Проблем со ТВ Samsung CB-512 ZSE

[MarkoMK]

Здраво дечки. Имам проблем со ТВ Samsung CB-512 ZSE. Имено телевизорот си функционира ама потребно му е одредено време да „загрее“ а додека не помине тоа време (околу половина час), сликата е извитоперена односно во горниот десен агол најчесто се појавува црн дел и понатаму целата слика ја извиткува. Еве најдобро преку слика може да се види:



Еве некои слики направив од шасијата:





Иначе телевизоров еднаш ми го поправаше еден пријател, како што се гледа од последната слика најверојатно го сменил транзисторот BU508 D

Па ако знае некој што може да биде проблемот нека каже 
Споено мислење: 16.06.2014, Monday, 22:27:05Инаку заборавив, имам кабловска и како за беља ова ми се случува претежно на нашите канали. На странските од прва си функционира.. незнам зошто...

[GigaWatt]

1) Добро исчисти го секаде, од страната на компонентите, но и од страната на лемовите.

2) Провери да не има ладни лемови на шасијата.

3) Провери да не има ладни лемови во tuner-от.

Сигурно ќе има, така да, прелеми ги сите и види дали ќе се среди проблемот. Ако не се среди, пиши, ќе пробаме и други работи.

ПС: Кога ти е веќе отворен, не е лошо да ги провериш и електролитските кондензатори во напојувачката секција и хоризонталниот отклонски степен.

[SaleSk]

Смени ги сите електролитски кондензатори во меѓуфреквентниот степен.

[MarkoMK]

Здраво,
Го исчистив ТВ-то како што ми кажа Гига и прелемив скоро се околу тјунерот, па можда до пола плоча стигнав..
Исто така како што ми каша Сале ги сменив електролитите околу МФ степенот.. би требало да се овие заокружениве на сликава:



Мали беа со вредности 1 uF, 0,47 uF, 10 uF.

И пак истиот проблем.

Е сега го испробав преку видео на A/V влез и си работи.. ова би требало да значи дека тјунерот не работи ??

Ако има некое друго решение да пробам, ако не ќе оди во викендица со boom TV, и онака ми требаше телевизор за таму.

[GigaWatt]

Хмммм... врзи волтметар во напојувачката секција, за 5V-ниот rail и види колкав му е напонот и дали се менува неговата вредност откако ќе престане вака да „игра“ сликата, откако ќе загрее телевизорот.

[SaleSk]

MF степенот ти е тој лево од тоа што си го заокружил, односно тоа уоквиреното со метална како ограда...

Тјунерот, хм, не верувам, но може да биде...

[Toma]

MF степенот е овој. Кондензаторите се опфатени со црвени линии но сепак пред да почнеш да ги менуваш заврти  го тримерот за AGC и намести го во положба крајно лево или десно, кога, сликата што ја имаш е како горе прикажаната во твојот дел!

[MarkoMK]

Ги заменив и овие кондензатори, ама пак исто  
И напонот го измерив, добар е..
Така да се откажувам од поправката
Фала на сите за помошта во секој случај  

[GigaWatt]

Не си требал да ги мериш, директно само си требал да ги смениш. И онака се мали и евтини.

[Toma]

...сепак пред да почнеш да ги менуваш заврти  го тримерот за AGC и намести го во положба крајно лево или десно, кога, сликата што ја имаш е како горе прикажаната во твојот дел!

Не напиша дали го проба оваа !

[MarkoMK]

...сепак пред да почнеш да ги менуваш заврти  го тримерот за AGC и намести го во положба крајно лево или десно, кога, сликата што ја имаш е како горе прикажаната во твојот дел!

Не напиша дали го проба оваа !

Да.. заборавив да напишам. Значи го пробав и ова, нема подобрување.
На некои странски канали од кабловска, како што реков претходно, сликата си е „џам“.. и таму кога ќе пробам да го вртам AGC тримерот лево-десно, во едната крајна состојба се ослабнува сигналот (сликата е со снег) и постепено се подобрува, така да некаде на средина добивам добра слика. Ако продолжам да го вртам до другата крајна положба, нема некакво подобрување, можеби само малце боите се истакнуваат.
Ако ова го направам на останатите канали каде што ми прави проблеми, тогаш само се менува обликот на деформираност на сликата ама не можам да добијам јасна слика.

[Toma]

Дали проба оние канали кои ти прават проблем да ги наместиш на точна фреквенција со помош на " фина регулација (fine tuning).

Ако и тоа не функционира според мене можни се уште две проби.
Со големо внимание и со пластичен „шрафцигер“  да се подместат едно по едно (пробно) јадрата од МФ (IF) трансформаторите лево или десно (пред тоа обележи ја положбата во која се).
Втората проба е да се замени  LA7520 (KA2919).

[SaleSk]

Toчно така...
Направи како што ти вели Тома...
Ова е малку поспецифичен дефект, и е релативно редок...

[MarkoMK]

Дали проба оние канали кои ти прават проблем да ги наместиш на точна фреквенција со помош на " фина регулација (fine tuning).
....

  Не ми се верува дека до ова било проблемот 
Со fine-tuning се си доаѓа во нормала... Ни на крај памет немаше да ми текне

Сега си е ОК телевизорот си работи... фала ви за помошта !

Споено мислење: 12.07.2014, Saturday, 01:04:24Мала дополна..
Тонот малку се „деградира“ кога ќе ја дотерам сликата со fine tuning... Изгледа се уште нешто „го мачи“ ама ова е на неколку канали и не е нешто проблем, за намената за која ми служи ТВ - како „секундарен“ телевизор.

[MarkoMK]

Колеги ако може пак да ве замолам за помош.. Пак се расипа телевизоров, но овој пат не се пали воопшто.
Па да видиме дали ќе има уште една шанса 

Најдов изгорен транзистор BU 508 D кај високонапонското трафо, го сменив но пред да го уклучам сакам да прашам дали евентуално нешто треба да се смени „во пакет„ со тој транзистор, да не ми изгори пак...

еве слика за кој транзистор се работи: