Hi-Fi засилувач за слушалки со TPA6120A2 и OPA2134

[LordZi]

Одличен засилувач за слушалки во кој е употребено колото TPA6120A2 на Texas Instruments, специјално дизајнирано за оваа намена. Може да даде 80mW на слушалки од 600оми при напојување од  +-12V, има неверојатни 0,00014% THD+N, SNR од 120dB и 1300V/us Slew Rate.
Шемата и слики од изработениот засилувач:





Немам некои скапи слушалки да го пробам со нив, но и на обични звукот е кристално чист, без и најмала трага од шум или сл.
Иначе колото TPA6120A2 има Thermal Pad од долната страна кој што треба да се залеми за плочката заради одведување на топлината. Тие што имаат дувалка на топол воздух лесно ќе го направат ова, а тие како мене што немаат може да се снајдат така што ќе избушат мала дупка на плочката на местото на термалниот пад, ќе нанесат калај на плочката и на термалниот пад и после од горе со леткум ќе го загреат додека не да стопи калајот и да се залеми падот на плочката. Како изгледа тоа може да се види од сликата:



Друга опција би била да се притисне чипот убаво да налегнува на плочката, да се нанесе термо паста под него и така да се залеми. Како и да е, нема некое претерано греење, кај мене после пола саат работа на нормална гласност со 32-омски слушалки чипот комотно можеше да се држи со прст.

И за крај, плочката од засилувачот и напојувањето за него нацртани во SprintLayout:

[GigaWatt]

Хмммм... би било добро ова да се проба со некои навистина добри слушалки, Sennheiser, AKG, нешто од таа класа .

Гледам си ставал отпорници со 1% толернација (или барам така изгледаат). Неопходно беше ова или ?

И како и секогаш, секоја чест за изработката .

[LordZi]

Да, прва прилика дефинитивно го пробувам со некои добри слушалки .
Металфилм отпорниците се во секој поглед подобри од обичните, посебно за аудио, а разликата во цена е 1 ден., т.е. неполни 15ден. плус на вкупната цена така да немав некоја дилема околу тоа...

[GigaWatt]

А немаше проблеми со глобалната маса и брум? Мене ми се има случено ова, затоа прашувам .

[LordZi]

Не, нема ни трага од брум .

[batka]

Добра работа е овој засилувач,а за слушалки и проба вреди да се дојде и до Велес.Бидејки сега е стварно студено и покрај некое си греење кое го имаме,еве кога ке затопли напролет чувајте ги вашиве уредчиња и може да организираме една историска посета кај мене ,па малку да пробаме ,мериме,поправаме Чисто,размислувајте...

[LordZi]

Може, јас сум за...

[batka]

Па ке испробаме се што имам во дуќан,а богами и дома,по пријатели... Ке споредиме ( со мерење на сите параметри) од Сенхајзер до РЦП .Понесете си само референтни извори на звук (по желба и референтна музика!)