Македонски форум за електроника
Аналогна електроника => Аудио техника => Звучници => Topic started by: izotop on 19.12.2013, Thursday, 22:25:25
-
Да ја разбудам темава за звучници малку со еден фин проект :)
Толку беше одамна што незнам од каде да почнам :).
Почна пред околу 3-4 години кога ги купив драјверите од Visaton и одлучив да ја правам нивната кутија starlet но уште од почеток не ми се допаѓаше високотонецот кој е употребен во оваа тростстемска кутија па не го купив .И така си стоеја звучниците купени на плакар една година и кусур нови непробани кога најдов добри високотонци за релативно добра цена 50 e комад Vifa XT25TG30-04 ги имате проспектите во прилог . И повторно поминаа уште година и кусур се до лани есен кога почнав да ги правам кутиите ( незнам дали и вас ве фаќа работна треска да завршите се што е за надвор пред да фати зима или е само до мене ;D) нормално не ги затворив и стоеја до пред месец дена кога ги досклопив и фотките што ги гледате се од пред 3-4 недели .
Инаку кутијата е ТЛ иако оригиналната кутија Starlet е бас рефлекс .
Лично ја пресметав според ТС параметрите кои кај Висатон сепак треба да се во ред . Има посебна комора за среднотонецот како и за високотонецот и посебна за скретницата така да кутијава е многу тешка едно 30-40 кила .
Пазев да нема многу паралелни страни во самиот тунел што треба да е добра работа звучно .
Следно е да најдам квалитетни кабли од чист бакар (може да препорачате ако знаете од каде да купам имаше во BT но останал само 2x4мм што е претерано и со цена и непотребно во ситуацијава оклу 350 денари м2 , ќе заврши работа и 2.5мм , имам еден оелбах кабел 2,5мм 6 метри но не ми се сече , за кутијава ќе отидат околу 4,5 метри .
После каблите следува вградување правење скретница и нормално преслушување преку зима (модификации на скретница се до пролет или есен ;D , кога ќе треба да добијат естетски завршен момент , фарбање , можеби и некоја предна плоча од масив , нормално ако заслужат звучно .
Ќе гледам деновиве да дозакачам уште технички спецификации за басот W200s и среднотонецот W100 S . ако ве интересира .
-
Инаку кутијата е ТЛ иако оригиналната кутија Starlet е бас рефлекс .- со ова се е кажано,мислам 8)
-
Гарантирам дека ќе звучи подобро од бас рефлексот ;), подобро ќе ја наштимам во различен простор а и бас рефлекс е се многу досадни едноставни конструкции . Освен тоа пресметката вика дека басот е за отворен тип на кутија во мкоја спаѓа и ТЛ , ако сакав фабричка кутија која ми ја наштелувал некој инжињер за 350 евра ќе купев некоја таква .
-
Си одбрал прекрасни драјвери! Јас лично сум презадоволен од визатон W130S кој е вграден во мојот модел SMC5 активни монитори.
Многу подобро ке било да ги ставиш средниот и високотонецот понастрана, никако не треба да бидат на средина од предната маска, заради еднаквото растојание на кои ке се случат дифракциите од двата раба.
Според истражувањата на Аугспургер, овој звучник бара трансмисиона линија долга 1,47 метри, за да се добие Qts = 0.7 и F3=63Hz. Колку е долга твојата линија? Како звучи?
http://www.visaton.com/en/ Тука можете да ги најдете сите спецификации за визатоните, и не лажат графиците, лично сум ги мерел W200 и W130s и исто покажуваат како на нивите графици.
(http://www.mediafire.com/convkey/638d/826x3c6t0pmhlzazg.jpg)
(http://www.mediafire.com/convkey/e249/jdf15gs8ywl1bs1zg.jpg)
Споено мислење: [time]19 Декември 2013, 22:58:47[/time]
Трансмисионите имаат прекрасни ниско средни и средни фреквенции. Ултра прецизни импулс одговори и амплитудо-фреквенциски одзив. Но генерално, немаат многу длабок бас, поготово со драјвери кои имаат премногу низок Qts.
Максимумот со овој звучник можеш да го добиеш е 63Hz (-3dB) во трансмисиона линија. Бас рефлекс би одела пониско.
Сепак не се работи за длабочината на басот туку како тој звучи. Чисто, без колорација на ниските ниско-средните.
-
Да, знаев дека некој поупатен и очигледно добро поткован како тебе ;)( во позитивна смисла ) ќе праша за поставување надвор од оската .
Затоа и напоменав дека на пролет ќе добијат преден панел најверојатно од масив дрво и со заоблени рабови што сигурно ќе ја подобри звучната слика , инаку цртав доста пред да исечам и се мислев да ди дислоциорам 2-3 см од оската на басот но вака ми изгледаат по ретро . Се мислев за 130 -ката за среднотонец (ионака ова е моја кутија и нема врска со оригиналната замисла ) и можеби направив грешка затоа што ги најдов Вифа драјверите одпосле , 130 -ката оди подолу со целата фреквентна скала нормално и затоа ќе можеше да се сече подолу со басот , што е многу добра работа исто и вифата има многу ниска точка RF така да ќе можеше без проблм да се вклопи со нејзе , можеби ќе добиев и некој децибел поосетлива кутија , но тоа е тоа , веќе беа купени .
Инаку знам дека тоа е така за ТЛ и јас сум голем љубител на ТЛ кутии се што сум направил од нив работи беспрекорно и понекогаш самат кутија е класа над драјверите , многу ми се допаѓа што можеш прецизно да ги наштелуваш према просторијата , сум приметил голема разлика во звукот само од една додадена или одземена рака од лиото , така да нудат многу иако се тешки за изработка .
-
Еднаш кога постирав една кутија на Форумов со Висатон драјвери,ми рекоа дека е тоа средна до никаква германска класа на економик звучници. Не се бунев премногу,бидејки сепак се работи за поевтина класа на звучници.Но,сепак ке кажам дека се добри за домашна употреба иако јас лично би преферирал двосистемска кутија со Вифи-те ,40 литарска бас рефлекс кутија.Тоа што си пресметал не мора да значи ништо кога се работи за ТЛ.Друго што ми боде очи е што си употребил оплеменета иверка .На оплеменетиот дел не фаќа добро дрвофикс,не знам како тоа си го решил,но гледам дека многу штрафови си употребил.Друго,ТЛ јас не би го дампирал од почеток тотално,ами пробај прво како ке свири без дампинг материјал,па постепено ставај материјал и мери.
А,тоа што гарантираш дека ке звучи подобро од бас рефлекс,не гарантирај.Ако имаш материјал направи еден ваков модел и пробај да ја мериш разликата ,односно да го слушнеш звукот при исти услови и режим на работа.
-
Најдобра кутија за Visaton W200S е бас рефлекс кутија 45Л со тјунинг на 38Хз. Тогаш свири до 35Хз(-3dB)
Споено мислење: 19.12.2013, Thursday, 23:39:50
Да, можда поубаво би било да беше W130 пред се заради неговата ефективност, но како среднотонец подобар е W100S заради тоа што нема издигнатина од 700до 1400Хз. Во звучниците се е компромис.
Инаку лепакот држи само лабаво на оплеменитата иверка (може да ти зуи на некои места при басови) Можело да го симнеш-истругаш само оплеменетиот дел до дрво само на местото каде се спојува со другата табла - надворешните страни само.
-
Те излажале батка (или не знаеле што зборуваат ) драјвериве секако не се врв од звучници за самоградба но сигурно нудат многу за парите, Искуството ми дозволува да гарантирам дека ќе звучи подобро , тл кутија е многу флексибилна во штелување додека бас рефлексот ако ја утнеш од прва поправање тешко . И јас би избрал двосистемец како тебе но со голем бас тешко да најдеш достоен високотонец кој ќе го покрие ,односно фаќа доволно ниско се разбира за оваа цена која одлучив да ја потрошам , штрафови отидоја крвнички како што гледаш а и лепакот е доста квалитетен така да тој дел е завршен добро, за дампинг материјалот по правило треба да е најгусто распределен зад басот па потоа постепено поредок до крајот на тунелот но можеби ќе звучи подобро и порастеретен како што сугерираш , но не бев во можност да ги штрафам па да ги отштрафувам така да добија лио од око само во тешко пристапниот дел , ако се покаже дека е многу ќе го извадам некако но ако фали , тешко квалитетно ставање нели . Лично и не преферирам премногу длабок бас туку сакам егзактност , точност на репродукцијата така да не верувам дека сум направил грешка , штелувањето најдобро се врши во густината на материјалот непосредно зад басот .
А за кутијата што си ја предложил нити имам време да правам други кутии нити ме интересира споредба , можам да ја споредувам кога ќе ја наштелувам скретницата добро и кога ќе ја завршам комплетно .
-
Ме излажале!? 8) Абе тоа беше мислење на некои поединци.И јас мислам дека за парите се добри. Дампирањето е еден од проблемите кога правиш ТЛ и слушај ме што ти викам .Јас сум отворал често пати и по неколку пати кутија додека не го средам дампинг материјалот.Ако мислиш дека по некоја шема тоа оди ,да знаеш дека не оди и има голема разлика што и колку ке ставиш.Точно е дека најгусто треба да биде околу басот,ама пробај да ја менуваш густината и ке видиш разлика во звукот.За свртницата: тросистемската е тешко од прва да ја погодош,ама совет оди прво само со бас и среден и гледај да не трефнеш некој рез кој ке ја покрене дрвенаријата.Откога ке ги средиш басот и средните,за високите е полесно.И пак она што секогаш го велам: оди по твој слух и немој линеарности и *анасана нами* да ми кажуваш ,ами слушај и прави ја според твој осет и ќеиф. ;D
-
Сега забележав дека не ти се фрезирани високотонците и средните.
Еве и зашто тоа треба да се направи http://elektronika-mk.net/index.php?topic=11126.0Појавата е најосетлива при директна усмереност на звучникот кон слушателот.
Споено мислење: 20.12.2013, Friday, 00:18:35
прочитај го последниот пост
-
slidermc
ќе ги исфрезирам само прво ќе ги ислушам добро до пролет ,и ќе им ја штелувам скретницата и дампинг материјалот во кутијата , таков е планот .
Инаку сега видов дека прашуваш должината на тунелот е околу 1,60/ 1,70 м не ми текнува точно беше пред неколку години пресметувана треба да видам на скиците.
Батка не ми е прва ТЛ кутија знам точно што треба да се направи .
Ќе биде според кејфот правена , знам дека тросистемец е потежок за правење на свртница но ќе биде и тоа , никаде не се брзам.
-
Првин фрезирај го, тоа менува звук, тогаш ке можеш да ја местиш свртницата. Мислам дека нема да е многу голем проблем местењето на свртницата, само придржи се до Линквиц-Рилеј топологијата 12db/oct. Притоа внимавај на фазата, среднотонецот најверојатно ке треба да биде обратно поврзан.
-
Веројатно ќе оди така со фрезирањето , за свртницата ќе пробам прво со 6 дб меѓу високотонец и среден, басот и среднотонецот нема да бидат проблем .
-
Веројатно ќе оди така со фрезирањето , за свртницата ќе пробам прво со 6 дб меѓу високотонец и среден, басот и среднотонецот нема да бидат проблем .
Напротив,проблем ке биде бас /среднотонец,особено со 6 дб/октава како што планираш.Освен ако не сакаш исто (слично )да свират.Тоа е проблем на басовите кои одат погоре и средните кои одат пониско.Пробај повеќе резови и размести ги малку поинаки звучниците: гледам дека ти си го решил тоа и ме интересира како го реши поставувањето на звучните едници (бас и средни)- со пресмети само или..??
-
Ништо нема да биде проблем , прашање на експеримент е се , во крајна линија и предната плоча може да се преработи , за фреквенцијата меѓу басот и среднотонецот самиот висатон дал пресметка која е добра почетна точка тоа е со 12 дб октава не си ме разбрал 6дб меѓу среден и висок затоа што вифата фино фаќа надолу а и среднотонецот има рамна се до 5000hz така да помалку елементи помалку гушење на звучниците , односот на деловите од свртницата меѓу високи и средни пошто е друг употребен високотонец ќе ја изменат свртницата но и тоа се решава во крајна линија ќе направам оптимизирање со мерење но знам дека нема да бидам задоволен додека добро не си поиграм со свртницата . Ова последново прашање веројатно ти се однесува на растојанието меѓу оските на басот и среднотонецот ,немаше некои сериозни пресметки во тој дел нешто мора и од око да се реши не сум од тие кои се пресметуваат или сакаат математика
-
Не реков дека сум пресметал се (не спаѓам во таа категорија ,а како што гледам и ти си тука некаде Батка ). Кутиите се со добри драјвери така да нема да биде тешко да се изработи свртница . Многу потешко е да избалансираш некој но нејм драјвер за кој не знаеш ништо.
Всушност ќе си ја направам скретницата онака како што ми чини ионака јас ќе си ја слушам 8).
Има примери на различно сечење или комбинации во свтницата ништо чудно јас само кажав како планирам да почнам , понатаму ќе видиме .
Кога ќе пробам нешто на уво ќе правиме подробен муабет сега е се празен муабет .
Сега разгледував малку за скретницата по нет , изгледа дека неможе да се употреби 6 дб по октава заради резонантниот пик на високотонецот , повеќето употребуваат високопропусник околу 2,5 / 3 кхз од 12 или 18 дб и за овај високотонец има ЛЦР паралелно коло 1mh /3,3 oma/100mf отприлика .
Сечењето дефинитивно ќе биде тука некаде за да ги избегнам неправилностите и падот на среднотонецот над 4000хз.
-
Јас би рекол да ја искористиш онаа свртница од моделот на Visaton. Тие се мерени во анехоична соба, и сигурно се добро направени. Како од фреквенциска, така и поларна карактеристика. Би ти препорачал дефинитивно првин истата да ја направиш, па после да правиш друга ако не те бендиса таа.
-
Батка од каде ти е сигурноста дека знаеш се не ми е јасно , ама ти си знаеш,Ок , за звучник за кој имаш податоци као висатон и вифа има безброј натписи и искуства на интернет и во Аудио пројекти .
Да земее дека хипотетички ќе правев звучници со теле високотонец и симсоник бас од каде ќе знаев воопшто како да почнам кога за тие драјвери нема никакви податоци ,па дури и некој да постирал графикони од серија до серија (брод до брод) ;D се разликуваат . Не мешај баби и жаби ова се сепак драјвери за кои мерењата се точни и за кои веќе како што ти кажав има многу примери за тестирани и функционални комбинации (види малку на интернет ако воопшто те интересира). Тоа што го кажав за свртницата е добар пример сега неморам да лутам точно знам каде ќе се движам ако беше теле или симсоник кој знае што ќе се случеше . Не се секирај за басот и среднотонецот ништо нема да се надуе или предимензионира , кутијата е веќе залепена и одлепувања нема да има , незнам дали воопшто забележавте но нема две паралелни страни во тунелот а има и неколку напречни врзувања на места по златен пресек , така да за резонирање не станува збор воопшто . За каква кутија плачат висатониве е дискутабилно ,математиката вика отвотрена кутија ,ако не ти се допаѓа направи си ги во бас рефлекс ,твој проблем , јас одлучив да ги изведам во ТЛ варијанта а она што му го реплицираш на slidermc слободно можам да кажам дека ти е истресено од ракав . Сврницата предложена од висатон воопшто не е прилагодена за бас рефлекс , тоа е безмалку школска свртница која е просек и е релативно едноставна затоа и го отфрлив високотонецот тој е класа под средниот и басот исто како што вифата е класа над истите. Се сомневам дека Висатон ќе ни даде толку оптимизирана свртница сигурно и таа е компромис како и се друго во врска со склопување на звучна кутија и затоа ми е смачено од субјективниве предпоставки . Кутијава ја презентирав за да поделам искуства со вас ако сметаш и ти седопаѓа нешто поинаку твој проблем купи драјвери и прави што сакаш со нив . Јас веќе одлучив како ќе изгледа и функционира за мене , ако на некого не му се допаѓа нека прави каква сака кутија ,мојата е ваква и не спаѓам во почетници за да ми делиш такви почетнички совети .
За едно ќе се сложам со тебе Батка веќе и го спомнав, без добро преслушување нема ништо, џабе мерења графикони и наука , крајната цел е да го најдам звукот што мене ми се допаѓа а тоа гарантирам дека ќе го постигнам со кутијава само неможам да предвидам временски кога ќе биде.
Ова сето што го спомна за во кои комбинации ќе звучат подобро е подеднакво ветер во магла како и моите претпоставки за во ТЛ и штета што нема да има друга кутија бас рефлекс(јас не планирам да ја правам можеби ти планираш) за да ги споредиме , па дури и тогаш е субјективно која ќе биде подобра.
-
Јас би рекол да ја искористиш онаа свртница од моделот на Visaton. Тие се мерени во анехоична соба, и сигурно се добро направени. Како од фреквенциска, така и поларна карактеристика. Би ти препорачал дефинитивно првин истата да ја направиш, па после да правиш друга ако не те бендиса таа.
Да ќе ја искористам како почетна точка меѓу басот и среднотонецот за помеѓу високиот и среднотонецот ќе мора нешто друго да се проба , најверојатно 12 дб како што кажа можеби со променет поларитет . Незнам додека не чујам .
Чисто информативно најдов кабли за внатрешно поврзување од Ботс убав бакар 2x4 mm сум згрешил со цената 180 денари се метро .
Slidermc пошто гледам дека конструктивно размислуваш ако си согласен може заедно да удриме некое мерење на кутијава кога ќе дојдам до некој прифатлив резултат со свртницата, се разбира ако не ти смета , можеби и ќе закачиме некој графикон на форумов
Споено мислење: 21.12.2013, Saturday, 02:14:02
Абе Изотоп, сигурноста ми е во тоа да сум направил можеби 20тина пара кутии со Висатон звучници.Уште од оние првите серии V,па до сега ги имам сите нивни каталози,сум ги нарачувал директно од фабрика итн. Мерењата се точни!? Чии мерења,нивни или твои? И за свртницата ми било од ракав истресено? Па оди на некој DL или УК форум и прати што пишуваат другите,не мораш мене да ме слушаш.Свртниците на Висатон се * тенеќе марка* сите тоа го бајат со години,а вие се најдовте да ги фалите. Имам една готова кутија за проба ,од 40 литри,ам бидејќи си сигурен во твојата конструкција,беспредметно е да ти ја нудам.Терај си по твое и извини за советите - ги повлекувам ,како и целата дискусија.Ако нема простор за дискусија не ми е јасно зошто воопшто си ја постирал темава.
Темава ја постирав за конструктивна дискусија а некои од твоите "совети" не се на место , тонот со кој се обраќаш ти е апсолутистичкки , како да се обраќаш на првачиња што некаде пали ама некаде не .
Ако толку си работел со висатон тенеке постирај нешто па да дискутираме ,секаде длабоки теоретски мисли никаде конкретни работи.
Веќе се покајав што сакав да поделам лично дело со вас на форумов.
До Администрација
Темава може да се заклучи или уште поубаво избрише јас нема веќе да постирам во неа.
-
Не знам што подразбираш под *конструктивна* дискусија- некој само да те фали,или ако спомне нешто подруго од твоето размислување ,тогаш не е во ред. Ако не смее поразлично да се дискутира ,не знам зошто си ја ставил темава.Впрочем.ако моите размислувања те навредиле,се извинувам.Но,верувај дискусијата ми беше насочена во друг правец.Очигледно си убеден дека тоа што си го направил е најдобро што си можел,тоа е во ред .Впрочем дискусиите беа во насока на укажување на тоа каде се можните грешки во проектот - од лепење на оплеменета иверка,правење отвори за звучниците,околу свртниците ,дампирањето... И на крај јас ги повлеков моите размислувања и ве оставив со колегата да си пишувате,а ти се разлути .Сум делел совети како на првачиња.. Извини,батка ,настапувам како Модератор и пишувам мои размислувања.Со ниеден збор мислам дека не те навредив лично,а ако сепак мислиш дека си навреден од моја страна ,еве јавно се извинувам.И темата нема да се затвори,мислам дека уште некој ке се замеша во дискусијата и нека биде отворена ,кога ке го завршиш проектот да видиме финале.
-
Изотоп, според кој критериум Visaton W200S е за отворена кутија? Qts e 0.33 (при мерење на ТС ке приметиш дека е за нијанса повисоко негде 0.4, но треба да се расвири) Fs=30Hz
Ако те интересираат мерења, повели, ке го измериме тоа што си го изработил.
"џабе мерења графикони и наука , крајната цел е да го најдам звукот што мене ми се допаѓа"
Графиконите, науката - помагаат полесно да стигнеш до добриот резултат, инаку ке талкаш со години додека го погодиш истото. Мерењата многу често откриваат проблеми во спектарот и може лесно да се посочат, за разлика од обично слушање. Кога слушаш знаеш дека нешто не е во ред, но речиси е невозможно да го посочиш проблемот ако е субтилен.
Споено мислење: 21.12.2013, Saturday, 19:13:30
Визатон имаат звучници од секоја категорија. Најчкарт до најдобри, препорачувам убаво да го разгледате сајтот на Визатон. Светски познати им се B200 (многу често користен за фулрејнџ), AL130, Ti100, DSM50FFL(еден од најдобрите среднотонци), М300, KE25SC. Овие се најдобрите нивни модели и лесно можат да се компарираат со други многу скапи звучници.
"20тина пара кутии со Висатон звучници." Аман бе, па каде отидоа сите тие звучници откако си ги направил?
-
Висатон не произведува звучници само од пред 10-тина години ,кога си почнал да се занимаваш ти со звучници,ами многу порано. ;)Уште 70-тите години ,како клинци ,најлесно доаѓавме до нив од Германија,преку гастербајтерите 8) Не почнале Висатон со вас, за жал.Има барем десетина кутии кои работат сигурно низ Велес,И никој не се пожалил,Воглавном се носеа готови КИТ- драјвери со свртници и нацрт за кутиите.Нацртите се добри воглавном,ама свртниците беа никакви - одсекогаш биле такви.И В 200 не им се најдобрите да знаеш,но се со добра цена.А од фулрејнџ бегај,ако сакаш добри кутии да направиш.И друго - не зборувај за добрите резултати,без да знаеш што бараш од звучникот.А за суптилните проблеми секој си ги решава на свој начин.
-
Јас имам звучници Висатон ама готови кутии со 2 Баса 8",среднотонец и високотонец.Прекрасно свират ги купив со дефектни среднотонци и високотонци си ги направив ринат веке 12години.Ги купив без да знам дека вредат многу повеке од што ги платив.Ги купив 5000ден. со кутиите комплетно.Иверката е 20мм со бас рефлекс на предната страна.
-
Не знам за Визатон пред 30 години, но знам сега што нудат.
Батка, не постои субјективно сакање на звучник. Тој не е уметничка слика па да имаш своја интерпретација. Звучниците имаат само една цел - да репородуцираат звук најверен до оригиналот. Тие што сакаат да добијат "нешто" од својот звучник, најверојатно никогаш не слушнале акустична музика.
-
Батка,не еднаш сме се препирале за субјективноста на слушањето музика.Нема да отворам полемики за тоа повторно .Премногу техномански и приоѓаш на темата -субјективност на звукот.Линеарноста за која се тежи ,односно некој тежи ,е само шарена лага.Секој драјвер сиима свој звук! Тоа не е мерна карактеристика и крива која можеш ти да ја измериш и нацрташ.Субјективноста се огледува пред се од видот на музиката што ја слушаш,но и од повеќе други фактори за кои е ирелевантно да ти кажувам.Истата песна ,на истите уреди и звучници двајца не ја доживуваат и слушаат исто.Ако е толку едноставно немало да бидат измислени еквилајзери,контроли на бојатана тонот и ред други уреди.И молим те да не ме прозиваш веќе ,пишувај си како мислиш,оти твоите ставови си се само твои и не покушавај секому да му ги наметнуваш.Многу е стереотипно кога ке се каже -Звучниците имаат само една цел - да репородуцираат звук најверен до оригиналот. Тоа е многу застарена и недефинирана фраза.Ако е така,веројатно за овие 100-тина години како е пронајден звучникот,ке се нашол некој или некоја фирма кој ке направел идеално линеарен звучник ,кој во кутија линеарно ќе репродуцирал линеарен звук - и крај! Сите линеарно ке слушале на тој звучен систем.Нема такво нешто и нема да постои.По едно 20-тина години,кога ке поминеш повеќе фази во *сакањето*на звукот,можеби нема да размислуваш линеарно.А,акустична музика слушам само во живо ,а не преку звучник.
-
Да беше толку лесно да се постигне линеарен звучник, сите ке го правеа тоа. Но не е ни најмалку лесно, а има многу истражувања со тие техникалии кои 90% од случаите избрале звучник со линеарна амплитудно-фреквенциска карактеристика. Такада тоа е незанемарлив факт.
Многу еквилајзери, стерео ефекти, бас бустови ова она-типично за мултимедиа звучници. Добиваш се освен тоа најважното, самиот звучник.
-
“Е,па сваќаш што сакам да кажам.Некој направил 90 % линеарност- дали е и толку не знам,ама во аматерски услови ,без избор на драјвери и други елементи јас и ти може за тоа да сонуваме.Факт е дека се повеќе луѓето купуваат мултмедија,2.1 до 5.1 сабвуфери,па сателитчиња.Погледај ја продажбата на забавната електроника за 2013г. ( ке биде веројатно во јануари објавена) и ке видиш колку *озбилни* зв.кутии се продале.Веќе и таблетите ја достигнаа цифрата на продадени деск-топ компјутери,а се повеќе се продаваат и лап топови пред деск топ компјутерите.И за драјверите за самоградба е така- се помалку самоградители купуваат драјвери и прават кутии.И не се замараат со прорачуни и линеарност - битно е вуферот да *пука*,средни нема ,а високи во недоглед.Ама никому не му е гајле-иде Нова Година..
-
Е батка, да си ми жив и здрав, тука потполно се слагам. Денес народот само "буфери" бара. Кај сите модерни звучници-мултимедиа, ке најдеш дури 5-8dB пад меѓу 100-800Hz. Е тука лежи целата музика, бидејки речиси сите интрументи, фундменталните фреквенции им се во овој опсег.
-
Чисто да видите како излезе.
Го послушав slidermc за порамнување на високотонецот во плочата, земав плоча од бука 4cm дебела, тоа е почетната скретница која ја изменив во некои вредности и сега траат слушните тестови.
Дампирањето е добро со тоа што треба да се додампира уште зад басот сеуште се пренагласени басовите од издувот и со среднотонецот морам да ја намалам неговата комора односно да добие акустички филтер.
Постирав најмногу затоа што ми треба помош имам калеми со непозната вредност ми треба услуга за мерење за да не правам мерач на индуктивитет, ако има некој добра воља нека прати ПП.
(http://www.mediafire.com/convkey/7ea5/wxcqsaynu92oyfkzg.jpg)
(http://www.mediafire.com/convkey/c756/glwnqhqa4bbtl5dzg.jpg)
(http://www.mediafire.com/convkey/4067/xjee03pry88m77zzg.jpg)
-
Свртницава во делот за високите ти е *тапа *.Си ставил атенуација,па две гранки со RLC (??) не гледам зошто така,овој 5,1 отпор ,паралелно со високите извади го.Тој нема врска со ништо и само ке ти мати во мерењата ( ако мериш). Подобро пресметај една гранка и тоа е доволно.
-
^Го нема RC членот го отстранив остана само RLC 150 мф/0,68 мх/6,8 ома.
Л-падот не е истиот се покажа дека треба поголема атенуација сериски е 1.7 ома а паралелно е 4.7 ома скоро изедначено е со w100s . Ако го извадам 4,7 што предлагаш да направам затоа што високотонецот излегува од колосек предотпорник со голема вредност е полоша варијанта .
Сега звучната слика е одлична, само морам да ја намалам запремнината на комората на среднотонецот затоа што има премногу голем волумен работи и тоа што не треба.
Некој предлог за едноставно намалување на волуменот без столарски зафати Сунгер? Исецкан Цели плочи или нешто друго .
-
@batka: ај те молам испули се кај мене ,,Туториал за ТЛ-ки" и види ги математиките шо ги правев и дај едно мислење,онака,за скретницата
-
Постирав најмногу затоа што ми треба помош имам калеми со непозната вредност ми треба услуга за мерење за да не правам мерач на индуктивитет, ако има некој добра воља нека прати ПП.
Знаеш кај сум, кога сакаш јави се и донеси ги калемите, ќе ги измериме со фабрички инструмент... ;)
-
^ Договорено ќе те барам неделава
-
@batka: ај те молам испули се кај мене ,,Туториал за ТЛ-ки" и види ги математиките шо ги правев и дај едно мислење,онака,за скретницата
Математиките? Абе,ете доволно си употребил *калкулатор*.Само ,како и кај сите компјутерски програми и овој калкулатор има фалинки.Занемарена е основната карактеристика - осетливост и не е земена во предвид најниската фреквенција на која високотонецот има стабилност.Тоа не се карактеристики кои се мерат со калкулатори.Еве и оние 2500 Хз за резна фреквенција.Мислам дека е вака гледано превисока,мислам треба да ја спуштиш.Е сега дали 2200,2250..... не би можел без да ги слушнам драјверите да кажам. Мислам дека високотонецот тука не е искористен.Ако пак одиш погоре можеби ке дречат средните.Тешко е да се каже,но сепак стави некоја атенуација на високотонецот и малку експериментирај со кондензаторот (ите).
-
Басот ти е погласен заради ефективноста на звучникот W200S стрема W100S. Но не ми личи да намалуваш со атенуација басот туку само со еквилајзер. Глупаво е да се атенуира бас звучникот, цела енергија ке оди на отпорникот.
-
Многупати ,па мислам и во оваа тема пишав дека од ќутуре се набавуваат драјвери,а очигледно сега и ефикасноста стана проблем.Атенуација на бас- првпат слушам за таков поим!? Е.сега се поставува пак прашањето дали е одбрана вистинската резна фреквенција? Намали ја резната ,ама пази колку дб добиваш/губиш кај високотонецот.
-
Значи почнувам да мислам дека и не знаете да читате графици. Еве слика-1000 зборови.
Звучниците се мерат на 1W излез од појачалото при што се мери звучниот притисок во децибели и така се исцртува и графикот. Тоа значи дека при иста снага секој звучник-модел дава различен звучен потисок или гласност. Еве како изгледаат графиците на W200S i W100S при 1W мерени во анехоичен простор.
Резната фреквенција меѓу басот и среднотонецот предпоставувам ти е 280Hz според шемата која си ја поставил. Јасно се гледа дека басот ке биде цели 6 децибели погласен од среднотонецот. Тоа и го нацртав за лесно да го видите со црвени линии за рез фреквенцијата и потенцирав со цртички каде да гледате разликата.
Црната линија во продолжение е како би изгледала фреквенциско-амплитудната карактеристика во трансмисионата линија (од прилика).
Затоа на изотоп ке му изгледа дека има премногу бас (+6dB).
Решение?-активни свртници или еквилајзер.
Податоците превземени од:
http://www.visaton.com/en/chassis_zubehoer/tiefton/w200s_8.html
-
Не знам во кој дел сум спомнал атенуација на басот , тоа е ноторна глупост отпорник на басот не се става (цитирајте ме ако сум спомнал такво нешто ) спомнав само дека се пренагласени басовите од издувот затоа што уште во составувањето на кутијата го пополнив само средниот дел сега ќе морам да ставам и зад басот тука е најпрецизното штелувањето зад басот , разликата меѓу басот и среднотонецот е 2 дб а свртницата е превземена од висатон 6 дб по октава калем 3.3мх на басот и кондензатор 33 мф на среднотонецот , додадов само рц коло 40мф и 4,7 оми паралелно на басот .
Досега кутијава звучи многу добро со тоа што променив доста компоненти , ќе ја постирам последната свртница .
Споено мислење: 26.01.2014, Sunday, 22:26:16
Резната фреквенција е 500 хз не 280
-
Очигледно не функционира нешто во пресметките на СлидерМК .6 дб да биде басот појак?? Нешто си грешка мислам,провери се.
-
Тогаш имаш 4дБ разлика меѓу среднотонецот и басот, затоа и ке ти изгледа дека имаш повеке бас.
-
Тоа се решава со свртницата и со дампирањето! Спушти ја малку резната бас/средни ,исто и средни/ високи.Намали ја атенуацијата на високите и менувај кондензатори и калеми во средната гранка.
-
6 дб може да има заради неправилно дампиран тунел , кај мене е осетно само на одредена фреквенција , немам мерна опрема за да видам каде, утре ќе ги дампирам правилно и ќе се среди . Всушност скретницата меѓу басот и средниот е истата од висатон така да незнам од каде се разви дискусијава .
Басот е сув и прецизен и оди доста длабоко во оние музички материјали каде што навистимна го има . само му фали малку материјал за дампирање.
Споено мислење: 26.01.2014, Sunday, 22:44:39
Резна фреквенција не би спуштал пробав и на 250 хз отприлика, подобро звучи на 500 хз среднотонецот е сепак малечок
-
Па СлидерМк спомна атенуација и отпорник,ама нема врска.Проблемне ти е басот ,ами среднотонецот не е во сразмер веројатно,и него треба да го нивелираш бидејќи лесно *ке летне* при додавање јачина, а вонормални услови*ќе го нема* Тоа не е страшно сооглед дека модернава музика така и се снима ;D.
Во моментов не знам каква е ефикасноста на високотонецот и која е разликата вооднос на басот,ама јас би ставил за проба *L-pad * и би пробал директно да го подесам на уво.
-
Резната фреквенција ти е одлична, тука нема ништо да се пипка. Visaton ставиле мала комора на среднотонецот токму со една цел: да добие СПЛ среднотонецот на одредената резна фреквенција, само така може да се погодат.
Моделирај ја кутијата за среднотонецот така што на 400Хз ке имаш точно +4дб од самата кутија. Ова можеш да го направиш со WinISD и параметрите на W100S, ако ме разбираш што кажувам.
-
Кажете совет како да ја исполнам комората на среднотонецот висатон предвиделе 0.8 литри за ова што го зборуваш а јас ја претерав оваа комора има барем 6 литри . знаев дека претерувам но неможев во момент да ја преработам кутијата .
Со што да ја исполнам што зафаќа волумен а не смета на звукот, ја исполнив со сунгер во плочи ама не ми прави кејф.
-
Да значи ке мораш некако да вградиш нови зидови во комората и да ставиш повеке лио. Еве го и моделираниот одзив одприлика кој би ти требал за средниов да му ја појачаш SPL за од прилика 2 децибела на бараните фреквенции.
-
Јасно но теша задача (столарска )
-
Ке мораш да исечеш неколку помали ленти доволни да пројдат низ отворот за среднотонецот и како такви да ги лепиш и вградиш во самата кутија. Не претерувај со лепење во случај да не ти се допадне звукот па да можеш полесно да ги извадиш.
-
Ќе пробам утре со некоја цевка пластична така е наједноставно .
-
Да но обавезно дампирај ја со лио. Пластиката има неверојатно лош одзив на средните фреквенци, па да не те лаже по звук.
-
Земи еден помал пластичен цреп за цвеќе( мери го спрема среднотонецот) исполни го со стива и залепи го позади зад среднотонецот. 8)
-
Веќе е фиксирана плочата од масив со дипли и пола кило дрвофикс така да вадење нема (без да ја уништам) ќе видиме утре . Мислев да не знаете некој материјал со кој можам да одземам волумен .
-
Исполни ја со стиропор или неколку слоја сунгер ( превиткан).
-
Може и стиропор, добра е идеата.
-
Најпрво Голема Благодарност до Lordzi за мерењето на калемите со непознати вредности , без него немаше вака добро да звучат кутиите .
Пробав со стиропор , му ставив слоеви еден куп и сега мембраната видно подобро се однесува но веројатно ќе мора да се решава со саксија или некоја цевка зошто мора да биде прецизен волуменот .
Инаку ова е последната свртница , пробав предходно и со 18 дб по октава високопропусник за високотонецот и некако не ми се допаѓаше на звук можеби затоа што вторите кондензатори по калемот сериски со високотонецот беа МКТ а првите МКП , има огромна разлика во звукот.
Исто се окозив додека го подесив нивото на Л-падот за атенуација на високотонецот дел од ом ја менува звучната слика ,сега е супер со 1,7 ома и 3,8 ома .
Исто да споделам искуство дека во делот на среднотонецот исклучиво МКТ или МКЦ кондензатори предходно имав ставено на влезниот кондензатор 33мф паралелно и еден шугав биполарец кога го сменив со МКТ пропеааја во детали среднотонците .
Незнам само што мислите за вртење на поларитетот на високотонецот пробав предходно и ми се чини дека беше подобро но тоа беа други вредности на скретница , сега во самата звучна слика има многу детали што не сум ги чул во среднотонското и високотонското подрачје но како да има благо нагласување на С во вокалите што можеби е знак на пик кај вискотонецот . Можеби нема да може да се корегира без мерење ?.
-
Доколку звукот ти е малку остар на вокалите, пробај да го намалиш уште малце високотонецот.
Добар начин (по слух) да провериш дали ти се точно во фаза среднотонецот и басот, или среднотонецот и басот е принципот на погласно потивко.
Како се извеедува?
Најпрвин зимате сигнал генератор и генерирате точната фреквенција на пресек меѓу одредените драјвери. На пример 500хз. При тоа го уклучувате само басот, и внимателно слушате, а потоа додека трае сигналот го уклучувате и среднотонецот. При тоа треба да се забележи појаќување на таа фреквенција. Доколку не се случи тоа, пробајте го во обратен поларитет среднотонецот.
Истото се изведува и на среднотонецот со високотонецот, но внимавајте, додека слушате мора да ви биде увото во висина измеѓу 2та тестирани звучници!
Споено мислење: 01.02.2014, Saturday, 16:28:41
На ист начин можете да ја проверите и гласноста на 2та звучника, дали се еднакво гласни, но секако да внимавате да сте на иста одалеченост од драјверите (точна средина меѓу нив). Препорачувам едното уво да е затнато за да не лови рефлексии од собата.
-
Па добро е што некој сака да експериментира! 8) Јас би одел со 2,2 и 4,7 оми во L-pad-от
,а за ова што СлидерМК го предлага не се слагам- со генерирање сигнал само на резната фреквенција.Ке се јави грешка и многу сумјам дека ке погоди на уво, особено ако се работи за 18 db рез.Ако сакаш да експериментираш земи тон генератор,појачувач и врзи осцилоскоп ,па пуштај фреквенции и мери.Следи го падот на сигналот на осцилоскопот околу резната фреквенција- него мора да го има,ама врзи го високиот вака или обратно и ке видиш која е разликата и дали мерениот сигнал се менува(обликот).Тој треба да има што по права линија ;D
-
Пробав со 2.2 и 4.7 оми не задоволува нивото батка сеуште е прегласен високотонецот. Всушност пробав 15 комбинации , непробав само со предотпорник , можеби и тоа ќе пробам . Во секој случај вака концепирана скретницата мене ми го задоволува критериумот , слушам детали од истите цедиња кои ги знам на памет кои досега не сум знаел дека постојат на записот .
Звукот не е остар на високотонецот Slidermc само при изговарањето на вокалите кога има гласови согласка с е минимално нагласена , можное да е до самиот цд плеер марантз цд5000 малку е светличок во тој дел од фреквенциите .
за ова што го спомнавте со мерењето сигнал генератор ќе импровизирам од ПЦ но осцилоскоп не поседувам така да неможам да мерам на тој начин .
-
Има една интересна финта- стави како предотпорник сијаличка 24V 10- 15W (оние во вид на стаклено цевче) и пробај со него во серија со високотонецот. 8)
-
Batka, на тој начин со осцилоскопот ја проверуваш само електронската (што дефинитивно е добро да се направи) точност на свртницата но не и акустичката. На пример моите активни свртници се во точност од 0.3%, но не секогаш предизвикуваат сумирање на 2та звучника на резот. Првично заради различната планарна одалеченост на звучниците, 2ро заради самата фазна карактеристика на звучниците во регијата на пресек (не секогаш се поклопуваат). Тоа е доста сложена тематика и реално може да се реши само со мерење акустички.
Друг начин лесно да провериш дали е точна резната фреквенција (електронски) е да ја закачиш свртницата на инпутот од звучната на компјутерот и да го измериш фреквенциски влезот со АРТА. Не мора да даде најпрецизен резултат заради самата природа на таа класа звучни, но доволно колку да ти даде идеа и патоказ до каде си со свртницата.
Нагласено С на вокалите (сибаланца) може е бидејки и самото појачало не е линеарно препорачувам и него да го измерш со инпут на звучна (користи барем 1к отпорник за влезот меѓу звучната и излезот за звучници на појачалото).
-
Види,падот на резната фреквенција кај свртницата од 18 дб ке биде многу видлив на осцилоскопот електрички,но ако сакаш и тонски тоа е лесно - два микрофона (идентични) дури не мора и кондензаторски, миксер со аналајзер и стерео појачувач со слушалки.Не ти треба АРТА ,ако го гледаш аналајзерот.Ако појачувачот има ЛЕД ВУ метар со бар 8-10 ЛЕД, со пан-потенциометрот оди лево-десно и на уво ке ја чуеш разликата - пример левиот басот,десниот високиот.Независно како се поставени звучниците.
-
Ова прв пат го читам во живот, дека така некој мери звучници. Доколку некој почнува со микрофони сигурно ке мери како што треба, стандардните мерења се вршат со еден микрофон, и спецјализиран софтвер а и има добра причина зашто ова се прави така.
Споено мислење: 01.02.2014, Saturday, 18:48:09
Еве како тоа вистински се прави:
www.pispeakers.com/misc/Vertical_Nulls.wmv
клип е во прашање, каде главниот инжињер на Pi_Speakers објаснува како се бара дали е точна свртницата како и многу други работи.
-
8) Да,може и со три усмерени микрофони со посебни пп ,активна свртница и три појачувачи ;D ;D
Пушташ синусоида од 0 херци и креваш нагоре,па ке видиш и дупки и издигнувања и рамна карактеристика 8)
-
Немам ни осцилоскоп ни аналајзер ни искуство така да неможам да мерам , да не се нуди некој да му ги донесам звучниците па да измериме заедно до каде е работата ?.
Односно еден звучник е потребен
-
Батка ми личи расположен за мерење со микрофони за цел оркестар :D. Јас тоа го работам за пари но овој пат ке направам исклучок. Пиши ми пп
-
TИ си од Скопје! Кај вас се со пари се решава.Кај нас во Велес не бараме пари,бидејки сите ми се пријатели.Само едно да ти кажам : иако понекогаш се задевам ,сепак остави ги ти * научните кажувања*на стручњаците од странство.Не ти кажуваат батка тие се! Подобро малку пошироко гледај ги работите,оти ке немаш муштерии.И батали *линеарни* кутии,слушај ти што сака муштеријата.Тој секогаш е во право.Ако ти кажам дека по две-три недели сум преслу шувал, споредувал,отворал и затварал еден пар кутии за да дојдам до она што ме бендисува, сигурно нема да ти се верува.И она дека никогаш не сум пресметувал параметри - тоа е само погрешно сваќање на еден поранешен член.Но сум дошол до некои свои сознанија и начини како да дојдам побрзо до подобри сознанија и како да ја склопам полсено и побргу кутијата.Јас дадов еднаш и слики како го правам тоа.Дури се уште чувам неколку готови кутии со различит волумен ,на коилесноим се менува предната плоча и на нив вршам испитувања и мерења пред се за своја душа или некој пријател.Таа работа со мерење кутии полека умира бидејќи се помалку се прават кутии.Пазарот е преполн со готови и евтини фабрички кутии,па одамна сум свртен кон професионалните РА пасивни и активни кутии.Имам цел магацин секакви кутии и немам намера ни да се докажуван,нити натпреварувам.На кој
му требам,знае каде даме најде. ;D
-
Батка не се обидувај бадијала да ми наметнеш мислење. Ако беше секогаш со пари ке се понудев ли? Немаше воопшто ни да пишувам на форумов ако беше така.
Јас сум ориентиран кон студиска репродукција, а стандардите таму се знаат - без мерење нема монитор.
-
Да ти наметнувам мислење? Мислам дека ти наметнуваш заклучоци. Ти самиот пиша дека - наплаќаш.Ти си ориентиран кон студиска репродукција- интересно.Јас сум пак ориентиран кон кревање галама надвор-со студиски квалитет. 8) 8)
-
Батка те молам не преоѓај на ТИ, ова не е ни моја ни твоја тема за препукавање, туку отворена беше за да му се помогне на Изотоп, а и во спат некој друг да научи нешто. Доколку сакаш да се фалиш со делата отвори си твоја тема.
Како сигнал генератор можете да ја користите самата АРТА. Се мести во секцијата спектрум аналајзер (SPA).
-
Епа бевме вредни со Izotop и успеавме да ги извршиме мерењата. Еве го и графикот од Pi1 (името на звучниците):
(https://scontent-a-fra.xx.fbcdn.net/hphotos-frc3/l/t1/1653771_233820516801288_1811096166_n.jpg)
Одличен одзив, Izotop навистина добро ја имаше направено свртницата и другите детали кои беа споменати во темата кои би влијаеле на звукот и затоа се доби навистина добар резултат. Единствен проблем е тоа што бас звучникот е поефективен (SPL) од среднотонецот па ке мора да остане 3 dB погласен. Трансмисионата линија беше предолга па Izotop смисли начин како ке ја скрати. Мерењата под 100Hz не се валидни за мерењата во оваа просторија но сигурен сум дека звучникот одеше добро и до 40тина Hz. Оние мали дупкички во фреквенцијата во опсегот на бас звучникот се резултат од недоволно дампираната линија.
(https://fbcdn-sphotos-c-a.akamaihd.net/hphotos-ak-prn2/t1/1513189_233820540134619_1699034293_n.jpg)
Прекраснен Waterfall дијаграм. Ниеден резонантен пик кој трае! Невалидни се мерењата под 300Hz заради рефлексиите од собата, секако ни таму не би имало никаков резонантен проблем.
И еве дел од мерните постапки:
(https://fbcdn-sphotos-e-a.akamaihd.net/hphotos-ak-prn2/t1/1912086_233820883467918_442452422_n.jpg)
И звукот? Одличен! Чисти средни и високи, многу мек звук со малку погласен бас.
-
Slidermk не знам како вака *леженката* мериш,можеби и затоа резултатите не ти се онакви какви треба да бидат.Тоа со среднотонецот мислам дека и го предвидов без мерење,но лесно се поправа мислам.За басот е разбирливо да биде прегласен и поради премалото дампирање,ама веројатно и поради погрешната резна фреквенција.Вака гледано мислам дека сепак Изотоп би требало да поработи малку практично на свртницата.Многу мек бас значи дека можеби не се за ТЛ.Ако може да најдеш активна свртница,малку поработи со неа и ке видиш каде си.Но,сепак Изотоп, да не помислиш дека не ја ценам твојата работа -ако ти се бендисува звукот - со здравје да си ги служиш кутиите!
-
Вака на уво па и на мерењата за кои подробно ќе каже Slidermk се е во ред условно неможе повеќе да се очекува од оваа комбинација на драјвери ... во делот на погрешна свртница меѓу басот и среднотонецот ќе нагласам дека тоа е истата свртница која висатон ја мерел и оптимизирал во глува соба така да не ми се прават експерименти и понатаму едноставно басот е поефективен од среднотонецот и тоа е тоа ...... На пролет ќе добијат кратење на тунелот и соодветно дампирање со кое донекаде ќе се порамнат нерамнините и се разбира фарбање односно надворешен дизајн , и ќе си ги слушам со здравје ;)
-
Не мек бас, туку мек призвук-има разлика. Тие пикови и дипови ке си ги реши со повеке дампирање и кратење на линијата. А батка да ти кажам само дека со свртница не се решава осетливоста на бас звучникот, сосема погрешен пристап, цела снага да оди на среднотонецот ли, ако ја спушти подоле.
А за леженката спореди ги фабричките со моите мерења па кажи после ;)
Споено мислење: 16.02.2014, Sunday, 23:29:40
На звук мене ми се допаднаа, башка и waterfall си покажува дека нема ни една грешка. Тоа со басот што е поосетлив за 3dB не е страшно, пријатно за увце е ;). Може слободно заради тоа да се стават звучниците понастрана од зидовите во собата, бидејки ке му дојде како baffle step компензација, баш тие +3dB.
-
Тоа го изумив да го кажам добро звучат во поголема просторија одвоени од зидови и благо свртени кон слушателот (околу 15 степени)
-
Па да, баш и за тоа зборувавме, онаа издигнатина која се наоѓа околу 1кHZ која доаѓа од ФР на самиот среднотонец сосема ке се изгуби доколку не се свртени звучниците директно кон слушателот.
-
SliderMK премногу самобендисано се обраќаш ,кога не сме на *ти*.И ако добро прочиташ во мојот последен пост никаде не споменувам * спуштање на фрекфенцијата*.Ти спомна и *многу мек звук со малку погласен бас *,тука нема * мек призвук*,па јас го разбрав како *погласен мек бас * .Сите овие проблеми што се јавуваат поради пренагласеноста на басот можат да се ублажат со преправка на свртницата (или експериментирање со ова постоечка),делумно со дампирање или со нова кутија (ама да не биде ТЛ).Тоа што *башка и waterfall си покажува дека нема ни една грешка*,а звукот сепак боде уши е друг немерлив проблем,кој Изотоп сам мора да си го реши.На него и останува субјективноста ( јас воопшто и не сум ги слушнал кутиите) да продолжи да експериментира или да си биде задоволен со звукот и да си ги слуша без да менува ништо. Крај на приказната.
-
Е од каде сега звукот бодел уши? Стварно не си ми јасен по некогаш. Тоа што е осетливоста поголема на басот од среднотонецот може да се реши само со еквилајзер или активна свртница. Кутијата не игра никаква улога тука.
Еве една симулација како би изгледале кога ке бидат комплетно завршени под агол од 20тина степени.
-
Звукот не боде очи а особено не уши. Јас можам најдобро да посведочам бидејќи сум тој што поминал со нив најмногу саати . Звукот не е идеално рамен како мониторски звучник но е многу пријатен реален со детали што постојат фин простор и ненападен за басот воопшто не би го истретирал како мек кога музичкиот материјал е таков ,со глава гарантирам дека басот вака е поцврст од бас рефлекс кутија Нема што да се решава тука . Нема да има нова кутија . Нема да има нова скретница ,затоа што таа неможе ништо да реши . Ќе се поправа дампирањето и тунелот и тоа е тоа крај . Кој сака нека си ги купи истите драјвери и нека ги става ако сака во компресиона кутија или хорна по кејф .Јас го добив тоа што го сакав што се потврди и со мерењата . Квалитетот го помина збирот на вредноста на компонентите што се употребени , тука ја гледам пиоентата на Направи сам . Јас сум целосно задоволен со резултатот....
-
Значи графиците не се лажирани како на фабрички звучници, тоа морам да го нагласам, плус мерени се во соба. Тоа значи дека на полупростор ке покажат уште подобри резултати. Звукот на басот секако си е типичен за трансмисиона а тоа што вика батка дека со менување на кутијата ке се среди осетливоста на бас звучникот е гола вода.
-
Добро бре,си направивте кутии си ги меривте,дали е тука крајот? Да ја затвориме темата?? ??? Или имате уште симулации??? :(
-
Останува Izotop да го среди екстериeрот и да ни прикачи слика. :) Правевме муабет, и ми кажа интересна идеа како ке изгледа завршницата. Одвај чекам да ја видам ;)
-
Веројатно ке ги обложи кутиите со огледала. 8) Ај да видиме и тоа.
http://tablica.pl/oferta/subwoofer-visaton-w200s-abaudio-CID99-ID3Chpz.htmlhttp://www.visaton.com/en/chassis_zubehoer/tiefton/w200s_8.html
-
хахаха, не ми текнало на ова, ама интересно звучи :) Малце скапа варијанта...
-
Сепак се врти... 8)
-
Огледало на звучник е само за Нарциси (самобендисани ). ::).....
-
Ако го интересира некого чисто да видите како испаднаа.
Поздрав
-
Супер изгледаат, браво... ;) :)
Како го правеше финишот на страниците, доста е интересен, самолеплив тапет или нешто друго...?
-
Го видов финишот во живо, а и финишот на други негови звучници. Скидам капа! :) феноменално
-
:o браво доста интересно само рабовите битно е да бидат добро обработени за да не дојде до одлепување на матријалот,инаку одлични се само не ја ставај мрежата однапред без неа подобро изгледаат.позз
-
Одлично сработено ме интересира кој материјал го користеше за дампирање.И според кој параметри решаваше.Аха сега видов и задоволен си со звукот така. ;)