Јас не знам како не е јасно... сосема е нормално дека ќе бидат подобри бидејќи има кадар од цел Балкан. Македонски не беше официјален јазик во бивша Југославија, беше Српско-Хрватски, што практично значи дека Срби, Црно-Горци, Босанци и Хрвати се разбираа скоро перфектно. За разлика од нив Македонски и Словенечки беа the odd-balls out... и никој не сакаше да ги научи, а ние пак од друга страна, прилично сервилни бевме од овој аспект, па им зборувавме на сите на Српско-Хрватски (кршевме јазик да бидам искрен) и сосема е логично дека прво што ќе им падне на памет е „еј, отвориле форум Македонциве... ОК, нивна работа“... од друга страна, оние кои ги биваше од кај нас, или се отселија, или фатија друга работа, или сосема заборавија дека постои ваква област (електроника, техника, итн.) и дојдовме до ситуацијата до која дојдовме. Нема активни членови бидејќи нема квалитетна содржина, а квалитена содржина се прави со квалитетен кадар, т.е. луѓе кои имаат познавања од областа.
Во иста ситуација се и Словенците. Кажете еден Словенечки форум за електроника, освен Фанзо (не сум сигурен дали Словенец е основачот, ама мислам дека е така... и тоа е успешен, само поради тоа што се комуницира на официјалниот јазик во бивша Југославија, а мајчин им е на барем 4 националности) кој е наменет за електроника и успешен... нема. Фактите се тие. Милион пати е правен муабетот и милион пати е донесуван истиот заклучок. Свети реклами стави, ма кај сакаш, нема да има членство. Ќе се зголеми краткотрајно и толку... после пак ќе падне.
И не е дека „не го мирисам yu3ma.net“. Гледам дека е пред се наменет за аудио, а одамна сум излезен од тие води. Плус, треба да пишувам на Српски, а не ми се пишува од пусти инат што истото не им се прави и на сите останати Ex YU народи на нашиот форум... притоа, не се приморани да пишуваат на Македонски, тоа и во правилата стои, може и на ниниот мајчин јазик, ама ете, пак не сакаат... епа ние ако на нив не им требаме, зошто па јас да им пополнува содржина на нивните форуми. Не гледам причина.
А и една тема отворив за CH341A, 300, 400 прегледи, само еден одговор... и тоа јасно ми беше и зошто, бидејќи текстот ми беше пишан на Македонски, и тоа намерно, за да им угодам на сите, на латиница... епа извини, јас ако можам да разберам што сте пишале, зошто да не ме удостоите со некој одговор или коментар... не на Македонски, на кој сакаш јазик, не е проблем, јас ќе се снајдам... ама не, пусти инат се и националисти се „шо бара Македончево сега да пишува на Македонски, нека си пише на Српски па и да га Бог разуме
“.
Извини, ама не идам кај што не ме сакаат. И на работа истиот муабет им го праам. Ако комуницирам со некој од бившиве YU простори, секогаш ми викаат „не те разумем...“. Нема проблем, се шалтаме на Англиски? Ако речат да, ОК, ако не... извини, ја не знам Српски (ова не е точно, ама намерно така викам). Да видиш како кршат Англиски ако мораат.
Ме фаќа инат за вакви работи бидејќи сите од Ex YU што зборат Српски/Хрватски по default очекуваат ако си од некоја Ex YU република на која не и бил мајчин јазик некој „дијалект“ на Српски/Хрватски (практично, тоа се само Македонија и Словенија), да се прешалташ на Српски/Хрватски. Епа од мене нема тоа да го добијат, од други, не знам... секој за себе си знае.
