Проблем со поврзување на појачачо TDA1562 во кола

[DEJAN4394]

Го направив појачалото со TDA1562 и си работи супер и сакам да го сместам во кола. Сега проблемот е како да му дадам влезен сигнал од радио кое нема излез за појачало.

Дали ке може сигнал од еден од излезите за звучници преку некој конвертор, предзасилувач или....
Доколку некој има шема за конвертор или некој предлог нека помага

[GigaWatt]

Прво, треба да знаеме за какво радио за кола станува збор (бренд, модел), па потоа се останато.

Најчесто, засилувачите во радио-касетофоните за кола работат во bridged mode, така да, малку е ризично поврзувањето на излезите преку обичен атенуатор (изведен со отпорници) бидејќи излезите од радио-касетофонот не смеат да се врзуваат со масата, а сигналот за влез на TDA1562 се дефинира преку GND (шасија, маса), така да, не смее минусот од излезите од радио-касетофонот да биде поврзан директно за масата на колата, односно масата на влезот на TDA1562. Така да, потребно е да се направи атенуатор и за двата излеза од радио-касетофонот (плусот и минусот од еден канал, што значи дека всушност треба да се направат четири атенуатори, по два за десниот и левиот канал) или да се земе сигналот директно од радио-касетофонот за кола и преку бафер да се прати на влез од засилувачот со TDA1562 (баферот не мора да се користи ако планираш да го користиш само едниот или само другиот засилувач, односно само засилувачот со TDA1562 или само вградениот засилувач во радио касетофонот, едноставно само може да се стави еден преклопник). Варијатната со атенуаторот може да се изведе на неколку начини. Еве еден линк на кој е објаснет принципот на работа на еден од начините на кои може да се изведе овој атенуатор .

Code: [Select]

http://www.bcae1.com/loc.htm

[batka]

Накратко кажано:отвори го касетофонот и направи си изводи од потенциометрот за волумен преку сериски врзан отпорник 1К и блок конд. 0,22мФ кон влезот на појачувачот.На секој канал посебно.И пази какви звучници врзуваш на појачувачот,нека бидат димензионирани сразмерно со неговата јачина.

[DEJAN4394]

Радиото е DAEWOO фабричко радио од тико
Споено мислење: [time]11 Јули 2012, 10:53:44[/time]звучник му ставив сега за сега од систем aiwa 40w 6ohm и го работи одлично

[GigaWatt]

Друже, веќе ти пишав, имаш две опции. За првата, можно е да ти треба шема од радио-касетофонот (иако често не е потребна). За втората нема да ти треба, ама треба да правиш додатни плочки за одвојување на линеарен сигнал од сигналот од излезот од радиото. Ти избери си која опција сакаш да ја примениш.

[DEJAN4394]

Oк те разбирам ке пробам со првата опција
Фала