Што е поважно во сервисерската и аматерската работа - ТЕОРИЈА или ПРАКТИКА

[Toma]

Што е поважно во сервисерската и аматерската работа - ТЕОРИЈА или ПРАКТИКА.

Сметам дека зборот “сервисер“ во конотација на “сервисер на бела техника“ многу луѓе во Македонија (па и во светот во зависност како е преведен и со кој израз) го подразбираат како лице кое се занимава со одржување на веќе постоечките готови производи кои ги имаме во домаќинството па и индустријата. Па според тоа и во тој контекст  е поставено прашањето во темата.
Теоретската расправа  развиена во оваа тема, на “обичниот“ сервисер не му вреди ни пет пари од причина што на сервисерот воопшто не му е потребно да  познава виша математика, и голем дел од докажаните и хипотетичките закони во физиката, хемијата и.тн.
На сервисер со големо искуство и со 5% теорија му се доволни за уепешно извршување на дадените  задачи.

Што е важно за корисникот на расипаниот апарат? Одговорот според мене би бил да му биде поправено на време, квалитетно и најефтино. Корисникот кога бара сервисер се распрашува кој е најдобриот. најефтиниот и најбрзиот сервисер (мајстор), кој што ќе ја санира неисправноста на неговиот апарат и според добиените препораки го бира истиот.

Аматер -  барем јас подразбирам личност која е вљубеник во лемилото, калајот, боите, четките,експериментите и тн, итн, итн а работата што ја врши нема комерцијална цел ! ... исто така и за него не е важно дали некој симулирал или не. За него е важно добиената шема да ја претвори во фукционален апарат или како милувате да го наречете.

Па според тоа и добивам  впечаток дека темата оди во правец кој на повеќето  членови  од форумов со  завршено (незавршено) средно образование а со недоволно совладана материја од часовите по електроника а е вљубеник во практичните експерименти и “мајстории“  нема и неможе да добие одговор на прашањата што го мачат од секојдневните активности по темата самоградба.

Бидејќи во последниот пост од темата постои можност ЗАТВОРИ ЈА ТЕМАТА и тоа го разбирам како право на “авторот“ на темата и истата ја оставам отворена со цел ако некој има да си каже нешто по суштината на темата нека се искаже !

Ги замолувам модераторите да постапат според нивното видување во однос да се раздели темата и по можност да се отвори нова тема која највероватно би требало да има наслов
Што е поважно - ТЕОРИЈА или ПРАКТИКА.
Благодарам !

[GigaWatt]

Бидејќи во последниот пост од темата постои можност ЗАТВОРИ ЈА ТЕМАТА и тоа го разбирам како право на “авторот“ на темата и истата ја оставам отворена со цел ако некој има да си каже нешто по суштината на темата нека се искаже !

Да, точно, тоа е право на авторот, освен ако администрацијата не оцени дека треба да се затвори. Ако се продолжи на се полемизира на темата која е во насловот (морам да признаам дека и јас свесно се вовлеков во оваа „километарска“ полемика, и се извинувам за тоа, нема да продолжам да полемизирам на тема која нема скоро никаква поврзаност со насловот на оваа), се разбира, темата нема да се затвори.

Ги замолувам модераторите да постапат според нивното видување во однос да се раздели темата и по можност да се отвори нова тема која највероватно би требало да има наслов
Што е поважно - ТЕОРИЈА или ПРАКТИКА.
Благодарам !

Темата нема да се подели, бидејќи искрено, тешко е да се одреди каде почна полемиката околу физиката, математиката, универзумот и неговите законитости, а и да се подели, па како ќе се крсти новата тема :S. Така да, ќе остане во таа форма во која што е, со тоа што, би ги замолил останатите членови, да се вратат на темата на дискусија која е напишана во насловот.

Мојот став го имав пишано претходно. Останатите нека си пишат кој е нивниот став (во однос на насловот на темата, се разбира).

[mkfe]

Почитувани читатели,

Најпрво се извинувам за "вулгарниот" збор, но не беше пцовка, и не беше упатено до никого..... (можеби до себеси)  

Дискусијата е приближна на темата, освен што во насловот на темата е баш напишано "во сервисерска и аматерска работа". Инаку, во проектирање, дизајнирање, моделирање, мислам дека има врска дискусијата. Дури и во некои места се допира со дијагностика.... и логика на размислување.

Навистина многу време одзема постувањето, но се трудам да пишувам на пониско ниво, и да давам едноставни примери; сепак некогаш забегува работата - се извинувам.

Повторно ќе го потврдам мојот став, дека и двете се потребни, дека се надополнуваат.

Неможам да прифатам дека едната е доволна за себеси, или е над другата. Ако цело време дискусијата се водеше за теоријата колку е важна; тоа е еквивалентно како сега јас да речам обратно (карикирам), дека: "Ако некој е многу голем практичар, има многу практично искуство, може да проектира уред/склоп и на прво да му работи!" - нели така личи.

Поздрав,
mkfe.

[batka]

Да резимирам: никој не може да стане практичар додека не ја совлада основната теорија.Понатаму се е надоградба.Но,поимот сервисер не е она што порано го знаеме како профил.Денес сервисерите се големи професионалци,со познавање на теорија и пракса.Но.многу нешта се сменија: во мојата триесет и некоја година пракса бев приморан да научам многу теорија.Но и една друга работа-да се специјализирам за една област!! Тоа е и одговорот кој Тома го бара,верувам.Порано сервисерите за ТВ,аудио,видео-техника беа истите луѓе.Но,сега веке одумираат,ретки се.Веке ретко кој и поправа ТВ апарат со потежок квар,бидејки новите апарати се евтини.Истото почнува да се дешава и со компјутерите - стануваат премногу евтини.За десет години верувам дека освен софтверот,хаедверот нема да се поправа.Сепак,треба нешто да се работи ,а тоа значи декатреба да се учи цел живот!Прочитајте го мотото во долниот дел и ке ви биде појасно.

[GigaWatt]

Дискусијата е приближна на темата, освен што во насловот на темата е баш напишано "во сервисерска и аматерска работа". Инаку, во проектирање, дизајнирање, моделирање, мислам дека има врска дискусијата. Дури и во некои места се допира со дијагностика.... и логика на размислување.

Да, но прашањето беше конкретно наменето за сервисерска и аматерска работа, не за професионална (дизајнерска и инженерска). И јас „забегав“ малку со коментарите и се извинувам на сите оние кои сака да видат и да прочитаат поконструтивна дискусија наменета за сервисерите и аматерите. Ако сакате, може да се отвори посебна тема и таму да се продолжи дискусијата околу важноста или неважноста на праксата и теоријата за професионалната (инженерска) работа. Се разбира, и таму, дискусијата ќе биде отворена за сите. Post-вите од овде (кои се длумно вон насловот на темата) нема да ги преместиме таму, но може да ставиме еден redirection link, за оние кои некој ден би читале, да знаат каде всушност започнала оваа дискусија .

[GigaWatt]

Претходната полемика околу математиката, физиката, законите на универзумот, теоријата на хаосот, итн. е продолжена во оваа тема:

Code: [Select]

http://elektronika-mk.net/index.php?topic=9199.0

[paselfc]

Praksa,Praksa i samo praksa.

Moj licen primer.Rabotam dve godini vo Swedska,kako odgovoren serviser za elektronika,popravka na broadcast monitori,dimeri,LED armaturi i slicno.

Vo stranstvo ne ti barat diplomi,tuku da pokazish na lice mesto sho znaes.
Teorija ne velam deka ne treba da znaes,ali koga ke pocnes da servisirash edno te isto povejke pati,vejke na pamet ke naucish sho e defektot,kaj e defektot,i sho delce treba da smenish

Inace nemam fakultet,sredno vo Bitola gi sakav samo strucnite predmeti,tie teorii i ravneki na drugi mu gi prepustav,ednostavno povejke me vlecese praksata

[batka]

Драги колега,тоа време заврши.И во *странство* нема ништо без теорија.Погрешно е мислењето дека во странство само треба да си ја знаеш работата ( праксата) и се ке биде во ред.Пред се таму секој сервисер е специјализиран за некој бренд ,марка,модел.Ама и нешто друго заборави- месечно еднаш најмалку секој сервисер оди на обука ( дообука) и учи и теорија и пракса.Значи,кога ке испадне нешто ново имаш можност веднаш да го видиш,да го проучиш  уредот,а тука е и богатството на резервни делови кои ги имаш на располагање.Значи,сепак нема сервис без теорија,а праксата е олеснета со повеке веке кажани поволности. Би рекол пред се  е важно дали човек има слух за сервисирање или пак тоа му е само * под два*. Секој сервисер треба да биде истражувач,ентузијаст,да биде стрплив,методичен,да знае да се користи со литература,интернет,да контактира со колеги,истомисленици и - да знае кирилица! Направи напори и стави си МК поддршка.Ова е Македонски Форум!

[paselfc]

Батка,тоа што го кажуваш за користење литература,контакти,интернет и сл. навистина е така и држи вода,ете и кирилица си наместив

Не реков дека не треба теорија,ама кога станува збор за сервисирањето повеќе е битна праксата.

Од мојот клас во средно електроника смер,од 30 ученици,знаеш ли колку сме сега што го вадиме лебот од електроника,само двајца,јас и мој другар во Америка,затоа што нас не интересираше повеќе праксата,а тие што беа повеќке по равенките,задачите денес работат со кнауфи,дистрибутери на пијачки.

Кажи ми мене колку од сервисерите во МК се со факултет,ретки се такви,сите станале сервисери само со работа,со искуство и сл.

Ако си бил и работел во странство тогаш е ок,ама по пишуваното не верувам,тоа е само што си слушнал од некој,така да не ги донесувај во заблуда и другите.

Знаеш ли како изгледа еден оглас за сервисер овде?
Освен јазик и возачка дозвола најбитното е секако праксата и искуството,никој нема да ти бара да му објаснуваш теорија,туку алатите во рака и покажи што знаеш

[Devil]

за сервисер држи вода тоа, но како дизајнер треба малку повеќе теорија треба да се познаваат многу работи, мора да се внимава на многу параметри при дизајн, а тие по некогаш мора да се пресметаат, секако и тука игра улога праксата, ама вика инжинер полесно ќе научи пракса одошто практичар/техничар што ќе научи теорија

[batka]

Е,сега батка да ти каже: јас сум сервисер со факултет,сум бил и во странство итн. Остави ги ти оние * финти сервисерски*- јас работам сервисирање на компјутерски хардвер- од менуање кондензатори на матични,чипсети,стабилизатори ,контролери итн.Севисирам и лаптопи ,монитори,напојувања ,УПС- ови.... Додека сум го совладал тоа сум *кркал* многу книги,сум анализирал шеми итд. Иако сервисирањето не ми е основна работа,сепак ми е една од најубавите дејности,бидејки по природа сум истражувач Иначе,и во МКД познавам доста успешни сервисери со факултет и сите се успешни.
А,за огласите,тоа е друго ! Така е секаде во капитализмот- битно е да знаеш да ринташ! И тука огласите се такви,некаде дури и наместени,а кај нас е проблемот што ако сам не се заложиш ретко која фирма ( чест на исклучоци!) ке те прати на усовршување,најчесто во странство,бидејки кај нас нема *репери* од кои можеш да ја научиш најновата технологија.Значи,услов за напредок е да се специјализираш за нешто конкретно,да се поврзеш со представништво,производителот и да имаш услов да одиш барем 1-2 годишно на семинари каде се презентира нова технологија,модели,кварови,системи,нови алатки.И никогаш да не штедиш на алат и резервни делови- само најдоброто!