Забавен звучен генератор

[GigaWatt]

Шемава ја имам направено пред многу, мнооогу години и морам да кажам дека навистина интересни звуци вади генераторов . Со мали модификации, може слободно да биде дел од некое студио . Може да направи звук како слетување и полетување на летачка чинија , на ова особено се радував .



Колото е прилично просто и деловите дефинитивно се наоѓаат по дома . За контрола на јачината на звукот на излезот, може да искористите потенциометар кој не е нацртан на шемата, но може слободно да се додаде и да се врзе со некој уред кој прима линеарно ниво на сигнал .

Со комбинација на конекторите A, B, C и D со контактите од 1 до 12 (значи практично, имате 4 буксни кои може да ги комбинирате со 12 контакти) се добиваат најразлични звуци... навистина, бројот на комбинации е огромен (може да се пресмета, ама ме мрзи сега ). За контактите од 1 до 12, јас искористив стар конектор од катодна цевка на телевизор (баш толку контакти имаат, 12), а за буксните A, B, C и D, искористив пинчиња од плочки исто од стар телевизор (од времето кога телевизорите имаа по 5, 6 модули на главната плоча и модулите се наштекуваа како во денешно време картици за компјутер, но со пинови наместо странични контактори ... и нели, ако нешто не работи ТВ-то, го лупнуваш еднаш, два пати јако, ќе си добијат контакт пиновите и тера ... „шајзе“ технологија , ама бркаа работа ). Кога сега би го правел, би искористил 5mm-тарски џекови (комбинација машки-женски), но тогаш дете бев и... епа тоа имаше во фурдата ... што имаше, тоа користев .

На сите компоненти им се обележани вредностите, освен на IK1, IK2 и IK3.

IK1 = 555
IK2 = 4020
IK3 = 4011

А, и да не заборавам. Не смеат да бидат исклучени конекторите (буксните) A, B, C и D од било кој од 12-те контакти бидејќи можно е IK3 да почне да работи на некој непредвиден начин (да го тригерува било што, вклучуваќи и шум), така да, треба да стојат вклучени сите во било кој од 12-те контакти .

Целосниот текст со шемата ги има во attachment и на следните линкови .

Code: [Select]

https://cloud.mail.ru/public/2AQt/3oqrqh6Ed

Code: [Select]

https://www.asuswebstorage.com/navigate/a/#/s/76486CB977EC408A8A917DB872DFFB34Y

Code: [Select]

https://app.box.com/s/8j6j6mo68e0800ks3llo4q8rui70zpci

[LordZi]

Ова мислам дека е од книгата Elektronske minijature, интересни работи имаше внатре, иако сега повеќето застарени...

[GigaWatt]

Да, од некоја книга беа... кога бев многу мал, собирав секакви материјали, од каде ќе најдам (знаеш како беше на времето ), и што треба, и што не треба . Ми дозволија да ја фотокопирам книгата, ама немав пари цела да ја фотокопирам , па морав да издвојам што сакам... леле, што мака и направив на тетката во фотокопирницата... оваа страна, па овие три, па рипни 10 страни, па пак 2 страни, па... абе сигурно ме пцуела у ПМ .

Како и да е, ова беше еден од навистина интересните проекти, барем според мене . Со неколку дополнителни компоненти (delay, ехо, тонски контроли или EQ), може навистина да биде интересен додаток во некое студио . Може да се додаде и тастер за ON/OFF наместо прекинувач, па да го сецкаш сигналот... или да биде прекинувач во паралела со тастер, па користи го кој сакаш ... мене барем, многу интересно ми беше кога експериментирав со него ... мада дете бев .

[LordZi]

Ја имам книгата, ако уште сакаш да ја копираш...

[GigaWatt]

Можно е да се скенира... чисто онака, да не пропадне трудот .

[LordZi]

Ај, ќе ти ја дадам кога ќе се видиме