Лабораториски извор на напојување 0-30V / 0-3А

[GigaWatt]

Нека стои на форумов како attachment . Не знам дали си ги прочитал правилата, ама апсолутно дозволено е документација за проекти да стои како attachment на форумов .

[Atanas]

Веќе подолго време го имам следново напојување , но не можам да најдам соодветна кутија за него. Дали некој можеби би знаел каде може да најдам или пак продава?

[LordZi]

Или стисни заби и купи си кутија од Логинг или импровизирај нешто, нема друго... 

[GigaWatt]

Во кутија од ATX не го собира?

[krema]

Би требало во ATX да го собере.

[Atanas]

Како што имам кажано во оваа тема и претходно, веќе некое време го имам овој KIT составено и досега стоеше во фиока, поради тоа што немав соодветен трансформатор за него. Пред неколку дена пронајдов еден, односно сум го имал од претходно извадено и стоел така во кутија, трансформаторот е од стар Искрин телевизор. Комбинирајќи 2 секундари од тој трансформатор, успеав да добијам 25V AC, колку што е потребно и за ова напојување. Го поврзав трансформаторот на влез од напојувањето и се беше во ред, се додека не започнав да го нагодувам излезниот напон со потенциометарот. Како што го вртев потенциометарот, забележав дека најмногу што може да даде напон е 24V DC ( а по правило треба да бидат 30V DC ). Е, сега моето прашање е, што би можело да биде проблемот? Сите елементи пред лемењето ги проверив и беа исправни, а и вредностите исто така беа точни. На шемата од ова напојување, која ја има во оваа тема, има еден тример означен како VR1, кој прочитав служи за калибрација на напонот. Но, иако го вртам тој тример, не забележувам никаква промена на напонот, така што не знам што би бил проблемот.

Секоја идеја за решавање на овој проблем е добредојдена. 

Во прилог, еве галерија од трансформаторот:

Code: [Select]

https://imgur.com/a/yEyqo9y

[GigaWatt]

Провери некоја компонента да не ја имаш ставено на погрешно место. Јас прво на тоа би се обложил .

И околу мерењата на трансформаторот (од галеријата), тоа е се ОК, ама мерењата ти се погрешни . Не сите, ама ти фали уште едно мерење за да ја одредиш моќноста на трансформаторот . Всушност, ти требаат само две мерења . Види го дијаграмов, ќе ти стане јасно .



Треба да ги измериш димензиите на шрафираниот дел .

[Atanas]

Ги проверив елементите и ми изгледаат дека се на точно место залемени, не верувам дека тоа е проблем.

[krema]

Провери го означеното место!

[Atanas]

Од долната страна е залемена таа диода.

[KiloVolt]

Го мериш со товар?

[Atanas]

Да, како товар користам отпорник од 560 оми 5W.

Направив неколку мерења на плочката, и тоа прво започнав со мерење напон после грецот каде добивам 36V. Операциските засилувачи ги нумерирав подолу на сликата подолу, за полесно распознавање. Напоните за нив се следни:

На 1 операциски: на влезните пинови 2 и 3 напонот изнесува 4,4V, на пин 6 напонот е 8,8V, на пин 7 напонот е 35V.
На 2 операциски: на влезните пинови 2 и 3 напонот изнесува 4,4V, на пин 6 напонот е 38V, на пин 7 напонот е 39V.
На 3 операциски: на влезните пинови 2 и 3 напонот изнесува 13V, на пин 6 напонот е 29V, на пин 7 напонот е 39V.

На транзисторот означен како Q4 на шемата измерив напонит на неговите: база ( максимум 24V, се нагодува со потенциометарот за напон ), колектор 34,6V, емитер 24V.
Во краток временски интервал ( 1-2 секунди ) направив краток спој помеѓу базата и колекторот и добив 33V на излез ( емитерот ), но кога го прекинав краткиот спој напонот повторно се врати на 24V.

Тоа за сега го испитав, доколку треба уште нешто да измерам посочете ми. 

[GigaWatt]

На 1 операциски: на влезните пинови 2 и 3 напонот изнесува 4,4V, на пин 6 напонот е 8,8V, на пин 7 напонот е 35V.
На 2 операциски: на влезните пинови 2 и 3 напонот изнесува 4,4V, на пин 6 напонот е 38V, на пин 7 напонот е 39V.
На 3 операциски: на влезните пинови 2 и 3 напонот изнесува 13V, на пин 6 напонот е 29V, на пин 7 напонот е 39V.

Превисок е напонот за напојување на U2 и U3. Максимален напон на напојување на TL081 е +-18V или 36V (и тоа е дефинирано како Absolute Maximum Rating). 39V е премногу. Стави неколку диоди за пад на напон по грецот за да падне напонот. Можно е да не работат баш како што треба поради превисокиот работен напон.

[Atanas]

Ќе пробам.
.................................

Пробав, поврзав плус 3 диоди после грецот и го спуштив напонот за 2 волти. На пин 7 од операциските добив 37 волти, што сеуште е повисок за 1 волт. Не можев да поврзам уште неколку диоди, бидејќи немав такви кои можат да издржат толкава струја.

Е, сега, дали можам да го користам напојувањето како што дава 24 волти, без да го модификувам т.е да правам измени за да добијам пад на напонот, туку да си биди како што е склопено? Односно со 24 волти на излез место предвидените 30 волти.

[GigaWatt]

Пробав, поврзав плус 3 диоди после грецот и го спуштив напонот за 2 волти. На пин 7 од операциските добив 37 волти, што сеуште е повисок за 1 волт. Не можев да поврзам уште неколку диоди, бидејќи немав такви кои можат да издржат толкава струја.

Пробај со послаби, ама не ставај голем товар, нешто само колку да тече некоја струја низ него, 200, 300mA, само колку за проба .

Е, сега, дали можам да го користам напојувањето како што дава 24 волти, без да го модификувам т.е да правам измени за да добијам пад на напонот, туку да си биди како што е склопено? Односно со 24 волти на излез место предвидените 30 волти.

Јас не би го користел така, а ти како сакаш. Операциските засилувачи работат над граница од нивниот максимален работен напон... а ти, како сакаш.

Или смени ги TL081 со некои други операциски засилувачи со повисок работен напон (не знам дали има некои со повисок работен напон од +-18V или 36V ).