Мое мислење е дека проблемот не е софтверски. Мислам дека при менување на електролитите, или си утнал некоја вредност (си ставил некој со поголема или помала вредност), или некој електролит имал значително помала или поголема вредност од декларираната (можно е да се случи ова, затоа секогаш ги мерам електролитските кондензатори пред да ги ставам, дури и нови да се).
Околу менување на dump-от на EEPROM-от или целиот EEPROM заедно со софтверот, ти треба програматор за такво нешто. Инаку EEPROM-от е најверојатно едно мало интегрирано коло со 4 пинови. Би требало да е во близина на процесорот (ако има еден, ако има повеќе, до главниот процесор), најверојатно има ознаки XXX24CXX или XXX24LCXX. Но мислам дека не е проблемот во софтверот. А и да е, ќе треба да најдеш dump од него прво (софтверот и подесувањата за телевизорот, некогаш и само подесувањата се ставени таму, зависи од изведба до изведба), да го запишеш во нов EEPROM (или во истиот, под услов да е исправен, но можно е и да е делумно зезнат) и да го ставиш повторно во неговото лежиште.