Фалсификувани електронски компоненти

[BorceBT]

Се сомневате во квалитетот на делот што сте го купиле? Нереално евтина цена? Лошо излиено куќиште? Натписот се брише? Фалсификат? ДА! Кинеска индустрија вредна милиони! Гледајте:

Code: [Select]

http://www.telemaster.ru/fuflo/

[Georgi]

Ц ц ц... Јаки се, нема што...

[DX-er]

Чекај, мислиш на сосем фалсификат или на оригинал но произведено според лиценца но во кина, индија и турција?

[BorceBT]

Има три типа на фалсификати колку што можев од искуство да видам: 1. Тотален фалсификат кој воопшто не работи (нема ни чип). 2. Тотален фалсификат кој едвај работи (кристалот на транзисторот или чипот правен „од тепка“ и со многу помалку силициум отколку што треба. 3. Благ фалсификат, се користи технологија (или комплетен) послаб транзистор кој е препакуван во помоќно куќиште, на пример кристал од 2N3055 напишан како 2N3773. Ќе работи ама брзо ќе изгори.

[DX-er]

A дали транзистор Мицубиши од Турција или Кина направени по лиценца од Мицубиши од Јапонија можат да се споредат со јапонските?

[BorceBT]

Ќе има разлика во квалитет но би требало да ги задоволува минималните спецификации (на пример ќе ја извади снагата за која е наменет но повеќе од тоа и ќе прегори, додека оригинал (постар) јапонски веројатно би издржал и малку повеќе од очекуваното). Денес секој штеди (дури и познатите фирми) и освен тоа што ги изработуваат во кина и индија користат и понеквалитетен (локален) силициум за жал.

[DX-er]

А има ли начин и надеж во денешно време да се најде ама баш квалитетен дел било да е транзистор или било што?
Еден начин е да се побара во некоја продавница како заостанат дел што никој не им го купил ама друг начин...

[BorceBT]

Само заостанат дел може да е квалитетен (оригинал јапонски на пример) ама тие стари заостанати стоки може да бидат некогаш поскапи од новите. Или втор начин е се разбира (ама поскапо) ќе биде да се купи појак дел и да се „вози“ на помала снага.

[DX-er]

што би рекле за овој, дали е фалсификат или оригинал?

[BorceBT]

Не личи на многу квалитетно изработен, или е фалш или е правен по лиценца на мицубиши во некоја лоша кинеска фабрика.

[Devil]

а колку пати е ваден/ стван елементов, некако користен ми изгледа
јас имам видено( ги имам дома ) незнам точно кој модел на транзистори беа али беа огледало, онај металниот дел стакло, да можете во него да се гледате, ама не беа нешто ни ефтини еден мислам дека кошташе околу 90-100 денари а ги имаше некој фуш за +-20 денари како со праф потурени на металот

[DX-er]

делот е од алфа електроника (некористен према кажувањето на тој што го купил)

[BorceBT]

Пробај па кажи како ќе работи, може паковањето е само лошо.

[DX-er]

ама го немам јас, диме ми рече дека извадил 1200mW со него

[BorceBT]

Ако греел многу а извадил само 1200mW не е добар, ако не греел а извадил 1200mW не била добра шемата, плочката, калемите или побудата.