Пренамена на старо ФМ предавателче

[DX-er]

Што мислите дали може ФМ предавател да се пренамени и да користи како ТВ предавател но само за видео сигналот низ дома (од компјутер до ТВ) ?

Еве како мислам, да му го извадам предзасилувачот за тон инаместо звук да му спроведам видео сигнал во предавателот а пак осцилаторот наместо со 4-5 намотки да го проширам со 8-9 намотки за да иде на пониските фрекфенции (1-4 канал).

[BorceBT]

Вака, значи ТВ сигналот има и ниски фрекфенции (и до 10Hz) така да на влез каде што треба да дојде аудиото треба да ставиш поголем електролитски кондензатор (барем 10uF/16V) за да може да поминат и тие фрекфенции и синхро импулсите. Друго, мора да се погоди точното ниво на видео сигнал, значи потенциометар на влез за штимање на нивото на модулацијата е морално бидејќи премалку сигнал и нема да има синхронизасија и црна слика а премногу и ќе има бела слика и пак ќе изгуби синхронизација. Така да експерименти и само експерименти и ќе работи.

Аудио: Ова погоре беше нормално само за видео сигналот (композитен видео сигнал). За да има аудио аудиото треба да се модулира на меѓуфрекфенција од 6MHz и после да се измеша со видео сигналот и да се пушти на влез во предавателот. Истото може да се направи со уште еден FM предавател кој ќе зрачи само аудио на 6МHz повисока фрекфенција од таа на која зрачи предавателот за слика така да може да се направи и на тој начин кај вакви мали уреди

[DX-er]

супер, фала за помошта, ке пробам па ке пишам што сум направил и ако е се во ред ке има целосно објаснување како да направите ТВ предавател од обичен ФМ предавател

Е сега јас планирам со два предаватели, еден за звук и еден за слика а не со еден бидејки така е комплицирано.

Само сакам само уште да те допрашам за три работи:
- Прво дали е добро осцилаторната намотка да биде со 8, 9 или 10 намотки за тие фрекфенции од 60-70MHz ?

- Дали треба да ги наголемам и останатите намотки и ако треба за колку ?

- Порано имав слушнато дека кај еден ТВ предавател ако сигналот односно видеото е со снага 50kW аудиото треба да е 5kW (ова од памет го пишав) па ме интересира дали има некој таков сооднос или нема врска и ако има колку треба да биде ?
Благодарам однапред

[didy]

ако го зголемиш бројот на намотките на осцилаторот тогаш неговата фрекфенција ќе се намали, а за ТВ имаш потреба од повисоки фрекфенции, нека ти биде водител некое старо “нинтендо“од пазарџиските кој имаат тв модулатор, па ќе ти биде јасно што ти  треба за да функционира.

[DX-er]

Па со нинтендо имам правено и сум задоволен но проблем е што со таков предавател сигналот од еден крај до друг крај на собата е веќе со снегулки а не знам предавател со толку мал домет дали може да се засили бар да се фати сигналот во сите соби (кај комшиите нека има снег ) Па затоа ме заинтересира да го направам предавателот. Е сега кај ТВ фрекфенциите нели има 2 VHF бандови и тоа околу 48 па се до 68MHz и тоа е VHF1 а пак VHF2 e ФМот 88-108MHz а VHF3 е TV од 170-230MHz а после UHF e од 470-860MHz. Е сега мислам дека подобро е на VHF1 одколку на VHF3 за тоа што полесно ми е да направам да емитува на пониските фрекфенции одколку на повисоките а башка пониските фрек. имаат подобри својства при движење низ ходниците 

[BorceBT]

VHF-2 најдобро ти е и најсигурно. Околу намотките, стави двојно повеќе отколку за ФМ и истиот тример и така тестирај. Среќно.

[DX-er]

чек мислиш на VHF 1 (40-60мхЗ) ?

[BorceBT]

VHF - 2 канал мислев, ако мислев на другиот VHF ќе напишев VHF-II

[DX-er]

пробав да му дадам сигнал на осцилаторот како што ми кажа и се појави слика ама не е убава, се познава што иде и се гледаат боите ама не е чиста ниту бистра, дали може да се постигне да биде асална или да не пробувам ?
Сликав ама ништо од сликите оти само линии се познава ако сликам од CRT екран

[BorceBT]

Одма ставај шема за бубата да видиме кој кондензатор ќе треба да се смени

[DX-er]

Eве го предавателчето но види го само осцилаторот бидејки јас поврзав директ на базата но преку 10uF и кај видео пинот потенциометар од 10K (потенциометарот е безпотребен бидејки малце ако намалам веднаш се изобличува сликата а повеке ако намалам се губи)

http://elektronika-mk.net/index.php?topic=216.0

[BorceBT]

Кондензаторот од 10nF ја мати сликата но тој мора да е тука за да работи правилно осцилаторот (тоа е цената за едноставноста). Пробај да го намалуваш тој кондензатор на 4.7nF и помалку а сепак да работи предавателот и ќе најдеш идеална комбинација на добра слика и едноставен дизајн.

[DX-er]

ке ставам таков па ако работи ке пробам

[didy]

Дали имаш пробано со RF модулатор од видео старо, каде излезот е на 36 Канал по дифолт, снагата е иста но дометот би требало на повисоки фрекфенции да е подалеку, па монтирај и добра антена.

[DX-er]

имам и тако нешто но сосем е необележано, не пише ништо на него. Кутивче со 5-6 нозе....