме во директориумот каде што е тој.
(https://i.imgur.com/x3u6rsO.png)
Потоа само го стартуваме програмот, како на сликата. Тука се гледа дека имам пробано со 2 различни музики ( ако може така да ги наречам ).
И, секако тука има и видео од сето ова ;D
Овој предавател го имам тестирано со 30cm бакарна жица, и успешно има домет од некои 60 метри. Како што ја зголемував жицата така и дометот беше поголем.
НАПОМЕНА: Треба исклучиво да се избираат фреквенции кои не се во употреба, во спротивно може да настанат проблеми.
Со ова се имам смешано лично јас во фреквенција. Така што додека мојот комшија слушаше радио на цел глас, ја наместив истата фреквенција како и неговата станица што ја слушаше и пуштив тивка музика, бидејќи неговата ми сметаше. За среќа не дозна кој е. ;D
-
Абе Atanas, само проблеми на луѓето им правиш ;D.
Интересен проект, во секој случај. Со тоа што немаш напоменато дека со компајлирање на кодот се прави Linux binary executable и всушност го подигаш него, а не кодот, кодот е веќе искомпајлиран како binary executable ;). Го стартуваш исто како и секоја друга програма и под Linux и под Windows ;).
-
Атанас, човече, зар Raspberry Pi 3B користиш за вакви работи!?? Скапа работа е тоа..
-
Па и не се баш толку скапи... околу 20-тина долари се сега поевтините верзии и копиите ;).
-
Дваесет долара се веќе пар станици 8)
-
@batka Па, веќе кога го имав решив да го направам, целта за што го направив ја кажав. Инаку не е 20 долари, малце поскап е. Јас го зедов од Лондон за 40-45 фунти со SD картичка од 16GB. Сепак, го користам и за посериозни проекти. Планирам сега со него да спроведам некој автоматизиран систем дома кај мене.
@GigaWatt Фала на корекцијата, не ми текнуваше името во моментот. :-\
-
Нема проблем ;).
На ebay се веќе џабе, особено копиите и клоновите (Banana Pi и сите останати).
-
@GigaWatt според тоа што го имам прочитано од страна на RPi компанијата, не може да се најде копија на него. Бидејќи главниот чип каде што се сместени процесорот и графичката се произведува само за нив. Други, може да се најдат не велам не. И во Кина да се произведува, повторно е оригинал, бидејќи од компанијата имаат изјавено за да се задржи цената од 35$ отвориле фабрика во Кина, бидејќи знаеме дека таму е поевтино да се произведе. Досега имам сретнато 2 RPi 3B, едно моето на кое што пишува Made in UK и едно на кое што пишува Made in P.R.C. И двете работат супер, а платени се иста цена. ;D
Е, сега, во врска со предавателот. Има повеќе примени, на пример може да се пушта сопствена плеј листа на музика кога сте во автомобил и во него нема 3.5mm jack ( обично во постарите радија ), па преку ова да пуштате директно во автомобилот. Исто така, доколку сте некаде во планина или што знам било каде во природа, може да пуштате директно музика. Значи, се останува на нас како ќе го искористиме ;D ;D
И, секако не се исплати да се купи RPi само за да се направи предавател. ;D ;D
-
За таа намена за која што спомна (пуштање на музика во кола преку FM ако радиото нема Aux или нешто слично), сигурно нема да купам Raspberry Pi ;D. Има мал милион такви уредчиња кои се врзуваат на конекторот за запалката во автомобилот и се живо џабе на ebay ;).
Но како експеримент, се разбира, поддржувам секаков вид на експериментирање ;). Така се раѓаат навистина добрите идеи ;).
-
Интересен проект и одлична презентација на истиот од страна на Атанас, браво !
-
Напредува човеков!Само напред. Да не отворам нов пост еве една шема за Атанас: испробана, стабилна со кварц и дава околу 1 ват. Со добра антена прави``ршум``.Место микрофон (динамички) врзи директно МП3 или телефон и свири! 8)
-
Убаво :).Се се набавува лесно завојниците две се 6 навивки на 7 милиметра бургија дебелината на CU жицата мислам дека е стандардно 0.8мм може или и 1мм не би требало да е страшно.
-
@jole59 Ме потсеќаш на еден член, nsu. Да не си ти случајно повторно?
@batka Ќе го пробам тоа, кога ќе имам време наредниот период. Сега се спремам за на натпреваров од НТ, турбо. ;)
Исто така, во врска со проектов, може да се поврзи и микрофон и директно да се зборува преку него. И да се емитува тоа секако. ;D
-
Да, може и микрофон,и вака гледано да биде динамички.Ако ставаш кондензаторски или електретски , стави преднапон од + от до микрофонот и еден кондензатор .Ако не ти е јасно ке нацртам, немам сега време...
-
Не, не, зборувам за мојот проект, да не стани забуна. Инаку јасно ми е. :D
-
Е, добро штом е така .
-
Атанас, дали овој предавател е може да работи и како стерео ?
Мислам ако софтверски може да се генерира тоа.
Исто така вероватно со доработка на софтверот може да се направи да емитува и RDS.
-
Најискрено, не сум истражува за тоа и не знам. :-\
Но, еве најдов еве некој линк, можеби е тоа што го бараш:
https://blog.morrolinux.it/raspberry-pi-fm-radio-transmitter-stereo-a2dp-bluetooth-rds/
-