Проблем со LCD монитор LG FLATRON L1750S

[batka]

Ако сакаш да  поработиш вклучи  напон на плочката и пробај дали  иде  напон  до чипот. Ако не доаѓа напон до чипот пробај најди ги стабилизаторите.Ако не излегува напон од нив- смени ги.Ако излегува напон,а нема греење на чипот треба да  сумјаш на него.

[Teslakr]

Конечно најдов слободно време за да го  upload-рам EEPROM dump-ot.
Споено мислење: [time]09 Септември 2013, 11:07:48[/time]Заборавив да напоменам дека на чипот доаѓа напон од 2.7 волти, но негово загревање нема. Има стабилизатор на напон од 3.3 волти и тој е  во ред.
Споено мислење: 09.09.2013, Monday, 15:34:26На вга плочката  се наоѓа детектор на напон  KIA7042AP, според мерењата што ги направив до него не доаѓа воопшто напон. Во нормални услови до него би требало да доаѓа напон од 4.2 в. Не можам да отријам што е причината што го нема напонот до него, и што улога има овој детектор ако некој има искуство да напише.

[batka]

Јас ти кажав дека јас проблем сум решавал со менување на два стабилизатори на напон  ТОР117 АХ4N (под таа ознака беа кај мене на плочката).Тоа ти е smd верзија на LM117 .Мониторот беше настрадан од невреме.Сега,познавајќи ги Кинезите,на плочката веројатно има други стабилизатори (со друго име,а иста функција).Извади го чипот KIA7042AP ,до кој не иде напон и мери без него дали иде то ножичката 4,2 V.Ако напонот се појави грешка е во тој чип.Ако пак го нема мери и види од каде му доаѓа напон,па таму барај го кварот.

[GigaWatt]

На вга плочката  се наоѓа детектор на напон  KIA7042AP, според мерењата што ги направив до него не доаѓа воопшто напон. Во нормални услови до него би требало да доаѓа напон од 4.2 в. Не можам да отријам што е причината што го нема напонот до него, и што улога има овој детектор ако некој има искуство да напише.

Види дали KIA7042AP е врзан преку некој пин за процесорот на VGA плочката. Можно е тоа да е Reset пинот на процесорот кој (најверојатно) е активен на ниско логичко ниво. Процесорот кој го користи овој монитор е TSUM16AL-LF. Не успеав да најдам datasheet од него, така да, во принцип, многу работи ќе се нагаѓаат (ако некој успее да најде, нека стави линк или нека го upload-ира на форумов datasheet-от).

Како и да е, KIA7042AP се користи за ON/OFF или Reset контрола на процесорски системи, при што, установува дали има присуство на определен напон или не. Ако го има, на неговиот излез дава ниско логичко ниво, ако го нема, дава високо логичко ниво. Конкретно KIA7042 дава високо (поточно, open collector circuit, недефинирано) логичко ниво на неговиот излез (пин 3) ако напонот меѓу пинот 1 (Vcc) и пинот 2 (GND) падне под 4.2V. KIA7042AP може да се напојува со напони од -0.3 до +15V. Така да, во конкретниот случај, не е ни чудно што не дава ништо на неговиот излез, нема доволно напон за да се напојува.

На долните слики е дадена интерна шема на KIA7042AP и апликациска шема. Очигледно е дека се користи за заштита од пренизок напон.





Сервисната шема за LG FLATRON W1934S е многу лоша :S. Сликите се со многу мала резолуција и не можам да видам ништо :S. Едвај го исчитав името на процесорот :S (TSUM16AL). Од тоа што успеав да прочитам од сервисната шема, пинот 24 од процесорот се користи за Reset, но за него го нема врзано KIA7042AP, туку само едно обично сериско RC коло, кондензаторот е врзан за Vcc, а отпорникот е врзан за GND, пинот преку кој се врзани е врзан за RST пинот на процесорот (пинот 24). Кондензаторот, во почетниот момент, кога ќе дојдат +5V на неговиот позитивен пин (електролитски е според шемата, 10uF, 25V), е празен и почнува да се полни, што значи дека во првиот момент на доаѓањето на напон од +5V, пинот RST е на високо логичко ниво (+5V). По определено време, кондензаторот веќе почнува да се наполнува (преку отпорникот) и напонот полека опаѓа, што значи дека за целото време на работа на мониторот, напонот на RST пинот на процеосорот е ниско логичко ниво (0V). Ова ме наведува да мислам дека нормална (неактивна состојба) на RST пинот е ниско логичко ниво, а всушност, во првите моменти на пуштање на мониторот во работа, бидејќи RST пинот е високо логичко ниво, процесорот не работи (закочен е). Ова е најверојатно заштита за да поминат сите преодни режими на работа на останатите кола (напојувачка секција, инверторот за неонките, итн.), па дури откако ќе се стабилизира работата на останатите кола, да се пушти процесорот во работа.

Можно е во некоја понова (или постара) ревизија од овој монитор, место ова RC коло да го имаат монтирано KIA7042AP. Не знам, шемата е навистина лоша, скоро ништо не се гледа :S. Но, забележав дека не се напојува само со еден напон, туку повеќе напони: VADC кој е 3.3V и е врзан за пиновите X, 24 и (најверојатно) 14 (X значи не можам да видам), VDDC кој е 1.8V и е врзан за пиновите X, X, 51, 66 и некои други напони.

Успеав да најдам сервисна шема од друг монитор (HP L1706) кој го користи истиот процесор (TSUM16AL-LF) и кај него добро се гледа кои пинови се за напојување и кои напони ги бара процесорот .

VDDC = 1.8V, пинови 51, 66, 82, 34.

VDDP = 3.3V, пинови 32, 49, 56, 75.

AVDD = 3.3V, пин 24.

VMPLL = 3.3V, пин 98.

AVDD_DVI = 3.3V, пинови 8, 14.

VPLL = 3.3V, пин 16.

Претпоставувам дека не се сите пинови за напојување, најверојатно некои се и за контрола на други секции од мониторот. Претпоставувам дека за напојување се првите два, VDDC и VDDP. Провери дали на тие пинови има 1.8V и 3.3V, колку што е декларирано според шемата.

Сервисната шема за HP L1706 е многу слична со онаа за LG FLATRON W1934S, така да, би ти препорачал да ја симнеш. Освен тоа, на шемата од HP L1706 убаво се гледа колото за контрола на Reset пинот на TSUM16AL-LF, само што таму е искористено колото MAX810STRG, но иста функција има како KIA7042AP, така да, нема разлика. Пробај со оваа сервисна шема да го најдеш проблемот во VGA секцијата. Мислам дека можно е некој од кондензаторите за стабилизација на напонот или калемите за филтрирање да се зезнати (некој кондензатор да е во краток спој, некој калем да е отворен или нешто слично). Ако имаш стабилизиран извор за напојување, не е лошо да пробаш со него директно на овие пинови (и на сите останати) да донесеш напон од 1.8V и 3.3V и да видиш дали ќе даде знаци на живот мониторот . Не знам дали калемите и кондензаторите се на VGA плочката или на напојувачката плочка, но обично овие компоненти се ставаат блиску до интегрираните кола кои треба да ги напојуваат, за да има што е можно пократки водови до напојувачките секции за да не се внесе многу EMI во напојувањето, така да, претпоставувам дека се на VGA плочката. Провери ги и нив, скоро идентични се начините на кои се изведени овие секции и кај двата монитори (LG FLATRON W1934S и HP L1706). Кој знае, можно е и да се клонови или LG да изработил некоја серија за HP . Не ја разгледав цела шема од HP L1706, но секцијата со процесорот TSUM16AL-LF е скоро идентична со онаа од LG FLATRON W1934S .

Линк од шемата на HP L1706:

Code: [Select]

http://www.eserviceinfo.com/downloadsm/52468/HP_L1706%20TSUM16AL.html
Провери ова што ти пишав и пиши до каде си стигнал .

ПС: Благодарам за dump-от .

[batka]

LG има под тој број четири различни плочи,па не можеш никако да бидеш сигурен што има на плочата.Може подобро ќе биде да ја сликаш  или во краен случај да ги исчиташ сите делови (поважните) да видиме што е што.И не кажа како е настанат дефектот?

[Toma]

За LG FLATRON L1750SQ по шема процесорот е U201 TSU56AL.
Во прилог слика

[GigaWatt]

Јас цело време пишувам за погрешен монитор , не ми се верува, хахааххаах . Место за LG L1750S, јас пишував за LG W1934S . Извинете моја грешка .

Во секој случај, ситуацијата е слична, со таа разлика што процесорот не е ист, но е сличен . LG L1750S го користи TSU56AL (или TSU16AL-LF, не знам, на parts list стои вака, но на шемата е означен како TSU56AL). Еве сервисна шема.

Code: [Select]

http://elektrotanya.com/lg_l1750,1950s-sn.pdf/download.html
Слична е ситуацијата . Напоните за напојување се исти, 1.8V и 3.3V. Провери дали ги има и ако ги нема, први на сомнеж ти се кондензаторите за „фино“ филтрирање (би требало да се на VGA плочката).

KIA7042 се користи за Reset, ама на MTV312, не на главниот микропроцесор. Потоа ако се ресетира MTV312, изгледа он дава Reset сигнал за главниот процесор . Изгледа така е решено на оваа плоча .

Ако на излез од плочата за напојување ги имаш адекватните напони, а на влез во процесорот ги немаш, најверојатно е некој вод во прекин (не видов филтрирачки калеми во шемата, така да, нема што да се сомневаме во нив) или некој пин виси... кој знае. Провери и пиши .

ПС: @Toma: Точно, моја грешка, цело време за погрешен модел пишував . Добро, не е толку голем проблем . Се разликува само распоредот на пиновите , напојувачките напони се исти .

[batka]

Го имам сервис мануалот па на Гига Ват на меил ке му го пуштам ,ако сакаа.Може барем дел од шемите да ги постира.Овде е прикажана сосема друга плоча од она која ја имав јас  во сервис. Напонскиот дел е истиот ,ама VGA нe истиот,кај  мене беше сосема друг!!  Да го чуеме засегнатиот член дали навистина шемава се однесува за неговиот монитор.

[Teslakr]

Еве нешто документација што најдов за овој монитор, ги има сите електронски компоненти разгледајте. Оваа плочка е од LG1730SN ама се потполно исти 100%.

Code: [Select]

https://www.megacloud.com/s/38C0wdwiFJ8/LG_Flatron_L1750S_L1950S_CL-82.rarСпоено мислење: 09.09.2013, Monday, 22:42:20Заборавив да напоменам дека дефектот настанал при што во последно време му исклучувал лцд панелот значи црн екран а лед диодата останувала да свети зелена и се блокирал не можеш да го исклучиш, така правел неколку месеци при што лугето го оставале одреден временски период исклучен од струја и кога ко приклучувале продолжувал со работа се додека не престана да дава слика. Сега кога ќе го приклучам мониторот во струја само светнуваат неонките 2 до 3 секунди логото не излегува на екран лед диодата се пали и е закочен значи на power копчето не може да се исклучува. Лцд панелот е исправен бидејќи е пробан на друг монитор исто така и напојувањето е пробано, плус пробав со ATX директно му дадов 12 и 5 волти на вга плочката, пак исто а неонките ги напојував со универзален инвертер на 12 волти.

[GigaWatt]

Ти пишав претходно, разгледај ја шемата и види кои се напоните на ногичките на TSU16AL-LF . Ако од напојувањето ги добиваш напоните (на пиновите од конекторот), а на пиновите од процесорот ги немаш, значи некоја од компонентите на VGA плочата не е во ред... најверојатно некој кондензатор .

Шемата која ка имаш post-ирано е иста со онаа која јас претходно ја post-ирав . Значи шемата е таа, се што треба е да мериш .

EDIT: Врз база на тоа што го имаш пишано, мене ми изгледа како нешто да не е во ред со MTV312 (MICOM). Провери дали до него доаѓа напојување од 5V (пин 8 ) и дали на пин 16 има високо или ниско логичко ниво. Провери ја и линијата за KIA7042, дали и до него на пин 1 му доаѓа напон од 5V. Ако не доаѓа, имаш некој проблем со водовите или конекторите... како што пишав, не е ништо чудно и некој SMD кондензатор да е во краток спој или некој отпорник да е зезнат.

EDIT2: Провери го и KIA78D33. Тоа е стабилизатор. Го намалува напонот на 3.3V за процесорот. Исто важи и за диодите KDS184. Тие изгледа прават пад на напон за да од 3.3V-ниот rail се добие 1.8V.

[Teslakr]

Ова се напоните коишто го измерив:
MTV312 пин4 3.11волти, пин8 4.80 волти
TSU16AL пин 46,50,67,87 1.8 волти. пин43,47,54,64,76,90 3.3 волти
Исто така 5 волти оди и до KIA7042 пин1. Тоа значи дека до чиповите одат потребните напони.
Од кога ќе ја приклучам плочката на напон забележав дека MTV312 нормално се загрева а TSU16AL иако до него оди напон не се загрева воопшто. Дали е можно тој чип да е во дефект и како тоа може да се испита.

[GigaWatt]

Да, врз база на ситуацијата која ја опиша, сите напони се во ред. Можно е TSU16AL да е дефектен. Евентуално провери дали на излезот од KIA7042 (пин 3) се добива напон од 5V (4.80V, и тој е во ред и спаѓа во спектрумот на напони за логичка единица) или има напон од 0V.

Значи, оди по следнава логика. Ако на излезот од KIA7042 се добива логичка единица, ова го става транзисторот Q503 во SAT. Ако е Q503 во SAT, RST пинот на MTV312 (пин 7) треба да биде блиску до логичка нула (0.1, 0.2V или некоја вредност блиска на оваа). Значи, ако на излез (пин 3) од KIA7042 се добива логичка единица, на пин 7 од MTV312 треба да има логичка нула и обратно, ако од KIA7042 на излезот се добива логичка нула (некоја вредност блиска до 0V треба да биде, или барем пониска од 1V), треба на пин 7 од MTV312 да се добие логичка единица (вредност блиска до 5V).

Е сега, според datasheet-от на MTV312, RST пинот е активен (MTV312 е во Reset позиција, значи е неактивен, не работи) ако на него се донесе логичка единица. Според сервисната шема, се гледа дека Reset состојбата на TSU16AL се контролира од страна на MTV312, поточно од пинот 16 на MTV312.

Не можам да најдам datasheet, така да, во принцип, до некаде нагаѓам која логичка состојба го става TSU16AL во Reset позиција (пин 95 на TSU16AL). Според сервисната шема, нема знак за комплемент над ознаката за Reset пинот на TSU16AL, што значи дека би требало TSU16AL да е во Reset позиција за високо логичко ниво на тој пин. Значи, TSU16AL е неактивен (во Reset) кога на пин 95 има високо логичко ниво (напон близок до 5V).

Е сега, ако напонот на пин 95 од TSU16AL е 5V, најверојатно е во Reset. Проблемот е, како да го провериш ова. Бидејќи немам datasheet, нагаѓам, ова го кажувам само врз база на ознаките на сервисната шема. Би требало на пиновите 56, 57, 70 и 71 да имаш само логичка единица или само логичка нула. Ако ова е точно, провери која е состојбата и на пиновите 52, 53, 58, 59, 60, 61, 62, 63, 68, 69, 72, 73, 74, 75, 78 и 79. Логичката состојба на сите овие пинови би требало да биде логичка нула (или блиску до нула). Исто така, ако имаш осцилоскоп, провери и дали има осцилации меѓу пиновите 96 и 97 на TSU16AL. Би требало осцилациите да бидат со фреквенција од околу 12MHz.

Ако се ова е точно (на наведените пинови нема ништо, односно има или само логичка единица, или само логичка нула и кристалот осцилира) и притоа напонот на пинот 95 од TSU16AL е околу 5V (логичка единица), може со голем процент на сигурност да се каже дека TSU16AL е исправен, но е во Reset позиција, па изгледа како да е „мртов“. Проблемот е најверојатно во KIA7042 или Q503 (KST3904) или некоја од околните компоненти (отпорниците R537 = 3K3 или R535 = 3K3) кои го ставаат MTV312 во Reset позиција, а овој пак (претпоставувам) му праќа Reset сигнал на TSU16AL. И така, изгледа како ништо да не работи, како да е мртва VGA плочката, а всушност и двете кола се во Reset позиции.

Провери се ова што ти пишав и пиши резултати од мерењата . Јас се обложувам на KIA7042 или Q503, но не се знае, ќе видиме . Доколку на KIA7042 на влез (пин 1) му доаѓа напон повисок од 4.2V, он на неговиот излез мора да даде логичка единица (поточно, коло со отворен колектор е, но да не навлегувам) со што Q503 треба да се стави во SAT и на пин 7 од MTV312 да имаш логичка нула . Ако ситуацијата е обратна, тогаш некоја од овие две полупроводнички компоненти е најверојатно неисправна... а можеби и двете, кој знае . Можеби има ладен лем или нема добар контакт... никогаш не се знае .

[Teslakr]

Мерено на KIA7042 пин 1 има 4.80 волти а на пин 3 има 0.70 волти, GigaWatt да не е тој напон премал за да го стави во SAT Q503.

[GigaWatt]

Измери колкав е напонот на колекторот на Q503 и види дали е ист со напонот на пин 7 од MTV312 (треба да е ист). Ако е напонот висок, неисправен е Q503 или некоја од компонентите околу него. Извади го Q503 и R535 и директно на пинот 7 од MTV312 донеси GND. Ако проработи мониторот, смени ги Q503, R537 и R535. Место Q503 може да ставиш било каков универзален NPN транзистор (ако е во SMD, набутај го некако , нема да му пречи на колото, само пази да не направиш некој спој), а останатите два отпорника ти се означени и имаат иста вредност (и за нив важи истото, не мора да бараш SMD компоненти, стави некои отпорници со моќност од 0.125W, ги има по продавнициве, а и во многу од поновиве CRT монитори и телевизори такви ставаат, извади од некаде ).

Ако по преправкава не се пушта мониторот, а се пуштал со носење на GND на пин 7 од мониторот, неисправен е и KIA7042. Ако не можеш да го најдеш или не можеш да најдеш замена за него... остави го пин 7 од MTV312 врзан за GND, би требало без некои поголеми проблеми да работи и така мониторот . KIA7042 е заштита од пренизок напон и заштита при гасење на мониторот, да не работат контролерите на мониторот при понизок напон од 4.2V, случајно да не се оштетат чиповите на VGA плочката .

Ако и по врзување на пин 7 од MTV312 за GND, мониторот пак не се пушта, провери колкав е напонот на пин 16. Ако е висок, нешто изгледа не е во ред со MTV312. Најверојатно е изгорен. Ако успееш да најдеш од некој друг монитор или да нарачаш online, можеби и може да се поправи. Не е лошо да пробаш и цела плочка да ја загрееш со лемна станица на топол воздух, можно е и некоја компонента да не е залемена убаво или да изгубила контакт па да му прави проблеми на MTV312. Провери и дали пин 10 од MTV312 е врзан за GND, можно е и тука да има проблем (добива напони за напојување, но не е врзан за GND, нема со што да се затвори колото).

[Teslakr]

Малце закаснив со темава поради други работни обврски. Значи на вга плочката ги заменав KIA7042 и Q503  и пак не сакаше да запали, него го баталив немав ни време ни нерви нешто друго да барам него порачав друга плочка ја монтирав и мониторот си работи беспрекорно без никаков проблем. Но сепак фала ви многу за понудените предлози.