Општи прашања поврзани со аналогната електроника

[at.koce]

Планирам да правам извор на напојување, имам трафо што треба да го премотам и  би било некаде 24VAC, ~3/3.5А. Прашањето ми е дали ќе можам истото тоа напојување да го користам и за полнење на оловни акумулатори и дали е потребно напојувањето да има струјна регулација? 

[Bojan]

3А (според мене) нема да му наштетат на акумулатор ако повлече толкава струја, така да ок би требало да биде, само зависи и колкав акумулатор сакаш да полниш и како ке го направиш напојувањето, јас би ти предложил со LM723 да го правиш што има струјно ограничување што можеш ти да го одбереш за колкава да биде максималната струја.

[batka]

Еве линк

http://elektronika-mk.net/index.php?topic=7515.0

[at.koce]

Не сме се разбрале Батка. Јас сакам од изворот на напојување да го полнам акумулаторот, а прашањето ми беше дали тој треба да има струјна регулација или доловно е само напонска (бидејќи уште не е направен, па да знам што и како да направам) 

[GigaWatt]

Па, колку што знам јас, повеќето полначи немаат струјна регулација. Но, затоа имаат нефилтриран напојувачки степен, а секој стабилизиран извор за напојување има филтриран напојувачки степен, така да, не знам баш дали ќе биде добро да се полни акумулатор од извор за напојување :S. За полнење, ќе се наполни, ама некои членови имаа спомнато дека баш тој нефилтриран степен во полначите за акумулатори им го продолжува животот на акумулаторите, така да, не знам... нека пише некој поискусен во полнење на акумулатори (јас немам кола ).

[Toma]

Што ќе се случи ако направиме електронски “лимитер“ на струјата (со одредена струја според шема) а притоа акумулаторот “бара“ да се полни со поголема јачина на струја. Значи, според мене, и тоа како треба да се има во предвид кој ќе биде “лимитот“ во зависност од “консуматорот“.

[batka]

Основно кај полначите за оловните акумулатори е да се испорача еднонасочен напон,кој е повисок од оној на акумулаторот.Значи не треба стабилизација ,нити филтрација,Доволно е трафо,исправувачки мост од 2  или 4 диоди и ограничувач на струјата во вид на фиксен отпорник или електронски регулатор.Пожелно е акумулаторот да се полни со 1/10 струја на полнење земајки го за репер  капацитетот ( во ампер/часа).
Да биде појасно- акумулатор од 55 Ач треба да се полни со струја од 5,5А за 10 часа.Но ,за да биде  некогаш побрзо или хитно е.може да се полни акумулатор и со 10А за 5,5 часа.Но,со зголемување на струјата се намалува и векот на акумулаторот - се развиваат гасови,се таложи бакар сулфат на плочите.... Значи ,најдобро е да се направи полнач со што помала струја на полнење ( надополнување) и струјно ограничување отколку да се вложува во 20-30 А полначи.Во светот се продаваат се повеке надополнувачи со 1А струја и во зима ,во гаража кога колата мирува уредот е постојано вклучен и акумулаторот е секогаш спремен и при екстремно ниски температури,да запали.Значи пожелно е струјно ограничување,макар  ставиле и обичен отпорник кој лесно се пресметува.

[bicikle]

Оваа ти е добра шема, ја има изработено. За струја до 5 ампери потребен е еден 2н3055. Ако напонот е фиксен, на 13,8в акумулаторот си влече колку што му е потребно, струјата зависи од тоа во каква кондиција е акумулаторот и колку е празен односно полн. На рв1 се менува напонот, стујата е ограничена со отпорниците Р7-9, односно во твојот случај р7, q3-5 r4-6 r8-20 трена да се изфрлат (да нема ништо на нивните места) р3 може да се замени со кратоспојник, а р1 може да се стави 0,22 оми за струја од  ампери (може да експериментираш со овој отпорник). На ваков начин се полнат акумулаторите кога се во возило- константен напон, така да мислам дека е најдобар начин на полнење....
Споено мислење: [time]13 Февруари 2013, 16:31:51[/time]П.С. Регулаторот не смее да биде поврзан обратно, или пак да е исклучен од мрежен напон, а да биде приклучен на акумулатор,  може проблемот да се реши со реле.

[ZareBt]

шо пари одат 2слојните плочки, колку е  исплатливо да се користат?!
сеа нормално дава многу добар финиш, за око се полични (од моја гледна точка), и како се за работа?!
поз

[GigaWatt]

Во домашни услови, тешки се за изработка двослојните плочки. Треба да подесиш дупчињата да бидат на исто место на двете страни. Не сум пробал, ама мене тешко ми изгледа .

[Bojan]

има ли некој да ми објасни што е тоа метод на суперпозиција и кај се користи, на факултет гледав имале задачи решавано со операциски засилувачи на таков начин, арно ама никој незнае да ми објасни што е тоа и како се користи, па има ли некој тука да ми објасни  што-како се користи тоа

[ShAdOw]

Еве нешто за овој метод .

Code: [Select]

http://web.vip.hr/dodop-ri.vip/sup7.pdf
mirror:

Code: [Select]

https://app.box.com/s/nku1jf6f3pu8xau3vgq4

[GigaWatt]

има ли некој да ми објасни што е тоа метод на суперпозиција и кај се користи, на факултет гледав имале задачи решавано со операциски засилувачи на таков начин, арно ама никој незнае да ми објасни што е тоа и како се користи, па има ли некој тука да ми објасни  што-како се користи тоа

Овој метод најчесто се користи во кола во кои има повеќе напонски или струјни извори. Колото се решава со еден извор, па со друг, па со трет, итн. и на крајот, резултатите се сумираат (се сумираат напони и струи). При решавање на колото со едниот извор, другите се „вадат“ од колото (напонските генератори се заменуваат со напон од 0V, односно на местото на кое биле се става краткоспојник, а струјните извори се заменуваат со струја од 0A, односно на местото на кое биле, гранката се остава отворена, да нема течење на струја). Може да се користи во линеарни кола или во кола во кои нелинеарните компоненти може да се апроксимираат со линеарни (како што се операциските засилувачи, транзисторите итн.). Исто така, може да се користи и во кола во кои напоните и струите може да се опишат во временски домен како сума од простопериодични функции (не мора вредностите на напоните и струите да бидат константна вредност). На пример, оваа анализа може слободно да се користи во кола кои имаат само отпорници, струјни и напонски генератори, но често не може баш директно да се користи во кола со индуктивитети и кондензатори (ова пред се зависи од конструкцијата на колото и брановите форми кои ги генерираат струјните и напонските извори, така да, можно е да треба да се примени и некоја друга додатна метода за анализа на колото).

[Maki]

има ли некој да ми објасни што е тоа метод на суперпозиција и кај се користи,

Метод на суперпозиција може да се користи у сите лиенарни системи. Линеарните системи имаат својство на суперпозиција - комплексниот одзив што го добиваш од два или повеќе извори на сигнал што работат истовремено,у ствари е сума од сите одзиви од секој извор на сигнал поединечно.

[Bojan]

фала за објаснувањето, вака сега барем знам како се решаваат такви задачи (би требало да знам)