Засилувач со една ламба во А класа (2W)

[LordZi]

Еве една работа што ја приметив денес, на работа го гледав  datasheet-от на PL84 и таму пишува дека препорачан аноден напон е негде околу 200V, а на кондензаторот од исправувачот се добива околу 300V. Таман мислев после да го прашам Борче да не му е многу ова, кога пред малку слушајќи си го појачалово ми текна да измерам колкав е напонот додека работи и измерив 200V, таман колку што треба  , што е работава? Исто приметив бидејќи анодниот напон го давам преку вариак, во празен од ќе го наместам на 220V, а чим ќе го приклучам појачалото напонот краткотрајно ќе падне на 150-160V и после секунда-две се стабилизира на 180-190V и си стои така цело време? Не е можно појачалото да го оптоварува вариакот пошто влечее само ~70mA.

[BorceBT]

Напонот треба да паѓа на таа вредност заради излезниот трансформатор (тој делува и како аноден отпорник ).

[LordZi]

Па да, ни на крај памет не ми падна тоа, го заборавив излезниот трансформатор   ?! Друго прашање, сакам да додадам и предпојачало со регулација на бојата на тонот (со ECC.. или сл.), кои би се напојувале со некои 200-250V, претпоставувам дека може од истиот исправувач да се земе овој напон?

[BorceBT]

Теоретски да но ако го напојуваш директно од варијакот. Ако го напојуваш од прикажаното напојување (двата трансформатори споени за да се добие од 220V повторно 220V) ќе има проблем бидејќи при поголеми снаги (ват и над ват) паѓа релативно многу напонот и ќе ти се менува карактеристиката на звукот и побрзо ќе клипува заради предзасилувачот што ќе губи напон.

[LordZi]

Готовиот засилувач планирав да се напојува со трафо 220/220V-30W, за предзасилувачот ако е таква работата ќе ставам уште едно такво трафо и со отпорник ќе го дотерам напонот на 200V.

[BorceBT]

Може, и ќе чекаме повторно слика од убава кутија а може и ќе биде твоето стерео, не знам

[LordZi]

Ехехе, ми се врти низ глава некоја комбинација на дрво и полиран алуминиум, ќе видиме... . Уште ми фали една PL84.
Post Merge: 26.12.2009, Saturday, 21:29:16Дали некоја од следните шеми ќе може да се искористи како предзасилувач што ќе даде 5V p-p на излез?

[BorceBT]

Првиот дел од шемата со ECC82 ќе ти биде супер, а тој дел (триодата) го има и на други телевизорски ламби како PCL84 (кажи ми што ламби ќе најдеш - две и ќе ти кажам што е како е пинови ова она).

[LordZi]

Имам и ECC82 и PCL84, имам и распоред на пинови за нив (datasheet), само ме интересира дали е подобро да се искористи првата или втората шема (или некоја друга), од аспект на компатибилност на засилувачот/предзасилувачот (влезно-излезни отпорности, ниво на сигнал и сл.), пошто кога ќе го приклучам засилувачот директно на излез од PC (појак сигнал) звукот е супер, а кога му носам сигнал преку миксета (послаб сигнал, до 1V max.), нема доволно побуда и доста е потивок. Како крајна опција се мислев да направам засилувач за слушалки и да го користам како предзасилувач кој би ги дал потребните 5V p-p.
Иначе од пусти ќефови си го слушам секој ден по неколку саати и секој ден звукот ми е се поинтересен , дури му направив и soft start за напонот на греењето и закаснето вклучување на анодниот напон!

[BorceBT]

Хаха, супер Иначе втората шема првиот дел ти е компатибилен (користиш само пола ECC82). Пази само греењето на ЕCC82 ти е 6V а не 12V како тие што се со ознака PL и PCL. На крајот и да има поголем напон од 5V p-p (Мислам вака од прв поглед шемата дава и над 10V p-p, секогаш може да направиш на излез напонски делител (отпорници). Па ајде да го видиме предзасилувачот и потребните промени на шемата што ќе ги истестираш.

[LordZi]

Ок, значи ќе го правам првиот дел од втората шема, до (и) отпорникот од 220ома, па ќе видиме како ќе се испонаша  . Иначе према datasheet-от на ECC82, ако се поврзат сериски двете влакна, греењето е со 12,6V (помеѓу пин 4 и 5).

[BorceBT]

Супер

[LordZi]

Значи вака,
го направив предзасилувачот со ECC82 според втората шема, прво го направив првиот дел од шемата (само со пола ECC82, до влезот на втората решетка), ама не бев задоволен од засилувањето, т.е. не даваше доволно побуда, па го додадов и вториот дел од ECC82 и тука работите се сменија, сега засилувачот дава максимална снага и со мали сигнали на влез, да не зборам дека со поголеми сигнали гласноста е зголемена трипати . Пробав и со друг предзасилувач, кој што го имав при рака од друг проект, DoZ (Death of Zen) транзисторски предзасилувач во А класа, може им е познат на некои, а на тие што не им е еве ја шемата

Code: [Select]

http://sound.westhost.com/project37.htmи со него ги добив истите резултати, ама се одлучив за првиот за да биде all tube засилувач!
Со ова фазата на експериментирање е завршена, следи уште некој ден тестирање in vivo и после се оди во кутија . На крај еве како изгледа лампашки засилувач и предзасилувач во фаза на тестирање

само предзасилувачот со ECC82



П.С. кој ќе погоди која жица е која има пиво од мене !!!

[BorceBT]

Права шума е, е ова ти е кога луѓето работеа без плочки. Се надевам дека засилувачот ќе го направиш како што ги правеа порано со Point-to-point техника (rats-nest)

[LordZi]

Шасија, point-to-point, со сите нишани, имам извадено еден тон лемни ушки од стари уреди само за вакви прилики .