Печатење на плочки, трансвер хартија, сито печатење и с.л.

[Devil]

Eдното е плоча од напојување другата е појачало

[krema]

Не знам дали е спомнато, а и да е спомнато добро е да се освежи.
Мене ми изгледа доста едноставен начин на тонер трансфер без пеглање, во скоро време ќе го пробам и овој начин (не ме бива за пеглање, пробав повеќе пати).

btw ... Дали се наоѓа кај нас FeCI3, ми изгледа поедноставно отколку со киселина и хидроген?

[dr-mr]

Како да си направиш дома FeCL3

[bicikle]

Не е баш така глатко како на видеото, користи чист ацетон ( диметил кетанол,го има во еурофарм) а може и со нитро ќе успееш. FeCl3 едино интерхем да прашаш или некоја индустрија.

[krema]

Инаку оваа киселина што ја има по продавниците во литарски шишиња е толку многу разредена што просто не верувам воопшто на концентрацијата, а хидроген 3% мослам дека може да се набави или во аптеки или од некоја болница, клинци сите имаме по дома.

Вака не изгледа тешко да се направи во домашни услови овој FeCI3, а и башка кога ќе направиш пример „литро“ може да стои подолго време без да изгуби од својството што го има.

користи чист ацетон ( диметил кетанол,го има во еурофарм) а може и со нитро ќе успееш.

Не разбрав за што чист ацетон или нитро?

Инаку пробал ли некој на овој начин што го поставив погоре за тонер трансфер без пеглање?

[bicikle]

Ацетонот од продавница не е ацетон, него е отстранувач на лак за нокти, што и не е баш ацетон, има и масла и витамини во него. Исто како на пример што ликерот не е чист алкохол, и не може да го користиш за чистење на пример пошто ќе лепи.
Слични својства има и нитро разредувачот т.е. го раствара тонерот и може да се проба нитро
+ вода/алкохо за оваа намена. Инаку да,сум пробал, но користев многу повеќе ацетон и малце алкохол, но не секогаш ми испаѓаше штампата како што треба.
Може да се проба со отстранувач на лак за нокти, но тој не треба да се раствара и хартијата треба да се притисне озгора, но притоа да не се измести.
Хидроген во слободна продажба има 35% по аптеките, а киселината е 15% (теоретски максимум е околу 30% ) мислам, повеќе не може. Во интерхем има 50% хидроген, но не сум земал.
Алкохол по регулатива е 70% макс, нема појак. 
А гледам има и некоја "специјална" течност, но и најобичен отстранувач на лак за нокти ( не мора да е од Шатци ) ќе брка работа. Еве ја постапката за обичен ацетон

[GigaWatt]

Алкохол по регулатива е 70% макс, нема појак.

Мислам дека грешиш, тоа е алкохол за медицинска употреба. За индустриска, има и 97%-ен, ама не знам дали може да се купи во аптека. Имав купено од Алкалоид „90 и нешто“ процентен алкохол, пред повеќе од 12, 13 години сигурно, дали уште го продаваат, не знам. Искрено, ме ми текнува баш дали беше 97%-ен, ама дека беше над 90%, беше.

А, сега го прочитав тоа за регулативата. Можно е ова да се некои нови регулативи, но тогаш, се продаваше и појак, сигурен сум во ова .

@krema: Е ова, да, би го пробал, ама тоа со пеглите, тракатанците... никогаш повеќе .

[dr-mr]

Не сум пробал до сега со ацетон и алкохол но ми изгледа дека е по сложено од тонер трансфер со пегла, има повеќе чекори и потребни се повеке работи.

Дали има некој работено плочки со ситопечатенје во домашни услови?
Кои бои се содветни за печатенје колку ситно треба да биде ситото?

[krema]

Минатиот месец земав литро од Зегин 95% алкохол, така да тој е најакиот, има и нешто послаб.

Со нитро мислам дека ептем ќе се размачкува, можеби со овој ацетон од аптека ќе брка работа, но мислам дека мешавината на ацетон и алкохол не му дава толку бргу да го топи и лепи тонерот за бакарот  (затоа и го остава 10 минути да реагира) а со тоа се избегнува размачкување на штампата.
Додека не пробам нема да знам

Дефинитивно ова за мене е полесно отколку пегла, кај пегла мора погодиш температура и куп други марифети.

[bicikle]

Да да порано имаше 97% алкохол и можеше да се купи, но сега можеш само како фирма или слично.
Др-мр, топло би ти препорачал да пробаш со ацетон што ќего најдеш во прваа продавница, ако му го фатиш редот ептен профи испаѓаат.
За сито не знам.

[GigaWatt]

Не сум пробал до сега со ацетон и алкохол но ми изгледа дека е по сложено од тонер трансфер со пегла, има повеќе чекори и потребни се повеке работи.

Мене пак поедноставно ми изгледа . Никако не можев да го погодам тоа со пеглата . Или не се лепеше тонерот, или се размачкуваше или се сплескуваше, па водовите се допираа... никако да излезе како што треба :S. Тек по 5, 6, 7 пат ми излегуваше како што треба. Не дека имам направено стотици плочки со тонер трансфер, ама кога прв пат ја објаснуваа постапката (не знам каде читав) беше објаснето како „ова е многу лесно, нема веќе маркери, нема веќе ова, она, боза работа, само принтај и пеглај, бла бла бла“ . И јас помислив, ај да пробам... ма не бе, нема шанси, никако да погодам како што треба. Ај, си викам, прв пат ми е, ќе се испраксирам . Прави втор пат... бетер ... првиот пат од 3-ти пат, вториот од 5-ти, 6-ти... ај, пак си викам, трета среќа . Ма не бе, јок, третиот пат беше најдолг . Пола тонер истрошив, никако да направам асален трансфер. Можеби уште еднаш или два пати потоа да правев, ама видов ова не иде на поарно, или тапкам во место или одам на бетер и се откажав :S.

Дефинитивно ова за мене е полесно отколку пегла, кај пегла мора погодиш температура и куп други марифети.

Да да, како што пишав, ова дефинитивно би го пробал .

Дали има некој работено плочки со ситопечатенје во домашни услови?
Кои бои се содветни за печатенје колку ситно треба да биде ситото?

Никогаш немам пробано. Кога видов што се треба да имам за да направам сито печатење на плочка, се откажав.

Јас сум на ниет да преправам ласерски штампач... ако успеам тоа да го направам, тоа е раат работа . Е, тогаш, фабрика ќе отворам .

Ама се нема времеее :S... ах, што би дал да има само за мене денот 48 часа .

[dr-mr]

Јас немав проблеми сплескуванје допиранје или слично понекогаш некаде прекинат вод. Целиот процес не траеше повеке од 5-6 мин без нагризуванјето. Имам читано дека завизи и тонерот, дали е нов, полнет каков принтер е   на сите модели на принтери тонерот не се топи на иста температура.
Постапката која ја објаснува тој на видеото  изгледа доста едноставна исто како тоа што си читал за постапката со пегла, едноставна се додека не земеш да ја правиш потоа излегуваат разни з.....( требало повеке тоа помалку другото требало така не така итн итн итн).
Модифицираните печатари за домашно правенје плочки се добри, уште  и ако може да се печати легенда на плочката. конкуренција на Кина 
Е кога денот би имал 48 часа !

[LordZi]

Во аптека може да се купи 97% алкохол, знам пошто нон-стоп купувам...
Иначе, јас не се откажувам од пеглата, кога ќе стекнеш пракса околу пегла-температура-притискање-време после сите плочки ќе ти излегуваат како што треба, јас лично не памтам кога последен пат ми се утнала плочка. Целата постапка од печатење до готова употреблива плочка не трае повеќе од саат време, тука вклучувајќи и најмалце пола саат киснење во топла вода со сјај, бушење на дупчињата и времето потребно да се исуши калафониумот. Самата постапка пеглање и нагризување во киселина не трае повеќе од десетина минути.
За нагризување секогаш користам солна киселина на Алкалоид и 30% хидроген + малце вода, во однос од око, можда 20:1 киселина:хидроген. Може да се користи и 12% хидроген од аптека без проблем (со тоа што односот на хидроген треба да биде поголем), па и 9%, но 3% е веќе слаб.

[krema]

30% хидроген од каде? Не сум налетал до сега на таков.

[LordZi]

Ако имаш некоја позната фризерка барај од неа да ти набави, за обична раја мислам не е достапен да се купи. Иначе и 12% ќе ти заврши работа.