Прочитај малку литература,висок напон на обично трафо јадро не се добива,Зошто употребуваат феритни јадра на ВН трансформаторите во телевизорите??
Може да се добие, ама поедноставно е со напонски множач
. Премногу навивки ќе има трафото, преголемо јадро ќе треба, а со тоа и железо... јачината на струјата која ќе треба да ја даде не е преголема, ама пак, касетката ќе треба да биде огромна за толкав напон (колкав што има во ТВ уредите, десеттина KV). Освен тоа, начинот на кој е изведен напонскиот множач, вклучувајќи ја и околната електроника, гарантира дека напонот на катодната цевка секогаш ќе биде константен (не дека ќе биде буквално „толку и толку“ волти, туку дека нема драстично да опадне ако падне мрежниот напон, што сигурно би се случило доколку високиот напон е изведен со обично трафо, ако мрежниот напон падне дури и за 20-тина V, може катодниот напон да падне и за 500, 600, 700V, во зависност од тоа колкав е катодниот напон, колкава е спрегата, итн.).
и би сакал да додадам: волтите не се битни, битни се амперите така? 50В-0.01А мислам дека не се толку опасни колку што и 50В-30А... поправете ме ако грешам.
Да, не се толку опaсни, НО, за да протече стуја со толкава јачина низ определен потрошувач, еве, на пример, човек, треба потрошувачот „да ја побара“ таа јачина на струја, што сигурно нема да се случи бидејќи човекот нема толку мала отпорност низ било кој дел од неговото тело, па дури тоа да се и два соседни прсти, па дури и да е ист прст во прашање. Потребен е висок напон за да протече толкава јачина на струја. Е сега, колку треба тој да биде висок за да може толкава јачина на струја да протече, тоа е веќе сосема друго прашање кое зависи од самиот потрошувач и состојбата во која се наоѓа истиот (дали се влажни „контактите“ или не, колкава е специфичната проводност/отпорност на потрошувачот, односно човекот, итн.).
еве не би се правел паметен но знам дека далноводите во земјава се со напон од 30кВ и сл. за да се избегнат загуби во струјата при транспорт.
Далноводите имаат толку висок напон поради неколку причини меѓу кои најважна е следната: при големи јачини на струи, телата низ кои тече таа струја се загреваат повеќе, со што се створува непотребен пад на напон, со што се намалува растојанието на кои треба да се поставуваат „регенеративни станици“, односно трафо-станици, а, се разбира, самото греење претставува и поголем ризик од пожар. За да не мора да се поставуваат трафо-станици на помали растојанија (што значи и повеќе истрошени ресурси и пари), решиле напонот да се дигнува на многу високо ниво, со што струјата која би протекла низ тие далноводи би била прилично помала, а и доколку се јави прилично голема потрошувачка на струја, јачината на струјата која ќе протече низ далноводите нема да биде ни оддалеку толку голема ако напонот беше помал. Поентата е дека производот U*I треба да остане ист без разлика дали напонот е 100V или 100KV, но, доколку е 100KV, струјата која ќе протече низ тие далноводи ќе биде 1000 пати помала отколку ако напонот е 100V. Замисли да на определен реон се потребни околу 20.000A струја. Падот на напонот кој ќе го предизвикаат овие 20.000А ќе биде енормно голем доколку напонот при кој се пренесува струјата е 100V поради прегревање на каблите, а исто така, ќе треба да се постават и подебели кабли, како и повеќе трафо-станици до потребната дестинација. Ако напонот е 100KV, струјата која ќе треба да се пренесе е 20A, а ќе треба да се постават подебели кабли само во последната трафо-станица, односно непосредно пред местото на кое се потребни тие 20.000A струја
. Ризикот од пожар е драстично намален, бројот на трафо-станици е драстично намален, како и дебелината на далноводите
.
секундарот што би го конструирал мислам дека нема да дава многу ампери така да струјата нема да е проблем..
Да, секундарот кој ќе го конструираш нема да дава огромна јачина на струја, а нема ни да може бидејќи ако го моташ секундарот со подебела жица, нема да има доволно простор на касетката ни за напон од 400V, а камо ли неколку KV. Значи ќе мораш да моташ со многу тенка жица, 0.1mm или нешто слично на ова, а можно е да треба да биде и потенка. Ризикот со мотање на трафо со волку тенка жица е следниот: прво, може да ти се скине при мотањето, па после ојде се јабана
, и второ, ако случајно приклучиш (несакајќи) некој појак потрошувач на секундарот (на пример, отпорник со отпорност од 100ohm-и, најверојатно доволно ќе биде волку), ќе изгори секундарот, и пак, целиот труд отиде во неповрат :S.
Да, трансформаторите на микробрановите печки се предвидени да работат баш вака, на секундaрот да даваат висок напон. Зошто? Не знам, искрено, никогаш не сум поправал ниту пак сум се интересирал околу микробрановите печки, но претпоставувам бидејќи им е потребен наизменичен напон со баш синусоидална форма за да работат. Единствен логичен одговор ми е овој. Да можеше на друг поевтин начин да се изведе ова, до сега браќата Кинези сигурно ќе најдеа начин, ама нема
. Изгледа мора вака да се изведе
.
Е сега, стигнуваме до сржта. Зошто теслините трансформатори имаат мал број на навивки, а даваат голем напон. Најглавна причина е фреквенцијата на работа, која е многу повисока од мрежниот напон (50Hz). При поголеми фреквенции, за ист излезен напон (под услов да е исправен, еднонасочен), потребен е помал број на навивки. Поради тоа, може да се постават помалку навивки на иста површина, со што може да се зголеми дебелината на навивките и да се намали ризикот од прекинување на навивките при мотање на трансформаторот, а и при неговата работа (прекин од прегревање)
. Може да се постигнат уште поголеми напони при таканаречен „нелинеарен“ режим на работа на овие трансформатори, односно switching режим (режим во кој работат компјутерските SMPS напојувања), но за овој режим е потребно и јадрото на трансформаторот да има „посебни особини“ (кратко речено, не може да се користи јадро со EI лимови, како кај обичните трафа).
Има определени проекти во оваа секција, разгледај, дел од нив се прилично прости за градба, деловите лесно се наоѓаат, а може да се направат за неколку часа
. Еве, на пример, овој проект
:
http://elektronika-mk.net/index.php?topic=4938.0