Чуден проблем со предавателче

[DX-er]

Дали на некој му е познато зошто еден предавател кога ке се пушти има одредена јачина на сигнал а по неколку минути се намалува и некаде за 1 саат да се намали скоро на пола. Што може да е работата ?

[GigaWatt]

Засилувачот е изведен транзисторски или интегрирано? Ако е изведен транзисторски, можно е да се намалува засилувањето на транзисторот поради загревање на транзисторот ако не е изведена повратната врска правилно. Доколку транзисторот нема повратна врска, неминовно е да се намалува засилувањето на транзисторот поради повишување на работната температура. Повратната врска е таа која го држи засилувањето на транзисторот константно.

[Aleks]

Засилувачот е изведен транзисторски или интегрирано? Ако е изведен транзисторски, можно е да се намалува засилувањето на транзисторот поради загревање на транзисторот ако не е изведена повратната врска правилно. Доколку транзисторот нема повратна врска, неминовно е да се намалува засилувањето на транзисторот поради повишување на работната температура. Повратната врска е таа која го држи засилувањето на транзисторот константно.

Повратна врска на транзистор ?? Мислеш температурен стабилизатор во сериски спој на отпорник и електролитски кондензатор на емитер со маса.

[GigaWatt]

Повратна врска на транзистор ?? Мислеш температурен стабилизатор во сериски спој на отпорник и електролитски кондензатор на емитер со маса.

Не не, мислам на повратната врска. Дали е напонско-напонска, напонско струјна, струјно-напонска или струјно-струјна (претпоставувам дека станува збор за засилувач со биполарен транзистор). Без повратна врска, hfe-то (струјното засилување во динамички режим на работа) на транзисторот ќе варира со зголемување или намалување на температурата, тој параметар кај биполарните транзистори не е константен и во datasheet-овите е дефиниран при работна температура од 20 или 25 степени целзиусови. Затоа прашав како е изведена повратната врска и дали воопшто има повратна врска, бидејќи некои типови на повратни врски кога ќе се употребат во определни кола можат да имаат многу добри, но и многу лоши резултати. Се зависи од тоа дали се примениле на правилен начин и дали добро се пресметани деловите кои се користат во повратната врска. Во некои случаи, дури може да се користи и уште еден биполарен транзистор како дел од повратна врска.

Тоа што ти го спомна, паралелна врска на отпорник и кондензатор од емитер према маса, се користи за дефинирање на статичката работна точка и динамичката работна права на транзисторот кога работи како засилувач во A-класа. Всушност кондензаторот се „гледа“ како краткоспојник кога транзисторот работи во динамички режим, па се прави еквивалентна шема на целото коло за да можат да се одредат определни параметри на колото. Во определени случаи (во зависнот од тоа кој тип на повратна врска имаме употребено во конкретното коло), тој отпорник може да биде дел од повратната врска во колото, па поради тоа може да се смета како дел од температурната компензација на струјното засилување на транзисторот (кратко кажано, има двојна намена) .

[DX-er]

Дечки заборавив да кажам подетално

Не знам дали има воопшто повратна врска но еве ако може зирни на линкот
Шемата е следнава но само таа верзија од 5W (немам ни П од 5)

Code: [Select]

http://www.deeknow.com/notes/tech/radio/NorweiganPirateRadioLeague.htm

Иначе тестирањето го вршам без антена туку со отпорник од 50 оми врзан за излезот и со минусот а паралелно со отпорникот имам мал ВФ метар со стрелка. Е сега транзисторот (Т6) е биполарен 2SC1970. Не ми се верува дека има повратна снага бидејки транзисторот не грее многу, ако ставиш прст ке осетиш многу мала топлина (помалце за да се нарече млак транзистор) а имам слушнато од друг човек дека за да паѓа снагата треба транзисторот да почне да смрди од прегреаност ама тоа којзнае за кој транзистор е GigaWatt, може да има и 25 и некој степен повеке а дали тоа значи дека поради тоа паѓа и снагата и дека треба подобро ладење за да не достигне 25 степени ?

Прво мислев дека отпорникот бидејки се загрева и се менува отпорноста па поради тоа и прикажува пад на снагата но потоа ставив и посилен предавател со 2SC1971 (Т6) и отпорникот грееше многу повеке (вриеше) ама стрелката не покажа пад на напонот. Тоа ме чуди мене

[GigaWatt]

Колку што успеав да видам од шемата, транзисторот T6 e всушност 2N3926. Е сега не знам дали 2SC19760 или 2SC1971 се еквиваленти на овој транзистор, но ќе претпоставам дека се. Транзисторот Т6 нема повратна врска, а не му е ни потребна бидејќи во исто време се користи како засилувач но и како модулатор на сигналот. Во овој случај не е потребна класична повратна врска за температурна стабилизација на засилувањето бидејќи и онака нема премногу да се дигне температурата на транзисторот.

Не се разбирам многу од радиотехника, но мислам дека не мора да има ладилно тело транзисторот, доколку не е преголема неговата температура (над 70, 80 степени), не мора да има. Битно е да има константна и стабилна работна температура.

Е сега ова не ми е јасно, кој отпорник од шемата всушност се прегревал. Можеби и ќе знам што му е на предавателот ако знам кој отпорник е .

[DX-er]

види отпорникот е уствари замена за антена, тој за цица снага од предавателот а пак модулатори се двата BF494.

[GigaWatt]

Во право си, кога подобро ја погледнав шемата, T4 и Т6 се користат како засилувачи, а околните компоненти се чисто за филтрирање.

Штом отпорникот грее, значи дека предвателот работи, штом при промена на транзисторот (со појак) отпорникот уште повеќе греел, значи дека предавателот си ја врши работата како што треба. Зошто ВФ метерот не покажува правилно, не знам. Можеби покажува правилно, но потребно му е на предавателот да си ја достигне својата работна температура, па кога сите компоненти ќе ја постигнат својата работна температура (вклучувајќи ги и транзисторите), нивното засилување се намалува за определена вредност.

Ај пробај монтирај мал ладилник на Т6 и види дали исто ќе се намалува засилувањето после определено време  .

[DX-er]

види што е работата, кога ке ставам појак предавател не мрда стрелката и по 20минути а и со послаб предавател не мрда стрелката. Мрда само со овој а има ладилник. Сега вака си викам да не е проблемот до лискумите бидејки имам ставено 4 а морам да ставам толку за тоа што ако ставам само еден ВФ енергијата ке се префрла од транзисторот на ладилникот (како кондензатор)

[Devil]

стави антена ( парче жица) и мери така

[DX-er]

немој само тоа  оти за да го направам тој тест ке мора да идам во грција, само тамо е дозволено или е полабаво, тука не би го правел тоа

[BorceBT]

Јас најмногу би се сомневал во тример кондензаторите може некако да ги менуваат карактеристиките со тек на топлење на целата плоча или кога се под напон (ВФ енергија) но немора да е тоа 100%

[DX-er]

не би требало да е до нив бидејки тие се оние жолтите од алфа кои ги користам и на други па не сум забележал таква појава.

[GigaWatt]

Не знам, I'm out of ideas. Можеби да пробаш со менување на некои околни компоненти на T6, што знам, и оваа идеја е гаѓање на слепо, ама веќе не ми текува ништо друго.

[DX-er]

A што викате, дали може да е до самиот транзистор или тешко?