Проблем со екран на лаптоп MSI VR630X

[koki88]

Имам проблем со лаптопот MSI VR630X, кој го имам веќе 4 години.
 

Code: [Select]

http://www.msi.com/product/nb/VR630.html
Како и речиси сите компјутери купени со ваучери доделени на апсолвенти од страна на Влада на Република Македонија, така и овој не доаѓа без маани.
 
Имено, уште од кога го купив во 2008 година, екранот на лаптопот одвреме навреме дава празен црн или празен бел екран без да прикаже никаква грешка што би укажала за каков вид на проблем станува збор, иако во пракса кај Windows оперативните системи било какви грешки за било каков хардверски или софтверски проблем се прикажуваат на плав екран уште попознат како BSOD (Blue Screen Of Death), а не на црн или на бел екран.
 
Едноставно среде работење, а не го користам нешто многу, поконкретно мајка ми го користи за Фејсбук и за Скајп, среде работење дава празен црн или празен бел екран, единствено што ми останува е да го исклучам држејќи го притиснато копчето за вклучување и да го вклучам повторно.
 
Филозофите во сервисот во Риверсофт, од каде што го купив лаптопот, велат дека проблемот не е хардверски, туку е софтверски, поради што во повеќе наврати го реинсталирав Windows XP Professional со Service Pack 3, но проблемот и понатаму останува нерешен. Истата пракса со реинсталирање на оперативниот систем ја користам и кај други обични компјутери (го мразам изразот десктоп, па затоа ги нарекувам обични компјутери) и кај други лаптопи, па сепак го нема овој проблем кај тие компјутери.
 
Прегревање знам дека не е, бидејќи баш летото 2012 морав да го отворам и да го чистам кулерот и да ја сменам термалната паста, бидејќи при прегревање лаптопот, како и сите понови компјутери, се исклучува, а не дава празен цен или празен бел екран.
 
Дали некој на форумов имал ваков проблем со лаптопи и дали знае решение за истиот ваков проблем ?

[GigaWatt]

Филозофите во сервисот во Риверсофт, од каде што го купив лаптопот, велат дека проблемот не е хардверски, туку е софтверски, поради што во повеќе наврати го реинсталирав Windows XP Professional со Service Pack 3, но проблемот и понатаму останува нерешен.

Секој пат користиш исто CD за реинсталација? Не мислам на буквално исто CD, мислам на некоја инсталација на која „си се навикнал“ (повеќето луѓе се навикнуваат на една инсталација и цело време ја користат истата).

[koki88]

Не секогаш, прв пат кога му инсталирав Windows XP Professional со Service Pack 2 во 2008 година го инсталирав со едно инсталационо CD, а последен пат кога му инсталирав Windows XP Professional со Service Pack 3 пред некој месец го инсталирав со друго инсталационо CD, а во меѓувреме имам користено повеќе инсталациони дискови со сите најнови update-ови и со сите сум го имал истиот проблем.
 
Му инсталирав едно време и Windows XP Media Center издание со Service Pack 2, но пак го имам истиот проблем.
 
Сигурен сум дека не станува збор за софтверски проблем бидејќи само на овој лаптоп го имам овој проблем, а на ниту еден друг компјутер на кој сум го инсталирал истиот WinXP Pro со SP3 го немам тој проблем, а имам користено повеќе различни инсталациони дискови, но сепак и понатаму го имам истиот проблем.

[electron]

Инсталирај Everest за да видиш како одат температурите на процесорот и графичката. Ако е хардверски проблем, не значи дека мора да се појави BSOD...
Доколку се прегрее CPU-то или GPU-тo сликата едноставно се замрзнува и екранот се исклучува.
Со Everest види како одат температурите и ако грее значително, над 60-70 степени, тоа значи дека нема добро ладење. Кулерите може да бидат чисти, но треба да се води сметка каде се поставува лаптопот и дали отворите за вентилација се слободни. Додатно подножје со кулери ќе му овозможи подобро ладење.
Апдејтувај ги драјверите на графичката.
Или пак инсталирај Windows 7 да видиш како ќе работи со друг оперативен систем.
Провери го адаптерот за напојување. Понекогаш и мали отстапувања од декларираниот напон или пикови (краток скок на напонот) можат да направат проблем.
Во Риверсофт ти рекле дека проблемот е софтверски, но мене нешто ми вели дека е хардверски...

[koki88]

Температурите се движат во интервалот помеѓу 50 и 60 степени Целзиусови после вклучување, а при работа се движат во интервалот помеѓу 60 и 70 степени Целзиусови, претпоставувам дека ова е во ред, нека ме поправи некој доколку грешам.
 
За ова со адаптерот не знаев, но заборавив да додадам дека батеријата воопшто не е извадена, мајка ми го користи лаптопот со ставена батерија, а истовремено и со вклучен адаптер за да може било кога да премине од адаптер на полна батерија, дали е можно ова да е проблемот ?
 
Инсталирани му се најнови драјвери на лаптопот за сите компоненти, но нема додатно подножје со кулери, никако да најде мајка ми време за да купи такво подножје, иако цените се повеќе од прифатливи.

[GigaWatt]

Не секогаш, прв пат кога му инсталирав Windows XP Professional со Service Pack 2 во 2008 година го инсталирав со едно инсталационо CD, а последен пат кога му инсталирав Windows XP Professional со Service Pack 3 пред некој месец го инсталирав со друго инсталационо CD, а во меѓувреме имам користено повеќе инсталациони дискови со сите најнови update-ови и со сите сум го имал истиот проблем.
 
Му инсталирав едно време и Windows XP Media Center издание со Service Pack 2, но пак го имам истиот проблем.
 
Сигурен сум дека не станува збор за софтверски проблем бидејќи само на овој лаптоп го имам овој проблем, а на ниту еден друг компјутер на кој сум го инсталирал истиот WinXP Pro со SP3 го немам тој проблем, а имам користено повеќе различни инсталациони дискови, но сепак и понатаму го имам истиот проблем.

Во Риверсофт ти рекле дека проблемот е софтверски, но мене нешто ми вели дека е хардверски...

Па, врз база на претходниот post, да, и јас истото би го рекол .

Провери го адаптерот за напојување. Понекогаш и мали отстапувања од декларираниот напон или пикови (краток скок на напонот) можат да направат проблем.

Да, дефинитивно ова би било една од работите кои треба да се пробаат. Иако, по правило, ова се прави со помош на осцилоскоп, можно е да се добие некоја идеја (дали многу расте или паѓа напонот или има пречки во него) и со помош на обичен волтметар (иако, како што реков, совршен алат за оваа работа би бил осцилоскоп). Поврзи волтметар паралелно на напојувањето и потоа приклучи го на лаптопот, но притоа, работи го лаптопот само со напојување, без батерија. Оптерети го лаптопот (PCU, HDD, се што може). Ако почне да паѓа напонот значително (на пример, 2 или 3V пад се смета за прлично голем пад на напон, па дури и 1V може да изгледа сомнително), можно е проблемот (или еден од проблемите, можно е и комбинација на проблеми да се) да биде напојувачката секција, односно полначот.

За ова со адаптерот не знаев, но заборавив да додадам дека батеријата воопшто не е извадена, мајка ми го користи лаптопот со ставена батерија, а истовремено и со вклучен адаптер за да може било кога да премине од адаптер на полна батерија, дали е можно ова да е проблемот ?

Хмммм... се јавува проблемот со бел или црн екран кога работи само на батерија или само на полнач?

Чисто ме интересира, провери нареден пат кога ќе се појави црн екран дали под силно светло (столна ламба) се гледа нешто на екранот (курсор, desktop...). Најверојатно нема да се гледа ништо, но провери за секј случај .

Инсталирани му се најнови драјвери на лаптопот за сите компоненти, но нема додатно подножје со кулери, никако да најде мајка ми време за да купи такво подножје, иако цените се повеќе од прифатливи.

Не се најнови драјвери секогаш најдобро решение, но штом со било какви (постари, понови, најнови) лаптопот прави проблеми, да, најверојатно е во прашање некој хардверски проблем.

[koki88]

Кога се појавува проблемот со црн или бел екран, екранот е чисто празен, нема ни трага ни глас од ништо, не одговараат ни тастатурата ни функциските копчиња (тие за вклучување и исклучување на камера, Bluetooth и слично), комплетно е замрзнат лаптопот.
 
Но мислам дека никогаш досега не се појавил проблемот на батерија, баш ќе проверам утре, поточно попладнево, бидејќи веќе сме среда, 19 декември 2012, дали ова се случува со батерија или само со адаптер.

[GigaWatt]

Кога се појавува проблемот со црн или бел екран, екранот е чисто празен, нема ни трага ни глас од ништо, не одговараат ни тастатурата ни функциските копчиња (тие за вклучување и исклучување на камера, Bluetooth и слично), комплетно е замрзнат лаптопот.

А кога има црн екран, во темница, се гледа како екранот свети?

Но мислам дека никогаш досега не се појавил проблемот на батерија, баш ќе проверам утре, поточно попладнево, бидејќи веќе сме среда, 19 декември 2012, дали ова се случува со батерија или само со адаптер.

Провери и пиши, но биди сигурен во резултатите .

[Pance24]

Кога се појавува проблемот со црн или бел екран, екранот е чисто празен, нема ни трага ни глас од ништо, не одговараат ни тастатурата ни функциските копчиња (тие за вклучување и исклучување на камера, Bluetooth и слично), комплетно е замрзнат лаптопот.

А кога има црн екран, во темница, се гледа како екранот свети?

Но мислам дека никогаш досега не се појавил проблемот на батерија, баш ќе проверам утре, поточно попладнево, бидејќи веќе сме среда, 19 декември 2012, дали ова се случува со батерија или само со адаптер.

Провери и пиши, но биди сигурен во резултатите .

Ладен лем на матична плоча, Некојј чип е одлемен и нема контакт добро.

[GigaWatt]

Ладен лем на матична плоча, Некојј чип е одлемен и нема контакт добро.

Па овој тест со батеријата ако излезе позитивен (се појавува црн или бел екран и на батерија кога работи), да, наредно на сомнеж е тоа .

[koki88]

А кога има црн екран, во темница, се гледа како екранот свети?

 
Да, се забележува дека екранот работи, исто како да прикажува црна позадина без икони, без менија, без Taskbar лентата, едноставно црна позадина, се забележува во темница.
 

Провери и пиши, но биди сигурен во резултатите .

 
Еве, сега го користам на батерија и засега не се појавил проблемот.
 
Доколку се појави проблемот, наместо да го гасам присилно, ќе го поврзам со мониторот преку VGA кабел чисто за да видам дали на мониторот ќе даде слика, но не верувам дека ни на монитор ќе даде слика, бидејќи како што веќе спомнав, кога се појавува проблемот, освен екранот, и тастатурата и touchpad-от и функциските копчиња се замрзнати.
 
Како за промена, конечно денес купив постоље со кулер за лаптопот, но сеуште не сум го ставил, баш ме интересира дали вака без постоље како што беше досега и на батерија, ќе се појави ли повторно проблемот со екранот или не.

[Pance24]

Јас сум сигурен дека е ладен лем на матична плоча. Најверојатно е графичкиот чип нема доволно контакт кога ке загрее и се блокира целиот лапптоп.

[ddd]

Кога си го чистел вентилаторот со каква паста го премачка кулерот???Ако е со онаа белата таму треба да ти е проблемот,треба да е сребрена........Јас го имав истиот проблем ама не до толку кај мене кочеше во работата,тоа се јави откако го чистев и ставив од белата паста.Ако не е во мониторот или како што ти кажаа ладен лем на матичната тогаш би требало да е ова..........

[batka]

Јас напротив десетина години користам бела термо паста и немам никаков проблем со неа.Проблем може да биде монтажата на системот за ладење,да не лежи добро ладилното тело на процесорот или графичкиот чип,.....Мој совет е да го однесеш во некој овластен сервис,доколку не можеш да се снајдеш,бидејки секое отворање,затворање на лап-топот носи ризик за оштетување на некој флет кабел,конектор,кинење на некоја жичка и слично.

[koki88]

Кога си го чистел вентилаторот со каква паста го премачка кулерот???Ако е со онаа белата таму треба да ти е проблемот,треба да е сребрена........Јас го имав истиот проблем ама не до толку кај мене кочеше во работата,тоа се јави откако го чистев и ставив од белата паста.Ако не е во мониторот или како што ти кажаа ладен лем на матичната тогаш би требало да е ова..........

 
Користам бела термална паста Cooler Master HTK-002-U1-GP за процесорите, за графичките картици на компјутерите по дома, а ја користам и на лаптопот и засега не сум имал проблеми со истата на другите компјутери.
 

Јас напротив десетина години користам бела термо паста и немам никаков проблем со неа.Проблем може да биде монтажата на системот за ладење,да не лежи добро ладилното тело на процесорот или графичкиот чип,.....Мој совет е да го однесеш во некој овластен сервис,доколку не можеш да се снајдеш,бидејки секое отворање,затворање на лап-топот носи ризик за оштетување на некој флет кабел,конектор,кинење на некоја жичка и слично.

 
Препорака за сервис, освен Логинг Електроникс, за кои знам дека се се, само не бесплатни ?
 
Инаку, еве ги сегашните температури откако го ставив постољето со кулер, сеуште на батерија работи лаптопот и сеуште не се појавил проблемот.