Македонски форум за електроника
Други технологии => Компјутерска технологија и софтвер => Topic started by: T1000_series on 08.07.2014, Tuesday, 01:08:14
-
Здраво,
Ме интересира дали е штетно за батеријата на лаптопот да биде нон-стоп вклучена да се полни, да поедноставнам- значи таа си седи на своето место на грбот на лаптопот нели, и онда и полначот да е вклучен нон-стоп во лаптопот. Значи, дали е штетно за батеријата? и колку? ;D
-
Да, штетно е. Кратко кажано, батеријата ќе ти биде неупотреблива за една година или две.
Тргни по следната логика. И мобилните телефони имаат Li-Ion-ски батерии. Сигурно не го оставаш телефонот 24/7 на полнач. И на мобилен телефон батеријата ќе му се зезне ако го оставиш една година да седи приклучен на полнач.
Тој циклус на целосно полнење и празнење мора да го има батеријата за не и опадне драстично капацитетот.
Значи, ако имаш шетекер во близина, работи си го на адаптер. Ако немаш, стави ја батеријата, но ако почнеш да ја празниш, допразни ја дур не се изгаси лаптопот, а не 15 минути, па потоа пак на полнач. Испразни ја целосно и потоа наполни ја целосно. Исто како што би направил и со мобилен телефон ;).
-
Што знам, оти читам сеа една статија на нет , вели дека батеријата треба да е околу 50% наполнета, значи нејзината така-да-кажам „електрична средина“ каде би и се овозможило да се пролонгира нејзиниот работен век, како, зошто незнам, знам само дека прочитав оти било штетно батеријата да се наполни до крај па да се празни до крај. Углавном разбрав дека нетребало да се оди со екстремности ;) . А и уште една мала занимљива ствар: вели дека секој понов лаптоп, (значи од овие поновите нз кои?!) имаат т.н. коло за заштита т.е. го исклучува процесот на полнење на батеријата ШТОМ таа ке достигне 100% капацитет-од ова доаѓам до заклучок дека :наполни и остај на полнач да работи лаптопот, и ке си неам проблем со батерија оти тоа коло спречува таа да се полни.
хахах сеа ми текна- а дали има нешто што би ја спречило да се празни додека полначот е вклучен???
STATUS: MIND BLOWN!!!! LOL
-
Giga Wat кажа се - батеријата за лап топ треба да се формира и користи исто како кај мобилните телефони.Отпрво десетина пати - полнење и празнење до предупредувањето на оперативниот систем дека батеријата е слаба.Потоа се полни до 100% и пак се празни до крај.Откога ке се формира батеријата,а воглавном лап топот го користиш дома или на места каде има градска мрежа 220V - извади ја батеријата и работи го само преку полначот.Ако батеријата е постојано врзана на полнач векот и се крати и до 50%.
-
Да, штетно е. Кратко кажано, батеријата ќе ти биде неупотреблива за една година или две.
Тргни по следната логика. И мобилните телефони имаат Li-Ion-ски батерии. Сигурно не го оставаш телефонот 24/7 на полнач. И на мобилен телефон батеријата ќе му се зезне ако го оставиш една година да седи приклучен на полнач.
Тој циклус на целосно полнење и празнење мора да го има батеријата за не и опадне драстично капацитетот.
Значи, ако имаш шетекер во близина, работи си го на адаптер. Ако немаш, стави ја батеријата, но ако почнеш да ја празниш, допразни ја дур не се изгаси лаптопот, а не 15 минути, па потоа пак на полнач. Испразни ја целосно и потоа наполни ја целосно. Исто како што би направил и со мобилен телефон ;).
Неточно. Самиот лаптоп си има *полнач* вонего и уште два тони заштита. Кога батеријата е наполнета, а уредот е сепак приклучен на полнач, батеријата е исфрлена вон употреба и лапотпот си работи директно од полначот.
Периодично празнење до крај е препорачливо, за да се обнови charge-от на батеријата, но дека истата треба да се *вади* додека е на полнач и наполнета е тотален мит.
Мојот лаптоп е нонстоп на полнач и батеријата е секогаш во него и веќе трета година си држи батеријата над 4 часа.
Споено мислење: 08.07.2014, Tuesday, 01:52:16
Многу интересна дискусија што водевме на reddit пред повеќе од пола-година:
http://www.reddit.com/comments/1snzg1
-
Најубаво да не експериментираш со вклучи/ исклучи,ами подобро со стави/извади батерија. 8) 8)Не знам зошто е тешко да се вади батеријата.Така е најсигурно.Кај новите типови самиот регулатор на полнење е во самата батерија,но тоа не е некоја предност,туку напротив - мораш ако ја менуваш да бараш само оригинална батерија која во тој случај е поскапа! 8) ;)
-
На *обичната* класа на лаптопи јас повеќе би се плашил да се оштети механизмот за заклучување на батеријата, отколку за самата нејзе :-)
-
Што се однесува до тоа дека батеријата е заштитена и исфрлена од полначот кога е 100% наполнета е погрешно мислење.Литиум јонските батерии во тој случај знаат да загреваат.Тоа го скратува векот на батеријата.Се случувало батеријата да се чува под полнач и 3- 4 години,па наеднаш да падне на 15 минути.Тоа го има кај HP,DELL,Toshiba.Моментално најслаби батерии има HP.
Можеби си имал среќа со твојата батерија.Гаранцијата за батеријата често е само 6 месеци,зависи од моделот.
Кога е батеријата во прашање и нејзиното заклучување има сосема мали финеси кај скапите или евтините модели.За да не правиш стави/вади најпаметно ако си близу 220V,односно не го носиш лап топот по терени,батеријата држи ја вон него.
-
Неточно. Самиот лаптоп си има *полнач* вонего и уште два тони заштита. Кога батеријата е наполнета, а уредот е сепак приклучен на полнач, батеријата е исфрлена вон употреба и лапотпот си работи директно од полначот.
Да, но системот за полнење не е совршен, па дури и ако напонот на батеријата падне за малку, ова автоматски значи дека батеријата ќе почне да влече струја од системот за полнење. Ниедна батерија не е совршена и се празни самата, дури и кога не е во употреба. Да, ова празнење е минимално и не пречи, но системот смета дека се „испразнила“ и од време на време, по малку ја дополнува. Ова е многу лошо за батеријата. Сигурно не го полниш мобилниот на секои 15 минути, иако полначот ќе почне да го полни и телефонот ќе јави дека не е целосно полна батеријата. Ако на ова го надодадеме и греењето на самиот лаптоп, кое делумно се префрлува и на батеријата, неминовно е скратување на животниот век.
Да скратам, најдобро е ако батеријата се држи што е можно подолго надвор од нејзиното лежиште во лаптопот... да биде при рака, но не приклучена. Значи, во торбата за лаптопот да седи ;).
Мојот лаптоп е нонстоп на полнач и батеријата е секогаш во него и веќе трета година си држи батеријата над 4 часа.
Ти се погодил лаптопот, батеријата, системот за полнење, ладењето на лаптопот... тоа што батеријата ти трае 4 часа на 4 години стар лаптоп, а е цело време на полнач, е исклучок, не правило. По „правило“, кај повеќето лаптопи, батеријата веќе одамна ќе беше неупотреблива.
Можеби не си знаел или си одел на ризик и си го држел лаптопот цело време на полнач со приклучена батерија, но секој сервисер за компјутери/лаптопи ќе ти каже дека ова не е препорачливо. Да, ова не го наведуваат во упатството за користење на лаптопот, но зар навистина мислиш дека директорите на производителите на лаптопи се социјалисти ::) ;D. Проста капиталистичка логика, сигурно нема да наведам нешто што ќе ми го намали профитот ;). Освен тоа, сите останати производители ќе немаат наведено ваква каузула, а со тоа, јас ќе си го намалам профитот. Повеќето луѓе се наивни и неинформирани, ако им наведеш во упатството дека „батеријата ќе стане неупотреблива по определен период ако цело време ја држите приклучена на лаптопот“, со тоа само губиш муштерии. Секој просечен потрошувач ќе си помисли „хммм... кај овие другиве не пишува такво нешто... можеби нивните батерии се поквалитетни... дај да разгледам други лаптопи, јас сакам транспортен уред, не уред кој е делумно транспортен и на кој батеријата му бара посебна нега“. Во пракса, горе долу, исто ѓубре се сите батерии (чест на исклучоци, има и поквалитетни, ама ретки се), но просечниот купец не го знае тоа ;).
Околу линкот кој си го дал, ќе цитирам нешто од него.
Heat will reduce a battery's longevity. A battery's operating lifetime is usually measured and quoted at a specific temperature, such as 20 degrees C. But if it's 30 or 40 degrees C, you're likely to have slightly reduced capacity after a few hundred charge cycles, or each year. The heat from the laptop can still potentially affect the battery even if the laptop is connected to mains and the battery is not being used and its charging circuitry is switched off.
A battery will have a very slow self-discharge (*see below edit) which will cause it to lose charge slowly over time even if it isn't being used. If it's still connected to mains power, the charging circuitry in a lithium-ion device will eventually see this slip below a certain threshold and go back into a charging state. This is a slow process and does not happen in a matter of minutes but in a longer time than that (hours or days), and as long as it happens slowly enough, shouldn't affect longevity all that much.
Токму она што го пишав погоре ;).
-
Од лично искуство ... вади ја батеријата секогаш кога го користиш лаптопот на докинг или на адаптер.
Се работи за број на циклуси на полнење после кој ... батеријата неповратно се ... нели ...
Имав два модела на HP лаптопи. Се работи за лаптопови кои за време на работно време се службени, а по тоа ... нели ... приватни.
Како и да е, во првиот случај, воопшто не ја вадев батеријата кога го ставав на докинг станица ... и после не цела година, батеријата држеше максимум 15 мин ...
Ја сменив и ... наредната ја полнев преку еден до два дена. Кога е лаптопот на докинг ја вадам батерија. ја користам редовно, ја празнам до крај до 5% (барем така кажува ОС-от при сигнализација) и ја полнам ... мушки :)
Исто и со вториот... еве веќе две години го користам на претходниов принцип, батеријата ми трае повторно повеќе од два саати. Бев упорен и верував дека батеријата се исфрла од напојувањето кога е 100% .... нели и на понов модел на лаптоп и ... пак си купив нова батерија.
-
Oд лично искуство - сервисерите добро ги набиваат цените на батериите ,токму поради погрешните приказни кои кружат меѓу корисниците на лап топовите.Самиот поим батерија значи дека таа има ограничен број полнења ( било која батерија!) и ако побргу се потроши бројот на можни полнења,побргу ке падне батеријата.
-
Ако е постојано извадена(да речиме 7-8 месеци) најверојатно ќе се испразни претерано и нема да може да се реставрира. Ако надмине напонот дури и 1 миливолт, векот на батеријата ќе се скрати драстично. Циклусите на полнење и празнење не се мерат во пати(5 полнења 10, 100, 10000) него во проценти или kw/h, значи една батерија може да ја надополниме 10к пати од 80% до 100% или 2к пати од 10 до 100%. Мноу е важно да не го оставате лаптопот пуштен или во стд-бу сосе батерија, бидејќи се празни прекумерно а со тоа и се уништува.
-
Ни се деси да ни украдат неколку лап топи во дуќан,ама батериите беа извадени ( спакувани во кутиите!),па тие останаа.И по три години батериите си функционираа сосема добро! Прекумерно лап топ не може да се испразни.Има и софтверски и хардверски заштити,така што лап топот ако падне батеријата,автоматски си се исклучува!
-
Пред 2 недели брата ми го остави лаптопот, само го спушти дисплејот и замина на одмор. Кога се врати батеријата држеше само 5 секунди. пред тоа држеше 2-3 саати. Затоа пишав. Ако е извадена како во твојот случај можеби нема гајле, али вака ете што се деси, од искуство.
-
Ако го прочиташ упатството ... најчесто никој не го прави тоа ... ќе видиш дека препорачуваат да батеријата биде полна на околу 45% и како таква да се чува доколку се планира да не се користи долго време.
Она за брат ти ... го оставил на полнач и ... наздравје :(
-
Не беше на полнач...
-
Тоа е точно дека ако сакаш да ја чувач подолго,треба да ја наполниш и така да ја чуваш.
-
http://lmgtfy.com/?q=%D0%A1%D0%B0%D0%BC%D0%BE%D0%BF%D1%80%D0%B0%D0%B7%D0%BD%D0%B5%D1%9A%D0%B5+%D0%BD%D0%B0+%D0%B1%D0%B0%D1%82%D0%B5%D1%80%D0%B8%D0%B8http://lmgtfy.com/?q=Samopra%C5%BEnjenje+baterija
-
Се сложувам со она ако не ја користиш ако ја чуваш треба полна да ја извадиш.Бидејќи нормално празна батерија скроз не се чува.После готово.Еве исто така мојата Тошиба сама исклучува.Значи и кај сите лаптопи е така кога ќе стигне скоро до 100 проценти полна батеријата софтверот автоматски го исклчува полнењето и ја одржува он.Барем кај сите понови лаптопи е вака мојот три години е стар нема проблем.