Лабораториски извор на напојување 0-30V / 0-3А

[Atanas]

Го спуштив напонот до 30V на пин 7 од операциските, но повторно иста ситуација.

[GigaWatt]

Држи ја фиксна вредноста на потенциометарот за излезен напон (на пример, 20V), подеси ја излезната струја на максимум, стави некој товар (отпорник) и види дали ако го вртиш RV1 ќе се менува напонот на пин 6 од U2.

[Atanas]

Вртев, вртев и ништо. На ниеден операциски напонот не се промени ( на пин 6 ) додека го вртев RV1.

[GigaWatt]

Има шанси делумно да си ги зезнал TL081 кога си ги приклучил на 39V.

А P1 кога го вртиш, се менува напонот на пин 6 од U2?

Исто така, провери го и R10 и RV1, дали ја имаат онаа вредност која е декларирана и дали RV1 ја менува отпорноста на пинот на кој треба да ја менува (ротирај го RV1 и мери на унимер дали оди од минимум, нула, до максимум, но мери во однос и на двата пина, бидејќи во конкретниот случај, RV1 е врзан како напонски делител, а не како реостат, така да, и двата крајни пина се во игра, не само едниот или другиот).

[Atanas]

Да, се менува напонот на пин 6 кога го вртам потенциометарот за напон. Кога е напонот нагоден со потенциометарот на излез да биде 0V,  на пин 6 е 5V.

RV1 е 100К оми и го одлемив за да го проверам и е во ред. Исто така и отпорникот. Операциските ги заменив со нови.

[GigaWatt]

Хммм... ај провери ги R11, R12, R14, C4, C6 и C9, дали одговараат со декларираните вредности.

[Atanas]

Сите вредности се во ред.

[GigaWatt]

Види дали се менува напонот на пин 1 и пин 5 од U2 кога го вртиш RV1. Мери од пин 1 и пин 5 према маса (минусот од напојувањето).

[GigaWatt]

Ама ги имаш згрешено и ознаките на U1, U2 и U3 на плочката, вака се правилните ознаки.

[Atanas]

Згрешени се да, бидејќи од кога ги обележав на таа слика со ППК, тогаш проверив во шемата. Ама нема врска, бидејќи разбирам што ми велите. Ќе проверам. 

[Atanas]

Не се менува. И во двата случаи покажува -4.6V ( негативен напон? ).

[GigaWatt]

Во однос на маса . Ај мери напон на R10. Едниот пин му е врзан за маса, другиот за лизгачот на RV1, не може да даде негативен напон на крајот кој му е врзан за RV1, мора да биде позитивен. И пази со мерните сонди, црна на негативен пол, црвена на другиот крај на R10 .

[Atanas]

Сондите се во ред. Црвена на отпорникот чиј пин е поврзан на RV1, а црна на другиот крај. Повторно имам негативна вредност, кога ќе ги сменам сондите станува позитивен.

[GigaWatt]

Црвена на отпорникот чиј пин е поврзан на RV1, а црна на другиот крај.

Види дали тој друг крај е маса... да не не е маса. Спред шемата, R10 треба да биде врзан за едниот крај на негативниот пол од напојувањето (маса), а на другиот за средниот пин на RV1.

Рече дека си ги сменил операциските засилувачи? Какви стави? Купечки, од кај нас? Ај пробај заротирај ги (U3 на местото на U2, U2 на местото на U1, U1 на местото на U3), да не се појави некој друг проблем при ротација, бидејќи тоа би значело дека нешто не е во ред со операциските засилувачи.

Ако повторно не се смени ситуацијата, елиминирај ги RV1 и R10, извади ги од плочката, види дали тоа ќе смени нешто (дали така евентуално ќе добиеш напон на излез повисок од 24V).

[Atanas]

Мерам напон точно на отпорникот R10 кој се наоѓа на ППК во десниот долен агол, одма до RV1. Едниот пин е поврзан на средниот пин од RV1, а другиот на маса, претпоставувам сум точен. Што се однесува до операциските, ставив исти, само нови, не користени. Ќе пробам да ги ротирам. Во случај да ги одлемам R10 и VR1 што да направам на нивно место, да прелемам нешто или само така да оставам?