Проектирање на звучник!?

[Devil]

јас од чат пат моето искуство можам да кажам дека не се живее од продажба на звучни кутии
пошто во македонијав анема кој да ги купува, прво тоа
второ не сум аудио фил така да не сакам да правам звчни кутии

[GigaWatt]

И јас искрено не сакам да правам звучни кутии, иако еден период многу се интересирав и имав направено 2 вида на звучни кутии според проекти од Емитер. Видов дека станува збор за цела наука, а проблематично е тоа што може да се утепаш од работа, сите правилни пресметки да ги направиш и пак на крај да добиеш катастрофални резулатати, како на пример со bandpass звучни кутии (кај нас ги викаат „лавиринти“). До пред 10-тина години не ни имаше формули за пресметки на овие типови на звучници, но иако сега има, многу луѓе се жалат дека иако ги направиле сите пресметки, сепак на крајот требало да вршат корекции во внатрешната распределба на кутијтата. А згора на тоа, кога ќе ми текне дека кај нас звучници носат на „шашма“, и дека определен модел го има определено време во продажба и после го нема, значи јас тој проект сум го работел за џабе, како што беше „Техно 8“ преоктот од Емитер со Simsonik звучниците. После 2, 3 години нема да го има тој звучник во продажба, и што сум направил? Проект кој после 2, 3 години е работен за џабе бидејќи никој друг не може да го изработи поради недостаток на „делови“. Епа искрено, не ми се прават звучни кутии. Колку сака нека звучат добро или лошо сега, неупотреблив ми е проектот после определено време. Фала, али подобро да си купам едни добри B&W од Болин одколку да пробувам да направм нешто што после неколку години никој жив нема да може да го изработи. Што знам, јас барем така размислувам, сега секој си има право на свое мислење, ова е моето.

Него мене ме интересира друга работа, дали некој во Македонијав пробал да направи активни (или пасивни, без разлика) мониторски звучници. Сите знамеме дека има многу луѓе што прават Hi-Fi звучни кутии, но дали некој пробал да направи мониторска (close range) звучна кутија, мене тоа ме интересира.

[batka]

Јас сум направил брат.Една варијанта ставив на пост на форумот .Тоа е една скратена ТЛ варијанта ,а во салата во Велес користам мини монитори(активни).Што те интересира?

[GigaWatt]

Ме интересира дали поиспалтливо ми е да купам мониторски звучници веќе направени или да си направам сам. Мене искрено не ме бива многу за обработка на дрво и такви работи (иако сам си правам сталажи и некои тракви ситни работи), не е проблемот дека навистина не ме бива, него едноставно немам нерви (а ни време) да обработувам дрвена кутија едно месец дена и да ја фарбам, префарбувам, китирам итн. Мислев да искористам веќе готови звучни кути (од некои стари звучници, со комперсиона кутија фала богу) ако веќе решев да ги правам мониторските звучици сам. Планирав да бидат пасивни, не активни, бидејќи веќе имам релативно солиден засилувач (треба малку да се преработи, стар е малку, плус има некои суви електролитски кондензатори во двата канали од засилувачот). Значи сумирано, ме интересира дали поветино ќе ме чини да направам добар (релативно солиден, значи со подобар квалитет од евтинине M-Audio монитори) мониторски звучник (стерео, се разбира) со веќе готови изработени кутии, или ми е поевтино да си купам од некаде некој поскапо мониторски звучник. Во принцип, тоа ми беше прашањето .

[batka]

Многу мајстори имаат алат и знаење да направат добра кутија.Конкретните барања,во смисла каква музика,во каков простор,со која ефикасност - проблемот е тука.Ако мислиш да потрошиш повеке пари,тогаш купи подобри драјвери.Проектирањето на кутиите не се проблем бидејки имаш многу софтвер за тоа,ако одиш по тој пат.Има и потежок начин,со многу пробање ,особено на скретниците.
Оние програми ,како Клио и сл. јас не ги практикувам - пробам многу верзии на скретницата за да дојдам до овој звук кој меме лично ми се допаѓа.Пасив или актив? Проблемот е во методите на работа со кутиите,за што ке служат.Конкретно на работа користам  Crell 2 х 100 ватно појачало како монитор и две мини единици со DYNAUDIO драјвери,активен систем со SOUNDCRAFT SRIRIT  16 ch. mixer, BEHRINGER снагатори 3 х 2000 вати , SOUNDCRAFT  3 wey crossower ,parametric equqlizer i aktiv compressor i limiter од истата фирма .Од звучници имам 2 бас бина со 18 инчи вградени во сцената и по три 15 -ки со хорни се DYNACORD.Мониторите ми служат да го слушам звукот од сцената во кабина.
Во Скопје слушам дека добра дрвенарија прави Саско Ицковски ,а и мојот пријател Горан,првата куќа до паркингот на новата железничка станица.

[GigaWatt]

Е сега вака, во однос на првото прашање, квадратурата на простороте околу 18 квадрати (мојата соба која во исто време ми е и мини аматерско студио, да не речам апла амтерско студио), користам Lexicon Omega USB картица, засилувачот што го користам (поточно рисивер) e Sony STR-D365, клавијатурa M-Audio КеyStation 88SE (мада ова не е битен фактор за конкретната проблематика). Собата нема никаква акустична излоација (мислам, добро е изглрадена зградата во која живеам, има солидна акустичка изолација, но јас лично немам ништо додатно ставано, значи нема ни проближно иста карактеростика на глува соба). Стилот на мзука е далеку од класика (ако тоа ти беше прашањето), повеќе спаѓа во рамките на Industrial/Electro/Metal (некој ми имаше спомнато марка на close range мониторски звучници кои се имаат покажано супер со вакви стилови на музика, мислам дека изработуваат и Hi-Fi звучници, ама сега ич не ми текува како се викаше марката, а на врв на јазик ми е ). Ефикасност не мора да имаат преголема, на крајот на краиштата, тоа секогаш можам да го искорегирам со Volume контролата .

Е сега прашањето ми е, дали ќе биде поевтино (па и дали повеќе време ќе ми одземе) да изработам сам мониторски звучници со (на пример) 8 инчни бас-среднотонци (не планирам да бидат тросистемски) или повеќе ке ми се исплати (и помалку време ќе ми одземе барајќи низ градов или на net) да си купам на ново некои пасивни мониторски звучници. Во принцип тоа ми е прашањето. На барам врвен квалитет на звук, ссамо да биде подобро од тоа што моментално што го имам (Jamo E 530 + 2 X 10 инчни woofer-и што не знам која марка се, ама солиден звук даваат, колку да ја исполни празнината на ниските тонови од Jamo-то ).

[batka]

Тоа е ствар на вкус.За ЈАМО немам коментар ,Ако ти се дава малку повеке пари купи си DYNAUDIO драјвери,а за високотонци имаш повеке опции - во Ск ке најдеш и AUDAX, Mc Farlow,TONSYL .... имаш избор до некои 300 ЕУ комплет.Распрашај се малку.Се исплати да правиш.Собата можеш лесно и евтино да ја *дампираш* како другар ми со слој 8 мм стиропор и врз него паковања од јајца На подот картони и дипли од баба ти - најефтина варијанта! Ако си базиран на компјутерот можеш да поминеш и само со подобри слушалки.Имам во дукан некој РПЦ слушалки,од оние отворените,за 800 ден даваат фантазија тон.

[GigaWatt]

Значи заклучокот на крај пак е да си останам со слушалките на глава (веќе имам AKG К-66-ки и многу задоволен сум од квалитетот на слушалката и звукот, за прите што ги фрлив за нив презадоволен сум). За дампирање на собата, ги знам финтите (и јас едно време свирев по гаражи ) само што не сакам да ја претворам собата во глува соба, после како ќе спијам во неа, секој звук што ќе го направам само јас ќе може да го чујам. На крајот на краиштата проблемот не е преголем, само за вокалите е проблем, а за снимање на вокалите секогаш може да отидам до кај еден другар (рапер, него ептен му е потребна глува соба ), он си има направено  мини глува соба во неговото „студио“ (повторно, аматерско, ама апла аматерско, исто како моето, звучна картица, PC, Eminence звучници, малку подобри од моите).

Значи кога ќе завртам горе долу, сепак повеќе ми се исплати самоградба (барем финансиски, не и временски). Можеби ќе пробам кога ќе имам повеќе пари на располагање, сега немам па само се распрашувам .

[batka]

Па,со оглед дека музиката ја правиш на комп. одлуката ти е правилна -  не треба многу вложување,освен можеби во подобра звучна картица (екстерна!).Ги има од некој 230 ЕУ па нагоре...
многу нагоре!

[GigaWatt]

Па да, во принцип (барем сега за сега) PC-то ми е главен „инструмент“ (сите VST инструменти со кои работам да ги купам како хардверски уреди, не ме крпат ни 5000 евра ). Така да, тоа е тоа, барем сега за сега . За во иднина ќе видиме.

А мислам дека и картицата ми е солидна (барем сега за сега, Lexicon Omega-ва ми е сосема задоволителна, екстерна, транспортибилна... ми договара ). Знам дека има и многу подбри, ама толку пари имав тогаш кога ја купив... па и сега да ја купував можеби немаше да ја купам ова, но немаше ни нешто многу поскапа да земам. Едноставно толку имам на располагање :S.

Кога ќе планирам нешто „посериозно“ да купувам или да правам, дефинитивно ќе се консултирам со сите .