Пирограф

[LordZi]

Овој пирограф го изработив бидејќи ми беше потребен за она со што се бавам, а не сакав да дадам стотина и повеќе долари колку што коштаат фабричките, кои иначе, според мене, се озбилно преценети за она што го нудат. На повеќето поефтини (хоби) модели е нагласено дека не смее да се користат повеќе од саат-два континуирано иначе се прегрева трафото внатре, што беше неприфатливо за мене и главен поттик да си направам нешто свое. За повеќе од година дена, колку што го користам овој пирограф, а некогаш знае да остане вклучен и по цел ден, трафото едвај станува млако на допир.

Во кратки црти овој пирограф претставува трафо кое на секундар дава малку волти и многу ампери, врзано преку регулација.

Кај мене трафото е околу стотина вати, секундарот е премотан со десетина намотки лак-жица со дијаметар 1,5mm (таква имав, може да се стави и подебела), регулацијата е обичен димер изваден од стара правосмукалка. Тука може да се употреби било кој димер наменет за индуктивни товари, го имам пробано и овој, одлично функционира:
http://elektronika-mk.net/index.php?topic=4219.0

Кутијата е од старо напојување од Комодоре64, земено од бувљак за џабе...





Внатрешноста со трафото и регулацијата:




Излезните буксни се врзани директно на секундарот од трафото:



Најголем проблем е изработката на рачката, за ова се идеални клеми какви што се наоѓаат во поновите ел.броила, имаат четвртаст пресек и должина од 5-6cm и доста се издржливи и робусни. Клемите се раздвоени со долго тенко парче од некој подебел пертинакс што го имав дома. Врз сето тоа се навлечени обични плутени тапи кои одлично изолираат и топлината од врвот воопшто не се осеќа:




Врвовите се правени од 0,8mm жица за греачи, кована и шмирглана во разни форми кои што се потребни. Идеално би било на деловите каде што се штрафат за рачката да им се навлече и стегне во преса некое бакарно или месингано цевче, за да се загрева само врвот, ама не најдов некој што ќе го направи тоа, па засега остануваат вака:
 


За крај, можда овој пирограф не е личен како фабричките, посебно рачката, ама итекако си ја врши својата работа...

[DX-er]

Одлично изработено и одлична презентација.

[batka]

Напомена од мене за оној што сака да го купи : со уште еден евтин додаток уредот може да послужи и како режач за стиропор.

[LordZi]

Batka, не е овој за продажба, во меѓувреме направив уште еден и го дадов, ама овој е само мој...

[ShAdOw]

Одлична изработка LordZi, трафото мислам дека е извадено од црно бел телевизор .

[batka]

Па,Лордзи ако сакаш да  режеш стиропор,  јави се да ти дадам нацрт за сонда...

[LordZi]

Одлична изработка LordZi, трафото мислам дека е извадено од црно бел телевизор .

Од телевизор е, ама во боја...

Па,Лордзи ако сакаш да  режеш стиропор,  јави се да ти дадам нацрт за сонда...

Стави го овде, нека го има и него во темата...

[MarkoMK]

Ова „пирограф“ самото име кажува дека со топлина се пишува нешто.. па ме интересира за што конкретно се користи ова ??

[GigaWatt]

Најчесто за „пишување“ на дрво и слични „материјали“ (се што дала мајка природа, а може да се исуши и да се користи за украс ) колку што знам .

Одлична изработка LordZi, како и секогаш .

Само сакав да прашам, нели може за нешто вакво да се искористи и пиштол-леткум? Колку што знам, принципот на работа е прилично сличен. Може да се искористи само трафото, а за рачка... е да, таа ќе мораш сам да ја правиш :S.

[LordZi]

Само сакав да прашам, нели може за нешто вакво да се искористи и пиштол-леткум?

Може, зошто да не, само треба да му се додаде регулација...

[GigaWatt]

Па... тогаш не ми е јасно од каде толкави цени им ставаат на купечките прирографи .

[LordZi]

Додека има овци, ќе има и џемпери...
Во повеќето фабрички пирографи под 100$ има едно мизерно трафо од 50-на W што после саат-два се вжештува, ама е спакувано во убава кутија, со убава рачка, постоље и се останато, е сега, пошто повеќето корисници под пирограф подразбираат нешто налик на леткум со изменливи врвови во разни форми, не е тешко да им го продадеш ова „чудо на техниката“ многу повеќе од што стварно вреди.
Иначе, постојат и квалитетни уреди, професионални, наменети за континуирана работа, што поддржуваат истовремено користење неколку рачки, ама и цената им е соодветна.

[GigaWatt]

Па практично гледано, може само рачка да купиш и да си го користиш овој .

[LordZi]

Може, или може да си направиш сам и тие пари да ги потрошиш на пиво...

[nsu]

Браво бе LordZi   како секогаш одлични и иновативни ти се темите од работи по дома си правиш нешто колку само вакви алатчиња постираше по форумов. Мене лично највеќе ми се свиѓаше магнетизаторот и демагнетизаторот на алат кој го направив според твојата тема калемот од програматор од стара машина за перење го извадив како што пишуваше во темата. Сепак да не одолговлекувам другар исто пред неполн месец од обично трафо и рачка од тесла исто вака направи но машинче за топење пластика место да купува купечко. Две и тоа направи едно послабо а друго со појако трафо само кусо го спојува секундарот и топеше пластика беспроблем едното трафо појакото 6 или 7 ампера даваше на секундар му направивме и регулација. Но баш ми се допадна пирографов комплетна тема се убаво објаснето и убаво си го скоцкал во кутија да го личи