Сигнал трасер (Signal Tracer) со TDA2822M

[GigaWatt]

Еве една шема што ја дизајнирав (повеќе препишав и малку модифицирав од datasheet-от, со додавење на некои околни компоненти за да може да функционира колото како сигнал трасер). Како и да е, шемата сигурно функционира, ја пробав на protoboard , а сите компоненти (освен TDA2822M) можете да ги најдете „низ дома“, така да изработката не е проблематична . Монтажна шема и PCB не направив бидејќи шемата е премногу проста, па поради тоа, можеби монтажната шема која на мене би ми одговарала не би ви одговарала на вас (јас на пример, сакам се да си има засебно напојување, па поради тоа и посебно трафо му дадов на сигнал трасерот, иако слободно може да се напојува од стабилизиран извор на напојување со одземање на неколку компоненти).

TDA2822M е стерео интегриран засилувач кој во мостна врска може да даде моќност од околу 1W при THD=0.5% (од прилика) и при оптоварување од 4ohm, значи дека е доволно моќно (некој можеби ќе сака да поврзе звучник наместо слушалки, како што е прикажано на шемата ) за да може да го побуди било кој уред, од звучник до слушалка. Компонентите околу TDA2822M се за спрега, дефинирање на горна гранична фреквенција (мислам дека излезе некаде околу 40 или 50KHz за вредностите кои ги имаат C2 и C3), итн. Остатокот од деловите се за напојувањето и влезниот степен на сигнал трасерот.

Ако има некоја грешка во цртањето на шемата, кажете ми, ќе искорегирам . Монтажните шеми правете си ги како сакате (слободно може да се направи и на универзална плочка ). Трансорматорот може да го извадите од некој стар полнач за мобилни телефони (струја со јачина од околу 150-200mA при излезен напон од 10-20V~ е повеќе од доволно за напојување на колото). Како што реков, во принцип, сите делови (освен интегрираното колото) можете да ги најдете по дома .

Листа на делови:

R1, R2 = 4.7ohm (1/4W)
P1= 100K-1M Log
C1, C2, C3, C6 = 100nF (Plastic)
C4= 10uF (25V)
C5= 10nF (Plastic)
C7= 1000uF (25V-35V, depending on the output voltage of TR1)
D1, D2 = 1N4007
D3, D4, D5, D6 = 1N4001
IC1 = 7809 or 7812
IC2 = TDA2822M
TR1 = Transformer (220V/230V to 10V-20V, 150-200mA is sufficient enough)
Probe = Multimeter Probe
Aligator Grip = Small Aligator Grip (for GND)

[LordZi]

Еве ти виртуелен + реп за трудот , а со што ја проба, со звучник или слушалки, дека јас би додал можда некое отпорниче на излезот, пошто 1 ват ми е некако прегласно за слушалки...

[Bojan]

1W е на 4оми, ти ке го користиш на 32оми, така да таман би требало да е

[LordZi]

Аааа, не ми текна на тоа...

[GigaWatt]

1W е на 4оми, ти ке го користиш на 32оми, така да таман би требало да е

Да да, во право е Bojan . A инаку ја пробав со слушалки и релативно гласно е , мада тоа лесно се корегира со потенциометарот .
Споено мислење: 11.01.2011, Tuesday, 20:43:50Заборавив да напоменам, пожелно е за сондата да користите оклопен кабел (коаксијален) каде што ширмот е врзан за маса .

[batka]

Батка Гига,бидејки ова ИК е стерео појачалце, измени ја шемата и пин 3 нека оди на излез Р на џекот.Л и Р се во краток спој - раздели ги ,а Г нека оди на маса а не на пин 3 ! Пиновите 6 и 7 можеш заедно да ги врзеш ( влезови Л и Р ) и да добиеш стерео на слушалките!

[MAKEDONIA]

signal traser porano bea kako podebel moliv zaedno so baterijata,tehnikata e denes ponapredna a signal traserot e pokompliciran,ke gledam da stavam poednostaven.

[GigaWatt]

signal traser porano bea kako podebel moliv zaedno so baterijata,tehnikata e denes ponapredna a signal traserot e pokompliciran,ke gledam da stavam poednostaven.

Намерно ја ставив оваа изведба бидејќи е изведена со еден интегриран аудио засилувач кој работи во мостна врска, сите останати изведби што сум ги пробал имале една од две мани: или не можеле правилно да го засилат сигналот до ниво кое може да се смета за доволно ниво за јачина на глас на слушалки, или имале преголеми изобличувања. Од тие причини, решив да искористам интегриран засилувач. Инаку, во секој случај, сум за користење на дискретни компоненти место ингегрирани (барем во вакви проектчиња ).

[GigaWatt]

Нешто фатив да рботам во Sprint Layout (да почнам да ја учам ова тонер трансфер постапкава ), па фатив прво ова да го работам (едноставна шемичка, колку за проба доволна е, да не упропастам нешто поголемо ). Плочката е релативно мала (мислам дека димензиите и беа од прилика 3.5cm X 3.5cm), така да можете да ја направите и од некоја останата плочка, што ви останала од некоја поголема шема . Кога ќе ја принтате плочката, принтајте ја во оригиналната големина, значи zoom или scale (зависи од принтер до принтер и дрјаверите што ги користи) ставено на 100% и принтајте на A4 формат . Потенциометарот можете да го поставите и надвор од плочката (ако не можете да најдете минијатурен потенциометар ). Ако има некои грешки, пишете, ќе ги искорегирам, па пак ќе ја upload-ирам .

[batka]

Пак велам види ја добро шемата - еден излез ти оди на маса и тешко да не го прегориш појачалцево вака!!

[GigaWatt]

Пак велам види ја добро шемата - еден излез ти оди на маса и тешко да не го прегориш појачалцево вака!!

Всушност и двата излези (индиректно) одат на маса, работи во мостна врска, но го пробав на protoboard, и тоа релативно долго време работеше, немаше проблеми, барем не со слушалки, не приклучив звучник за да пробам со звучник како ќе функционира. А RC компонентите на излез (претпоставувам барем) се поставени како филтер непропусник на високи фреквенции и можно е и да имаат двојна функција, да работат и како заштита од самоосцилации (се што е над „таа и таа“ фреквенција се носи на маса ).

EDIT:

Батка Гига,бидејки ова ИК е стерео појачалце, измени ја шемата и пин 3 нека оди на излез Р на џекот.Л и Р се во краток спој - раздели ги ,а Г нека оди на маса а не на пин 3 ! Пиновите 6 и 7 можеш заедно да ги врзеш ( влезови Л и Р ) и да добиеш стерео на слушалките!

Ааааа сега те сватив, јас па не прочитав што имаш пишано претходно, sorry :S.

Значи, не појаснив, конекторот е само „визуелно“ врзан така на шемата, значи, не треба така да се врзува ако ја правите шемата . Мислев дека ќе биде јасно дека е така поставен конекторот само колку визуелно да изгледа подобро, но еве ќе појаснам .

Значи вака треба да ги го врзете конекторот со слушалките .

[batka]

Имав проблеми со една серија ПЦ звучници со ова ИК.Проблемот беше кога ке ставиш слушалки во џекот на звучникот,ако го направиш тоа споро и брзоплето,гореше овој ТДА2822.Затоа реков....

[Bojan]

Имав проблеми со една серија ПЦ звучници со ова ИК.Проблемот беше кога ке ставиш слушалки во џекот на звучникот,ако го направиш тоа споро и брзоплето,гореше овој ТДА2822.Затоа реков....

и тоа ли го има...да треба брзо да ставаш џек набрзинка...

[GigaWatt]

Имав проблеми со една серија ПЦ звучници со ова ИК.Проблемот беше кога ке ставиш слушалки во џекот на звучникот,ако го направиш тоа споро и брзоплето,гореше овој ТДА2822.Затоа реков....

и тоа ли го има...да треба брзо да ставаш џек набрзинка...

Можеби бидејќи преспојува маса со излез, најверојатно поради тоа. Но во оваа комбинација не би требало да ја има таа „појава“, ова коло работи во мостна врска (искористени се и двата засилувачи наменети за стерео верзија, тука се искористени и двата како еден мостен ), така да (евентуално) само излезите на двата операциски засилувачи во интегрираното коло ќе се преспојат еден со друг при вклучувањето на слушалките, а не према маса , така да не би требало да има проблем .

[batka]

Не да ставиш џек набрзина - треба да ги исклучиш звучниците од напон ,ако сакаш да ставиш слушалки во женскиот џек на еден од звучниците.Проблемот беше во самите џекови кои во еден момент при премостувањето со машки 3,5 мм џек доаѓаа во ситуација да  ги спојуваа на кратко едниот или другиот џек кон масата. Имав десетина звучници вратено.Тоа беше отприлика пред 5-6 години кога ДЕ ЛУКС влегуваше на големо во Македонија.