Македонски форум за електроника
Аналогна електроника => Радио техника => Кодери => Topic started by: BorceBT on 10.10.2009, Saturday, 01:31:53
-
Еве еден мој дизајн на стерео кодер кој го дизајнирав специјално за тогашното мое пиратско радио ;). Кодерот е многу квалитетен и нема ниту еден кондензатор или филтер во патеката на сигналот, дели лев/десен 100%, стабилна фрекфенција, евтин за изработка и може да се употреби како во мали предавателчиња така и во професионални предаватели.
П.С. Не смеете да правите стерео кодери од оваа шема за продажба или кит без да ме консултирате ;D
Уживајте:
(http://elektronika-mk.net/index.php?action=dlattach;topic=34.0;attach=12647)
-
Јас имам слушнато дека левиот и десниот аудио канал се менуваат и тоа со 38 000 000 пати во секунда па така во еден момент се пренесува левиот канал а во друг момент десниот и се така со огромна брзина и не можеме да забележиме. Иначе нешто како секој канал има и некој друг тон (пискав) на 18-19KHz со кој се обележува (означува) каналот за да може декодерто да примети.
Дали ова е точно?
-
И да и не. Техниката на генерирање на стерео сигнал се вика балансирано модулирање со помош на таканаречен Double sideband suppressed carrier (DSBSC) модулатор. Тоа модулирање математички (и ако се оди по учебник) е боли глава меѓутоа ако ја оставиме математиката настрана е навистина менување на левиот и десниот канал по одредена фрекфенција f. Меѓутоа, во природата се е синусоидално и ние неможеме тукутака да го пуштаме левиот и десниот канал х пати во секунда бидејќи ќе создадеме хармоници и ќе изгубиме квалитет. Идеалниот балансен модулатор го менува по синусоидален закон левиот и десниот канал во еден сигнал кој има спектар составен (sidebands) од левиот канал и десниот канал во спектарот без носителот. Интересното тука е што овој модулатор истовремено е и мешач бидејќи немаме обична модулација (сигнал кој се модулира) туку имаме два сигнали кои се модулираат. Кога се мешаат два сигнали се добива спектар (sidebands) од збирот на сигналите и модулационата фрекфенција и разлика од сигналите и модулационата фрекфенција. Значи теоретски имаме 4 фрекфентни sidebands. Бидејќи физички спектарот може да е само десно (фрекфенција поголема од нула) ние имаме 3 бидејќи едниот (најлевиот е негативен по фрекфенција). Од тие трите, првиот е Лев + Десен канал сигнал кој се наоѓа од 0 до 15КHz (супер, се погоди да моно радијата фаќаат Лев+Денен) и втор+трет е погоре модулираниот сигнал на 38КHz со спектар + и - 15КHz во ширина. Бидејќи рековме дека овој модулатор во оваа конфигурација е и мешач горниот sideband на сигналот е всушност Лев-Десен.
(http://elektronika-mk.net/index.php?action=dlattach;topic=34.0;attach=12649)
Со ова ги имаме двата сигнали (Лев+Десен и Лев-Десен) со кој може подоцна со операциони засилувачи да се одделат посебно левиот и десниот сигнал. А каде е тука тој пискав тон од 19KHz? Тој е тука бидејќи овој тип на модулација нема носител а за да се демодулира мора да биде во фаза со модулаторот. Што значи тоа, тоа значи дека мора да се знае кога „почнува“ левиот канал а кога „почнува“ десниот канал. Тоа го решиле со сигнал со 2 пати помала фрекфенција од носечката 38KHz (19КHz) и што е во фаза со носечката. Овој сигнал го користи стерео приемникот за да се локува (PLL), да биде во фаза за да може да декодира и плус за да знае ако има 19KHz сигнал да го вклучи стерео декодерот а ако го нема овој сигнал да не го вклучува.
На крајот на спектарот е RDS сигналот на 57KHz но за тоа другпат, се подготвува веќе едноставен RDS кодер. Се надевам е јасно.
-
Фала ти многу за деталниот одговор и одлично што наскоро ке ставиш и RDS кодер :)
-
Борче да не имаш нацрт за плочка и монтажна шема?
608KHz кристал од каде можам да најдам?
позз
-
Јас ја правев на универзална плочка и работеше добро. Кристал од 608KHz се користи во некои далечински управувачи така да можно е да се најде по продавниците за електроника.
-
A дали се слуша некаков тивок тон во позадина како пиштење ?
-
Ако постои тој звук доаѓа најчесто од лош PLL а не од овој стерео кодер.
-
не, не викам дека иде од твојот кодер, само ме интересираше бидејки имам видено кодер кој и без PLL директ на предавател даваше некој пискав тон па затоа
-
Борче, најдов 600KHz кристал но 608KHz не можам да најдам :(
-
Хмммм... види што е работата: 608KHz поделено на 16 (делител со 16) = точно 38KHz. Е сега со 600KHz ке биде 600/16 = 37.5KHz (и 18750 Hz пилот сигнал наместо 19КHz) што мислам дека нема да отвори стерео :(
-
Ај ако може да добијам шема за на плочката и димензии за стерео кодеров и листа на елементи
-
Плочка немам, го правев на универзална плочка (со дупки). Дали некој друг е спремен да дизајнира и ако е може да ја стави тука.
-
Jaс но прво да најдам кристал оти тоа ми е најголем проблем
-
Борче дали може да се преправи некако шемата и ово кодер да работи со 456KHz оти 456 делено на 24 е 19. Па што мислиш за тоа?
-
За жал со овие интегрирани кола не, овие делат само „бинарно“ со 2,4,8,16,32 итн. За да дели со 24 треба друго коло за делење (програмабилен делител). Сепак може да се изведи горната шема со микроконтролер и да се употреби некој постандарден кристал но за тоа потоа.
-
дај сликни ја одоздола плочката одприлика да видиме како идат водовите ама со салам апарат да не е матно а јас ке се потрудам кога ке имам време оти одам на работа тргнав у леов како сервисер за двд тв и немам многу слободно време до 3,15 сум на работа така да малку по малку ке ја досредам па ке ја ставам на нетот
-
Плочката колку на колку цм те фати?
-
Не сум сретнал 608 Кхз кристал ,а ни керамишки филтер.Каде го извади? Оваа сема сум ја видел некаде,ама не е баш вака,Не сум сигурен дека ова ке работи!!!
-
работи, тестирано 100% ;D
има слики од изработениот модел и од цело радио што го користеше човекот
само избарај по форумов
-
Кристал од 608KHz е еден од користените кристали за далечински управувачи и би требало да го има во подобро снабдените продавници :)
-
Ова е плочката за тој кодер средена во Sprint Layout
-
Браво и за Борче и за тебе Димче одлична шема е оваа на Борче сум ја гледал од порано и ете сега Димче постави и готова ППК се супер браво ;D 8)
-
dimce, зошто го ставаш само распоредот на елементите, а не и ППК-то? Не гледам поента ако веќе сам си го направил тоа, само распоредот на елементите од монтажните шеми да го имаме, а не и ППК-то.
Освен тоа, ако веќе не сакаш да ја споделиш со членовите на форумот работната верзија на ППК-то (.LAY фајлот), најчесто вакви работи се експортираат векторски (преку PDF принтер под Sprint-Layout) во PDF. Најмалку место зафаќа, а освен тоа, вектор е, може да се зумира до... колку сакаш... нема ограничување. Вака, како слика, мора сликата да е во голема резолуција, а тоа одзема доста простор.
И, ако веќе мора да поставиш слика со некоја шема, монтажна шема, ППК или нешто слично, пожелно е сликата да е во PNG. Помалку зафаќаат во однос на JPG за вакви работи. Сликите немаат премногу бои и компресијата е поголема, а и во PNG е lossless (не се губи квалитетот).
Еве, на пример, твојата слика, во JPG на 100% компресија (највисок квалитет, т.е. lossless компресија) зафаќаше околу 1.5MB. Во PNG со 256 colors (нема потреба од повеќе бои во конкретната ситуација) на max компресија, зафаќа околу 200KB... значително помалку (околу 7.5 пати).
-
Кај мене ја нема таа опција за претворање од спринт во PDF фајл има Microsoft XPS Document Writer , и Fax. Треба надградба некоја зашто пиратски ми е спринтот.А плочката за неговиот кодер се чека борче да ја провери зашто ми рече да не имаш некоја грешка при цртање.Благодарам за помошта ке се обидам со PNG Слики но минатиот пат се блокираше постот и никој не можеше да го отвори.
-
Важи важи кога ќе се провери ќе ја постираш ќе се среди
-
Засега плочката е оваа но сакам да ставам излезен степен како засилувач и филтер 15Khz на влез. Само ако каже Борче дека е ок се ке го надградам и ке го ставиме во Sprint Layout дирекно за Download.
-
Кај мене ја нема таа опција за претворање од спринт во PDF фајл има Microsoft XPS Document Writer , и Fax.
Побарај некој free PDF printer (пиши на Google) и ќе ти извади мал милион програмчиња што инсталираат виртуелен PDF принтер.
Јас користам два конкретно, Adobe Acrobat Pro XI (не е бесплатен) или PDF Creator 1.7.3 (бесплатен, има и понови верзии, ама ептен ги направија за никаде, затоа ја користам постарата 1.7.3).
Благодарам за помошта ке се обидам со PNG Слики но минатиот пат се блокираше постот и никој не можеше да го отвори.
Не можеше бидејќи резолуцијата на сликите е преголема. Затоа се препорачува вакви работи во PDF да се ставаат бидејќи скриптата нема автоматски preview за PDF фајлови, само за слики. И, ако сликата е со некоја огромна резолуција, се блокира и не може ниеден post да прикаже од темата.
Затоа, ако мораш да прикачуваш слики со огромна резолуција (3000 X 3000 pixels или повеќе), стави ги во архива (rar, zip, 7z...) за да не може скриптата автоматски да пробува да прикаже preview од сликата.