Македонски форум за електроника
Електронски уреди => Мобилни телефони => Topic started by: roliver on 04.09.2021, Saturday, 16:29:06
-
Се работи за таблет седум инчен Престиџио, кој има 5 пински конектор за батеријата: 2х +, 2х - и една средна жица - жолта која веројатно ја мери или дава повратна информација за температурата на батеријата.
Како старата батерија почнала да се надува и имало можност да пукне, веднаш е пресечен конекторот и старата батерија е исфрлена.
Сега има нова батерија која за жал е кинеска и не е оригинал за таблети со 5 конектори, има само 2 жици + и -.
Батеријата работи нормално како и таблетот освен што има еден голем проблем: постојано покажува дека батеријата е преладна и дека треба да се исклучи полначот (кој патем не е ни поврзан). Информацијата може да се тргне од екранот ама полнењето не работи. Но и откако ќе се поврзе не сака да полни.
Дали некој знае кој напон треба да има на оваа жица за да може полначот нормално да полни т.е. таблетот да детектира дека батеријата е на нормална температура. Таблетот има Андроид 8.1.
Во прилог е слика од интернет но бојата на средната жица е сина (жолта кај мојот таблет) но бојата не менува ништо.
-
Пробај на таа надуваната батерија измери отпорност помеѓу средната жица и плусот и средната жица и минусот.
-
Веќе напишав дека старата батерија е веќе исфрлена (може да има и два-три месеци). Новата додека дојде од Али и требаа околу 80 дена.
-
Пробај тогаш со некој рандом отпорник помеѓу плусот или минусот и средната жица, да речеме 1к, ако не почне да полни пробувај други вредности и комбинации.
-
Пробај тогаш со некој рандом отпорник помеѓу плусот или минусот и средната жица, да речеме 1к, ако не почне да полни пробувај други вредности и комбинации.
Пробав со вредности од 470 оми до 1 мегаом помеѓу плусот и средната но ништо не смени, не почнува да полни, останува да пробам помеѓу - и средната, или да вградам надворешен микро усб полнач.
-
Добив информација од српски форум, но мора да кажам дека се работи за друг модел на престигио, кој наместо конектор со 5, има со 3 директно залемени жици (што би требало да биде корисно, бидејќи дуплите + и - жици веројатно се за паралелно врзани батерии), и ако се мери напон меѓу масата (-) и средната жица измерено е 0.65 волти при 3.9 волти батерија.
-
Сепак информацијата околу напонот на средната (жолтата) жица беше клучно која ја добив од друг форум за сличен модел на Prestigio таблет од 7 инчи.
Се направи напонски делител со 2 отпорника, еден од 470К помеѓу "+" и средната и еден отпорник од 20К помеѓу средната и "-". Така се доби 0.66 волти на средната жица, при 3.9 волти на позитивната (црвената) и предупредувањето исчезна, полнењето нормално проработи.
Вредноста на отпорниците беше барана со интернет калкулатор за напонски делител, теоретски беа вредностите 470К и 100К, но во пракса се покажа дека тоа е напон од 1.45 волти на средната жица па со проба се дојде до вредноста 20К и 0,65 волти
Се надевам дека ова ќе користи за некој сличен проблем.