Македонски форум за електроника

Останато => Мерна опрема => Topic started by: GigaWatt on 17.07.2010, Saturday, 18:56:10

Title: Дигитален ESR метар според шема од Емитер 6/2004
Post by: GigaWatt on 17.07.2010, Saturday, 18:56:10
Како што знаат дел од членовите на форумов, го изработив дигиталниот ESR метар според шемата од Емитер 6/2004. Шемата не е прекомплицирана и сите компоенти можат да се најдат во Македонија, освен можеби операцискиот засилувач LF412 кој се наоѓа малку потешко, но место него можете да искористите друг нискошумен операциски засилувач со мал drift. Се на се, компонентите (заедно со каблите за мерните сонди, не сметајќи ја кутијата за инструментот се разбира) ме чинеа околу 600 денари (значи 10 евра), што е релативно ниска цена за ваков тип на инструмент ;). Еве неколку слики од изработениот уред.

(http://i1162.photobucket.com/albums/q537/0x4E4F/sdc10548.jpg) (http://i1162.photobucket.com/albums/q537/0x4E4F/sdc10548.jpg)   (http://i1162.photobucket.com/albums/q537/0x4E4F/sdc10549wl.jpg) (http://i1162.photobucket.com/albums/q537/0x4E4F/sdc10549wl.jpg)   (http://i1162.photobucket.com/albums/q537/0x4E4F/sdc10550.jpg) (http://i1162.photobucket.com/albums/q537/0x4E4F/sdc10550.jpg)   (http://i1162.photobucket.com/albums/q537/0x4E4F/sdc10559.jpg) (http://i1162.photobucket.com/albums/q537/0x4E4F/sdc10559.jpg)

(http://i1162.photobucket.com/albums/q537/0x4E4F/sdc10552n.jpg) (http://i1162.photobucket.com/albums/q537/0x4E4F/sdc10552n.jpg)

И јас исто (како LordZi) решив да ставам крокодилски штичиња, навистина полесно се врши мерењето, на веќе извадени кондензатори, а и доволно мали врвчиња имаат за да може да се врши и on-board мерење ;). Нека не ве чуди покажувањето од -0.4 оми кога сондите се краткоспоени, му треба малку време на уредот на да се загрее (да постигне оптимална работна темепратура) за да може да почне да покажува правилно (му треба некаде околу 15 или 20 минути да работи за да почне да покажува правилно ;)). Како што може да се види од третата слика (која е сликана неколку минути по втората слика), веќе почнува да се стабилизирува работата на инструментот (ја намалува вредноста на „негативната“ отпорност се додека не дојде до вредност нула). На четвртата слика се гледа покажувањето на инструментот на отпорник од 100 оми, и како што се гледа, прецизно е измерена неговата вредност ;). Знам дека дисплејот е наопаку, но можете да ги изротирате сликите ако ви е тешко да ја прочитате вредноста наопаку ;D. Наопаку е поставен дисплејот поради распределбата на пиновите на колото ICL7107CPL и неможноста да се најде истото коло во Македонија со инверзен распоред на пнови за да може дисплејот да се монтира нормално. На петтата слика е прикажан изгледот на ППК-то. Двете зелени жици се само за затегнување на мерните сонди за ППК-то, не вршат никаква улога во работата на уредот ;).

Прво што треба да се направи при подесувањето на уредот е да проверите дали навистина се генерира правоаголниот мерен сигнал. Ова можете лесно да го проверите со помош на осцилоскоп. На пинот 4 од интегрираното коло IC1 (по правило треба да се искористи интегрираното коло CD4093B, но јас го имав ставено интегрираното коло HEF4093B) треба да се појави правоаголен сигнал со фреквенција од околу 200KHz (+- 50KHz). Доколку фреквенцијата на сигналот не е 200KHz, со помош на потенциометарот P1 (4K7) ја подесувате фреквенцијата на сигналот да биде околу 200KHz (некаде помеѓу 190KHz и 210KHz, не е премногу критична оваа вредност ;)). Еве како би требал да изгледа сигналот заедно со напонските нивоа (прикажани се на екранот на осцилоскопот) и фреквенцијата (исто така е прикажана на екранот од осцилоскопот).

(http://i1162.photobucket.com/albums/q537/0x4E4F/sdc10553i.jpg) (http://i1162.photobucket.com/albums/q537/0x4E4F/sdc10553i.jpg)

На пиновите 8 и 9 од интегрираното коло IC2 (по правило треба да се искористи интегрираното коло 74ACT74, но јас го имам ставено SN74LS74AN) треба да се добие противфазен сигнал со дупло помала фреквенција, односно со фреквенција од околу 100KHz, како што е прикажано на следната слика. Исто така прикажани се минималната вредност на сигналот, максималната вредност на сигналот и напонот од пик до пик (Vpp).

(http://i1162.photobucket.com/albums/q537/0x4E4F/sdc10553i.jpg) (http://i1162.photobucket.com/albums/q537/0x4E4F/sdc10553i.jpg)

На мерните сонди треба да го има истиот овој противфазен сигнал, но со релативно помала амлитуда.

Што се однесува до останатите подесувања на инструментот, се си е убаво опишано во проектот во Емитер. Единствен проблем (барем за мене) беше баждарењето на инструментот. Прво, имав направено една грешка во однос на вредноста на отпорникот со кој се баждари инструментот. Ја имав погрешно прочитано вредноста на отпорникот, и наместо со отпорник од 10 оми, јас го баждарев инструментот со отпорник од 100 оми (третата кафеава линија ми се виде како црна, премногу темна беше и сум ја помешал бојата, не ми ни текна да го измерам со омметар :S) и сакав да ми покаже вредност од 10 оми на дисплејот (што за живо чудо ми успеа ;D). Поради таа грешка, при мерење на кондензатори (тетстирање на инструментот) во никој случај не сакаше да ми покаже поголема вредност од 1.1 ом на електролитски кондензатори стари и по 20, 30 години (што всушност значело вредност од 11 оми, нели ;)). Затоа, прво добро проверете ја (измерете ја) вредноста на отпорникот со кој го баждарите инструментот за да не ви се случи истата ситуација како и на мене ;).

Втора препрека на која се сопнав беше референтната вредност на напонот према кој се врши споредбата на измеренииот напон. Во проектот пишува дека на пинот 36 од интегрираното коло ICL7107CPL треба да се нагоди напонот да има вредност од 100mV (напонот за компарација). Јас со оваа вредност на напонот никако не можев да го подесам инструментот (со движење на потенциометарот P3) да покажува вредност од 18 оми на отпорник од 18 оми (немав отпорник со вредност од 10 оми, најниска врендост што ја имав беше 18 оми, па решив да го баждарам со таа вредност). На крајот решив да ја намалам вредноста на напонот за компарација (се подесува со тример потенциометарот P4) се додека на дисплејот не ја покаже посакуваната вредност од 18 оми (при оваа промена, потенциометарот P3 беше во неговата крајна десна позиција). Кога конечно успаев да ја добијам вредност од 18 оми на дисплејот, го измерив напонот на пинот 36 од ICL7107CPL (IC5) и видов дека вредност на напонот е околу 30mV. Со волку мала вредност на напон за комапрација, лесно се измрдува нултото покажување на дисплејот кога сондите се краткоспоени, а и измерената вредност на ESR отпорноста на кондензаторите премногу варира (се менува вредноста на дисплеот од, на пример, 10 оми до 12 оми без притоа да се мрдаат и поместуваат мерните сонди, ниту пак кондензаторот). Претпоставувам дека ова се случуваше поради тоа што вредноста на напонот за компарација е премногу мала, па веќе на толку мала вредност на напон, почнуваат да вилјаат електромагнетните пречки од околината, како и некои други фактори се разбира. Поради ова, решив да ја зголемам вредноста на напонот за компарација на некоја релативно поголема вредност, блиска до дефинираната (според текстот). Така ја подесив вредноста да биде 95mV.

(http://i1162.photobucket.com/albums/q537/0x4E4F/sdc10558m.jpg) (http://i1162.photobucket.com/albums/q537/0x4E4F/sdc10558m.jpg)

Сликата е направена веднаш по пуштањето на инструментот во работа, па поради тоа покажува малку поголема вредност (како што нагласив претходно, и како што е напишано во текстот од проектот, му треба време на уредот за да ја постигне работната температура). При вака подесената вредност на напонот за компарација, решив да експериментирам со вредностите на отпорникот R23 (10K) и потенциометарот P3 (4K7). Посакуваната вредност од 18 оми на дисплејот ја добив со вредност на отпорникот R23 од 470 оми и вредност на потенциометарот P3 од 100K. Вредноста на потенциометарот P3 не е критична, и при вредност на отпорникот R32 од од 100 оми до 1K, може да се движи од 22K до 100K ;). Се разбира, овие вредности на потенциометарот и отпорникот се добиени експериментално (не вршев никакви пресметки). Така да, ако случајно не можете да ја подесите вредноста на дисплјеот да ја покажува вредноста на отпорникот со кој го баждарите инструментот (според препишаните вредности на R23 и P3 од проектот, односно R23=10K и P3=4K7), експериментирајте со вредностите на R23 и P3. Само гледајте вкупната отпорност на R23 и P3 (R23 + P3) да не падне под 1K. Во тој случај може да почне малку повеќе да грее операцискиот засилувач LF412, па да се изгуби темературната стабилност на колото и да почне да „шета“ мерената вредност (да не покажува правилно инструментот).

Исто така, сакам да напоменам дека, доколку сте во можност, не е лошо да искористите повеќеобртен потенциометар на местото на потенциометарот P5 (100K). Со помош на повеќеобртниот потенциометар многу попрецизно ќе можете да наместите на дисплејот од инструментот да покажува нула оми при краткоспоени сонди (јас се изнамачив додека подесив нула да ми покажува на дисплејот). Истото важи и за потенциометарот P3. Ако често ви се измрдува нултата позиција на ESR метарот (ако при краткоспоени содни инструментот не покажува нула секој пат), можете тример портенциометарот P5 да го замените со потенциометар и да го монтирате на надворешната страна од самата кутија (исто како и тастерот S1, иако јас мислам дека е попрактично да се користи прекинувач), така да после определн број на мерења да можете повторно да ја подесите нултата позиција ;).

Исто така, морам да наведам дека има грешка во листата на компонентите (во горниот десен агол на страна 47), IC7 не е 7809 туку 7905. На шемата е точно означена компоентата, но во листата на делови е згрешена ;). Не знам дали во некој понатамошен број од Емитер ја имаат корегирано оваа грешка.

Еве и неколку слики од мерени кондензатори со ESR метарот :).

(http://i1162.photobucket.com/albums/q537/0x4E4F/sdc10565c.jpg) (http://i1162.photobucket.com/albums/q537/0x4E4F/sdc10565c.jpg)   (http://i1162.photobucket.com/albums/q537/0x4E4F/sdc10566h.jpg) (http://i1162.photobucket.com/albums/q537/0x4E4F/sdc10566h.jpg)   (http://i1162.photobucket.com/albums/q537/0x4E4F/sdc10567e.jpg) (http://i1162.photobucket.com/albums/q537/0x4E4F/sdc10567e.jpg)   (http://i1162.photobucket.com/albums/q537/0x4E4F/sdc10568m.jpg) (http://i1162.photobucket.com/albums/q537/0x4E4F/sdc10568m.jpg)

(http://i1162.photobucket.com/albums/q537/0x4E4F/sdc10569s.jpg) (http://i1162.photobucket.com/albums/q537/0x4E4F/sdc10569s.jpg)   (http://i1162.photobucket.com/albums/q537/0x4E4F/sdc10570.jpg) (http://i1162.photobucket.com/albums/q537/0x4E4F/sdc10570.jpg)   (http://i1162.photobucket.com/albums/q537/0x4E4F/sdc10571.jpg) (http://i1162.photobucket.com/albums/q537/0x4E4F/sdc10571.jpg)   (http://i1162.photobucket.com/albums/q537/0x4E4F/sdc10572h.jpg) (http://i1162.photobucket.com/albums/q537/0x4E4F/sdc10572h.jpg)

(http://i1162.photobucket.com/albums/q537/0x4E4F/sdc10573e.jpg) (http://i1162.photobucket.com/albums/q537/0x4E4F/sdc10573e.jpg)
Title: Одг: Дигитален ESR метар според шема од Емитер 6/2004
Post by: BorceBT on 17.07.2010, Saturday, 19:14:48
Браво! Одлично сработено и многу корисен инструмент поготово во ерата на лоши компјутерски напојувања и плочи ;)
Title: Одг: Дигитален ESR метар според шема од Емитер 6/2004
Post by: Devil on 17.07.2010, Saturday, 19:16:35
море очите ќе ми падната додека да прочитам, ама 100% ќе прочитам вака некој корисни информаци ме интересираат ;)
Title: Одг: Дигитален ESR метар според шема од Емитер 6/2004
Post by: GigaWatt on 17.07.2010, Saturday, 19:28:24
Фала Борче ;).

@Devil

Морав да го направам толку долг post-от бидејќи требаше да се извршат определени корекции на оригиналната шема, мали корекции, но сепак важни ;).
Title: Одг: Дигитален ESR метар според шема од Емитер 6/2004
Post by: Devil on 17.07.2010, Saturday, 19:32:55
ок го прочитав и жив останав ;D
сега напиши околу вредностите кој се добиваат на дисплејот, односно околу исправноста на кондензаторите што значи каква врдност да си имаме ориентација :)
Title: Одг: Дигитален ESR метар според шема од Емитер 6/2004
Post by: GigaWatt on 17.07.2010, Saturday, 19:50:09
Од 0 до 1 ом: Кондензаторот може да се смета за сосема исправен, може да се користи во импулсни напојувања и било какви високофреквенциски кола.

Од 1 до 2 оми: Кондензаторот пчнува да се суши (на почетокот е), така да не е препорачливо да се става во импуслни и високофкревенциски кола бидејќи за определено време ќе почен да јавува знаци на исушеност, особено ако се користи при напон кој е близок до максималниот работен напон на кондензаторот.

Во принцип, сите кондензатори со вредност до 2 оми можат да се сметаат за исправни ;).

Од 2 до 10 оми: Кондензаторот е делумно сув, но не сосема, може слободно да се корсити во филтерски степени на напојувања, но не и за некоја друга примена. Исто така, треба да се напомене и дека кондензатори со висок работен напон (на пример 200V, 250V, 400V, итн.) знат да покажат висока вредност на нивната сериска отпорност (од 5, 6, 7 оми, па некогаш и повеќе), но тоа не мора да значи дека се суви. Причината за ова е нивниот висок работен напон (како тој влијае врз големата вредност на сериската отпорност, не знам :S, ако некој знае, нека пише ;)). Во секој случај, овие кондензатори и онака се користат скоро стриктно во напојувачки секции, така да нивната голема сериска отпорност нема многу да влијае, дури да се суви ;).

Над 10 оми: Кондензаторите со сериска отпорност поголема од 10 оми се смета дека се суви (барем така покажува искуството), па значи дека истите треба да се фрлат. Исто така, доколку ESR метарот измери вредности блиски до 10 оми (на пример 9.8, 9.5, 9.3 итн.), не е лошо да се измери капацитивноста на кондензаторот, па ако таа не е падната премногу (под 20% од неговата дефинирана капацитивност), кондензаторот може да се зачува и да се користи како филтерски кондензатор во напојувачка секција. Ако покаже поголема промена на капацитивноста (капацитивноста е под 20% од неговата дефинирана вредност), кондензаторот треба да се фрли.
Title: Одг: Дигитален ESR метар според шема од Емитер 6/2004
Post by: LordZi on 17.07.2010, Saturday, 20:15:00
Све супер, уште да имав осцилоскоп и ќе го средев и мојот да покажува како што треба... >:(
Ај ќе остане за понатаму на to do листата кога ќе си купам еден... :)
Title: Одг: Дигитален ESR метар според шема од Емитер 6/2004
Post by: Devil on 17.07.2010, Saturday, 20:21:41
па еве прашај некој од скопје дали би ти услужи, односно дали ќе ти помогни да го средите
верувам дека има луѓе кој можат да ти помогнат, не губат ништо за 5мин. работа со осцилоскоп
Title: Одг: Дигитален ESR метар според шема од Емитер 6/2004
Post by: GigaWatt on 17.07.2010, Saturday, 20:28:49
LordZi, може да ти свршам работа ако сакаш, и онака осцилоскопот треба само за да се нагоди фреквенцијата и да се провери дали сигналите се присутни во определени точки од колото ;). Мада подесувањето на фреквенцијата може да се направи и со фреквенцметар (ако имаш еден) ;).
Title: Одг: Дигитален ESR метар според шема од Емитер 6/2004
Post by: LordZi on 18.07.2010, Sunday, 10:51:29
Немам уште направено фреквенциометар, во план ми е, плочката ми е спремна уште да ги соберам деловите и да најдам време.
Гига, фала за понудата, ако не се снајдам на друг начин ќе те малтретирам тебе ;D
Title: Одг: Дигитален ESR метар според шема од Емитер 6/2004
Post by: Georgi on 18.07.2010, Sunday, 12:44:51
Ќе го замолам некој да ми го скенира ова, го немам овај број. Нека ми прати по ПП. Благодарам однапред.
Title: Одг: Дигитален ESR метар според шема од Емитер 6/2004
Post by: GigaWatt on 23.07.2010, Friday, 03:20:29
Еве го готовиот ESR метарот заедно сосе кутија направена од искористени плочи од витропласт ;).

(http://i1162.photobucket.com/albums/q537/0x4E4F/sdc10583u.jpg) (http://i1162.photobucket.com/albums/q537/0x4E4F/sdc10583u.jpg)   (http://i1162.photobucket.com/albums/q537/0x4E4F/sdc10584t.jpg) (http://i1162.photobucket.com/albums/q537/0x4E4F/sdc10584t.jpg)   (http://i1162.photobucket.com/albums/q537/0x4E4F/sdc10585c.jpg) (http://i1162.photobucket.com/albums/q537/0x4E4F/sdc10585c.jpg)   (http://i1162.photobucket.com/albums/q537/0x4E4F/sdc10586g.jpg) (http://i1162.photobucket.com/albums/q537/0x4E4F/sdc10586g.jpg)

(http://i1162.photobucket.com/albums/q537/0x4E4F/sdc10587s.jpg) (http://i1162.photobucket.com/albums/q537/0x4E4F/sdc10587s.jpg)   (http://i1162.photobucket.com/albums/q537/0x4E4F/sdc10588.jpg) (http://i1162.photobucket.com/albums/q537/0x4E4F/sdc10588.jpg)   (http://i1162.photobucket.com/albums/q537/0x4E4F/sdc10589.jpg) (http://i1162.photobucket.com/albums/q537/0x4E4F/sdc10589.jpg)   (http://i1162.photobucket.com/albums/q537/0x4E4F/sdc10590.jpg) (http://i1162.photobucket.com/albums/q537/0x4E4F/sdc10590.jpg)

Кај мојот ESR метар имам мали модификации направено. На пример, место тастерот S1 користев прекинувач (се гледа на предниот дел од плочата на сликите), мислам дека вака е попрактично. Исто така место тример потенциометарот P5 поставив обичен потенциометар (исто така се гледа на предната страна од плочата). Причината за оваа модификација беше поместувањето на нултата позиција на ESR метарот. Премногу често се случуваше сама од себе да се помести нултата позиција на метарот, па решив да го сменам тример потенциометарот и да ставам надворешен потенциометар со кој ќе можам рачно да си ја подесувам нултата позиција ;). За да добијам поголема прецизност, вредноста на потенциометарот P5 ја сменив од 100K на 10K, но исто така ги сменив и вредностите на отпорниците R18 и R19 од 10K на 68K и 24K (соодветно). Вака, вкупната отпорност на напонскиот делител изведен со R18, P5 и R19 е 102K (68K + 24K + 10K = 102K), што не е толку далеку од претходната вкупна вредност (10K + 10K + 100K = 120K). Водовите за потенциометарот P5 ги врзав преку оклопен кабел каде што ширмот е врзан за маса, за да има што е можно помали влијанија од електромагнетните пречки од трансформаторот кој е исто така сместен во кутијата (исто така, во оригиналниот проект, не се препорачува да се ставаат трансформатрот и уредот во иста кутија, баш поради електромагентните пречки, но јас сепак решив да ги ставам).

А еве ја причината зошто го правам ESR метарот ;D.

(http://i1162.photobucket.com/albums/q537/0x4E4F/gubre01.jpg) (http://i1162.photobucket.com/albums/q537/0x4E4F/gubre01.jpg)   (http://i1162.photobucket.com/albums/q537/0x4E4F/gubre02.jpg) (http://i1162.photobucket.com/albums/q537/0x4E4F/gubre02.jpg)

Има мноооооооогу електролити тука за вадење ;D.
Title: Одг: Дигитален ESR метар според шема од Емитер 6/2004
Post by: LordZi on 23.07.2010, Friday, 09:23:47
Епа ај честито, со арно да те служи... :)
Title: Одг: Дигитален ESR метар според шема од Емитер 6/2004
Post by: Ilcebt on 23.07.2010, Friday, 09:26:54
Стави ја шемата ако ја имаш.
Title: Одг: Дигитален ESR метар според шема од Емитер 6/2004
Post by: GigaWatt on 23.07.2010, Friday, 13:43:03
Quote from: LordZi on 23.07.2010, Friday, 09:23:47
Епа ај честито, со арно да те служи... :)

Фалаааа, фалааааа, поубав да си направите ;D.
Title: Одг: Дигитален ESR метар според шема од Емитер 6/2004
Post by: alex on 23.07.2010, Friday, 13:48:25
супер изработено,
Title: Одг: Дигитален ESR метар според шема од Емитер 6/2004
Post by: JOCO on 23.07.2010, Friday, 15:40:54
Супер си го изработил.И јас сум во план да го направам овој уред и еден LC-метар од емитер,само не можам да најдам кондензатор од 1nF со ниска толеранција под 1 %(за лц метарот таков се препорачува ).Само Продолжи така.
Title: Одг: Дигитален ESR метар според шема од Емитер 6/2004
Post by: GigaWatt on 23.07.2010, Friday, 16:19:51
Не знам колку ќе те кошта LC метарот, ама сега имаш евтини RC метри од Uni-T, јас мојот го купив 1500 денари. Мери отпорност и капацитивност, релативно прецизно мери капацитивност, особено ако е помала капцитивноста ;).

ESR метаров го изработив бидејчи гледав на интернет (па и кај нас) цени на ESR метри и не најдов нешто што е поевтино од 300 евра, па затоа решв да го изработам, инаку, барем кога станува збор за мерни инструменти, дефинитвно би купил одколку да правам ;).
Title: Одг: Дигитален ESR метар според шема од Емитер 6/2004
Post by: Devil on 23.07.2010, Friday, 20:46:36
околу кондензаторот од 1nF, земи некој со што е можно повисок работен напон, јас искористив еден од 1000V блок и можам да ти кажам дека е супер :)

инаку гига секоја чест супер е ;D
Title: Одг: Дигитален ESR метар според шема од Емитер 6/2004
Post by: Devil on 12.08.2010, Thursday, 18:41:24
Вака, дали онај делот со ICL колото што е е направен да работи како волтметар или амперметар, дека сакам да го правам уредов ама малку поинаку
се мислам СМД да биде, а не сум сигурен дали има такво коло смд, плус тоа можам со PIC некој да го направам во смд верзија и плус онај делот со генераторот и тој смд и таман ќе биде :)
најдов едно кутивче кое е од стар унимер, дупката на средина ја наполнав со онаа смесата од течен стиропол, камен е јако сега и така да супер дојде :)
ми фали уште да ја офарбам кутијата и да ставам нешто внатре :)
Title: Одг: Дигитален ESR метар според шема од Емитер 6/2004
Post by: Bojan on 12.08.2010, Thursday, 18:52:10
работи како волтметар, и тоа ICL колото имам јас смд пакување...ако сакаш да се договориме некако да ти дадам...ако сакаш ке ти дадам едно дека едно ми е резерва.....
Title: Одг: Дигитален ESR метар според шема од Емитер 6/2004
Post by: Devil on 12.08.2010, Thursday, 19:00:42
можам да ти дадам ако сакаш во ДИЛ пакување :)
само прво ме интересира димензии кој му се ?

дека немам мн простор во кутијата  ;D
Title: Одг: Дигитален ESR метар според шема од Емитер 6/2004
Post by: Bojan on 12.08.2010, Thursday, 19:34:38
Code: [Select]
http://www.datasheetcatalog.org/datasheet/intersil/fn3082.pdf
ја ти даташитот, имам такво како што е последното куќиште...
Title: Одг: Дигитален ESR метар според шема од Емитер 6/2004
Post by: GigaWatt on 04.10.2010, Monday, 02:28:54
Еве и табела со вредости на ESR факторот на кондензторите ;). Само пазете, ова се приближни вредности, значи не треба „слепо“ да се водите по вредностите во оваа табела. Ако имате на располагање искористете и мерач на капацитивност. Доколку вредноста на ESR факторот на кондензтаорот е на граница од пропишаната вредност во табелата (или малку над пропишаната вредност во табелата), но неговата капацитивност не е падната под 20% од пропишаната капацитивност, можете во принцип да сметате дека кондензаторот може да се користи во некоја напојувачка секција, но не и секции на импулсни (switching) напојувања (како на пример компјутерските). Фреквенцијата на напоните и струите во тие напојувања е релативно висока, па високата ESR вредност на полу-сувиот кондезатор ќе дојде до израз (нема да работи колото како што треба). Доколку вредноста на ESR факторот на кондензаторот е многу поголема од пропишаната вредност во табелата, тогаш слободно можете да го сметате тој кондензатор за сув ;).

Инаку табелата е направена како средна вредност на вредностите од неколку различни табели што ги најдов на интернет, како и малото искуство што го стекнав до сега со мерење на кондезатори со различни капацитивности и работен напон ;).

Табелата има две верзии, Македонска и Англиска, еве ги dwonload link-овите и за двете верзии:

Англиска верзија:

permanent link:

Code: [Select]
http://www.box.net/shared/70gobphn4z
mirror:

Code: [Select]
https://www.asuswebstorage.com/navigate/s/7D035A4228494AE896930BF499E8D00AY



Македонска верзија:

permanent link:

Code: [Select]
http://www.box.net/shared/28ej538vhh
mirror:

Code: [Select]
https://www.asuswebstorage.com/navigate/s/BC23188071BE48929B73F1B90C201118Y
Можете да ја редистрибуирате табелата каде сакате (по блогови, други форуми, сајтови...) ;).
Title: Одг: Дигитален ESR метар според шема од Емитер 6/2004
Post by: Devil on 23.11.2010, Tuesday, 21:38:20
некој ја бараше шемата
еве ја
Code: [Select]
http://www.elektronika.rs.ba/files_bin/projekti/ESR/ESR.pdf
оригиналот од кој е копирана во емитер шемата :)
Title: Одг: Дигитален ESR метар според шема од Емитер 6/2004
Post by: Malecko on 23.11.2010, Tuesday, 22:10:34
Quote from: Devil on 23.11.2010, Tuesday, 21:38:20
некој ја бараше шемата
еве ја
Code: [Select]
http://www.elektronika.rs.ba/files_bin/projekti/ESR/ESR.pdf
оригиналот од кој е копирана во емитер шемата :)
Oваа шема е со ICL7106,а оваа од емитер е со ICL7107,со LED дисплеи ;D.
Title: Одг: Дигитален ESR метар според шема од Емитер 6/2004
Post by: Gestak on 23.11.2010, Tuesday, 22:44:39
Супер изработено браво,само шема ако може оваа што е не е како од емитер или бројот на емитер ставетего.
Title: Одг: Дигитален ESR метар според шема од Емитер 6/2004
Post by: GigaWatt on 23.11.2010, Tuesday, 23:49:07
Quote from: Gestak on 23.11.2010, Tuesday, 22:44:39
Супер изработено браво!!!,само шема ако може оваа што е не е како од емитер или бројот на емитер ставетего.

Забрането е post-ирање warez на форумот !!!

Прочитај ги правилата!

http://elektronika-mk.net/index.php?topic=4.0 (http://elektronika-mk.net/index.php?topic=4.0)
Title: Одг: Дигитален ESR метар според шема од Емитер 6/2004
Post by: Devil on 24.11.2010, Wednesday, 00:19:54
па иста е до негде, во емитер се користи само со ICL7107 и со 7 сегментни, не е нешто многу заменато тука негде е
Title: Одг: Дигитален ESR метар според шема од Емитер 6/2004
Post by: GigaWatt on 24.11.2010, Wednesday, 00:25:54
Quote from: Devil on 24.11.2010, Wednesday, 00:19:54
па иста е до негде, во емитер се користи само со ICL7107 и со 7 сегментни, не е нешто многу заменато тука негде е

Шемата е од Elektor, само што преправена да не работи на батерија, да работи на мрежно напојување и да работи со LED дисплеи, а не со LCD дисплеи, бидејќи кај нас може потешко да се најдат.
Title: Одг: Дигитален ESR метар според шема од Емитер 6/2004
Post by: JOCO on 13.07.2011, Wednesday, 22:07:16
GigaWatt ме интересира кој ОЗ го искористи за овој уред.Јас сакав да го нарачам LF412 од  Ebay но не го испорачуваат во Македонија.Ако можеш да ми предложиш некој ОЗ зошто сакам да го направам уредов.позз
Title: Одг: Дигитален ESR метар според шема од Емитер 6/2004
Post by: GigaWatt on 14.07.2011, Thursday, 00:04:53
Quote from: JOCO on 13.07.2011, Wednesday, 22:07:16
GigaWatt ме интересира кој ОЗ го искористи за овој уред.Јас сакав да го нарачам LF412 од  Ebay но не го испорачуваат во Македонија.Ако можеш да ми предложиш некој ОЗ зошто сакам да го направам уредов.позз

Можеш да го искористиш TL072, или TL082 (мислам дека е подобар TL082). Според некои бледи мерења и споредби што ги направив, колото функционира скоро исто и со двата (и со LF412, и со TL072), пак на крајот ќе треба да додадеш потенциометар за штелување на нулата :S.
Title: Одг: Дигитален ESR метар според шема од Емитер 6/2004
Post by: stefanjanevski on 01.10.2011, Saturday, 11:09:37
Да ја има нкој плочката нацртано на Sprint да ми прави?
Title: Одг: Дигитален ESR метар според шема од Емитер 6/2004
Post by: Cene on 02.10.2011, Sunday, 15:40:51
Гигавате брате :) Ти текнува кога во 2000 год. изработив ЕСР метар, само аналоген, сеуште работи, баш пред ден два го проверив хахаха, немогуче :) Иначе, , мада да знаеш, аналогниот е попрецизен и е доста полесен за баждарење. Се гледаме сине :)
Title: Одг: Дигитален ESR метар според шема од Емитер 6/2004
Post by: stefanjanevski on 03.10.2011, Monday, 20:26:13
Гига каква шема ми прати ти за да ја правам јас на плочка. Неточна, јас денеска ја направив ја испринтав, ја изгризав плочката во киселина и сеа само што почнав да ја бушам, ги избушив дупките за ицл7107 и кога се обидов да го ставам фали една дупка за една ногарка. Значи ми имаш дадено плочка со помали димензии, и сеа јас што да и правам на плочкава? Пред тоа дадов 80 денари за плочка, сеа пак треба толку да дадам и ќе ми испадне како да сум отишол од емитер да сум ја купил.
Title: Одг: Дигитален ESR метар според шема од Емитер 6/2004
Post by: Bojan on 03.10.2011, Monday, 23:35:34
ти си грешка, плочката од гигават е ТОЧНА јас ја имам правено (само се имав зезнато ЈАС и не проработе како што треба) а за ICL-от ти гарантирам дека сите пинови се тука...кој пин фали?
Title: Одг: Дигитален ESR метар според шема од Емитер 6/2004
Post by: Devil on 04.10.2011, Tuesday, 00:00:57
и јас ја гледав плочата од гига и ти тврдам дека е исправна, можеш само обратно или помала да ја испечатиш :)
Title: Одг: Дигитален ESR метар според шема од Емитер 6/2004
Post by: LordZi on 04.10.2011, Tuesday, 00:04:36
Плочките се добри, едино ти ако не си подесил нешто како што треба при печатење и си ги испечатил помали. ПДФ фајлот треба да ти биде на 100% зум и треба да исклучиш тоа shrink, fit to page и сл. и да ја печатиш во оригинална големина. Иначе во фајлот, од страна на плочките стојат точните димензии во милиметри, за да можеш да ја провериш големината кога ќе ја испечатиш, пред да ја нагризеш во киселина.
Title: Одг: Дигитален ESR метар според шема од Емитер 6/2004
Post by: stefanjanevski on 04.10.2011, Tuesday, 19:38:34
Значи да се разбереме, не дека фали некој пин, туку icl-то е стеснето и по еден пин од двата реда испаѓа вишок. И ако сум ја утнал јас, не може и другите 5 души што принтаа според пдф фајлот.
Title: Одг: Дигитален ESR метар според шема од Емитер 6/2004
Post by: Devil on 04.10.2011, Tuesday, 19:41:18
внимавајте на подесувањата на принтерот кога печатите, гига доколку го има нека ви го даде спринт фајлот па преку него 1:1 печатете
Title: Одг: Дигитален ESR метар според шема од Емитер 6/2004
Post by: stefanjanevski on 04.10.2011, Tuesday, 19:56:32
Па јас тоа го барав, некој да ми го даде спринт фајлот.
Title: Одг: Дигитален ESR метар според шема од Емитер 6/2004
Post by: stefanjanevski on 07.11.2011, Monday, 16:10:48
На шемата од емитер каде што треба да стои 7809 првата ногарка му е заземјена. Дали тоа е исправно?
Title: Одг: Дигитален ESR метар според шема од Емитер 6/2004
Post by: Malecko on 07.11.2011, Monday, 16:54:37
Quote from: stefanjanevski on 07.11.2011, Monday, 16:10:48
На шемата од емитер каде што треба да стои 7809 првата ногарка му е заземјена. Дали тоа е исправно?
Ако е 7809 тогаш оди IN,GND,OUT значи првата ногарка му е за влез на напон и не треба на маса да биде споена...Само убаво провери мислам дека имаше некоја грешка таму,дали во листата на делови,или пак во монтажната незнам...Убаво разгледај.
Title: Одг: Дигитален ESR метар според шема од Емитер 6/2004
Post by: Bojan on 07.11.2011, Monday, 17:41:50
Quote from: Malecko on 07.11.2011, Monday, 16:54:37
Quote from: stefanjanevski on 07.11.2011, Monday, 16:10:48
На шемата од емитер каде што треба да стои 7809 првата ногарка му е заземјена. Дали тоа е исправно?
Ако е 7809 тогаш оди IN,GND,OUT значи првата ногарка му е за влез на напон и не треба на маса да биде споена...Само убаво провери мислам дека имаше некоја грешка таму,дали во листата на делови,или пак во монтажната незнам...Убаво разгледај.

да грешка има, не е 7809 него 7805 треба да е... или 7905 мислам дека беше утнат...али како и да е двата стабилизатори треба да се за напон од 5V
Title: Одг: Дигитален ESR метар според шема од Емитер 6/2004
Post by: stefanjanevski on 07.11.2011, Monday, 20:09:59
Добро тоа ќе најдам, ама на печатената плочка, првата ногарка од интегралното е споена на земја, наместо таа во  средина што е. Ај проверете, да не е утната плочката, па да треба да преправам.
Title: Одг: Дигитален ESR метар според шема од Емитер 6/2004
Post by: Devil on 07.11.2011, Monday, 20:50:13
а со што се добива негативниот напон за ICL-от ?
пазете пошто имаше некој комбинаци на поврзување да од обично напојување (несиметрично) се добие симетрично, со поврзување на тоа регулаторот, но тоа е само за мали струи
Title: Одг: Дигитален ESR метар според шема од Емитер 6/2004
Post by: GigaWatt on 07.11.2011, Monday, 20:57:37
Quote from: stefanjanevski on 07.11.2011, Monday, 20:09:59
Добро тоа ќе најдам, ама на печатената плочка, првата ногарка од интегралното е споена на земја, наместо таа во  средина што е. Ај проверете, да не е утната плочката, па да треба да преправам.

Не не, се си е исправно ;). Така треба да биде, ако е стабилизатор за негативен напон, GND не е во средина, на краевите (не ми текнува дали лево или десно, ама на краевите е ;)).

Quote from: Devil on 07.11.2011, Monday, 20:50:13
а со што се добива негативниот напон за ICL-от ?

Има посебен 7905 регулатор за негативниот напон ;). Затоа му треба симетрично напојување на ESR метарот ;). Па не се користи само за ICL-от, мислам дека и Op-Amp-от се напојува од него, за да може подобро да се нагоди симетричноста на напонот на влез за ICL-от ;). Инаку, колото може да се преправи и да нема потреба од симетричен напон, ама така е направено ;).
Title: Одг: Дигитален ESR метар според шема од Емитер 6/2004
Post by: stefanjanevski on 07.11.2011, Monday, 21:21:29
Да, да сеа видов дека кај даташитот на 7905 првата ногарка е заземјувањето, значи се е исправно. Која цена одат кај нас овие интегралци?
Title: Одг: Дигитален ESR метар според шема од Емитер 6/2004
Post by: GigaWatt on 07.11.2011, Monday, 21:23:55
Quote from: stefanjanevski on 07.11.2011, Monday, 21:21:29
Која цена одат кај нас овие интегралци?

10 денари ;D.
Title: Одг: Дигитален ESR метар според шема од Емитер 6/2004
Post by: Devil on 17.08.2012, Friday, 18:37:38
го направив ова ама на сите кондензатори ми покажува вредност помала од 1, некои се дури и физички оштетени кондензатори ама пак ми покажува вредност помала од 1
идеа некој некаква да не има кај да барам што да барам ?
фреквенцијата е околу 200kHz колку што и треба да е, го нагодив одвај со тоа отпорничето да покажува точна вредност.. ги поминав сите точки за калибрирање како што пишува во списанието
ама негде има проблем
Title: Одг: Дигитален ESR метар според шема од Емитер 6/2004
Post by: GigaWatt on 18.08.2012, Saturday, 06:46:58
Значи го наштелува на отпорник од 10ohm да покажува 10ohm?
Title: Одг: Дигитален ESR метар според шема од Емитер 6/2004
Post by: Devil on 18.08.2012, Saturday, 07:50:34
да, напонот точно го наштелувавда покажува 0
Title: Одг: Дигитален ESR метар според шема од Емитер 6/2004
Post by: GigaWatt on 18.08.2012, Saturday, 17:57:31
Quote from: Devil on 18.08.2012, Saturday, 07:50:34
да, напонот точно го наштелувавда покажува 0

Не треба да покажува нула на отпорник од 10 ohm, треба да покажува 10 ohm ;).
Title: Одг: Дигитален ESR метар според шема од Емитер 6/2004
Post by: Devil on 20.08.2012, Monday, 18:12:15
не се рабравме најдобро..
кога има 10R на влез си покажува 10R, кога ќе ги краткоспојам контактите нели треба да покажува 0, и тоа го нагодив да е 0
ама дефинитивно има грешка нешто ќе го прегледам пак убаво
Title: Одг: Дигитален ESR метар според шема од Емитер 6/2004
Post by: GigaWatt on 20.08.2012, Monday, 19:49:54
Провери да не имаш некаде лош контакт, да не не ти е убаво нагоден сигналот по аналогниот прекинувач (во онаа секција од текстот каде што кажува дека треба осцилограмот да има што е можно помалку шум). Провери некаде да на имаш згрешено во изработката, да не случајно некој вод е прекинат или нешто слично, дали доаѓа сигналот од 200KHz до флип-флопот, дали на неговиот излез има сигнал од 100KHz (на секој од излезите), итн. Убаво си е опишано скоро се во текстот ;).

Што операциски засилувач искористи во колото? Можно е и тоа проблеми да прави. Ако цифрите се мрдаат (не се стабилни), можно е да има проблем и со операцискиот засилувач. Јас експериментирав со различни операциски засилувачи, и на крајот добив (колку толку) стабилно покажување (цифрите на дисплејот не мрдаа премногу).
Title: Одг: Дигитален ESR метар според шема од Емитер 6/2004
Post by: Teslakr on 25.01.2013, Friday, 21:45:40
Дечки решив и јас да го изработам овој еср метар, но би сакал да ве запрашам едно доколку користам дигитален мултиметар за отчитување на вредностите дали треба да се монтира и IC5 односно ICL7107CPL и кои други елементи треба да бидат отстранети од плочката.
Title: Одг: Дигитален ESR метар според шема од Емитер 6/2004
Post by: GigaWatt on 26.01.2013, Saturday, 07:21:27
Quote from: Teslakr on 25.01.2013, Friday, 21:45:40
Дечки решив и јас да го изработам овој еср метар, но би сакал да ве запрашам едно доколку користам дигитален мултиметар за отчитување на вредностите дали треба да се монтира и IC5 односно ICL7107CPL и кои други елементи треба да бидат отстранети од плочката.

Само ICL7107 и дисплеите... и некои околни компоненти кои се потребни за работа на ICL7107 ;). Треба да ја разгледам пак шемата за да видам кои. Сигналот за влез кон мултиметарот се зема од пин 31 на ICL7107.
Title: Одг: Дигитален ESR метар според шема од Емитер 6/2004
Post by: Teslakr on 02.02.2013, Saturday, 15:57:37
Дечки и јас го изработив овој еср метар но имам голем проблем. При првото вклучување на инструментот нели во списаните пишува дека на дисплејот треба да се појави 00.0 , но кај мене не беше така, него се појави како на првата слика што ја има ставено GigaWatt, тоа незнам колку е во ред.При мерење на 36 пин на IC5 и на маса за да го подесам напонот од 100.0 mV ми кажува прилично висок напон од 11 волти. На местото од IC2 74ACT74 јас го користам CD74HCT74E, на местото од од IC3 74VHC4066 го имам ставено HCF4066BE. Користам напојување од 2X10 волти. Во што би можело да биде проблемот што на пин36 дава 11 волти.
Title: Одг: Дигитален ESR метар според шема од Емитер 6/2004
Post by: GigaWatt on 02.02.2013, Saturday, 16:06:06
11V не смее да има во нитуедна точка во колото, барем не према маса (према -5V, можно е и да има, ако стабилизаторите даваат нешто поголем напон од +5V и -5V, но ако е над +5.6V или под -5.6V, треба да изреагираат зенер диодите). Максимален напон кој смее да го има во колото према маса е +5V, а минимален -5V. Провери си ги стабилизаторите, 7805 и 7905, дали на нивните излези даваат +5V и -5V. Провери го операцискиот засилувач, можно е и тој да не е исправен. Околу логичките порти, нема проблем, би требало да работи со логички порти од било кој производител, се додека станува збор за исти логички порти. Исто така, без осцилоскоп, подесувањето на овој инструмент е малку тешко :S.
Title: Одг: Дигитален ESR метар според шема од Емитер 6/2004
Post by: Teslakr on 02.02.2013, Saturday, 16:12:03
Дали двете замени на IC2 и IC3 се во ред?
Title: Одг: Дигитален ESR метар според шема од Емитер 6/2004
Post by: GigaWatt on 02.02.2013, Saturday, 16:14:04
Quote from: Teslakr on 02.02.2013, Saturday, 16:12:03
Дали двете замени на IC2 и IC3 се во ред?

Quote from: GigaWatt on 02.02.2013, Saturday, 16:06:06
Околу логичките порти, нема проблем, би требало да работи со логички порти од било кој производител, се додека станува збор за исти логички порти.
Title: Одг: Дигитален ESR метар според шема од Емитер 6/2004
Post by: Teslakr on 02.02.2013, Saturday, 16:37:19
Кога мерам на средниот извод од трафото и на пин 1 од 7805 ми дава 4 волти а на пин 3 ми дава 1.34волти. Другиот регулатор е во ред си ваѓа -5 волти.
Title: Одг: Дигитален ESR метар според шема од Емитер 6/2004
Post by: GigaWatt on 02.02.2013, Saturday, 17:12:37
Quote from: Teslakr on 02.02.2013, Saturday, 16:37:19
Кога мерам на средниот извод од трафото и на пин 1 од 7805 ми дава 4 волти а на пин 3 ми дава 1.34волти. Другиот регулатор е во ред си ваѓа -5 волти.

Извади го 7805 и види колкав излезен напон имаш од трафото. Можно е да имаш некој „лев“ 7805 кој нема стандарден распоред на пинови, па да се врзани погрешно пиновите. Загрева 7805?
Title: Одг: Дигитален ESR метар според шема од Емитер 6/2004
Post by: Teslakr on 02.02.2013, Saturday, 17:35:16
GigaWatt проблемот беше во регулаторот 7805 го заменив и во ред е уредот излегоа нули на дисплејот. Само едно би те запрашал колкав треба да е напонот од средниот извод од трафото со пин 1 од 7805 дали можиш да го измериш некако тоа кај тебе. Сега уште да барам некој со осцилоскоп да ми го подеси инструментот.
Title: Одг: Дигитален ESR метар според шема од Емитер 6/2004
Post by: GigaWatt on 02.02.2013, Saturday, 19:18:38
Пин 1 на 7805 е input, тој напон зависи од излезниот напон на трансформаторот. Јас имам направено две изведби, едната беше со 2X9V~ трансформатор, а другата беше со 2X11V~. Максималниот влезен напон на 7805 е 35V еднонасочен, така да, било кој напон во дијапазон од 8, 9V до кај 30V не би правел проблем ;). Се разбира, колку е поголем напонот, толку повеќе загрева 7805, така да, не се препорачува влезниот напон да биде преголем. Во конкретниов случај, бидејќи ни 7805 ни 7905 немаат ладилници (а нема место ни каде да се монтираат), би рекол дека 20V еднонасочен напон би бил некоја максимална вредност над која не би требало да се оди... не дека нема да работат стабилизаторите и со поголем влезен напон, ќе работат, ама многу ќе заграваат и по некое време, можно е да изгорат :S.
Title: Одг: Дигитален ESR метар според шема од Емитер 6/2004
Post by: Teslakr on 07.02.2013, Thursday, 21:36:26
Околу нагодувањето на интрументот ми се појави проблем. Најдов човек со осцилоскоп за да ми го нагоди но имам некој проблем неможиме никако да го решиме. При пуштање на уредот како што е опишано во списанието излагат 00.0 тоа е во ред, секако претходно го оставивме да добие оптимална температура. Првото нагодување е во ред на 36 пин го дотеравме напонот од 100 мв ги споивме испитните сонди и го завртивме P3 во крајна десна положба, второ нагодување на нулата тоа се прави со P5 каде и да го вртиме овој тример никако не сака да се намали бројката од 27.4 оми нели со вртење треба да се нагодат трите нули 00.0. Проблемот е во тоа што не можи да се намали бројката од 27.4  во што би можело да биде проблемот.
Title: Одг: Дигитален ESR метар според шема од Емитер 6/2004
Post by: GigaWatt on 07.02.2013, Thursday, 21:44:39
Quote from: Teslakr on 07.02.2013, Thursday, 21:36:26
Околу нагодувањето на интрументот ми се појави проблем. Најдов човек со осцилоскоп за да ми го нагоди но имам некој проблем неможиме никако да го решиме. При пуштање на уредот како што е опишано во списанието излагат 00.0 тоа е во ред, секако претходно го оставивме да добие оптимална температура. Првото нагодување е во ред на 36 пин го дотеравме напонот од 100 мв ги споивме испитните сонди и го завртивме P3 во крајна десна положба, второ нагодување на нулата тоа се прави со P5 каде и да го вртиме овој тример никако не сака да се намали бројката од 27.4 оми нели со вртење треба да се нагодат трите нули 00.0. Проблемот е во тоа што не можи да се намали бројката од 27.4  во што би можело да биде проблемот.

Заглавен е на 27.4 ohm-и или минимумот до кој оди и е 27.4 ohm-и.
Title: Одг: Дигитален ESR метар според шема од Емитер 6/2004
Post by: Teslakr on 07.02.2013, Thursday, 21:57:00
Минимумот до каде што можи да се намали ohm  е 27.4, а мак. оди до 90 и нешто ohm. Тоа не ќе да е во ред.
Title: Одг: Дигитален ESR метар според шема од Емитер 6/2004
Post by: GigaWatt on 08.02.2013, Friday, 02:44:29
Quote from: Teslakr on 07.02.2013, Thursday, 21:57:00
Минимумот до каде што можи да се намали ohm  е 27.4, а мак. оди до 90 и нешто ohm. Тоа не ќе да е во ред.

И мене ми се имаше случено сличен проблем. На крајот излезе дека на погрешно место имам залемено еден отпорник. Провери ги отпорниците околу операцискиот засилувач, особено оние кои го дефнираат засилувањето, провери го сигналот пред и по IC4B и IC4A. На излезот од IC4A (пин 1), сигналот треба да биде околу 5.5 пати појак отколку на неговиот неинвертирачки влез (пин 3).
Title: Одг: Дигитален ESR метар според шема од Емитер 6/2004
Post by: Teslakr on 08.02.2013, Friday, 11:14:39
Ги проверив сите отпорници се во ред, ги проверив и другите компоненти немам никаква грешка направено. Освем ако не е во ред LF412.
Title: Одг: Дигитален ESR метар според шема од Емитер 6/2004
Post by: GigaWatt on 08.02.2013, Friday, 17:51:31
Quote from: Teslakr on 08.02.2013, Friday, 11:14:39
Ги проверив сите отпорници се во ред, ги проверив и другите компоненти немам никаква грешка направено. Освем ако не е во ред LF412.

Можно е да е неисправен. Провери тоа што ти пишав околу засилувањето на сигналот, дека треба да биде околу 5.5?
Title: Одг: Дигитален ESR метар според шема од Емитер 6/2004
Post by: Teslakr on 08.02.2013, Friday, 21:11:10
Ако треба тоа да се провери со осцилоскоп нема да можам јас тоа да го проверам пошто човекот што ми се нафати не е тукаа му ја летнал по семинари.
Title: Одг: Дигитален ESR метар според шема од Емитер 6/2004
Post by: GigaWatt on 08.02.2013, Friday, 21:12:32
Quote from: Teslakr on 08.02.2013, Friday, 21:11:10
Ако треба тоа да се провери со осцилоскоп нема да можам јас тоа да го проверам пошто човекот што ми се нафати не е тукаа му ја летнал по семинари.

Не, просто е тоа да се провери, тоа може со волтметар да се провери ;). Нивото на сигнал на неинвертирачкиот влез треба да биде 5.5 пати помало во однос на неговиот излез ;).
Title: Одг: Дигитален ESR метар според шема од Емитер 6/2004
Post by: Teslakr on 08.02.2013, Friday, 21:18:43
Значи сигналот на пин1 треба да биде 5.5 пати појак од пин3. Со волтметар кога би го мерел отприлика која вредност треба да ми ја дава?
Title: Одг: Дигитален ESR метар според шема од Емитер 6/2004
Post by: GigaWatt on 09.02.2013, Saturday, 08:06:17
Quote from: Teslakr on 08.02.2013, Friday, 21:18:43
Значи сигналот на пин1 треба да биде 5.5 пати појак од пин3. Со волтметар кога би го мерел отприлика која вредност треба да ми ја дава?

Треба да има некоја вредност под 1V. Мери некоја реална вредност, не на краткоспоени содни, што е поголема вредноста, тоа подобро (добро... да не биде преголема ;D), на пример, отпорник од 47 ohm-и би бил добар за оваа работа ;).
Title: Одг: Дигитален ESR метар според шема од Емитер 6/2004
Post by: ZareBt on 11.06.2013, Tuesday, 23:16:50
Ај ако можи објаснете ми како оди порачвањето на ваква плочка од емитер.
Шо оди во комплет?
Фала позз
Title: Одг: Дигитален ESR метар според шема од Емитер 6/2004
Post by: Hahahaha on 11.06.2013, Tuesday, 23:24:00
Ќе одиш кај нив ќе ги купуш, ако ги имаат секако
Title: Одг: Дигитален ESR метар според шема од Емитер 6/2004
Post by: LordZi on 11.06.2013, Tuesday, 23:56:39
Quote from: ZareBt on 11.06.2013, Tuesday, 23:16:50
Ај ако можи објаснете ми како оди порачвањето на ваква плочка од емитер.
Шо оди во комплет?
Фала позз

Ништо не оди во комплет, ќе добиеш само плочка и тоа неизбушена, а прашање е и тоа дали ќе добиеш пошто слушнав дека веќе не прават плочки, а и општо дека се пред пропаѓање...
Title: Одг: Дигитален ESR метар според шема од Емитер 6/2004
Post by: GigaWatt on 12.06.2013, Wednesday, 01:04:21
Мислам дека може да купиш кит комлет од скоро се што се издало во Емитер од ГАЦ. Ако сакаш само плочка, треба да отидеш во редакцијата и од таму да купиш... можно е и во ГАЦ да имаат само плочки, не знам.
Title: Одг: Дигитален ESR метар според шема од Емитер 6/2004
Post by: Maki on 13.06.2013, Thursday, 12:49:04
Quote from: LordZi on 11.06.2013, Tuesday, 23:56:39
Quote from: ZareBt on 11.06.2013, Tuesday, 23:16:50
Ај ако можи објаснете ми како оди порачвањето на ваква плочка од емитер.

слушнав дека веќе не прават плочки, а и општо дека се пред пропаѓање...

Имаш нешто више информации? Штета е ако пропаднат,барем ја така мислам.
Title: Одг: Дигитален ESR метар според шема од Емитер 6/2004
Post by: Hahahaha on 15.06.2014, Sunday, 17:40:25
Може ли некој да ми прати ако ја има во пдф плочкава спремна за печатење? Иначе за пропаѓањето, тешко е да опстане вакво списание, прво бидејќи има се на интернет дури и поопширно, а и покрај тоа сме и сиромашна држава, да е некоја друга побогата држава, некои електроничари би ги купувале само колку да ги имаат списанијата без разлика што сето тоа го има на интернет :)

EDIT: плочкава ја барам пошто ја нема веќе во емитер
Title: Одг: Дигитален ESR метар според шема од Емитер 6/2004
Post by: nsu on 24.09.2014, Wednesday, 11:28:29

Едно прашање до Гига дали сеуште ја има шемата за на плочка ППК или електричната барем.Ако ја има ќе му бидам благодарен ако ми прати ПП, ако не смее на форум. :)

Споено мислење: 25.09.2014, Thursday, 14:20:52
Благодарам многу Lordzi и Gigawatt.