Бидејќи голем дел од она што го знам за сервисирањето на уреди, сам сум го научил, често се сретнувам со определена терминологија (особено по Балканскиве форуми) која најчесто знам што значи, но понекогаш не :S.
Еве, како пример, ќе го земам терминот „испумпај го изводот“... што точно значи ова? Јас мислам дека значи да се одлеми некој извод на определена компонента (најчесто некое интегрирано коло) и да се остави да виси (да нема контакт со лемната точка). По некоја логика, вака го имам сватено, дали сум во право или не, не знам
.
Како и да е, овој post го пишав повеќе како апел до поискусните сервисери кои имаат работено по сервиси и имаат познавање од оваа терминологија, ако имаат слободно време, нека отворат една тема во некоја од секциите за сервисирање (мислам дека најмногу би одговарало темата да стои во секцијата за сервисирање на монитори и ТВ приемници бидејќи и онака овој тип на терминологија најчесто се користи токму при сервисирање на видео техника) и нека ги напишат значењето на дел од овие „сленгови“ и акроними кои се користат во сервисирањето
. Листата може да се надополнува
.
Мислам дека ова ќе биде многу корисно за почетниците, а и ќе се намали бројот на недоразбирања меѓу оние кои бараат помош при сервисирање, а не се сервисери, и оние кои нудат помош, а се или биле сервисери
.
