Испитување на електрична инсталација

[Devil]

ги прегледав сите споеви ги престегнав проверив да не има лабав спој негде, нема ништо такво

[GigaWatt]

Епа изгледа останува уште броилото :S. Пробај така како што ти пишав во претходниот post. Ако нема нула (не свети сијалицата), земи нула од пред броилото и пробај така. Ако така свети сијалицата, дефинитивно проблемот е во броилото .

[Bojan]

ај кога ке снема струја онака шлапни го броилото убаво...тоа додека е поврзувано да не има направено некој лош спој

[Devil]

абе го изнашлапав броилото каков ќотек изеде, ама не било до него проблемот, проблемот беше на спојот кај што се дели нулата од таа што иде на бандера према двете други броила, на тој спојот имаше толку изолир што ако не би ставеле толку немаше никогаш да проверам, едната нула што иде према монофазното броило беше убаво навиткано, со убав контакт, а оваа нулата према трофазната беше само подзакачена како за на мајтап, ама па со изолирот малку пододелено од главната нула и немаше добар спој, сепак фала, интересни нешта научив за испитување на инсталации

[GigaWatt]

Ајде, битно среди работа . И пробај ако можеш да ги залемиш сите нули заедно . Најдобар контакт би требало да има така . Или со некои дебели лустер клеми прбај, и така може . (Ова за лемењево не сум сигурен, барем на инсталации мислам дека не се практикува, а зошто, не знам, можеби поради практичност, за побрзо врзување и одврзување на жиците ако треба, така да, не ме земај за збор дека е лемење добар избор во вакви ситуации , подобро да пише некој кој навистина има местено инсталации .)

[didy]

До сега немам видено лемење во инсталации, ова ќе е нешто ново ,
добро не беше објаснето дека поврзувањето е “фарбалак“ позади фибер од мерниот орман, затоа се практикува посебна приклучна кутија со главни ножести осигурачи од каде ќе се поврзат броилата, а воедно и за контрола на спојот, во таа ПК на штраф ќе се стегне нулата доводна со излазните кон броило и тоа така маски стегнато и обавезно со еластична шајбнада се стегне, за спојот да остане стегнат, бидејќи со годините бакарот од потрошувачката загрева и омекнува па по 10-20 години спојот олабавува и ако има зголемување на потрошувачката од температурата ќе оксидира контактот и ете ти проблеми, и ако има калај тој одамна ќе беше стопен.
Со овакви симптоми може да биде и ако е нултиот спроводник оксидиран на бандера и како има ветер да прави проблем, ќе си пријавиш дефект на ЕВН и ќе си проверат на столбот каква е врската, за во иднина да си сигурен.
Во секој случај секој спој треба да е на видно (обезбедено - заклучено) и сигурно место за да се прават контроли на врските

[Devil]

од евн ми рекоа дека нема да пратат техничка служба, требало сам да сум проверел кај мене инсталацијата, ако имало пак проблем да сме оделе лично и да поднесиме писмено барање ?!

[didy]

од евн ми рекоа дека нема да пратат техничка служба, требало сам да сум проверел кај мене инсталацијата, ако имало пак проблем да сме оделе лично и да поднесиме писмено барање ?!

сакаат да кажат прво да се осигураш каде е дефектот: после мерниот уред или пред него, после него или внатрешна инсталација е твој проблем приватен, а пред мерењето е проблем на дистрибутерот
разграничи каде е проблемот па така и дејствувај.
ако е стар спроводникот од столб до штендер или е кабловски во земја најдобро е да се обнови и да си спокоен, како за уредите во куќата така и за нечиј живот, спремај некое иљадарче 

[GigaWatt]

... и ако има калај тој одамна ќе беше стопен.

Епа затоа пишав дека не сум сигурен дали калај ќе биде добра идеја .

Битно е среден проблемот, без разлика дали од ЕВН дошле или не. А инаку, и јас не се потпирам многу на службите во Македонија. Писмено барање, па дур дојдат, дур видат, јас без струја ќе останам денови. Овде, само ако на ТВ излезеш со твојот проблем, само така ќе проработи системот... за жал .

[batka]

Верувајте му на Диди,во елемент е , тој работи во ЕВН и мора да си ги брани боите,ама - се што кажа е во ред.( јади само помалку сончоглед! )