UVB-76 или The Buzzer е популарно наречена мистериозната фреквенција во Русија која емитува пораки на фреквенција од 4625 килохерци. Се емитуваат околу 25 тони во минута секој ден а локацијата е трасирана некаде во Русија, иако тоа се` уште не е потврдено и се верува дека можеби локацијата е Чернобилската зона. Се` до 2010, оваа мистериозна појава oд руската јавност беше нарекувана UVB-76, но од 2010 натака, името и е МДЖБ (Михаил, Димитри, Жења, Борис, ќе објасниме подоцна).
Сигналот се содржи од шуштење кое трае 1-2 секунди и паузира 1,3 секунди, па се така до 20-30 пати во минутата. Според најновите информации, Базерот емитува сигнали од 1982 година, но она што е најмистериозно е што повремено на оваа фреквенција се јавува непознат глас кој пренесува чудни и се` уште неоткриени пораки на руски јазик.
Во 21 часот по GMT на 24 декември во 1997 година, од фреквенцијата се чула следната порака - "Ya UVB-76, Ya UVB-76. 180 08 BROMAL 74 27 99 14. Boris, Roman, Olga, Mikhail, Anna, Larisa. 7 4 2 7 9 9 1 4"
Во 4 часот и 18 минути по GMT, на 9 декември 2002 година била регистрирана пораката - "UVB-76, UVB-76. 62 691 IZAFET 36 93 82 70"
Додека во 7 часот и 57 минути по GMT, на 21 фебруари во 2006 година се регистрирала пораката - "UVB-76, UVB-76. 75-59-75-59. 39-52-53-58. 5-5-2-5. Konstantin-1-9-0-9-0-8-9-8-Tatiana-Oksana-Anna-Elena-Pavel-Schuka. Konstantin 8-4. 9-7-5-5-9-Tatiana. Anna Larisa Uliyana-9-4-1-4-3-4-8."
Во текот на 2010 година па натаму, слушателите на оваа фреквенција забележале повеќе нејзини активности. На 5ти јуни 2010 година, оваа станица за прв пат по 1982 не работела цели 24 часа, за на 6 јуни повторно да продолжи со емитување на сигнали и во 13 часот и 35 минути по GMT на 23 август 2010, бил регистрирана следнава порака "UVB-76, UVB-76. 93 882 NAIMINA 74 14 35 74" која можете да ја чуете на следниов линк.
Два дена подоцна, сигналот повторно се исклучил и на 26 август, се вратил повторно но овој пат емитуваните звуци биле погласни и од кога и да е. На 7ми септември во 16 часот и 48 минути, била проследена следнава порака - "Mikhail Dmitri Zhenya Boris. Mikhail Dmitri Zhenya Boris. 04 979 D-R-E-N-D-O-U-T. T-R-E-N-E-R-S-K-I-Y."
Тоа што е значително забележливо е што ова била првата порака која не ги изговорила гласовите UVB-76 (со исклучок на пораката на 10 септември), туку од тој ден па натака, се продолжило со изговарање на Михаил, Дмитри, Жења и Борис, што според многумина значи дека се променила целта на испраќачот на пораките. Од 5 јануари па до 5 фебруари, следеле уште 14 гласовни пораки.
Владата на Русија се` уште ја нема потврдено намената, ниту па локацијата, ниту па целта на оваа станица што емитува сигнали и пораки.
Превземено од Кајгана форум
