Опција 1: Одлеми го пин 11 на BD9893, земи една LED диода, залеми го пинот 11 за анодата од LED диодата, а катодата од LED диодата залеми ја за маса (GND).
Опција 2: Одлеми го пин 10 на BD9893 и потоа залеми го за маса.
Притоа, го одлемуваш само пин 11 или пин 10 (зависи која опција ќе проработи и ќе ја заобиколи заштитата), а не целото коло.
Порано, кога пиновите на компонентите одеа низ плочката (не беа SMD, тие кои поминуваат низ плочката се викаат Through Hole компоненти), ова се викаше „испумпување“ на определен пин на определена компонента (најчесто интегрирано коло). Сега, многу нема логика така да се вика, но дури и ако станува збор за SMD компонента, честа пракса е меѓу сервисерите да викаат така, на пример „испумпај го пин 20 и врзи го за маса“. Ова значи „одлеми го само пин 20 од тоа и тоа коло и залеми го за маса“. Пократко е да пишеш „испумпај“ отколку да пишуваш „одлеми го само овој пин“
... а освен тоа, кога ќе се спомне „испумпување“, барем кај сервисерската афела, веднаш се разбираат и знаат што треба да прават
.
Терминот „испумпај“ потекнува од методот на кој се одлемуваат through whole компонентите, т.е. со помош на вакум пумпа. За да извадиш едно интегрирано коло од плочка, треба сите лемни точки да ги „испумпаш“ со вакум пумпа за да може да излезе интегрираното коло, нели
. Епа, ако „испумпаш“ само една лемна точка, тој пин од интегрираното коло повеќе не е врзан за таа лемна точка, што значи дека „виси“ (не е врзан за ништо, исто така е жаргон кој се користи во електрониката). Епа, за да се заобиколат определени заштити, проблеми кои можно е да ги имаат определени дизајни на некои уреди или за да се истестира нешто (на пример, на испумпаниот пин од „тоа и тоа“ коло, доаѓал определен сигнал, ама ние сакаме да му донесеме нешто друго за да можеме нешто да истестираме, нешто што ќе ни индицира дали проблемот е во оној дел во кој се сомневаме или во нешто друго
), често се користи овој метод на „испумпување“. Практично, тоа значи „не го врзувај тој пин за местото кое е обележано на фабричката шема, врзи го овде“ или „одлеми го тој пин, додади го ова и потоа тоа врзи го за она“
.
Се надевам појаснив
.
Броење на пинови (важи универзално, соред конвенција, за било кој вид на интегрирано коло, освен ако во datasheet-от на колото не е посочено дека пиновите се бројат на друг начин... ретки се овие ситуации, но ги има). Се почнува да се брои од лево и се ротира додека не се стигне до последниот пин. Местото од кое почнува да се брои е обележано со точка (пин 1) или обележано со жлеб, а најблискиот пин лево од жлебот е пин 1
.
