За да сфати авторот на темава каде греши, нека го прочита ова:
Замисли дека ова е форум за автомобили. И јас отворам тема, ставам нацрт за клип од мотор и викам, еве ви нацрт од клип (сум го прецртал од Шевролет Камаро), па кој сака нека си го прави, а не сум напишал од која кола т.е. мотор е нацртот.
Некој можеби ќе се нафати да го прави, и после некое време ќе пише коментар: Го направив клипов, ама не можам да го монтирам на мојата Тојота Авенсис.
Зошто?
Бидејќи е голем и не го собира.
Заклучок: Не се сите клипови универзални, и не одговараат на секој мотор.
Исто е и со звучниците. Секој си има свои карактеристики, и аналогно на тоа свртница која што одговара само за тие звучници.
Ако имаш две звучни кутии, едната JBL а другата Pioneer и двете со одлични карактеристики, но JBL свират за нијанса подобро од Pioneer, и по некоја логика ја прецрташ и потоа ја направиш свртницата од JBL со намера да ја вградиш во Pioneer-oт, биди сигурен дека од Pioneer-oт со свртница од JBL ќе добиеш полош звук отколку со оригиналната свртница.
Зошто?
Бидејќи свртницата за JBL е направена да ги подобри карактеристиките на JBL звучниците, и дефинитивно нема да ги подобри карактеристиките на звучници од друг производител.
А шансите да ти се погодат сите три звучници баш за таа свртница се многу, многу мали.
Мислам дека ова е доволно јасно и разбирливо за секого.
