Македонски форум за електроника
Аналогна електроника => Радио техника => Радиоаматери => Topic started by: DX-er on 11.09.2011, Sunday, 16:52:42
-
Напишано од Z35M | 19 Мај 2010
Радиоамaтерот од Битола, Тодор Тодоровски – Z31RM во 2009 година ја оствари првата радиоаматерска врска на опсегот од 6 м (50 MHz) со одбивање на сигналот од површината на месечината (Earth – Moon – Earth: E-M-E).
Радиоврската е оддржана со претходно закажување со американскиот радиоаматер R. Lance Collister - W7GJ од сојузната држава Монтана, кој во оваа прилика користел предавател со моќност од 1,5 KW и антенски систем составен од 4 х 9 елементи Yagi за 50 MHz, додека Тодоровски за оваа прилика користел скромна опрема составена од 6 елементeн Long Yagi за 50 МHz, подигнато на јарбол висок 6 м, и моќност на предавателот од само 200 W.
Користен е дигиталниот вид на емисија ЈТ65 кој е многу погоден за декодирање при слабеење на сигналот дури до вредности од минус 32 Db. Како погодна локација за оддржување на радиоврската бил одбран спортскиот аеродром во близина на Битола, додека американскиот радиоаматер работел од својата добро опремена домашна локација.
Oддржувањето на радиоврски со одбивање на сигналот од месечината e eдна од специјалностите на битолските радиоаматери, така што уште од порано од локацијата на радио клубот „Стево Патакот“ во центарот на Битола се оддржувани Е-М-Е радиоврски на опсегот од 2 м (144 MHz).
извор:
http://z37rsm.org.mk/d1/index.php/2010-09-08-23-58-01/114-2010-05-19-22-21-40.html
-
Мојот драг пријател Тодор Z31RM е секогаш полн со изненадувања дури и речиси невозможни ситуации од оваа област знае да ги реши. Него го викаме ДОКТОРОТ одличен електроничар, мајсториште невидено во областа на електрониката, микроелектроника, индустриска електроника. Тој го направе мојот прв исправувач од 15А за 13,8 V и мојата прва јаги антена од 3 елементи кога почнав да се занимавам со оваа дејност. Секоја чест за EME врската на 50 мегахерци
-
тоа е голем престиж да се направи таква врска, замисли емитуваш сигнал кој знаеш дека допира до месечината а потоа се враќа назад кон земјата покривајки голем дел во територија и популација :) а пак сигналот кој ке ја "промаши" месечината патува и патува понатака во небесната шир се додека не биде фатен од некоја цивилизација по многу години или пак ке заслабне до тој степен што нема да може да биде корисен :D