Проблем со монитор AG Neovo F-417

[IGOR_MK.]

Мониторов го користам како втор монитор (помошен), значи имам два монитора на еден компјутер.
Двата монитора се поврзани на графичката од компјутерот на два DVI илези,каде што за главниот монитор има конверторче на HDMI, додека за помошнот конверторче на VGA.
Првиот монитор е нов и работи одлично,додека вториов монитор (помошниот) е купен половен пред 2- 3 месеца, работеше како што треба тогаш ,ама сега има проблем.
Кога ќе ко уклучам компјутерот за разлика од главниот монитор ,овој помошниов добива слика со закаснување (до вчера од 2-3 минути) ,за денеска да направи рекорд , му требаа цели 20 минути, што не беше случај предходно каде што се уклучуваа двата истовремено.
Можам да предпоставам што е проблемот, ама сакам да слушнам ваше мислење.

[batka]

И ова е наградно прашање- се може да биде  - може да биде самиот монитор,а може и графичката,драјверите.Значи може да биде и хардвер и софтвер,ама без да се види и пробаат некои работи,не може точно да се каже од око.Прво пробај со графичките драјвери,а мониторот нормално врзи го на некој РС.

[Bojan]

а да пробаш обратно да ги врзеш мониторите па да видиш дали е до графичката или до мониторот...

[GigaWatt]

Кога ќе ко уклучам компјутерот за разлика од главниот монитор ,овој помошниов добива слика со закаснување (до вчера од 2-3 минути) ,за денеска да направи рекорд , му требаа цели 20 минути, што не беше случај предходно каде што се уклучуваа двата истовремено.

Ајде малку попрецизно. Не ми е јасно, сликата доцни на вториот монитор или доцна се пали?

[batka]

Веројатно доцна се пали,барем така го разбирам.Може да е до кондензатори ,ако мониторот истото го прави врзан на друг РС.

[IGOR_MK.]

Ајде малку попрецизно. Не ми е јасно, сликата доцни на вториот монитор или доцна се пали?

Да доцна се пали ,утре планирам да го проверам на друг компјутер и тука веќе ќе бидеме сигурни дали е излезот на графичката или мониторот.
Доколку е мониторот,ако имам време утре ќе го отворам и тука дефинитвно ќе ја разрешиме мистеријата ,ќе ставам и слики од внатрешноста, напојувањето за пример, да видиме во каква состојба е.
Се мислам дека некој од кондензаторите на напојувањето е, ама ќе видиме сигурно.

[GigaWatt]

Да не предвидувам, ама ова ми мириса на суви електролити... и тоа изгледа повеќе се. Можно е и високонапонскиот електролит во примарната секција да е сув. Бидејќи доцна се пали, тоа значи дека switching контролерот или All-In-One колото за switching во примарната секција пробува да го покрене напојувањето за мониторот, но не може. Исто, можно е и кондензаторот за soft start да е сув. Мене ми личи на проблем во примарната секција.

Но, како што пиша, сликај, post-ирај слики, па ќе видиме .

[filipmkd]

А да не се издуени електролити во секундар ? 

[SaleSk]

Проблем е времето...Залади...До пред некое време беше +20, сеа е 7 степени...
Стави го до некое грејно тело, ке видиш, ке си пали нормално...

р.ѕ. Немој да мислиш дека се зезам...Напротив...Зборувам вистина...
Оваа појава е проследена со тој феномен што го објасни...Значи мониторот има проблем со кондензатори, претпоставувам...Се додека не се отвори, и додека не се постави темата со конкретни детали, може да изиграваме магионичари.
 

[IGOR_MK.]

На она што најмалку се надевав тоа се случи.
Мониторот го приклучив на друг компјутер и работи одлично не доцни воопшто се пали од првата секунда ,но кога го вратив на компјутерот каде што работеше предходно ,истиот проблем доцни oд 2 па до 20 минути кога како.
Сега не ми останува ништо друго туку прво да ги преинсталирам драјверите,да ја издувам на компресор малку ,да ја исчистам ,да се замени нешто на неа евентуално (да се провери), или крајно да продолжам да ја користам вака како што е сега со оглед на тоа дека работи исправно ,додека не купам некоја подобра во иднина.
Што ќе помогне од ова ќе видиме ќе напишам пак, иначе се работи за Nvidia GeForce 9600 GT 1GB DDR2 256 битна графичка на PALIT.



Сликава е од графичката за која што зборуваме, но сликана пред да настане проблемов,( на кулеров му фали една елиса па менував нов кулер и тогаш е сликана).

[batka]

Преинсталирај драјвери и подеси наново двата монитори да работат како 1 и 2 .Има некои опции да се вклучат исклучат,само не видов кој ОС го користиш.Пробај го прво тоа.

[IGOR_MK.]

Windows 7 Ultimate 64 битен.

[batka]

Пробај да најдеш на сајтот на Nvidia оригинал  драјвери за W7 и пробај со нив прво.Види дали грее премногу чипот на графичката,дали има некои кондензатори подуено.Ова графичка има и дополнително напојување па пробај и со друго напојување ,за секој случај.

[IGOR_MK.]

Драјверите сега што се инсталирани се симнати од сајтот на Nvidia пред 3 месеца, оригиналните за Windows 7 64 битен ,затоа што компјутерот го преинсталирав  со нов Windows...(ќе ги преинсталирам повторно).
Температурата мерено со еверест изгледа вака:

Motherboard   25 °C  (77 °F)
CPU   37 °C  (99 °F)
CPU #1 / Core #1   37 °C  (99 °F)
CPU #1 / Core #2   37 °C  (99 °F)
CPU #1 / Core #3   34 °C  (93 °F)
CPU #1 / Core #4   33 °C  (91 °F)
GPU Diode   36 °C  (97 °F)
Hitachi HDP725050GLA360   31 °C  (88 °F)

Евентуално кога ќе уклучам некоја игра од типот на GTA 4 се покачува на 40-41 °C и ни степен повеќе.
Ќе го проверам и напојување ако треба.

[GigaWatt]

А да не се издуени електролити во секундар ? 

Пишав и општо суви електролити . Три пати сум начекал сличен проблем и во два од трите, сув беше електролитот во примарната секција, за чудо, само во еден од случаите еден електролит беше сув во секундарната секција. Затоа и пишав дека можно е проблемот да е во примарот .