Работна недела на еден IT специјалист. 
Понеделник
9:05
Доаѓање на работа. Кафе, читање весници.
9:20
Се јавија од книговодство, викаат дека не можат да се поврзат со accounting серверот.
Им го дадов стандардниот одговор бр.112: „Што знам... Од кај мене работи...„. Им зборев уште нешто, а потоа им реков да пробаат да го ребутираат компјутерот и да се обидат повторно.
Во меѓувреме од УПС-от го откачив кафематот (и така кафето беше при крај) и повторно го уклучив кабелот од accounting серверот... Веднаш потоа се јавија од книговодство да ми кажат дека сè е во ред и дека успеале да се закачат на серверот.
Ништо поубаво од задоволни корисници.
10:20
Кравата од маркетинг се жалела дека не и работи мрежната карта. И промумлав дека ќе ја поврзам со нашиот стручњак за комуникации и ја префрлив врската кај чуварот. Оваа модерна опрема навистина ја олеснува работата.
10:50
Шефот сврати кај мене. Демек имало многу поплаки за квалитетот на корисничката поддршка. Го прашав кој се жали. Јасно, маркетинг. Шефот рече дека ќе го среди тоа, ме извести дека нема да биде тука во остатокот на денот и отиде да игра тенис.
11:05
Овој понеделников ќе ме уништи. Напишав во книгата „отсутен поради купување дискети“ и здимив во град.
16:20
Враќање од „купувањето дискети“. Погледнав на бројачот на пораки... Беше празен. Најверојатно причината за тоа е дека не ја ни вклучив секретарката. Го средив тоа и дополнив некои напомени во дневникот.
16:25
Одење дома.
Вторник
9:10
Пак дојде шефот и пак сакаше да ми ги пренесе поплаките на таа кравата од маркетинг. Му го покажав мојот нов скрин-сејвер Хот Аманда што го симнав од интернет. Ептен му се допадна - сакаше копија па му дадов дискета и го прашав како ќе го реши проблемот со жалбите. Одговори дека најверојатно ќе вработи уште еден човек пошто јас не можам да постигнам сè сам.
9:50
Стигнав до осмото ниво во DOOM.
10:25
Се јави стручниот советник на заменикот директор за производство. Сакаше да знае како се цртале графици во Excel. Му реков дека за такви специјални барања имаме стручен советник и го префрлив повикот кај чуварот. Добро е што ги имаме тие модерни телефони.
11:00
Дојде чуварот. Рече дека постојано му се јавуваат некои луѓе и го прашуваат чудни работи. Му реков дека ќе го подучам, ако седне наместо мене покрај телефонот еден час.
Се согласи.
11:05
Одење на ручек.
14:00
Враќање од ручек. Чуварот поштено седеше покрај телефонот. Рече дека телефонот се убил од ѕвонење и затоа сите повици ги проследувал во бифето.
Типот е стварно ОК.
14:10
Почнав да го подучувам чуварот (се вика Горан) во QUAKE. Беше навистина добар ученик и после два часа ме мачкаше. Осетив дека дечково има потенцијал.
16:00
На Горан му заврши смената па завршивме и со часовите по Quake. Мене ми остана уште еден саат.
16:30
Дома...
Среда
8:30
Шефот си го одржа ветувањето и донесе нов човек за техничка поддршка. Некој си Тошко. Му ја покажав просторијата со серверот, свичот и му ставив компјутер на масата. Нешто мрчеше дека бил ептен стар компјутерот ама го уверив дека за Windows му е сосем доволен и црно-бел монитор.
9:00
Компјутерот на Тошко штотуку заврши со бутирањето. Веднаш почна да се интересира како да се прикачи на мрежата. Затоа му отворив корисничко име. Минималната должина на лозинката ја поставив на 64 карактери. Нека ужива малку и он.
9:15
Се јавија од книговодство дека им е потребно ново корисничко име за некоја нова колешка. Им кажав дека за тоа е потребен специјален формулар кој ќе биде потпишан од шефот на одделението, сите останати раководители, магационерот и директорот. Малку се чудеа ама престанаа кога им спуштив слушалка.
10:05
Се јави некоја Ирена од книговодство. Демек и требал акаунт за на мрежа. По гласот ми се чинеше дека има околу 20 години. Ја прашав за име, презиме, датум на раѓање, брачна состојба, адреса и телефон. Претпоставката беше точна. 22, немажена.
Затоа и реков дека лозинката ќе и ја дадам вечер, лично кај неа дома.
11:05
Тошко конечно го „потера“ компјутерот и почна да работи. Го пратив по цигари. Нека се учи дечкото.
11:20
Тошко ги донесе цигарите. Му го покажав упатството за АС/400 и му реков да седи покрај телефонот за да искуси и практична работа. После отидов на ручек.
16:00
Враќање од ручек. Тошко очигледно доживеал нервен слом - три саата покушавал да го стартува accounting серверот. Му реков дека е кретен и пак го пратив по цигари. После тоа пак го приклучив мрежниот кабел на accounting серверот. Сликата на телевизорот се расипа малку после тоа ама сепак работата има предност.
16:10
Секретарката од кадрово праша како се правела проверка на спелингот во Word. И реков да ја искористи кратенката Ctrl + Alt + Delete на тастатурата. Се заблагодари и ја спушти слушалката.
16:30
Го фатив Тошко во WC како чита огласи за работа.
Си помислив како денот успеал во потполност и си отидов дома.
Четврток
8:30
Пак се појави шефот (зар ќе доаѓа вака секое утро, па не можам ни весник да прочитам), ама за среќа имаше добри вести. Тошко се јавил дека веќе нема да доаѓа на работа. Му реков на шефот дека денес е стварно тешко да се најде некој што вреди. Мислам стварно!
Да го делам ова убаво местенце со уште некој...
8:55
Се јави некој од логистика, демек немал некои фонтови. Го прашав каков чип има на графичката карта и се разбира не знаеше. Му реков прво да ги дознае сите информации за својот компјутер па после да ме бара.
9:15
Пак се јави оној од логистика. Дознал дека чипот на видео картицата немал врска со фонтовите. Му одговорив дека не го прашав за видео картичката туку за графичката картичка. Се извини, рече дека ќе дознае и спушти слушалка.
9:30
Се јавија од сметководство, дека на фактурите наместо Ќ и Ѓ им се појавувале апострофи.
Тоа беше веќе втор проблем со фонтови денес па им ветив дека ќе средам. По кратко размислување решив централно да ги променам сите шаблони за документи. Ставив бели букви на бела позадина, а за секој случај ставив дефолт фонт да биде Wingdings.
10:00
На сред 4 ниво на Quake налета Горан, па игравме со него преку мрежа и здробивме некој морон од второто одделение. Притоа му напишавме дека е патетичен кретен и дека појма нема како се игра.
12:00
Горан ме праша дали сакам да одам со него на ручек. Размислив колку само дебилни прашања за фонтови ме очекуваат и отидов со него. После не се ни враќав на работа.
Петок
9:00
Доаѓање на работа. Читање весници.
9:25
Се јави некој цреп од правна служба. Ја заборавил лозинката, па го советував да ја искористи специјалната процедура ФДИСК. Се заблагодари и спушти. Боже зар и вакви кретени има?
9:35
Пак се јави тој од правна служба. Проблемот со лозинката е решен ама се појавил нов. После бутирањето му пишувало Error accessing Drive. Му реков дека е тоа хардверски проблем и дека му треба нов компјутер.
10:15
Малер: кретенот што го матљавме вчера во Quake бил шефот. Улета бесен како рис кај мене во канцеларијата и не реагираше ни на мојот нов Playboy скрин-сејвер.
Од понеделник имам шут карта.
10:30
Го правам истото што го правеше Тошко. Читам огласи за работа и се јавувам на некои од нив. Во паузите помеѓу телефонирањето ги дотерувам макроата, ја додавам наредбата Delete Document. Без добра системска поддршка ниедна фирма не може да биде успешна.
11:15
Најдов нова работа. Уствари потполно иста функција како и овде само во подобра фирма.
На одење пуштам црв во мрежата, го менувам распоредот на локалите на телефонската централа, ги поништувам сите шифри за влез во зградата и си ја пакувам шољата за кафе
