Симулација на мапа на покриеност со репетитори во Македонија

[DX-er]

Значи дел од репетиторите се на овие локации, дел се преместени и останатите се дополнети.

Имав повеке време и решив малце да истражувам во врска со радиоаматеризмот на 2m.
Па поставив неколку точки каде би поставил репетитори и со помош на соодветен софтвер
генерирав мапи на покриеност, параметрите кои ги внесов се:

Снага на било кој репетитор: 20W
Висина на антената: 5m
Банд: 2m
Приемната антена на радиостаницата е на 1,5m висина
Азимут на емитување 360 степени.
Симулацијата е правена со 0dBi засилување на предавателната антена

Доколку репетиторите би биле на следниве локации:



R1





R2





R3





R4





R5





R6





R7





На крај видов дека доколку R2 не би се преместил туку би се поставил на истата локација би имал покривање со сигнал претежно надвор од Македонија



П.С. До дежурните плукачи/критичари, да им навестам да не плукаат по туѓ труд, ако се по креативни нека направат нешто подобро па нека го презентираат овде на форум па после ке отвориме дискусија!

[vanne]

супер е 

[xantox]

Интересно.
Ќе може ли мало објаснување за разликата во интензитетот на бојата кои се јавуваат на некои полиња? Би требало тоа да е јачината на сигналот на одредена точка, ама мало објаснување не е на одмет.
Би било интересно да видиме и симулација и за моменталната позиција на R6. Кога веќе ги има веќе постоечките R3, R1 i R7.
Исто би било интересно да видиме и симулација за предвидената местоположба за R5 на Попова Шапка.   

[ivica.s]

Пред се браво за сработеното. Реално никогаш нешто слично за било кој репетитор нема видено онлајн. Инаку мапите ми изгледаат прилично реално и во случајот со R1 можам лично да потврдам дека се отвора од Кичево а и од Кочани па така за овие две места барем, мапата е перфектна.

[DX-er]

Фала Ивица Во врска со боите, каде што е темна сина боја е силен сигнал, онаму каде што е со светло сина боја е по слаб сигнал но одличен за да се отвори репетиторот со рачна станица. Околу задавањето на параметрите има еден дел кој што по дифолт изгледа вака:



Но веднаш приметив дека со овие параметри репетиторот има многу по мала покриеност одколку во реалност, па за тоа решив да ги менувам параметрите се со цел да дојдам до нешто што е по реално. Не сум го постигнал идеалното решение ама сметам дека 80-85% или повеке е точно.

Еве како изгледа со промените кои ги направив:





Доколку R5 беше на Попова шапка (малце погоре од викенд населбата) покриеноста според симулацијата би била:




Е сега за крај направив мапа на покриеност на R6:



Конкретно само од оваа мапа сум малце изненаден бидејки Битола е покриена а немам слушнато некој од Битола да се јави. Исто така гратското подрачје на Скопје не е покриено со сигнал. Па сега се мислам дали R6 е баш тамо каде обележав кога ја правев симулацијата или сум грешка за локацијата на репетиторот. Ако некој знае каде точно е R6 нека ми пише координати во порака па ке направам поново мапа.

[Z3nesto]

Секоја чест Dx-er
Како и да е софтверот не може да земе во предвид моментална пропагација, микролокација и сл. меѓутоа доволно е да даде приближно 90% од реалната состојба која може да се постигне.
R-6 понекогаш го отварам со 50W некогаш не. Исто беше и со R-7 - некогаш со 5W некогаш со 50W во моментов според моите сознанија антената на R-7  е поставена пониско поради инсталација на некоја нова опрема во објектот и моментално не го ни слушам (уствари не знам ни дали работи)

Уште еднаш секоја чест за твоето ангажирање, па што поскоро да почнеме да правиме муабет и за SSB, HF, CW...

[DX-er]

Фала другар Z3nesto, баш тоа ми е главната цел да работам на кратки бранови преку SSB, CW и да се слушаме тамо

[xantox]

Ова е доста интересна тема. Ете како предходно што се "навлеков" на постот од DX-er: Видете дали имате планини меѓу вас и репетиторот, така и со овој пост "изгубив" доста слободно време 
Јас налетав на еден онлајн симулатор и од пробите што ги направив еве ви ја презентирам мојата верзија на мапа на покриеност на R6-Бреза (TX=10W, појачување на антена 6dBi)
На положба каде што е зелено би требало приемната станица да прима сигнал од репетиторот со S9+ единици што би требало да даде претпоставка дека и таа станица на предавање ќе го побуди репетиторот (полето е 15.5 dBμV/m).
На положба каде што е жолто сигналот е доста послаб (околу 5.5 dBμV/m) што значи рачна радио станица ќе слуша сигнал од репетиторот, со помалку s единици, меѓутоа тешко дека ќе го побуди репетиторот.

Еве линк од страната каде може да се прават симулацииве. Треба само да се регистрира акаунт.

Code: [Select]

http://www.ve2dbe.com/rmonline.html

[TeslaBt]

Денес пробав со Баофенгот и рачна изработка GP антена да отворам Р7 и не успеав. Не знам оти ? Антенната е на зграда 790м надморска висина и иди од окулу 18m од земјата.

[xantox]

Симулација за R7 за покриеност на Битола.

Прашањето ми е дали ти е мерена антената, колкава должина кабел имаш до антената, колкаво е SWR откако е поставена? Со колкава снага зрачиш? Како го слушаш R7?

[TeslaBt]

Сум во подрачје шо не го фаќа. 5 вати. Антената SWR 1:1,1 5m кабел. Абе нема загуби арно си е незнам шо е работата.

[xantox]

Сум во подрачје шо не го фаќа.

Го слушаш ли Р7 или не? Со која снага е сигналот ако го слушаш?

[DX-er]

xantox, слободно можам да кажам дека мапата што ја направи за R6 е супер и баш добро е прикажано покривањето и за скопскиот регион е сосем така а и за другите места треба да е точно. Ке креирам мапи и преку тој софтвер за останатите репетитори и ке ги ставам на форум.

EDIT: овој софтвер е по професионлен и бара повеке параметри да внесам а и самиот софтвер не ми е баш добро познат. Ке ми треба помош од xantox

P.S. Не ги знам параметрите (снага, антена, висина и сл.) за другите репетитори 

[Rodan]

Se izvinuvam za latinicata...kasno e,nemam uslovi....

Se e vo red so mapite,trudot okolu nivnata izrabotka i kolektivnata angaziranost......no
KOGA KE POCNEME DA KOMUNICIRAME PREKU ISTITE TIE REPETITORI?

Jas sum relativno nov RA i iskreno da vi kazam,malku pocnuvam da se razocaruvam,zharot shto go imav pred da ja zemam dozvolata poleka me napushta......Imeno,osven 5-6 dushi koj shto neredovno komuniciraat  na 0-ta SK i na 6-kata.....se drugo E MRTVO......
Ajde R7 e utepan tehnichki...performansite mu se skoro katastrofalni,no 6-kata funkcionira dosta dobro
Kade se RA od Bitola na primer?.......Prilepchani kolku tolku go obeluvaat obrazot.......R1 turka nekako,no i tamu ne e sjajno.
Ohrid e otsechen sekako.....
Za istochna da ne zborime.....

Nie shto sme tuka okolu centralna MK so Skopje bar da se razdvizime malku.......
Oti dzabe ni se site presmetki,nie vremeto go pominuvame vo analizi i kalkulacii a na teren sme 0......isklucheni stanici.

Ima tuka i malku inaet,podelbi i politiki......mesto da uzivame vo hobito....nie se cepkame,no toa e druga prikazna.
Ako ne,neka gi iskluchat rep.i site da se prefrlime na KT.........
Se iznervirav.......nema spienje

[xantox]

@ DX-er
Антени
за Antenna Height ставам 2m земено дека некој испружил раце и ја закачил на првото место кое го дофатил 
за Antenna Type оди скоро секогаш Omni пошто не верувам дека има нешто друго по нашиве репетитори освен GP или стап антена.
за Azimuth и Tilt не менувам и останува 0
за Antenna Gain (dBi) е ова е малку дискутабилно. Јас ставам 2, затоа што земам дека максимум за една 5/8 гепејка би одело до 5dBi. Реално за 1/2 и 1/4 e 3dB помалку од 5/8, па затоа ставам 2. Сметам дека тоа е најчестата антена што би се користела.
за Mobile Antenna Height и Mobile Antenna Gain не менувам. Тоа би требало да е приемната станица.
за Frequency ја ставам фрекфенцијата на која емитува репетиторот пример R7 = 145.775MHz или RU5 = 434.725
 
за Tx power би требало да биде за сите репетитори во Mакедонија:
20W - за аматерски репетиторски станици за примарно покривање,
10W - за аматерски репетиторски станици за секундарно покривање,
5W - за аматерски репетиторски станици за локално покривање
јас во софверот ставам 10W за сите освен  5W за нулите.

Тx line loss, Rx line loss (dB) и  Rx threshold (μV) не ги менувам. Ова  Rx threshold (μV) евентуално може да се смени каде ова би биле S единиците на кои сквелчот би се отворил. Ако сакате со отворен сквелч, ставете на висина на осетливоста на рисиверот на вашата станица. Пример кај мене е  декларирано <0.18 µV.   
Еве табела како тоа изгледа S единици во односна µV, dB или снага на поле dBµV/m

Required reliability (%) неам поим што е. Останува исто.
Strong Signal Margin јас го оставам исто. Би значело S9+10 (од табелата) што според мое досегашно искуство ми гарантира дека со 5W од рака, ќе го отворам репетиторот. Не значи дека кога сум го слушал репетиторот со S8/S9 и сум поминувал. Затоа ставам  S9+10.
Единствено уште менувам е Maximum range, за пошироко од точката на зрачење, да исцрта на мапата.