Неисправни електронски делови - барам совет

[electron]

Значи вака.
Ова е петти пат (оваа година) како купувам LM3886 со намера да направам аудио засилувач и од пет LM3886 само еден работи.


Па појаснам:

- Првиот  LM3886 е монтиран на плочка, и дава напон на излезот, патем многу грее, да не речам врие.

- Вториот LM3886 не е на плочка, гледам на даташит и случајно мерам отпор помеѓу плус и маса, и помеѓу минус и маса. Кога мерам отпор на минус и маса ми дава 64 ома. Според даташитот инструментот не смее да покаже толку мал отпор. Со конектори (не со лемење) го поврзувам на напон. Пин 1 и 5 на плус, пин 4 на минус и пин 7 на маса, на напон +/- 35 волти. Мерам на пин 3, ми дава 35 волти. Осигурачите не горат, и интегралното многу грее.

- Третиот  LM3886 проработува од прва.

- Четвртиот  LM3886 е монтиран на плочка, има напон на излезот, не ги гори осигурачите и не грее.

- Последниот LM3886 го земав пред 1 час, и со конектори (не со лемење) го поврзувам на напон. Пин 1 и 5 на плус, пин 4 на минус и пин 7 на маса, на напон +/- 35 волти. Мерам на пин 3, ми дава 35 волти. Осигурачите не горат, и интегралното воопшто не загрева.

Бидејќи работам со проверена шема (од Електор), со добро направени плочки (тонер трансфер), со нови, претходно проверени и испитани делови, и во претходниве 10 години имам изработено преку 40 засилувачи со  LM3886 и сите проработувале од прва. Се на се, шемата содржи 6 отпорници и 6 кондензатори, и секако  LM3886. Значи освен интегралното сите други делови се пасивни.

Едно интегрално чини 400 денари што значи досега дадов 2000 денари и 1600 денари сум во зијан.
Направив муабет со продавачот, го прашувам од каде се произведени, кој ги произведува, дали се исправни, дали имаат некаква гаранција дека деловите се исправни. Ми кажа само дека ги набавуваат од Германија, и "би требало" да се ок, и дека деловите не може да се вратат, ниту да се заменат, тоа е се.

Ме интересира, што вели законот за заштита на потрошувачи, дали имам право да го вратам и да си ги барам парите назад, бидејќи делот е неисправен, а до тоа сознание дојдов преку тестирање на истиот без да го оштетам, т.е. физички е неоштетен и е во истата состојба кога е купен од продавница.

Секаков совет е добредојден.

[warningteam]

Spored mene mislam deka nema da mozes i nema da imas pravo da go vratis ili pari da baras..... Nikoj nema da ti veruva deka si go kupil neispraven (site ke ti kazat deka moze ti si go izgorel)  zakon za zastita postoi sigurno ama nema da mozes da dokazes, prvo samiot prodavac ke tvrdi deka delovite se ispravni i za belja ke se najde nekoj sto e od negova strana i duri ke treba da mu platis osteta za kleveta.. Spored mene nema da uspees vo nisto i kaj ke se zalis vo Policija ?


P.S OPRAVDANO KORISTAM LATINICA!!

[LordZi]

За жал, таква е ситуацијата со фирмите кои увезуваат делови кај нас, фалсификати набавени на кило од „Германија“ (читај Кина) ги продаваат по цена како оригиналите. За враќање, никој не прима делови назад, таква им е политиката на фирмите, така да тоа е тоа, само би те замолил јавно да ја кажеш фирмата од каде се купени (иако мислам дека знам), за да не се излаже некој друг.
Иначе и јас имам направено неколку засилувачи со 3886 според шемата и плочката од Електор и сигурен сум дека грешката не е во нив. За во иднина ќе ти препорачам да си нарачуваш делови од странство, од реномирани дистрибутери или директно од производителот, само така ќе си сигурен дека се оригинални.

ЕДИТ: Едино уште да провериш тој првиот засилувач што грее да не осцилира случајно, мада не би требало пошто има зобел на излезот, ама ништо не те кошта да провериш...

[electron]

Еве слика од нив.



Левиот е од Логин, а десниот од Гац. И двата даваат 35 волти на излезот, а воопшто не греат.
Имам уште еден ист како тој десно, и тој е едниот што работи.

Инаку се е проверено и испитано, нема никакви осцилации ни од засилувачот ниту пак од напојувањето.
Двете плочки на засилувачите се идентични, по петпати проверени од ладен лем, краток спој и т.н.
Сепак, повеќе од 15 години се занимавам со електроника, не сум од оние што вчера првпат фатиле леткум во рака.
Останува уште прашањето за исправноста на интегралното.

Може да ми кажете некој сигурен дистрибутер или некој начин да набавам делови директно од производителот?

Малку пребарав на Google и видете што ми кажа:

Code: [Select]

http://www.alibaba.com/product-gs/519249727/IC_LM3886TF_LM3886.html
Според ова, кинески LM3886 (ист како вториот на сликата) чини само еден долар, а овде се продаваат 400 денари.
Нели е грабеж ова?

[GigaWatt]

Левиот е од Логин, а десниот од Гац.

Тој десниот е 100% копија, имам видено производи од National Semiconductor со бели букви испишани, сите се копии, и јас имам неколку кола такви дома.

Според ова, кинески LM3886 (ист како вториот на сликата) чини само еден долар, а овде се продаваат 400 денари.
Нели е грабеж ова?

Да, и затоа дел од нас се имаат откажано од купување на производи од тука. И тие што се на Alibaba не се оригинал, и тие се Кинески копии, ама барем не се по 400 денари еден . Никој не може да ме разубеди дека нашиве фирми плаќаат по 350 денари еден (се на се, со царинам транспорт, ова она) и на крајот се само 50 денари ќар од коло .

Ова не е нова работа, ова и порано се има случувано, најверојатно барем 10-тина години наназад, само што ние сега благодарејќи на net-от дознаваме некои работи кои претходно не сме имале начин да ги дознаеме .

[Bojan]

сите од исто место земаат делови...имав еднашка земано LM317T од гац, бт, логин и ниеден не работеше како што треба, тоа значи од кај зема еден од таму земаат сите...за заштита на потрошувачи неверувам дека има нешто такво во македонијава наша, а и да има не функционира како што треба...или почекај некое време(2-3 месеци) да им се потроши тоа што имаат на залиха (или повеќе време ако треба) па да нарачаат нова тура што би биле исправни...

[ZareBt]

Можиш да се пожалиш во Здружението на потрошувачи. Незнам од кој град си, ама во Битола, работи то здружение и мене ми помогнаја еднаш. Кажи му го твојот проблем, па можеби ќе ти помогнат. Пробај, ништо неможиш да изгубиш 

[electron]

Ќе видам што можам да сторам со здружението за заштита на потрошувачи.
Ако продавачот лажно го декларира производот, т.е. вели дека е набавен од Германија, а всушност е од Кина, тогаш продавачот прави кривично дело измама.
Не знам дали инспекција смее да им ги прочешла документите за набавка и да дознае од каде всушност потекнуваат деловите. Арно ама нашиве се многу лакоми, од желба полесно да заработат ние најчесто го јадеме подебелиот крај од стапот.

Не ми е битно од каде потекнува делот, не од Кина, ако сака и од Авганистан нека е, ама за 400 денари не само што треба да работи, ако треба и пајдушко ќе игра.

Замислете дека сервисирате ваков засилувач и треба да го замените изгорениот интегралец. Се прашувам колку пати ќе треба да ги посетите нашиве продавници додека ви се погоди некој интегралец што работи.
И уште да треба 10 пати да го купувате интегралецот додека најдете исправен, со кој памет ќе му наплатите на муштеријата 5000 денари за сервис? Нели, неисправните делови за кои што сте дале пари треба некако да си ги наплатите, иначе ќе работите со загуба.

Ако законот за заштита на потрошувачи важи за сите производи, тогаш и електронските делови не би требало да бидат исклучок. Во спротивност излегува дека тие се заштитени како мечки, и во тој случај никој ништо не им може.

Изгледа и јас ќе мора да се откажам со набавка од нашиве продавници, инаку нема да дојде крајот на овој циркус...

[GigaWatt]

Замислете дека сервисирате ваков засилувач и треба да го замените изгорениот интегралец. Се прашувам колку пати ќе треба да ги посетите нашиве продавници додека ви се погоди некој интегралец што работи.
И уште да треба 10 пати да го купувате интегралецот додека најдете исправен, со кој памет ќе му наплатите на муштеријата 5000 денари за сервис? Нели, неисправните делови за кои што сте дале пари треба некако да си ги наплатите, иначе ќе работите со загуба.

Една од причините поради кои многу сервисери веќе не работат :S.

Изгледа и јас ќе мора да се откажам со набавка од нашиве продавници, инаку нема да дојде крајот на овој циркус...

Ако не ти е итно, почекај, најчесто стигнуваат работите за две недели . Е ако ти е итно, да, ќе мораш од тука да купиш :S.