Денес размислував да направам уште една антена за интернет, но за да правам уште една јаги, ладно е, а и треба мозокот да го уклучам многу околу оние не баш едноставни димензии.
Една од најпокажаните и најпопуларните, а воедно и најевтина за изработка е така наречената Cantenna. Зборот Cantenna е добиен од два поими и тоа Can, што значи лименка и Antenna. Овој тип на антена за интернет не е баш некој новитет. Неа ја измислија радиоаматерите уште одамна и се користеше како вештачка антена за краткобранови радиостаници, a покасно дури и како антени.
"cAntenna's, while may be new to the Wi-Fi industry, is not a new idea. Ham radio enthusiasts were the first ones to start using soup cans for antennas, long before the modern computer"http://www.overclockersclub.com/reviews/wifi_cantenna_review/
со тек на време оваа антена се усовршуваше и во ерата на интернетот ја доживеа најголемата еволуција.
Додека барав некоја "каначка" случајно најдов стара Гас маска во метална кутија. Ја купив одамна од пазар за едно 200 денари како за декорација. Така се моташе низ дома безвредно и решив од неа да направам нешто корисно. А тоа е антена за интернет.
Вакво нешто не ставам на лице па не знам што да се случи. Доколку дојде ред, има нови во цивилна заштита
На интернет може да се најде Cantenna Calculator за димензиите, односно према дијаметарот на каначката се калкулира каде треба да е поставен конекторот, односно на кое растојание од дното, и која должина треба да има бакарната жичка залемена на конекторот. Такви калкулатори има безброј и одма ќе ги најдете ако пребарувате.
Во мојот случај одбрав BNC конектор. Го користам истиот кабел CFD200-E од јаги антената и држачот при тестирањето, но ќе набавам посебен кабел и ќе направам посебен држач за оваа антена.
Спремна за употреба по само 5 минути работа
Ја насочив без врска, бидејќи е ноќ и е ладно надвор, минус температура
Мојата мрежа е Radioactive. На почеток не ми ветуваше многу оваа антена. Мрежата LILIMANGO не знам чија е.
Ја пренасочив малку каде што има куќи.
Ете нешто повеќе. Има дури и слободна мрежа, незаштитена.
Иако е слободна мрежата не успеав да се конекторам бидејќи најверојатно е многу далеку и не може да направи повратна врска.
Од Љубопитност ја завртив према Битола, најодалечените светла се токму од градот.
Ме изненаде мрежата UltraNet. Toa e фирма која дава платен интернет на места каде што нема услови да се намести приклучок како кабловски интернет, места каде што нема телефони, ниту може да се фаќа дигитална телевизија. Иако пишува дека не е заштитена, таа е заштитена и не може да се конекторате без да ви се одобри. Тој репетитор за интернет е доста јак и е далеку од мојата средина.
Со насочување на друга страна добив и мрежа плус.
Сигурен сум дека ќе фатам уште многу мрежи. На другиот балкун дуваше многу и како што кажав на минус температура и на полноќ е малку потешко да се работи. Другата страна ми е поотворена , но тоа откако ќе се подстопли. Јас сум на периферија и верувам дека ќе имам многу подобри резултати.
Иако не успеав да се конекторам на некоја мрежа поради условите што ви ги кажав, сепак овој проект го сметам за успешен бидејќи ја фатив и најодалечената мрежа UltraNet.
Може и малку декоразија нели? WiFi Hack. Free internet 4 All
Оваа антена е најисплатлива. Инвестиција нула, за 5 минути е спремна за употреба, а дава страшни резултати.
Доколку имате некој совет за некакво подобрување или имате некоја сугестија или било што, слободно пишувајте.