Да де, генерално земено, шемата е таа, само што триакот е заменет со MOSFET
.
И да, може вака да се преправи и онаа контролата од копиите на Hakko 936, но, сметајте дека нема да може да постигне повеќе од 300, 350 степени со влезен напон од 18.5, 19, 20VDC колку што даваат полначите за лаптопите. Греачите на A1321 им работат на 24VAC, што во „превод“ значи дека еквивалентниот еднонасочен напон би требало да биде 24 * 1.41 =~ 34V. Единствен проблем е тоа. Имам размислувано на оваа тема и генерално земено, тоа е најголем проблем.
Инаку, чисто информативно, не е погрешно ако лемната станица ја работите на за нијанса поголем напон. За копијата на Hakko 936 која ја правев, не можев да најдам адекватно трафо, па искористив некое кое дава 27V~. Трафото не беше премногу моќно (не беше екстремно поддимензионирано за потребите на лемната станица, но генерално земено, беше за нијанса послабо од тоа што требаше), така да, напонот таман си падна на 24V~ кога ќе почнеше да грее лемната станица
. За разлика од оваа ситуација, на мојата оригинална Solomon лемна станица напонот и паѓа на 22V~ кога ќе почне да грее греачот и автоматски едвај постигнува и 420 степени :S (максимумот на колку е декларирана). А исти рачки имав монтирано и на една и на другата лемна станица, но ете, копијата на Hakko 936 без проблем постигнува повисока температура од мојата дома. И треба време со таа рачка (HQ, Solomon) за да дигне 480 степени (за разлика од A1321, најверојатно со неа многу полесно ќе дигне 480 степени), но затоа некако, по многу загревање, успева да се изгаси контролата за греачот и да крене 480 степени
(мерев со температурна сонда, значи, проверено е
).
Така да, сметајте дека не е „грев“ ако ставите трафо со напон за нијанса повисок од стандардниот 24V~
. Јас би одел и до 30V~ како максимум за напон за напојување на греачот на A1321
... бидејќи сметајте дека напонот сигурно ќе падне барем за 1V~, дури и ако е наддимензионирано трафото, а сигурно за 3, 4, 5V~ ако е поддимензионирано, така да, нема да има проблем
, напонот ќе си падне на, горе-долу, потребниот напон за греење на греачот на рачката
. Вака, можете да користите и за нијанса поддимензионирани трансформатори, но кои според „страндардот“ не го даваат адекватниот работен напон за греачот на рачката
.
Генерално змено, сметајте, греач е (кантал жица) - колу повисок напон му носите, толку повеќе струја повлекува,
. Ако му дадете повисок напон, повеќе ќе повлече, автоматски побрзо ќе загрее, а ќе може да постигне и повисока температура
. Е сега, да, ова му го намалува работниот век на греачот, ама па не е напонот драстично повисок, барем не за греач, така да ова скратување на работниот век не е големо
(ако требал да откаже по 5 години, ќе откаже по 4, 4.5
... големо чудо
).
Можно е да треба работниот напон на некои компоненти да се смени (најверојатно кондензаторите)... знам дека нешто менував, ама тоа беше по моја лична иницијатива и тоа само поради тоа што сметав дека искористените компоненти не беа баш со најдобар квалитет и доволно добро димензионирани за конкретната примена, така да, не го разгледував проблемот од аспект на тоа „повисок наизменичен работен напон на греачот и напојување за контролата“.
