Вредноста на потенциометарот не треба да ја менуваш, добра е
. Ако имаш 470K, може и таков да ставиш. Јас мислам дека ставив 1M со 1M отпорник врзан во паралела меѓу двата краја на потенциометарот за да добијам 500K (немав 500K на располагање
).
Со R4 и R5 се одредува колку брзо ќе се празни C1. Со зададените вредности во шемата за 240V (56K), некако споро ми се празнеше, дури и кога беше 100nF, а со вредност од 100nF и некако не окидаше како што треба. На пример, ако си на почеток на окидањето (кога треба да почне да пропушта триакот дел од полупериодата), секоја втора или трета ќе ја пропуштеше. Како да немаше доволно голем капацитет за да може да го „погони“ триакот. Е кога го сменив со 470nF, веќе си окидаше како што треба, секоја полупериода, арно ама не се враќаше до нула (да пропушта само една полупериода) кога ќе го поставев на минимум потенциометарот. За празнење на онаа полупериода или дел од полупериода која „не треба“, се одговорни овие два отпорника, што значи дека не успеваат на време (за времетраење од една полупериода) сосема да го испразнат кондензаторот. И затоа им ја намалив вредноста, за да може побрзо да го празнат C1. Ги намалив на 15K. Е сега, не ми текнува точно колкава моќност поставив да бидат (мислам 3W или така нешто), ама пресметај според вредноста на мрежниот напон и нивната отпорност.
А за диакот... искрено појма немам каков беше. Мислам дека беше DB25, ама не ме земај за збор. Знам дека немав ниеден на располагање и LordZi ми позајми некои, мислам дека беа DB25. Диакот е помал проблем, би требало да работи со било каков диак.
Ова што го пишав, не го пишувам напамет, значи се е пробано и видено на осцилоскоп. Видов разлика меѓу оние „обичнине“ шеми само со диак и оваа со грец, има разлика во работата. Прва разлика е тоа што со оние обичнине имаш регулација само во еден квадрант, значи кога потенциометарот е на минимум се крати само половина полупериода (четвртина периода), а тоа ми беше премалку (барем за моите потреби). Втора разлика беше хистерезата. Навистина се елиминира хистерезата со оваа шема со грецот. Пробував, разгледував и во однос на број на делови и она што, горе долу, би ми ги задоволило потребите, шемата со грецот беше најдобар компромис. Имаш контрола на цела полупериода, за разлика од половина полупериода и се елиминира хистерезата... а бројот на делови е само плус 3 (ако го сметаш грецот како една компонента, јас барем така направив).
